اسطورة الوحش لميا
أزيكم ياشباب
كلنا شوفنا الصورة دي ممكن علي النت أو في فيلم أو في أنمي
لكن كتير مننا ميعرفش هي إيه !!
وأنا واحد منكم مكنتش أعرف
بص ياسيدي في اليونان القديمة
عاشت أمرأة جميلة ذات قوام رشيق وعيون ساحرة و ملكة من الملوك اسمها لميا او lamia
وبتعرف تتنبأ بالمستقبل كمان ودا عن طريق الاحلام اللي هي بتحلم بيها والظاهر كدا حياتها ماكنتش مظبوطة بسبب شوية الاحلام الاخيرة واللي كانت بتطول اوي وتشوف تفاصيل مرعبة اكتر
المهم خرجت في يوم تتمشي كدا برا القصر بتاعها
وشافت شاب جميل هو كمان كان بيتمشي في نفس الوقت
طبعا عارفين ان فيه غرام جاي من اخر النفق 😂وقعدوا فترة طويلة يحبوا بعض والحب دا نتج عنه أطفال
المهم الست هيرا ( زوجة زيوس كبير الألهة ) بقا تسكت علي الوضع دا مع Lamiaa؟؟
لأ متسكتش مع انها عارفة ان زوجها دا مش بيعتق لا رجالة
ولا ستات ومقضيها غرام مع كل حد يعجبه ( ايوا ياشباب الشاب دا كان زيوس كبير الالهة 😂)
وفي مرة من المرات هيرا زارتها في القصر بتاعها وعرفتها بنفسها وبعد التعريف دا
لميا اترعبت وخافت علي نفسها واطفالها لكن الخوف دا كان متأخر شوية لأن حتي بعد توسلات لميا لهيرا
الاخيرة دي مقتنعة ان لميا السبب
جابت أطفالها ادام عينيها
ومسكت جفون لميا انتزعتهم من مكانهم علشان تشوف هيرا وهي بتقتلهم واحد ورا التاني
المهم Lamia ثارت وغضبت وأتجننت والحزن أكل قلبها
وكمان هيرا مسكتتش علي كدا .. ألقت لعنه علي عينيها أنها مترتاحش خالص وتفضل تشوف منظر أولادها المقتولين واللي بيتعذبوا
طوال حياتها
فيه رواية تانية بتقول ان هيرا القت لعنة عليها خلت لميا تقتل اطفالها بنفسها شكل ما عملت مع هرقل لو فاكرين ( هرقل قتل اولاده بايده بسبب هيرا ولها بوست لوحده موجود في الهاشتاج )
في ظل رحلات من الحزن والألم والوجع نفسيتها اتغيرت واتدهور حالها تماما وعاشت جمب البحر في كهف
كل اللي بتعمله انها بتستمتع باكل السمك النئ لحد ما الناس نسيتها وجسمها اتحول مع الزمن
بدأت تخرج من كهفها تخطف وتقتل كل أطفال المدينة
لحد ما الظلام واللعنة تمكنت من قلبها وبقا أسود حالك السواد ميعرفش غير القتل وذبح الأطفال الصغار
وبقي شكلها زي مانتوا شايفين نص ثعبان ونص أمرأةجميلة ملعونة للأبد وتناقلتها الألسنة والأساطير وبقت الوحش المخيف اللي بيخوفوا بيه الأطفال ( البعبع اليوناني ) ونسوا أن هيرا السبب أنها تبقي كدا
القصة مخلصتش علي كدا فيه حاجة أخيرة
هيرمس رسول الآلهة الإغريق كان عايز حورية بحر غير مرئية وفيه ثعبان ساعده علي كدا ودله علي الحورية الغير مرئية علشان يخلص بيها مهمة مستعجلة كدا 😂
ومكافأة له أنه حول الثعبان دا لأمرأة جميلة جدا ,وسماها Lamia
وفرحت بشكلها الجديد وحبت رجل شافته في مرة كان بيتمشي علي البحر 😂
هسيبكم لدماغكم بقا ( dark style)😂
في النهاية
لو عجبك اللي بكتبه ماتنساش تعمل متابعة علشان تشوف الجديد
