قصة واقعية (بعد مرور 19 سنه اكتشفت انها مو امي)

ريان عشت وحيد من غير اخوان مع امي وابوي بإحدى الاحياء البسيطة كانت حياتنا جدا بسيطة صحيح كنا ما نملك كل شيء بس تكفي ان السعادة كانت تملا بيتنا رغم البساطة كل شيء كان جميل ونقدر نمشي حياتنا رغم ضعف حالتنا المادية خاصه بعد تقاعد ابوي استمرت حياتنا الى ان جاء ذاك اليوم تغيرت فيه كل حياتي اليوم الذي تغيرت مجرى حياتي الى الأسوأ

اذكر في ذاك اليوم اني كنت في مرحله الثانوية كنا معزومين في بيت عمي كنا جالسين في مجلس رجال انا واثنين من اولاد عمي كنا نتكلم من موضوع الى موضوع ومن سالفه السالفة وفجاه سكتنا واشوفهم يتغامزون الى بعض كأنهم في شيء مخبينا عني  قلت لهم في استغراب يا عيال ايش فيكم شعندكم  في شيء تبون تقولونه
تكلم فيصل وقال ريان  في شيء ما تعرفه وحابين نقوله لك لأنك صرت كبير ما حابين نخبي عنك اكثر من كذا رديت عليهم و انا اضحك يا عيال بلا استبهال  بس رده فعلهم كانت جديه والموضوع ما كان في اي مزح قلت لهم طيب تكلموا بلا فيصل يقول لي القصة  ............

قال ابوك زمان كان ملتحق في العسكرية في منطقه بعيده من هنا كان في الفترة الي كان يقعد فيها هناك فتره طويله  وطر ان يتزوج من المنطقة اللي كان اللي يقعد فيها عشان  تهتم فيه وبيومه وما يكون محتاج لشيء وابوك كان متفق مع المتزوج بها انه ما يجيبون اولاد وافقت في هذا الشيء استمر طول ست سنوات اللي كان يشتغل فيها ابوك بذيك المنطقة وفي اخر سنه حملت واللي كانت حامله فيه هو انت

حملت فيك وبعد ولادتك بشهر او شهرين انتهى عمل ابوك واخذك ابوك من امك ورجع فيك هنا زوجه ابوك ربتك وكبرتك وهي اللي كانت تهتم فيك و تعتبر بمثابه امك بس مو هي امك الحقيقية وامك الحقيقية هي اللي تركها ابوك في ذيك المنطقة وكان لي الخبر مثل المزحة وضحكت بس فأجاني بندر انه خذا المصحف ويحلف ان كل شيء كل الكلام اللي قالوه حقيقي وما كذبوا علي بكلمه انصدمت وما قدرت ارد عليهم بكلمه لميت نفسي وطلعت من البيت يعني معقوله هذه مو امي طولت 18 سنه عايش ابوهم طلعت مو امي طيب ليش ما علموني وليه ما قالوا لي وين امي وين امي وليه تركها لحالها أسئلة كثير كانت تدور في بالي

يتبع................  2