القصة الكاملة للغواصة تيتان المفقودة في المحيط
قصة أغلى و أغبى وأبشع موته فى التاريخ دفع صاحبها تمنها من جيوبهم مقدما
كدا خلاص على كلام الخبراء .. اللى فى الغواصة ( تيتان ) توفوا خلاص نتيجة نفاذ الأكسجين وبعد ساعات هيطلع بيان رسمى بوفاتهم .
الحكاية كالآتي 👈
شركة Ocean Gate عملت إعلان عن رحلة غوص داخل غواصة سمتها "تيتان" في أعماق المحيط الاطلسي لاستكشاف حطام السفينة تيتانيك عن قرب و علي الواقع و حددت تمن التذكرة ب 250000 دولار (ما يعادل 10مليون جنية مصري ) مع العلم ان مقدرة الغواصة تيتان انها تشيل فقط 5 أفراد هيكونوا في وضع القرفصاء ( اللي هو قاعدين علي الارض مربعين رجليهم ) و مده الرحلة هتستمر 4 ساعات يدوب هينزلوا حوالي 4000 متر لاستكشاف حطام تيتانيك و يصوروها و يطلعوا عالطول
اللي حجزوا الرحلة دي 4 رجال أعمال يعتبروا من أغني أغنياء العالم و ال5 كان المدير التنفيذي للشركة اللي صنعت الغواصة
ال 4 رجال أعمال دول هما بحار فرنسي مشهور بحبه الشديد للغوص و مهتم بالبحث عن التيتانك و التاني ملياردير مشهور بحبه للمغامرة و الاستكشاف لسه راجع من رحلة فضائية لزيارة القمر علي متن صاروخ و الملياردير التالت باكستاني الاصل عنده 48 سنة و الرابع هو ابن الملياردير الباكستاني و هو شاب عنده 19 سنة
بعد ما الغواصة نزلت بساعة و 48 دقيقة انقطع الاتصال و الإشارات بينها و بين المراقبة و اختفت تماما في أعماق المحيط
حصل جهود إنقاذ كتير جدا قامت بها البحرية الأمريكية والبريطانية والفرنسية والكندية باحدث الادوات والمعدات الا انهم في النهاية مقدروش يوصلوا لمكان الغواصة رغم سماع صوت على السونار فى أعماق المحيط يعتقد أنه منها .
بس حتي لو وصلوا فهيلاقوا كومة من الحديد المطبق لان الغواصة هتتعرض لظاهرة اسمها انبجار و هي عكس الانفجار و ده عبارة عن انفجارها داخليا وانكماشها علي من بداخلها وبيحصل او غالبا حصل بسبب الضغط الشديد من المحيط و بالتالي هتستقر الي الابد في أعماق المحيط الأطلسي للأسف 💔
و لو أنا أعتقد انهم ماتوا من قبل كدا كمان .. تخيل معايا ،،، خمس أشخاص ازاى يتصرفوا بعد نزولهم المحيط بمدة ساعتين و انقطاع الأتصال و عارفين انهم هيختفوا في اللانهاية برودة صقيع حواليهم ، ظلام سرمدي و ابدي ، و كائنات مخيفة و مرعبة حواليهم....
،،، خمس أشخاص قاعدين بقالهم أيام مع بعض فى مكان ضيق جدا حرفياً زى اللى محشور فى أنبوبة كبيرة
... الناس دى ماتت ألف مرة فى الايام الخمسة اللي فاتت ففي اللي مات من الصدمة و اللي مات من فوبيا الاماكن الضيقة و اللي مات من قلة الاكل والشرب و يمكن قتلوا بعض فى النهاية عشان يوفروا استهلاك الاكسجين و يعرفوا يتنفسوا و أعتقد أول واحد مات او اتقتل من الباقيين هو المسئول عن الغواصة
،،،، ناهيك عن المشاعر اللي مروا ليها قبل ما يموتوا و هما شايفين حياتهم بتخلص قدامهم و بيفتكروا كل اللي عملوه كأنهم مستنين حكم الاعدام يتنفذ فيهم و وارد جدا ان منهم اللي الضغط هيجيبله panic attack. و منهم اللي هينهار في العياط و منهم اللي بيتخانق مع غيره من الضغط العصبي على اي حاجه و كل ده بيزود استهلاك الجسم للاكسجين.
مشاعر مثلا زي مشاعر الاب الباكستاني اللي مات ألف مرة قبل ما يموت لأنه حاسس انه السبب في موت ابنه و شايف ابنه بيتعذب قدامه ان لم يكن الابن خلص علي ابوه لانه شايف انه هو السبب في عذابه ويمكن يكون أخر واحد مات فيهم أو يمكن كلهم خلصوا علي بعض و قالوا يا روح ما بعدك روح .. فى النهاية اللى حصل فى الغواصة محدش هيعرفوه و ادفن فى المحيط خلاص و هترقد الغواصة جنب السفينة تيتانيك فى المحيط للابد........
