رواية قتلت زوجى حبيبى

                                              قَتَلْتُ زَوْجِي حَبِيبِي

الجزء الخامس — الشقة المقابلة

أحمد بدأ يعيد بناء الأيام الأخيرة فى حياة ياسر.

راجع الجيران، وسأل عن حركة السكان، واكتشف إن شقة ملاصقة لشقتنا اتأجرت قبل الجريمة بحوالى أربعة شهور.

المستأجرة كانت امرأة.

والأغرب إنها غادرت الشقة فى نفس يوم مقتل ياسر.

لما دخلت الشرطة الشقة، لقوا آثار تنظيف واضحة، لكن فى حوض المطبخ ظهرت قطرات دم  بعد التحليل تطابقت مع دم ياسر. 

المفاجأة كانت إن الشقة كانت مستأجرة باسم نهال حسن ابراهيم.

بكده نهال تحولت من امرأة كانت مرتبطة بماضى ياسر إلى أهم مشتبه بهافى الوقت الحالى.

لكن أحمد رفض يستعجل فى استنتجاته زى أكمل اسماعيل اتسرع وورطنا كلنا فى جريمة ملناش اى دخل فيها..

قال إن وجود دم ياسر فى شقتها مع اختفائها ممكن يكون دليل ضدها لكن ,ممكن يكون دليل إنها كانت شاهدة على الجريمة نفسها او تعرف مين ممكن يكون القاتل, وللاسف اختفائها ممكن يكون بسبب القاتل الحقيقى نفسه.

وفى وسط التحقيق واحنا مش قدرين نوصل لحاجه اكيدة ,حصلت مفاجأة غير متوقعه، وصلنا اتصال من نهال نفسها.

قالت إنها تعرف القاتل الحقيقى بالفعل، وإنها مستخبية منه، وإنها هتظهر لما تقدر تضمن إنها هتتكلم بأمان.

وقبل ما نسألها عن أى تفاصيل، قفلت الخط….ومقدرناش نتواصل معاها تانى وتركتنا فى حاله انتظار وترقب وسؤال واحد مين هو بالفعل القاتل وازاى قدرت تنجو منه بعد معرفته ؟!!

الجزء السادس — اعتراف نهال

بعد أيام، سلمت نهال نفسها اخيرا للشرطة.

فى التحقيق قالت إن الفيديو قديم، وإنها كانت زوجة ياسر قبل طلاقه منها وزواجه من عبير.

حكت إنهما اتجوزا سرًا ضد رغبة والد ياسر، وإنها فى لحظة خوف صورت فيديو لهما وهددته إنها هتخبر والده لو تخلى عنها,لانها كانت عارفة قد ايه علاقة ياسر بوالده قويه ورغم الخلاف الى بينهم الا ان ياسر كان بدء يضعف ويشعر بالذنب اتجاه والده .

لكن ياسر خاف من المواجهة وانه يخسر والده نهائيا ، وبعد سلسلة مشاكل بينه وبينها انتهى زواجهما بالطلاق.

هنا ظهر رامى,او نقدر نقول بدء يظهر تانى.

رامى كان صاحب ياسر وقتها، وكان يعمل مع نهال. نهال قالت إنه كان معجبًا بها، وإنه لما عرف بزواجها من ياسر بدأ يحاول يفرق بينهما.

قال لها كلامًا يجعلها تشك فى ياسر انه سيتركها ويعود لوالده ، ثم صنع موقفًا جعلها تبدو أمام ياسر كأنها تخونه.

أرسل له صورًا ورسائل، وادعى إن نهال خانته معه.

وللاسف ياسر صدق الصور, واتهم نهال بالخيانه ,رغم نفيها القاطع لذالك ولكن من الواضح انه كان على استعداد تام لتصديق بعض الصور على ان يصدقها هى.

وطلق نهال وقطع علاقته بها وبرا‌مى.

بعد سنوات، قابلت نهال ياسر بالصدفة، واكتشفت الحقيقة .

لكنها كانت وقتها متزوجة من رامى.

لما واجهته بالحقيقة، ظهر وجه آخر منه.