رواية أنا والمدمن الفصل 10؟

رزان انتي كويسة فوقي
_رزان رزان قومي بالله عليكي
ندّه ع منى بس هي كانت مشغولة مع دكتور بعيد مسمعتوش
_ي ربي اعمل ايه مش هقدر اني المسها بس هيجرالها حاجة 
قرر انه يرفع نقابها و يرش ميه عليها و اللي يحصل يحصل 
سامحني يارب
مسك خرطوم الميه و رفعه ورشه ع وشها ع طول 
_هااااه ايه ده 
فضلت ثواني لغاية م استوعبت
قام بسرعه و لف وشه مكنش شاف ملامح وشها اصلا
=انا اسف ي رزان انتي كويسة؟
_احمد ايه اللي حصل ده 
نزلت نقابها بسرعه
=والله م اقصد نديت ع منى وخوفت عليكي جدا و صدقيني انا رشيت الميه ع وشك من غير م اركز عشان لو رشيته و انتي حطاه ع وشك كنتي ممكن تتخنقي
_اتسي، فين منى
=مش عارف ع العموم انا طالع و انتي روحي بس استني منى توصلك المترو انا اسف ابقي طمنيني عليكي

طلع الاوضة و قعد يفتكر الكلب كريم بقا انت كمان مش سايبني هنا انت ورايا ورايا

منى:رزان؟؟؟ مالك
بعصبية 
_دلوقتي مالي؟ كنتي فين ي هانم كل ده 
=براحة بس قولي الي حصل الدكتور نده عليا كان عايزني ف حالة ضروري
_ماشي اسفه و حكت لها اللي حصل
=ينهار ابيض ازاي دخل اصلا و ايه اللي خلاه يعمل معاكي كده
_مش عارفه الغريبة ان احمد قبل م يضربه قاله هو انت شكلهم عارفين بعض
=معقول 
_يلا انا ماشية خلي بالك منه كويس 
=استني اوصلك للمترو ع الاقل
_لا انا تمام خلي بالك بس انتي منه و من نفسك سلام

في المترو قعدت تفتكر خوف احمد عليها و ازاي ضربه جامد و ازاي كان قلقان عليها جدا.....

"جاء هذا الشخص الذي يكركب كل تفاصيلها يجعلها لأول مرة تغوص في خيالها وتبني أحلامًا وردية كـكوخٍ صغير على قمة جبل يتخلله نهر وبيت يملأه النور و ذرية كـصبايا الحور ..💫🖤"

وصلت البيت والدها لسا مجاش
_كويس اوي عشان باين عليا الارهاق الحمدلله 
رن تليفونها رقم غريب......
_سلام عليكم ورحمة الله وبركاته 
=و عليكم السلام ورحمة الله وبركاته ازيك ي فندم 
الصوت مش غريب عليها فجأة 
_ماما؟؟ازااي انتي نزلتي امتا 
=ههههههههه ايوا ي قلبي طمنيني عليكي لا طمنيني ايه قولي لابوكي انك هتقضي كم يوم معايا
_ماما مش مصدقه دايما عمايلك مش طبيعية هقوله اكيد 
=اوكي حبيتبي يلا اشوفك بكرة 
_ان شاء الله

ي ربي الحمدلله احلى مفاجأة.

في المصحة
الدكتور المسؤول عن حالة احمد
_ماشاء الله تبارك في تحسن واضح اذا استمريت ف المتابعه احتمال تخرج بعد أسبوعين 
=بجد ي دكتور 
_بجد
.........
طلع تليفونه ورن ع رزان قبل اي حد
ترد ولا متردش
خلاص ي رزان هو كان عايز يحميكي ،ليكون فيه حاجه؟؟
_الو؟؟
=في خبر حلو هقوله و اقفل ع طول ممكن؟؟
_اكيددد قول
=اسبوعين و هطلع لو تابعت زي م انا متابع معاكي الدكتور لسا قايلي
_صوتت من الفرحة بجد ايه ده ياربي شكراااا خبرين ورا بعض
=خبرين؟ ايه فرحيني
_ماما نزلت من الكويت بقالي ٦شهور مشوفتهاش
=بجد كويس الف مبروك فرحتلك يلا اسيبك ترتاحي سلام عليكم ورحمة الله وبركاته 
_و عليكم السلام 
رزان : يااااس مش مصدقه الحمدلله هو ده العوض شكرا يارب غيرت هدومها ونامت صحيت الساعه 
١٢ باليلل
_بابا انت جيت؟
=انا هنا ف اوضة المكتب تعالي مساء الخير كل ده نوم 
_معلش ي بابا ارهاق طمني عليك كلت؟
=اه كلت وانتي 
_لا مش جعانه صححح عندي ليك خبر
=قولي و انا كمان 
_طب قول
=لا لا قولي
_ماما 
بص ف الارض من غير تعبير
=مالها؟
_بصراحه نزلت من الكويت و لو يعني....
=روحي اقعدي معاها كم يوم 
_شكرااا ي بابا قولي بقا أيه اللي عندك 
=لا خلاص مش وقته روحي اعمليلي شاي 
_قوول ي بابا 
=قلت مش وقته

ف محمد و فاطمه منفصلين منذ ٢٠ عام ده اللي عكنن عليه و خلاه يفتكر كل اللي حصل 
_______________
اليوم التالي
_ايوا ي ماما جاية جاية بعد بعديها هروح المصحه
=ماشي حبيبتي وهاجي معاكي
_فكرة هايلة اوي

_ماما وحشتيييني 
=حبيبة ماما وانتي اكتر حبيتبي
_قلبي عاملة ايه
قعدوا يتكلموا
=ابوكي عامل ايه
_كويس ي ماما ،ماما عايزة اقولك حاجه ممكن ان ع الاقل يكون اللي بينكم ودّ 
=انا معنديش مشكلة ي بنتي..بس.. 
_طب يلا يلا قومي معايا يلا الساعه ٩ اتأخرت
________________
وصلوا المصحة
=صباح الخير ي عالم
_احمد:صباح الورد عاملة ايه دلوقتي
مامتها:ليه هو ف حاجه حصلت الاول انا والدة رزان _ازيك ي احمد رزان حاكتلي عنك شد حيلك 
=ازي حضرتك ي طنط ان شاء لله حمدلله ع السلامه لا مفيش حاجة بطمن عموما ولا ايه ي رزان 
هو عارف انهم هيقلقوا عليها 
رزان:ايوا صح انا تمام 
_الحمدلله ي ابني طيب رزان استأذن انا بس ورايا مشوار كده و هعدي عليكي عشان نروح 
_اوكي ماما ،ماما صحيح ليان و لؤي عاملين ايه؟
=سايباهم مع ابوهم بيسلموا عليكي كتير يلا باي 
_سلام حبيبتي 
_________________
في المكتب.
_ايه ي محمد كلمتها
=والله لسا والدتها نزلت من الكويت و معرفتش افاتحها ف الموضوع ايه ده هو انت ووالدة رزان ...
_منفضلين
=لا حول ولا قوة الا بالله كله نصيب ي محمد صدقني 
_____________
_رزان مين ليان و لؤي؟
=اخواتي
_اخواتك؟بس ازاي و هي بتقول مع ابو...، اه هما...
=منفصلين من صغري 
_انا اسف جدا
=ي عم ع ايه سيبك المهم طمني عليك فاضلك اسبوعين ابوس ايدك اتلم و تابع دواك كويس 
_عُلم و ينفذ ي فندم
=هههههههه لما نشوف 
كل م كان يسمع ضحكتها كان قلبه بيطير من الفرحه 
_احمد عايزة اسألك سؤال
=اتفضلي
_من غير م تتعصب انبارح وانت بتضرب اللي اسمه كريم ده قلتله هو انت انت ورايا ورايا....
=كريم هو سبب النكسة كان معايا ف الجامعه و فشل وده سبب اللي انا فيها هو اللي خلاني اخد اول جرعه و هو اللي فهّم ابويا اني روحت لسارة و اهلها من وراه مع اني كنت عايز بس اعرف الرد و اكيد كنت هقوله ييجي معايا هو السبب و دلوقتي جاي يضايق اغلى حا.....
اقصد جاي يضايقك يستاهل راح مطرح م راح
ابتسمت و بصت ف الارض و فهمت كان عايز يقول ايه فجاة
_ينهار ابيض انتم عارفين انهاردة ايه؟؟؟ 
=الاثنين 
_خطوبة عُدي بكرة
=يييه نسييت لازم اخد اذن من المصحه الاول
_سيبها عليا المهم لازم اروح اشتري حاجه حلوة عشان احضر فيها
احمد بغيظ
_حاجة حلوة ليه م لبسك كويس
=عارفه بس دي خطوبة مش خروجة عادية انا هتصرف 
_وانا لازم اتشيك يلا روحوا خدولي بقا الاذن عشان لو كده نشوف هنعمل ايه ناو 
راحت و بالفعل استأذنت من مدير المصحة ووافق
رجعت الاوضة بس لقّت.....

____________
والدة رزان :وحشتييني
سحر(صحبة فاطمة البيست) 
_نزلتي امتاااا فرحتيني عاملة ايه طمنيني عليكي.
=انبارح نزلت انا تمام وانتي و العيال 
_كلهم كويسين ف النادي اخبار ليان ولؤي و رزان شوفتيها؟
=شوفتها كلهم قرود 
_______________
رزان:سلام عليكم 
اسلام(صاحب احمد )
_وعليكم السلام ازيك ي مدام 
اتصدمت و بصت لاحمد و منى
الاتنين:انسة 
_اسف معلش اصل.. 
=ولا يهمك حضرتك مين؟
_اسلام صاحب احمد انا اللي جبته معلش لازم اذله و بيمد ايده عشان يسلم
رجعت خطوة لورا 
احمد:ايه ي ابني مش قولتلك حرام الله ايش كان اسمك اسلام 
_اسف تاني لا مؤاخذة حضرتك ممرضة البيه صح؟
=ههههههه اه 
_الله يعينك اكيد.ده بلاء 
=ههههههههه شكلك بتحبه 
احمد:خلصتوا تحفيل؟
_هههههههه لسا 
فجأة الباب خبط
_اتفضل 
دخلت وحدة انيقة و متمكيجة و حاجة غير المتوقع 
رزان ف سرها مين دي؟؟؟
_سلام عليكم حبيبتي مين حضرتك

بصتلها من فوق لتحت 
وبتناكة و بقرف
=دينا 
_تشرفت 
احمد:دينا بنت خالتي ي رزان 
_اها كويس تشرفت بيها 
دينا:هي دي بقا الممرضة؟بتاعتك؟

عين رزان بتطلع شرار و بصت بقرف ليها 
_احمد:هي اه مالها تخيلي الدكتور قالي الاول اني مش هخرج قبل سنه بس من ساعت م جت رزان ملتزم اكتر و اسبوعين و اخرج
بنفس التناكة:هه مش باين عليها شاطرة يعني 
=والله ي حبيتي هو مش بالشكل،انتي مجربتينيش عشان تحكمي اظن معندكيش وقت اصلا لمساعدة حد ولا ايه

دينا بعصبية:انتي ازاي تردي عليا اصلا فاكرة نفسك مين انتي هنا خدامة عند احمد 
احمد بعصبية 
_دينا احترمي نفسك ي اما غوري بره

اسلام بيتابع بصمت

رزان اتعصبت بس ردت
=ليه خدامه حبيبتي انا جاية هنا تطوع و ليا الشرف ان احمد يتعافى ع ايدي ولا ايه ي احمد مسمعتيش عن ((خير الناس انفعهم للناس)؟؟
احمد بابتسامة
_اكيد و جميلك مش هنساه 
دينا:هه ال ع ايدك، المهم ي احمد بتاكل كويس و عارف تقعد مع....
_للمرة التانيه بقولك اذا متعدلتيش ف كلامك يبقا امشي من هنا 
اسلام:اهدى بس ي احمد بصي ي انسة دينا هي....
_مطلبتش منك تتكلم
هنا اسلام كتم ف نفسه و بص الناحية التانيه
احمد:م تتملي بقا مين قالك تيجي اصلا 
بصت لرزان بِغل 
و عيطت 
_كده ي احمد وانا اللي بحبك من زمان و بخاف عليك و سيبت الجامعه و جيتلك 
((دينا كلية اداب القاهرة ))

هنا رزان حست كأن قلبها بيولع (((بتحبه)))

"قيلَ في الغِيرة.. 
حينها لم أكُن أعلم أكان القلبُ يدقُّ 
أم يضرب رأسَهُ في حائِط صدري !💜"

=ماشي ع عيني بس مينفعش تغلطي عليها مسمحلكيش
_يعني انت بتفضلها عليا حتت....
=دينا اطلعي بره 
رزان كانت هتنفجر 
_لا ي استاذ احمد انا اللي ماشية 
احمد :استني بس متمشيش مشي وراها 
_روح شوف بنت خالتك ي استاذ احمد
=رزان استني بقولك،هي هتمشي دلوقتي دي يتيمة الاب و مامتها مفهماها اني ممكن اتجوزها. 
قاطعته_تتجوز مين؟؟؟؟؟ 
بقولك الحقيقة تعالي ي اما والله م هاخد الدوا يلا بقا دلوقتي تمشي و نروح انا و انتي و منى نشوف حكاية اللبس.
_ماشي لما نشوف
دينا بِغل اكتر
_و يا ترى بقا رزان عايشة فين؟
=ااي ده يهمك؟ اصلي معتقدش اني عايشة ف بيتك ف ميخصكيش

ساعتها رزان قررت ترد بنفس الاسلوب 
_تلاقي بس من طبقة عادية و جاية تسترزقي هنا 
=لما والدك يديني المرتب ابقي تعالي اتكلمي

ساعتها كانت ف ايد رزان كوباية ميه لأحمد عشان الدوا 
دينا :طيب ي احمد انا همشي مش طايقه ناس معينه و بصت بطرف عينها و جاية تسلم عليه 
قبل م تمد ايدها 
_تعال لما اسلم عليك

رزان :مشيت خطوتين ناحيتها و عملت نفسها اتكعبلت 
_اوف اسفه اوي ي اسمك ايه؟ دينا سوري المية اتدلق عليكي من غير م اقصد

= اووف انتي ازاي تعملي كده انتي عامية ؟؟؟؟

الأنثئ تكتم الحُب أربعين سنة ، ولا تكتم الغيرة سآعة واحدة♥️!

_لا لا مش عامية بشوف كويس بس الظاهر اني... مشوفتكيش يلا في تويلت اخر الممر لو عايزة تظبطي لبسك 
احمد مبتسم نص ابتسامه كأنه فهم هي عملت كده ليه
احمد:طب خدي خدي مناديل ي دينا
ساعتها رزان بصتله بصة غضب 
رجع ف كلامه
=ااقصد في مناديل ف التواليت او الافضل تروحي يلا قبل م تنشف عليكي 
دينا:ناس قليلة زوق
رزان بإبتسامة ظاهرة في نبرة صوتها

رزان: من زوقك حبيتي
مشيت دينا بعصبية 
رزان بعصبية اكتر مين دي؟؟؟
ومالها مش ع بعضها كده ليه ؟؟م ترد وانت هي تقولك عارف اني بحبك و وانت (ع عيني ) عين مينن ،و خدي مناديل م تولع كان حد قالها تيجي جنب....كان حد قالها متشوفش انك هتاخد الدوا و المية ف ايدي و تدلق عليها مريضة، 
اول مرة احمد يشوف رزان بالعصبية دي 
=هههههههه ههههههههههههه 
_انت بتضحك؟؟؟ طبعا (بسخرية) طبعا امورة و حاطة خريطة العالم ع خلقتها متعجبكش ازاي؟ صح؟؟؟
=مش بيعجبوني دول خالص بيعجبوني ....
،وكمان استني بس عايزاني اعمل ايه لما اشوفك بتدلقي عليها المية
_أانا ؟؟ المية هي اللي اتدلقت، و كمان هي كانت مقبلة اوي ليه عشان تسلم عليك 
=قولتيلي بقا الميه هي اللي اتدلقت طيبب يلا نمشي بقا

هصلي الاول 
مشيت للمصلى قعدت تفكر ايه ده انتي غيرانه؟؟؟ لا لا اوعي ايوا بس ازاي تكلمه و مالها دي اصلا ال ايه تسلم عليه كنت كسرتلها ايدها قبل م تعملها .
بتغيري لييه م هو حر ما يسلم ولا ميسلمش انتي مالككك
قاطتعها تفكيرها منى:ايه ي رزان اللي عملتيه ده
_ايه عملت ايه م انتي شوفتي كانت عاملة ازاي
=سيبك من كله ايه حكاية المية ،بتغيري؟
_هه؟ اغير من مين؟ من دي؟
=مش من ي رزان على !!!
_ع مين مبغرش
=بيجاد؟ اه مش نسيت اقولك هي رجعت الاوضة تاني اول م شافتك مشيتي
_نعممم بتقولي ايه؟؟؟بجد و راحت ليه يلا نروح ؟ 
=لا واضح انك مش غيرانه فعلا
_ف الاوضة بجد؟؟
=هههههههههههههههههههه لا ياختي مشيت و بتغيري
_يلا ي لمضة عشان نمشي 
__________________________
اسلام:شكلها بتحبك يلا
_هههههههههه حاسس كده برضو اول مرة اشوفها متعصبة كده
=ايوا ي عم طب وانت ايه؟
ساعتها رزان ومنى كانو ف طريقهم للاوضةو لسا هيدخلوا 
_عارف لما تكون فاقد الامل و كل حاجه حواليك فجأة ربنا يبعتلك احلى هدية تعوضك عن كل حاجه حصلتلك هي كده بظبط هي كانت الشمعة وسط ظلمتي كان الايد اللي انقذتني انت مش عارف انا كنت عامل ازاي لما غابت عني ٤ ايام مش متخيل انا كنت رافض كل حاجة رجعت لعتمتي تاني رجعت لهدوئي و اكتئابي تاني انا فعلا شكلي كده((بحبها اوي))

رزان واقفه قدام الاوضة و دمعت ع اللي سمعته ومصدومة

_احم احم خلصت ولا مدخلش لسا 
=هه خلصت ايه انتي سمعتي ايه؟
_غمزت لمنى ،سمعت ايه بقولك خلصت جاهز يعني عشان نمشي 
=ااه ايوا ايوا يلا 
_نزل يصلي هو كمان و اسلام ومشيو
_______________
في المكتب
_محمد هو ايه سبب الانفصال اسف اوي للتدخل بس.. 
=كنا واخدين بعض عن حب في الجامعه و كل حاجه تمام بس المشكلة انها كانت عايزة تخرج و تشتغل مش عارف ليه يعني انا مش مالي عينها او مش عارف اصرف عليها مرة ورا مرة الخناقات كترت و قررت تنزل تشتغل مع ولادتها لرزان و.... اول سنه قالت انا جايلي عقد عمل في الكويت و دي.فرصة مقدرش اضيعها 
ساعتها مستحملتش و قولتها اعملي اللي تعمليه 
سافرت و خدت البنت و انا كنت مضطر ساعتها اتجوز و ده حقي مقبلتش بالوضع لما عرفت و طلبت الطلاق
طلقتها 
_و انت عايش مع زوجتك التانيه؟
=لا طلعت متجوزاني عشان فلوس و طلقتها و بس بس رزان كبرت شوية خدتها ووقت م تحب تروح لامها مش همنعها بس مقدرش اسيبها هناك دلوقتي عشان هي اتجوزت ...... 
____________
منى و احمد و رزان 
احمد:قولولي اعمل ايه البس كاجوال ولا كلاسيك؟
_منى: كلاسيك 
=رزان:لا الكاجوال احلى قميص اسود و شوف بنطلون و شوز بيضاء 
منى وافقتها الرأي 
هو: عُلم و ينفذ 
_لا لا مش بقولك كده امر بس يعني انا بحب الاسود
احمد بإبتسامه 
_وانا بعشقه 
اتكسفت و عملت نفسها بتبص الناحية التانيه

رزان بتسأل منى:ها اشتري ايه؟؟
_ايه رأيك لو تشتري دريس روز و النقاب برضو اسود و شوز بيضا و الميك اب بقا المسكرة و تجيبي ايلاينر و....
رزان واحمد ف الوقت نفسه
بانفعال 
_ميك اب اييه؟؟
_احم مقصدش التدخل بس .....
رزان: ولا يهمك ي منى انا مش بحط ميك اب يعني انا مش لابساه عشان ازين عيوني بصي الدريس حلو بس بحب الغوامق ايه رأيك ف الكحلي؟؟ 
_امم حلوو 
دخلو المحل احمد رزان و منى 
رزان :ايه رايك ف ده منى؟
جه الراجل بتاع المحل اساعدك ف ايه ي مدام؟
سكتت و قالت عايزة حاجه ليا كمناسبة و كده

جابلها دريس ايه رايك ده حلو 
_ايه رأيك ي منى 
_حلو ع شوز و ساعه بيضا 
اتدخل الراجل

=خدي رأي جوزك ي مدام يمكن يفيدك برضو

ساعتها بلعت ريقها و بصت الناحية التانيه احمد :جمميل اوي 
منى بتبصله و بتضحك و رزان استغربت و اتصدمت من الرد و بصت ف الارض وميته من الكسوف 
_تمام يلا هشتريه و نمشي 
اتفضل ي فندم الحساب ٥٥٠ ج 
رزان:استنى انا اللي هدفع بتديله ليه الفاتورة ؟
_مش زوج حضرتك برضو ولا ايه
=احمد اتفضل الحساب 
_ايه ده تدفع ليه م تتكلمي ي منى
=هقول ايه بالله هههههه
احمد بصوت واطي 
_رزان هنتفاهم بره 
=لا دلوقتي اتصرف و خدهم منه انا معايا فلوس 
_عارف هتقوليلو ايه معلش مريضي و جاي يتفسح معانا خلاص حاسبيني بره 
اتنهدت 
_ماشيي

خرجوا 
رزان:بعصبية 
_اتفضلل الحساب
=لا ميحصلش 
بعصبية اكتر 
_افندم
=ي ساتر هاتي ايه ده ي ربي
#انا_والمدمن