نظرة الناجح مختلفة

انواع النجاح

النجاح بيختلف من شخص لشخص ، كل واحد له نظره معينه. جرب تمشي وتسال الناس يعني ايه نجاح؟ هتلاقي واحد بيقولك فلوس طب تمام، و واحد تاني بيقولك تفوق في الجامعه تمام ، و واحد تالت بيقولك شغلك ، و واحد تاني بيقولك مصاحب ناس كتير . 
ف الحقيقة كلهم صح. النجاح له الوان كتير ومعاني اكتر واكتر ؛ لكن الفرق بيبقى على حسب احتياج الشخص الي بيفسر النجاح . يعني لو انت لسه بتحاول تنجح دا معناه انك لسه عندك هدف عايز توصله او تحققه. 

النجاح ليس مقياس ثابت
النجاح مش حاجة معروفه او حاجة بتتحفظ وبتتعمل ف بتلاقي نفسك ناجح لاء. النجاح شعور ، النجاح قوة ،  النجاح فرحه ، النجاح انتصار ، النجاح هو الهدف الي انت عايز توصله. وهنا ممكن تلاقي انت الوحيد الي بتحاول تنجح ف مجال معين علشان انت الوحيد الي عايز توصل مش حد تاني.
من الاخر انت مش بتنجح لما تتفوق على الي بينافسك من الي حواليك ، لان المنافس الحقيقي لنفسك هو انت. من وجهة نظري النجاح الحقيقي هو انك تتفوق على نفسك مش على الاخرين .

ثوابت

رغم الاختلاف الا إن فيه شوية حاجات مينفعش نختلف عليها زي: مفيش حد ناجح مكنش شايل مسؤلية ف طريقه،  او مفيش حد ناجح محسش بالياس والحزن او انه فاشل او انه مش عارف يوصل او انه اختار هدف غلط.  لكن الحقيقة لو توماس اديسون كان فكر بالطريقة كنت هتفضل حضرتك قاعد جنب الشمعة، او جنب اي مصدر ضوء غير المصباح. 

مكنش مثلا الدكتور مجدي يعقوب عمل الانجاز والنجاح العظيم دا، وانه فرح ناس كتير جدا واطفال كتير، و لو كان ياس واستسلم علشان اترفض مكنش نجح. 

كتير اوي من الي نجحوا شافوا كتير و حسوا إنهم فشلة لكن بعد الاحساس دا الي يستسلم للإحساس بيمشي ف طريق،  غير الي مش بيستسلم وبيحاول يوصل ب اي طريقة حتى لو هيغير حساباته دا الي بيمشي ف طريق النجاح. لان مفيش حد ناجح كان طريقه سهل.