مالا تعرفه عن الحضاره المصرية القديمة

الفرعون الساحر ، المخيف من اغرب الفراعنة 🤨👽
الفرعون نختنيبو الأول مؤسس الاسره الثلاثون كان ساحراً عظيماً ،
فعندما يهاجمه عدو كان ينعزل في غرفة (مخصصة للسحر)
ولديه دمى على هيئة جيش ،
فيتلو التعاويذ والطلاسم ،
ثم ينفخ على الدمى فتعصف الريح في وجه أعدائه على أرض المعركة ، وينثر الماء فيغرقهم المطر وتفرقهم الصواعق ،

وكانت الشياطين كذلك تحارب مع جيشه ،
بالإضافة إلى تماثيل خشبية كانت تدب فيها الحياة عندما يأمرها ،
ثم تعود جماد بعد المعركة.

لكن الملك الفارسي أرتحششتا (أرتكسشثرا)
أتى بأعظم السحرة من جبال تركيا واليونان ، فقامت حرب غريبة ،
حارب فيها الشياطين بعضهم البعض ،
والبشر بعضهم ،
والتماثيل الخشبية بعضهم ،
وهكذا هُزم الفرعون الساحر ، وإحتل الفرس مصر

لكنه لم يُهزم تماماً ،
فالأسطورة تقول أنه إتخذ هيئة (حورس) الصقر ،
وحلق حتى مقدونيا - تركيا ،
ودخل على الملكة الساحرة أولمبياس زوجة فيليب المقدوني
فحملت من الفرعون الساحر ،
وأنجبت الأسكندر ،
الذي سينتقم لأبيه من الفرس ،
وسيحتل كل ممالك العالم 

هل المصريين القدماء كانوا عراه ؟ 
طب مفيش لبس شتوي؟
قبل ما ارد علي السؤال ده عاوزة اقول ملحوظه
مينفعش تتكلم علي حاجه يكل ثقه و انت مش دارس كل جوانيها هتقولي انا روحت المتحف و شفت خفرع لابس "جيبة" اللي هي النقبة الملكية و صدره باين و حافي .. و شفت سيدات متصورين عاريات الصدر فخلاص بقي الشعب ده كان ضايع ايه ده هو مفييش اخلاق و لا ايه !! 
حضرتك طب شفت المقابر.. ؟ دخلت مقبرة؟ شفت اصلا الملابس المصرية اللي فالمتاحف .. شفت طيب الصنادل الملكية!! غالبا لو ده كلامك فهتكون اجابتك لا.. 
اما ردي ع سؤالك بقي .. 
اللي بنوا الهرم دول اللي الناس مش مستوعبه هو اتبني ازاي..
مش هيعرفوا يعملوا لبس؟؟ ايه عندهم نقص فالكتان ؟
اولا من خلال مناظر المقابر و التماثيل المصريين كان عندهم ملابس شتوية و كانوا بيلبسوا اكتر من طبقة فوق بعضها و كان مشهور عندهم جدا انهم يلبسوا طبقات شفافه علي الملابس و الملك اللي انت شايفه عاري كان بيلبس صنادل ذهبيه !! اللي بتقول عنهم عريانيين كانوا بيلبسوا في رجلهم دهب!! 
و لكن اللبس اللي متعارف عليه للملك كان هو النقبة الملكية و الصندل و التاج.. زي البدلة كده دلوقتي!! ده الزي الرسمي..
و بطبع مصر انها حارة و ان الرجال يتشتغل فطبيعي هيفضلوا النقبة اللي هي "الجيبه" .. لانها اريح.. و كان في منها الطويل و القصير .. و كانوا بيفضلوا القصير عشان اريح.. 
و لكن كانوا بيلبسوا شتوي عادي و جمعتلك الصور عشان تشوف بنفسك و اذواقهم كانت احلي مننا بمراحل..
و احلي و اجود انواع القطن و الكتان كانت عندهم.. 
طبعا بقي هنيجي للسؤال الكبير
هي ازاي الستات كانت بتلبس ملابس ضيقه جداا و ازاي كانوا بيقي صدرهم عاري؟
حضرتك بص عارفه انه صعب علي البعض فهم الموضوع ده 
بس افتح كده صور الستينات في مصر ..
هتتصدم بالستات هتلاقيهم لابسين مايوه و قاعدين ع شط الاسكندرية و فساتينهم قصيرة جدا لو في بنت لبست لبس الستينات اليومين دول هيتقال عنها بتنشر الفسق و الفجور!! مع انه فالستينات كان عادي جدا و كانت لو شافها راجل بيقولها "بنسوار يا مدام". !! 
هل مثلا الرجاله زمان كانوا مجانين!! 
لا خالص بس ده حاجه الناس متعودة تشوفها عاديه .. و كل الستات بتعملها و كان في ادب و اخلاق و خصوصية .  !! فلا في معاكسات ولا هما حاسين اصلا انها حاجة غريبه 
او اصلا فيها شيء مثير او غريب!! 
لانهم اتولدوا لقوا كده..
في مصر القديمه بقي
كان في ملابس عاريه الصدر و كان عادي جدا .. مفهاش اي مشكله و مش معناها انه قله احترام.. هو اسلوب فاللبس و هما اعتبروه كده ! و مكنش ده اللبس الغالب بل كان نادر .. اللبس الغالب كان بيبقي مش عاري الصدر بل فساتين طويله و جميلة جدا و قلادات واسعه  ..
و مقياس المجتمع عندهم غير مقياسنا دلوقتي .. 
الخلاصه
مصر كان فيها كل انواع الملابس
اجواد انواع الكتان و القطن ..
احلي ملابس و اذواق عدت علي البشريه
ملابسهم و احذيتهم كان كتير جدا منها من الذهب و كل انواع الاحجار الغاليه و الاحجار الكريمه.. 
Mohamed Alfhakhry