فيلم الاثاره البوليسي Seven1995

 البدايه Seven 1995

في البدايه قبل ما نتكلم علي الفيلم خلينا متفقين أن كاست الفيلم يعتبر من اقوي الكاستس اللي ممكن تشوفها في حياتك و ده لانه ليجمع (براد بيت) الممثل الشاب صاحي الوسامه و الكاريزما العاليه مع الممثل العبقري (مورجان فريمان) غير طبعاً باقي الممثلين التانيين يلا بينا نبدأ نجزأ الفيلم من حيث الجو العام الأماكن التصوير الاخراج بعد كده التمثيل و الأداء بعد كده القصه في الآخر ايه اللي بيميز الفيلم ده عن باقي الافلام 

الجزء الاول :الجو العام 

الفيلم بيدور أحداثه في مدينه مجهوله حيث معدل الجريمه العالي و أصوات سيارات الشرطه البيئات اللي تم تصوير الفيلم فيها كانت عبقريه لأنه عكس الظلامية و السوداويه في الفيلم بمجرد ما هتتفرج هتندمج مع الأحداث بسبب الجو بتاع الفيلم بس الفيلم ماوقفش لهنا 

الجزء الثاني :الاخراج 

الفيلم ده مش هتلاحظ إنه فيلم قديم بسبب دقه التصوير كمان المخرج عبقري قدر يدخلك في مود الفيلم من اول دقيقه حركه الكاميرا كمان كانت روعه انتقاله من مشهد لمشهد متحس بحاجه غلط مع كمان المشاهد اللي في نهايه الفيلم حرفياً كانت حاجه فوق العظمه بس كانت المشكله في حاجه بسيطه الاضاءه خافته جداً لدرجه ان في مشاهد هما في اوضه ضلمه و مشغلين كشاف بس مش واضح الممثلين و في بعض المشاهد اللي مش هتلاقيها واضحه بس الأغلب هو أبدع فيها 

الجزء الثالث:الأداء التمثيلي 

الجزء يكاد يكون هو السبب الرئيسي لنجاح الفيلم اولا وجود ممثل قوي زي (مورجان فريمان) مع الممثل( براد بيت) اللي قدر ينجح في وقت بسيط  نبأ الاول ب(مورجان فريمان) هو قائم بدور محقق شرطي و كان بيستعد للتقاعد من العمل بس في الاسبوع اللي قبل التقاعد بيحصل احداث كتير بتخليه أنه يستمر في التحقيقات بسبب غموض القضايا التمثيل بتاعه كان فوق العظمه و خصوصاً في المشاهد الاخيره الممثل كل اللي اقدر اقول عن اللي عمله أنه أبدع 

(براد بيت) قائم بدور ظابط تم نقله في الاسبوع اللي بيحصل فيها اول جريمه 

بتشوف أن الظابط الشاب ده عنده حس العداله عالي و كان عايز يتقرب من المحقق اللي كان دائماً يبعده لحد ما بيتقاعد المحقق و هو بيبقي مكانه وبس بيكتشف ان الموضوع كبير و محتاج لحد خبره ف بيستعين بالمحقق المتقاعد مش بس كده كمان جايبينه متزوج و عايش في شقه جنب محطه القطار  اللي يشدك في شخصيه (براد بيت) أنه ليمثل بهدوء مش مفتعل مش محتاج يصرخ أو أنه يبان درامي بتعامل طبيعي جدا و ده سبب من الأسباب اللي تخلي دوره يبقي مميز و خصوصاً اخر مشهد اللي مفروض يبقي في قمه الانفعال هو عمله ببساطه تصدقه فعلاً 

الجزء الرابع :القصه 

القصه تبدأ في مدينه مجهوله بيحصل فيها جريمه قتل و الضحيه كانت ميته بطريقه غريبه و هي كانت أنه من كتر ما اكل اكتر من حاجته انفجرت الأمعاء عنده و ده كان لغز بالنسبه للمحققين استمروا في تجميع الادله لحد ما توصل محقق أن القاتل بيستعمل الخطايا السبعه كمرجع ليه للقتل لان اول جريمه بتدل عن الشرهه طبعاً المحققين و الشرطه كان بيستعدوا للقبض علي المتهم لكن كل محاولاتهم بائت بالفشل لحد ما القاتل بيسلم نفسه المحققين بيستغربوا هو ليه سلم نفسه مع أن في خطيئتين لسه ما نفذهومش بيفاجئهم القاتل أنه في جثتين لسه ما حدش كشف أمرهم كان شرطه أن المحققيين أنهم هما اللي يحضروا بياخدهم لمكان معزول و بيوصل طرد للمحقق (مورجان فريمان ) و هنا تأتي البلوت تويست اخر جريمتين هما الحسد و الغضب القاتل هو الحاسد اما( براد بيت )

هو الغاضب الطرد بيبقي فيه راس زوجة المحقق الشاب و في مشهد مؤثر دموع الزوج اللي فقد زوجته و ليرفع مسدسه عشان يقتله لكن المحقق صديقه ليطلب منه أنه ما يعمله كده عشان ضد القانون و عشان مايتسجنش لكن خلاص كان الغضب تملك منه و قام بقتل القاتل المتسلسل أو نقدر نقول الحاسد 

الجزء الخامس :ايه اللي بيميز الفيلم

الفيلم مميز بسبب الطابع البوليسي مع كمان تسلسل الخطايا مع كمان إبرازه أن حتي لو كنت شخص تتمتع بحس عداله هيجي يوم غضبك يعني عنيك مش عشان انت مختلف أو قاتل لا عشان هو فقد حاجه عزيزه عليه المميز في الفيلم كمان أنه غير تقليدي و ممتع بصرياً و قصصيا و كمان فلسفيا 

في النهايه

اتمني انكم تكونوا استمتعوا بالمقاله و لو في اخطاء ليا فده عشان اول مره اكتب فأعزروني لو في اخطاء املائيه أو سرديه و بس كده استناكم في فيلم جديد و قصه جديده المره القادمه 

سلام