المراهنات دمرتني نفسيا

خطر المراهنات الالكترونيه 

 

 

 

  اسوأ حاجه ممكن تحصل لحد انها تكون من نصيبه حسبي الله ونعم الوكيل ليه الواحد يعمل في نفسه كده ويخسر سمعته وأهله وحبايبه وشغله علشان خاطر المراهنات معرفش هو ده طمع ولا ايه بس فعلا لو حد عايز يخسر كرامته وسمعته وشغله وحبايبه وحياته يروح يجرب المراهنات حسبي الله في اللي علمهالي انا اتدمرت منها ومحدش بيثق فيا دلوقتي بسببها كنت من احسن الناس في مجالي والكل بيشكر فيا بس للاسف انا نفسيتي زفت وحياتي زفت بسببها رجعت تاني بس مش زي الاول خالص مفيش ثقه حاسس حياتي تقيله عليا وحاسس بضيق في صدري وحاسس اني مش قادر اكمل كله بسبب المراهنات معرفش كان تفكيري فين وانا بجرب الالعاب دي والفلوس اللي جايه منها ومعرفش مسالتش لي نفسي وانا بجربها ازاي هصرف من الفلوس دي وهيا كده وانا اصلا متعبتش فيها الواحد ندمان بشكل اقسم بالله ومحرج من الناس كلها القريب والغريب بس انا تستاهل انا اللي وصلت نفسي لكده رحت سافرت وجيت اشتغلت برضو علشان اسدد الفلوس اللي كانت عليا من المراهنات انا خسرت فوق ال 40000 وممكن اكتر كل ما كنت بقول اخر مرة كنت برجع تاني بس ده ضريبة أن الواحد فقير لو كان غني شوية كان هيبقي احسن ومكنش هيبص الحاجه الحرام اوعي يا صديقي تغلط نفس غلطتي وتجرب الالعاب دي دول بيستدرجوك وانتا مش واخد بالك 

الدين و المراهنات

بعيدا عن اني كنت عاصي ورجعت ونبت لربنا الا اني برضو بدفع تمن خطئي اني لعبت مراهقات رغم علمي أنه حرام وهتحاسب عليه معرفش ازاي غلطت الغلط ده بس ربنا ان شاء الله غفور رحيم وهيسامحني اينعم انا بصلي ودبقرأ قرآن بس للاسف ماخدتش العبره ولا العظة من كتاب ربنا بس ده مش نهاية العالم وربنا هيغفرلي ان شاء لانه قال إن الله لا يغفر أن يشرك به ويغفر ما دون ذلك لمن يشاء فربنا غفار وهيقبل توبتي ان شاء الله وارجو من كل الإخوة أن تدعو لي بالهداية وألا ارجع الي هذا الفعل القبيح الذي والله انخدعت به وندمت أشد الندم عليه 

حياتي بعد المراهنات 

حياتي بعد المراهنات الحمد لله مش احسن حاجه وكل أما افتكر اللي أنا خسرته بقعد زعلان ومضايق ومقهور بس بقول لنفسي انت السبب وطمعك السبب وجرأتك علي المعصية السبب حسبي الله ونعم الوكيل في اللي علمني المراهنات وفي اللي عرفني عليها كانت خراب الوالد مبقاش يبص فوشي والوالده ثقتها فيا راحت وانا ثقتي في نفسي صفر وطول اليوم تعب وقهر نفسي كله بسبب لعبة قولت أنها مجرد تجربة وخلاص مش هلعبها لقيتني انغمست فيها وخسرت اللي ورايا واللي قدامي بسال نفسي والله ليه البني آدم بيحب لنفسه الحاجة الصعبة والحاجه اللي فيها في آخرها هلاكه لي طيب علشان النفس إمارة بالسوء طب مفيه ناس تاني وعايشه حياتها ميت فل وعشرة بس للاسف احنا المشكله فيا انا في عقليتي انا انا السبب فيها عالعموم ربنا يسامحني ويقبل توبتي وانا عهد بيني وبين ربي اني مش هرجع تاني خلاص لأن الموضوع كده زاد عن حده جدا واخر حاجه يا اخواني ارجع واقول اتمني تدعولي بالهداية وان ربنا يهديني ويثبتني علشان مارجعش للموضوع ده تاني لانه فعلا موضوع مؤذي نفسياً وجسدياً وكل حاجه بصراحة اوعي يا صديقي تجرب المراهنات وربي هتندم ندم شديد خلاصة القول المراهنات هلاك للبشر وخسارة ومفيش منها اي مكسب والمكاسب بتاعها حرام والفلوس اللي بتيجي منها لتضيع في حاجات تافهه زيها مش بتنفع لا دي بتضر لأنها اصلا فلوس حرام لازم تركز علي كلمة حرام دي كويس وربنا يهدي كل حد بيلعب العاب المراهنات علشان والله هو في غفله جدا اي نعم الفلوس مغرية وكده بس برضو الحرام مش بيدوم فيا صديقي دي نصيحه من واحد طلعت عينه في تسديد ديونها اوعي ثم اوعي تقع وتغلط نفس غلطي والله الندم وكسر النفسيه وحش خالص وربنا يهدينا جميعا يا رب يا شباب ويا احباب والسلام عليكم ورحمة الله وبركاته

قراءة المقال 

متنساش يا اصدقائي تقرأو المقال بالله عليكم😅