دماء بنكهة برونفاسي 😈🖤

أنا هونشنّا حفيدة القائد رانوسب شخص عاجز و قاعد على كرسي متحرك، هتفكر مع نفسك و تقول أكيد شخص عاجز بيكون مشلول لا بينطق و لا إنه بيحرك صوابعه للكتابة، ف إزاي بينقل لينا حكايته، دا سببه حدث اسطوري حصل ليا في عز شبابي، بس دا بيتطلب منك إنك تكون شخص قلبه جامد و مبيخافش،  و على أتم الإستعداد أنه يسمع، بس قبل ما دا يحصل جهز قهوتك، و ضوءك الأحمر الخافت، و أقفل تليفونك، و دا خوفًا عليك لأنك في وسط الأحداث الي هتقرأها هتجيلك ماسدج مش هتبقى لطيفة، و صدقني هتخاف، يلا بينا.🚶
في يوم من الأيام، و تحديدًا في فصل الربيع قرر إبن عمي مُريبسُن و قائد إكتشافتنا و رحلاتنا، إننا نختار جزيرة جديدة محدش بيروحلها ، و بالفعل بعد بحث طويل وقع الإختيار على جزيرة ماركنيتشر اليِّ بتكون في المحيط الأطلسي، و بعد حماس كتير مننا جهزنا الشنط، بس كان في شيء جوايا بيقولي بلاش تروحوا المكان دا، خوفت شويه و كنت ناوية أعترض بس لاقيت الفرحة باينة على وشهم و يعتبر دي مش أول مغامرة نعملها، فطمنت نفسي و قولت ميجراش حاجه كلها أسبوع و نرجع البيت.
{شاطئ ميركوروي يرحب بكم}
أول ما قرأت اليافطة قلبي إتقبض، معرفش ليه حسيت إن أنا عاوزة أمشي، بس لو هعترض مُريبسُن هيزعق ليا،  مكنش قُدامي غير إني أسكت، دخلنا الجزيرة و من سوء حظنا إن الشالية اليِّ حجزناه قدامة شاطئ، و أنا قولتلهم ابعدو عن الشط، و لكن كالعادة مابيسمعوش كلامي، حطينا شنطنا جوا و اتقسمنا على غرفتين  أنا و تساني في غرفة، و مُربسن و باشون في غرفة، بالمناسبة نسيت أحكيلكم إننا من عيلة وحدة وكلنا ولاد عم، جدي القائد رانوسب خلف أربع ولاد و كلنا من ولد مختلف،
أكبرنا مُريبسُن، و التاني باشون، و أنا التالتة، و تساني الرابعة، الفروقات بينا مش كتيرة كلها سنتين.
بعد ما ظبطنا الشنط أكلنا و حبو أنهم يكتشفو المكان و لكن المكان في قوة جبارة بتمنعني إني أطلع برا.
ف الآخر طلعت و كل ما بقرب من الشط حاجة بتخنقني، و برغم إننا في الربيع بس في أوراق شجر دبلان و الدنيا هوس  هوس، و مية الشط لونها غريب، وقفت جمبهم و أنا عيني مترفعتش  من على الشط.
= أحفاد القائد رانوسب أهلًا بيكم في مغامرة جديدة و من أحلى الجُزر اليِّ موجودة في المحيط الأطلسي ها عجبكم المكان.
= يا باشا أنت من أحسن الأشخاص اليِّ اختياراتها دايمًا بتكون عظمة.
مُريبسُن مبيبقاش مركز في الكلام اليّ اتقاله، و بيلاحظ علامات الخوف اليِّ مالية وشي بينفخ بصوت عالي
= طلاما خايفة طلعتِ معانا ليه!
مردتش عليه رغم إني سمعاه كويس بس مش قادرة أتكلم، بعلو صوته بيزعق و بينادي عليَّ
= هونشّنا
اتخضيت و بصتله بخوف = في إيه!
خايفة ليه!
ببلع ريقي ووشي كله جايب مية= أنا مش مرتاحة للمكان دا يلا نمشي.
= هتفضلي طول عمرك جبانة ليه! و لا هو خلاص مفيش غيرك الي بيبقى حاسس بحاجة هتحصل متبقيش سلبية.
= كويس إنك عرفاني، بدمع و أطلع أجري على الشالية، خلاص أنا هلم هدومي و مستحيل أقعد معاهم ثانية وحدة.
= مكنش ينفع إنك تجرحيها يا تساني أنتِ عارفة كويس إن إحساسها في الآخر بيطلع صح، بس ربنا يستر بجد و ما يحصلش حاجه لأن الجو هنا لذيذ وحابب أعيش المغامرة شوية، و على العموم كلها أسبوع و هنروح، روحي صالحيها و تعالَ معايا أنت نكتشف المكان و نجيب حطب عشان سهرة بليل.
= معاك يا باشا.
صحيت على صوت مزعج من موبايلي المنبة بيرن مع إن ما ظبطتهوش،  الساعة 12 بليل قومت مخضوضة ازاي نمت كل دا! قومت بسرعة أجري على الباب لقيت الدنيا خرمس  برا مع إن ضوء القمر موجود، بس البحر  شكلة مخيف خالص، روحت على أوضة الشباب و بنادي عليهم محدش بيرد الخوف زاد في قلبي مقداميش طريق غير إني أفتح الباب فتحت الباب ولاقيتهم نايمين روحت صحيت مُريبسُن
جسمي كله بيرتعش من الخوف أنا متأكدة إن فيه حاجة حصلت
= مُريبسُن أصحى و قعدت أخبط على كتفة.
قام و فتح الأبجورة وبصلي بإستغراب
= ايه الي مصحيكِ دلوقتي! و إزاي تدخلي علينا الأوضة. قعدت جمبة و خلاص جبت أخري قعدت أعيط على كتفة و أتوسل ليه إننا نمشي.
= اهدي بس مفيش حاجة حصلت و كلنا بخير، و بعدين ياستي لو على الكلام الفارغ الي قالته تساني ف متزعليش.
بصلتة و أنا خايفة أسأله
= فين تساني!
= يعني ايه فين تساني هي مش نايمة؟
= لما قومت مالقيتْهاش
= ازاي و أنا مشوفتهاش من بعد ما راحت وراكِ علشان تِصالحك.
قومت و زعقت ليه
= يعني إيه! راحت فين تساني.
باشون صحي على صوتي و مش فاهم أي حاجة
= إيه الي بيحصل مالها تساني.
= مش موجودة في الأوضة.
= أنتِ مكبرة الموضوع ليه هتلاقيها قاعدة برا و لا حاجة.
= الدنيا برا خرمس و هي بتخاف من الضلمة هتقعد ازاي!.
مُريبسُن زعق لينا و قالنا بدل ما بتتكلمو نروح نشوفها فين.
جرينا على غرفتنا، السرير محدش جه جمبه و لسه زي ما هو ، قلبي بدأ يدق بطريقة هستيرية، و مكُنتش قادرة أخد نفسي الشباب طلعوا برا بالكشافات و بعلو بصوتهم عمالين ينادوا عليها، جسمي اتكلبش مكاني ومقدرتش اطلع برا الي متأكدة منه إن تساني حصلها حاجة و هيحصلوها الشباب.
قعدت فترة مكاني لحد ما سمعت صوت صريخ من مُريبسُن، و هو بيستنجد بحد، قومت جري عليه و شوفت شيء عمري ما كنت أتخيل  إني أشوفه، جثث ولاد عمي مرمية على الشط، و جسم ضخم واقف في الهوا و بيقتل مُريبسُن، و آخر كلمة سمعتها منه إهربي، مقدرتش أتحرك من مكاني و دموعي  شلالات نازلة على خدودي.
صوت ضخم بيكلمني= أنا ممكن اقتلك زيهم  و لكنك ما بتحمليش دم القائد رانوسب و علشان كدا مش هقتلك و إكرامًا للروح الي جواكِ هسيبك تمشي.
= يعني إيه أنا غريبة عن دم جدي!
= بنت اتبنوها زمان.
= إزاي تعرف كل دا و روح ايه الي بتتكلم عنها، قومت بكل شجاعة و أول مرة تحصل برغم شكله المخيف.
= أنا هقتلك أنت قتلت أعز ناس على قلبي مستحيل أمشي من هنا غير لما أخد روحك.
بيضحك بعلو صوته و بيبصلي بكل شر= متغضبنيش لأن أقدر اقتلك زيهم بالظبط و لكن هسيبك علشان أنتِ الوحيدة إلي هتنقلي الحكاية دي، أنا القائد ميرونساي، صاحب جدك كنت بحمل جوايا قوة خفية محدش يعرف بيها و دا لأني كنت بستمتع بقراءة الأفكار، جدك عرف بيها من خلال قراءته لمفكراتي حب ياخدها مني، راح أتعرف على دجال، و قاله علشان تاخدها منه لازم تقتله، و على طول هتتنقل ليك.
و في أجازتنا اليِّ أخدناها من الجيش أقترح أننا نيجي هنا، مع إن الجزيرة مهجورة.
= إزاي وأنت كان ممكن تعرف هو بيفكر في ايه!
=الدجال عمله تعويذة إني معرفش أفكاره، و في أول ليلة نمت فيها قتلني بأبشع الطريقة، و جه بعد ٥٠ سنة حققت حلمي و قتلت اليّ من دمه.
قعدت أبكي بصوت عالِ أنا ازاي همشي من هنا أكيد همووت.
= قولتلك مش هقتلك إكرامًا للروح الي جواكِ، بيضحك بعلو صوته أصل أنا اليِّ حضرتها جواكِ، و عقابًا لمعايشتك معاهم هتفضلي مشلوله طول عمرك لو متكلمتيش عن قصتي.
#النهاية.
#جهاد_سالم
#دماء_بنكهة_برونفاسي😈🖤🖤🖤🖤🖤🖤🖤🖤🖤🖤🖤