خواطر من قلب الذكريات ج3
فى المقالات السابقة اعزائى القراء تم سرد بعض الكلمات والخواطر ضمن سلسلة خواطر من قلب الذكريات الجزء الأول والثانى
واليوم سوف نستكمل مع حضراتكم الجزء الثالث كما وعدناكم اتمنى ان تنال اعجابكم ..
اقرب ناس
من البدايه انا هحكي قصتي
ما شوفتش يوم هنا
ولا حتي يوم جميل في دنيتي
اقرب ناس في حياتي هما اللي جرحوني
وبقسوتهم ويا طمعهم كسروني
ولما جيت ابدأ حياتي من جديد
واسامح في اللي فات بكل بساطه هدوني
ده اقرب ناس في حياتي هما اللي بكوني
حقي ضاع بايديهم وسرقوني
وكل يوم فرح عنه نسيوني
ووقت الحزن والخداع افتكروني
ده اقرب ناس في حياتي هما اللي جرحوني
انا عمري بقي اضعاف
من كتر اوجاعهم
وشعري شاب من التفكير
وقسوتهم ليا لما حرموني
ده اقرب ناس في حياتي هما اللي جرحوني
قلبي خلاص من ظلمكم اصبح شيطان
حطمتوه واتعلم يبقي قاسي
ونويت والنيه لله اشربكم من نفس كاسي
ويوم ما اشوفكم كده مش هكون ندمان
قلبي خلاص من ظلمكم اصبح شيطان
ياااااه علي القسوه اللي في قلوبكم
ندراً عليا انا مش هسيبكم
وان طالت الايام بيني وبينكم
وعشت وكان ليا عمر انا هنتقم
وقلبي الطيب زمان خلاص فهم
ده اقرب ناس في حياتي هما اللي جرحوني
كسرتوا ليه قلب طيب زي انا
ما حلمش ليكم ولا اتمني غير الهنا
ضيعتوا ليه انسان جميل قلبه اصفي من الهوا
تستنوا ايه من قلب طاهر بايديكم انكوا
وان قصرت الايام بيني وبينكم
انا ليا رب كبير ياخد لي حقي وينتقم ويرد كيدكم
ده اقرب ناس في حياتي هما اللي كسروني
………………………………………………..
حكمة ربنا
شوفت بعينى كل الناس واقفه حزينة على اللى حصل لى
قولت اما أسال فيهم واحد بس ياريته مكنش قالى
الزمان وحرمنى منها والقدر وبعدنى عنها
والفراق ولا كان بايدى ولا حتى كان منها
دا نصيب وجمعنا وقدر وفرقنا
والزمان اهو كان له دور وبعدنى عنها
قصة جميلة وعشنا فيها اتعلم منها كل الناس
اللى ما يعرف معنى الحب عايش لكنه بدون احساس
دى حكمة ربنا ازاى هرجع اللى راح
لو كان عمري بايديا كنت اموت وارتاح
يا حبى ليه بعدت وسبت قلب عايش فى الاحزان
مش هلاقى زيك انتي لا فى مكان ولا اى زمان
ولازم ارضى فى النهاية لازم ارضى باى حال
كان مكتوب علينا البعد من غير كلام ولا حتى وعد
وياريت الجرح عادى كنت صحيت لاقيته اتشال
ولازم ارضى فى النهاية لازم ارضى باى حال
سوف نكمل اعزائى القراء باقي السلسلة من الكتابات في المقالات القادمة .اسعد الله اوقاتكم بكل خير