رواية قتلت زوجى حبيبى

               قَتَلْتُ زَوْجِي حَبِيبِي

الجزء الثالث — الفلاشة

بعد أسابيع من الهروب، كان واضح إننا مش هنفضل مختبئين للأبد.

رجعنا للشقة فى وقت متأخر، ودخلنا مكتب ياسر. فتشنا أوراقه بهدوء، ولقينا ملفًا قديمًا عن تحويلات مالية، وبعض الرسائل المطبوعة، وفلاشة صغيرة مخبأة داخل درج مقفول.

الفلاشة كانت محمية بكلمة سر.

أحمد ساعدنا نفتحها، وبعد محاولات عرفنا كلمة السر من تاريخ قديم كان مرتبطًا بحياة ياسر قبل جوازنا.

كنت متوقعة نلاقى مستندات عن القضية.

لكننا لقينا فيديو.

الفيديو كان لياسر مع امرأة لا أعرفها.

وقتها انهرت.

لكن وسط الصدمة، لاحظت حاجة: الفيديو مش حديث. الملابس، شكل الغرفة، وحتى هاتف ياسر القديم الظاهر على طرف الصورة، كلهم كانوا يشيروا لفترة قديمة.

قلت لأحمد إن فيه حاجة غلط.

ليه ياسر يحتفظ بفيديو قديم؟ وليه يخبى الفلاشة؟

وبينما كنا بنحاول نفهم، افتكرت حلم شوفته بعد الليلة الأولى: ياسر كان بيمد لى الفلاشة، وبعدها دبلة جوازنا.

يمكن الحلم ملوش معنى.

لكن ياسمين قالت إن ياسر قبل جوازى منه كان اتخانق مع والده بسبب بنت كان متعلق بيها، وإنه وقتها ساب البيت كام يوم وبعد فترة رجع وصالح بابا والعلاقة بينهم اتحسنت وبعدها بفترة كنا اتجوزنا, انا وياسر بس اتفقنا ان الماضى ملهوش مكان فى حياتنا ,لكن واضح انه فيه اجابات كتير منه محتاجنها دلوقت..

اسم البنت كان نهال.

الجزء الرابع — نهال

بدأنا ندور على نهال حسن إبراهيم مين هى وراحت فين.؟؟

عرفنا إنها كانت على علاقة قديمة بياسر وبعد رجوع ياسر لبيت والدة، بعد فترة قصيرة اتجوزت رجل أعمال اسمه رامى المنشاوى.

الاسم صدمنى أكثر مما توقعت.معقول!!!

رامى كان صديق ياسر القديم. لكن يس قال إن علاقتهم انتهت من حوالى أربع سنين بعد خلاف كبير.

هنا بدأت أربط الأحداث.

نهال اختفت قبل جريمة ياسر بحوالى أربعة شهور. ورامى سافر خارج القاهرة بسبب شغله، حسب المعلومات المتاحة.

أحمد قال إن الفيديو القديم ممكن يكون سبب خلاف ياسر ووالده ,وبعد انفصاله من نهال وارتبطها برامى ،حصل الخلاف بين ياسر ورامى  لكنه مش بالضرورة سبب الجريمة الحالية,

وفى نفس الوقت، قدرنا نلاقى تليفون ياسر لكن كان محذوف رسايل كتير منه 

أحمد قدر يسترجع جزءًا من الرسائل المحذوفة من هاتف ياسر.  كان فيه رقم مجهول بيرسل لياسر رسائل تهديد وآخر رسالة كانت واضحة:

"المرة الجاية مش هتكون مجرد تهديد المرة الجايه هنهى حياتك بأيدى"

التاريخ كان قبل الجريمة بفترة قصيرة.

بدأنا نعتقد إن ياسر كان يعرف إن حد بيراقبه بس السؤال هنا ليه معرفش حد بالتهديدات دى ؟!

والأخطر إن الشخص ده كان يعرف تفاصيل تحركاته .

واضح اننا قدام صورة مشوها كلها الغاز محتاجه تركيز اكبر لحلها ,ياتراى هنقدر نوصل لحاجه فى النهايه ولو وصلنا هنلاقى الادلة الى نثبت بيها برائتنا ونقتص من قاتل زوجى ياسر حبيبى اتمنا.