قصة عقدة الكترا
شكل ما فيه عقدة أوديب اللي أتكلمنا عنه.. فيه عقدة ألكترا والأتنين عكس بعض تماما
ميعادنا اليوم مع قصة إليكترا أو عقدة الكترا
the mythological character Electra
الملك أجاممنون كان عائد من حصار طروادة اللي أستمر 10 سنوات ولما رجع وأول ما رجله حطت علي عتبة القصر مات فورا وأصبح موته لغزا محيرا وهنا نرجع بالقصة حبتين قبل مايعود من طروادة كانت زوجته مش بتحبه وبتكرهه وزواج الملوك كان دايما كارثي في الميثولوجيا والأساطير
طب نسأل سؤال مهم ممكن يخطر علي بالك وتقولي يا أبوحميد هو ليه زوجته بتكرهه أصلا والراجل ملك من الملوك يعني كل الطبات جاهزة ومش مقصر معاها في حاجة ؟؟
بص ياسيدي أنت كدا حطيت أيدك علي لب الموضوع وأنا هجاوبك عالطول
كان في بنوتة جميلة وحلوة أسمها إيفيجينيا دايما الضحكة مبتفارقش وشها وكانت بتحب أبوها وأمها اللي هما الملك آغاممنون وزوجته كليتمنسترا الي أن حدثت الفاجعة الكبري ؟؟
الملك قبل حرب طروادة ضحي ببنته بسبب كلام مين ؟؟ أيوا العرافة طبعا
زوجته رفضت التضحية وأتشعلقت في رقبته أن يفك أسر بنتها قالها كلام الألهة يا أم إيفي ينفذ علي رقبتي
وبالفعل ضحي بيها في المعبد
ماعلينا قلب أمها أنفطر عليها وماصدقت راح لطروادة وقلبت عليه كل حاجة وأتجوزت كمان في غيابه
في الفترة بين طروادة وحياة الملكة الجديدة كان لها بنت جميلة اسمها اليكترا ولها أخ أسمه وريستيس وماتركزوش مع الاسم المعقد المهم القصة
الشخصية الجميلة اليكترا اللي لما كبرت كان لها رأي تاني خالص في حوار أبوها وأمها وهنعرف أزاي دلوقتي
بعد 8سنوات من مقتل أبوها عادت اليكترا الي المملكة بعد ما أختفت فترة كبيرة
وأصبحت شابة بتعتمد علي نفسها ورجعت مع أخوها ولسبب واحد فقط ألا وهو قتل عشيق والدتها ووالدتها بالمرة
المهم هي وأخوها أوريستيس خططوا ودبروا التدابير أنتقموا لوالدهم بقتل إيجيسثوس وكلتمنيستر
.................................................................
القصة ممكن شايفنها أنها عادية لكن مفهوم القصة نفسه هو اللي خلاني أحكيها أنهارده وأزاي بتختلف العقليات والآراء وحتي مفهوم العدالة بذاته . يعني إيه الكلام دا ؟
نقاش إلكترا مع كليتمنسترا قبل ماتموت حول طبيعة قتل كليتمنسترا لأغاممنون زوجها وهنا بتصطدم المفاهيم ببعضها وعلي بحسب إلكترا وتصورها ، فإن القتل كان بدافع النفعية يعني اضطرت كليتمنسترا إلى إزالة أجاممنون حتى تكون مع إيجيسثوس( عشيقها )
لكن وفقًا لكليتمنيسترا ، كان القتل عادلاً. كان لابد تنتقم من أجاممنون لتضحيته بابنتهما. ودا هيصولناا لسؤال مهم
هل التضحية نفسها مدفوعة بالنفعية أو بالعدالة عند الآلهة برضه ؟؟
في النهاية.....
جنون الأنتقام دفع الكترا أنها ترمي عشيق والدتها وجثته في الزبالة
قصة الكترا بتوضح أد إيه ممكن يكون الإنتقام مجنون لدرجة أنه بيعميك عن الحق والصواب وتقع فريسة لنفسك وتفقد شخصيتك للأبد
رغبة إلكترا الشديدة في الانتقام هي عقدة - عقدة لا يمكن لأحد ، أن يفكها ، لأنها تزداد إحكامًا مع مرور الوقت
الانتقام وحده ماكنش كافي لإلكترا بل زادت وطلبت بتدنيس جسد إيجيسثوس كمان والزيادة بالنسبة لها بتمثل الرغبة وعدم الشبع لان ماعادات الكترا اصلا
وبس كدا دي كانت عقدة الكترا
................................
دمتم بخير
