طرح الشخصيات الدرامية من خلال النص المسرحي
دخول جعيدي وبيومي من باب الجامعة الحوار الدائر بينهما
جعيدي / كبير البصصين .... وده بيعمل ... شغلته اية يعيني ....؟؟!!
بيومي / حاجة كدرة زي وزير الاعلام عندنا .... كان الواد سلامة السنة اللي فاتت يعقد جنبي ويوصف كل واحدة ... مشيتها ازاي .لابسها
عامل ازاي الجيبة فوق الراكبة ولا تحت الراكبة والبنطلون دقيق ولا واسع واهم ما في الموضوع بقي فتحة الصدر ... لاني انا
يا جعيدي بجمع داتا عن كتاب اسمه النساء والسلطة وعايز اعرف مدي تأثير الملابس علي السلطة اية وها تبقي دي شغلتك
يا جعيدي من هنا ورايح ..؟؟؟!!
جعيدي / يعني انا جاي من بلدنا وواخد الثانوية العامة بتفوق وجاي عشان ادرس الجوانين والعدل اشتغل عن سيادتك كبير البصصين
واشوف الواحدة من دول واصفلك بجي دي مشيتها ازاي ودي لابسة اية وفوق الراكبة ولا تحت الراكبة واكون دجيج في فتحة
الصدر ….!!!
بيومي / برافو عليك يا جعيدي
جعيدي / تصدق بالله ...
بيومي / لااله الا الله
جعيدي / انت خسارة فيك الثواب .... ويللا بقي من هنا مع السلامة
( يدخل مجموعة طلبة المارين في طرقات الجامعة يتغير الديكور اثناء مرور الطلبة حيث يدخل جعيدي مرة اخري يشاهد في انبهار للنماذج لطلاب الجامعة ويتجه جعيدي الي شباك شئون الطلبة حيث يقف وراء بنت لابسة كاب علي راسة وشعرها القصير يوحي بأنها ولد )
سمير / ( في ميوعة ) انت يا أستاذ ... يا كابتن .... انت واقف عندك بتعمل اية .....؟
جعيدي / عايز اعمل الكارينة
سمير / انت واقف في طابور البنات
جعيدي / ها لا مؤاخذة ( يتجه الي الطابور المقابل يدخل بيومي في سرعة شديدة ويتجة الي طابور البنات ويقف وراء البنت )
جعيدي / ( يتجه الي بيومي ) انت يا أستاذ .....
بيومي / انا عارف الصوت ده كويس ... جعيدي ....!!؟؟
جعيدي / سايب ليه الجنة ونعيمها ... وجاي للنار وجحيمها مش خايف لا تتلسع ....؟؟؟!!!
بيومي / ( في حجل ) لاء لاء انت فاهم غلط دا انا بدور عليك ... انت كنت فين يا راجل ... دا انا عايزك في موضوع مهم جدا
جعيدي / خير ...؟؟؟!!!
بيومي / انت طبعا معندكش سكن هنا ....؟؟!!
جعيدي / ايوة
بيومي / انت تسكن معايا
جعيدي / اسكن معاك انت ...؟؟؟!!!؟
بيومي / ايوة ... و ليه لاء ... علي الاقل نونس بعض ... وواهو ناخد وندي مع بعض ...؟؟!!
جعيدي / انا مش ماترحلك يا بيومي مين اللي عايخد ومين اللي عايدي
بيومي / ما تبقلش نيتك وحشة كدة يا اخي ... انا عندي اوضتين في سيدنا الحسين ... واهوه تساعدني واساعدك
جعيدي / سيدنا الحسين ده اللي جنب سيدنا الازهر ...
بيومي / قصدي جامع الازهر …. ايوة يا سيدي
( يتحرك جعيدي ويمسك يد بيومي )
جعيدي / اقف هنا عقبال ماخلص الكارينة
بيومي / انت عارف الفراش اللي هنا
جعيدي / لاء .... ليه ....؟!
بيومي / اديي له 5 جنيه وهو ها خلص الكارينة ع طول
جعيدي / انت بتتكلم ازاي يا أستاذ بيومي .... انا برضه ادفع رشوة
بيومي / رشوة
جعيدي / ايوة رشوة لا يمكن ....لا يمكن ابدا ... ده انا داخل كلية الحقوق ... يعني كلية الحق والعدل والمبادئ والجيم
بيومي / خلاص خلاص ... يا سيدي انت حر هاتديني محاضرة عشان عايز مصلحتك
جعيدي / لاء يا أستاذ بيومي ارجوك .... انا لحد دلوقتي مش عايز اخد عنك فكرة مش كويسة
بيومي / خلاص انا غلطان ... فكرة مش كويسة ... رجل المبادئ والقيم
( تدخل حنان الي المسرح وهي تبحث عن شباك شئون الطلبة )
حنان / لو سمحت ... شباك شئون الطلبة سنة اولي فين ....؟
جعيدي / ده اللي قدامك علي طول
حنان / متشكره جدا
بيومي / اعرف اسمها ... اعرف اسمها ....
جعيدي / انت يعني
بيومي / خلاص ... خلاص ... قفل
طالب / دورك يا أستاذ ... يلا بقي عايزين نمشي
جعيدي / ايوة حالا اهوه ( يتحرك الي الطابور ) امال فين الموظفة ....؟
موظفة / راحت الحمام
جعيدي / طب اتفضلي انت يا انسة ....
الموظفة / أولا انا مدام .... ثانيا انت مش اختصاصي
جعيدي / خلاص انا اسف
الموظفة 2 / ايوة عايز اية ...؟
جعيدي / عايز اعمل الكارينة
الموظفة 2 / ملفك لسة ما جاش
جعيدي / ارجوكي يا مدام ... بص كده علي الأسماء كويس
موظفة 2 / أولا انا لسة انسة ... ثانيا ً لسة ما تجوزتش ... ثالثاً مش ناوية اتنيل اتجوز انا فاهم ولا لاء
جعيدي / طب خلاص ... وكتاب الله المجيد خلاص .... يارب .... ولا بلاش
موظفة 2 / انا مش عارفة الاشكال دي بيجبوها مين ....؟! اف
جعيدي / شفت يا بيومي ( يضحك بيومي في سخرية )
بيومي / مش قلت لك .... تعيش وتاخد غيرها
وسوف نستكمل النص في الحلقة القادمة تحياتي لجميع الأصدقاء
