يوميات زوج مشاكس ولا فاكس ( ( كروت الأتمان)
انا غلطان لم أسمع نصيحة أبى بعد زواجى أرسل لى رسالة مطولة على الواتساب قائلا
ابنى الحبيب
لا تأخذ كروت الأتمان من البنوك لتشترى أغراضك وأنت لست معك رصيد أكثر من قيمة كرت الأتمان فأنها وسيلة لسحب دمائك وأخذت مالك وأرث أولادك
فالطبيعة البشرية لا تتوقف عن الشراء وأنت ليس لديك ٠ فمتعه الشراء المؤقتة سوف يوفقها حسرة وندم الدين المتراكم عليك فتهدر أيامك تعمل فقط لكى تعطى البنك مرتبات موظفية وأنت لا تملك شئ وتكتشف ما تدفعه حد أدنى ولكنه مصاريف أدارية وفوائد بنكية ويبقى الدين كما هو فلا تشترى يا ابنى وأنت ليس معك ٠
كلام جميل بس مين يسمع
قابلنى موظف البنك والاشواق فى عينية وسلم ٠
وياريت ما سلم انقنعنى لا أعرف أزاى ان أخد كروت الأتمان
وانه ليس مثل أى كرت تقدر تشترى منه وتدفع ليس بعد خمسين يوما مثل باقى البنوك لا بعد خمس وخمسون يوما
تصدق وممكن تقسط وممكن تشترى عربية
وممكن تشترى شقه أو فيلا
وممكن تشترى منتجع فى جزر القمر وممكن على القمر نفسه
أزاى صدقت الكلام الفارغ ده تخيل صدقت
المهم كان فى نقاط على الكارت
نقاط أه تصدق و كل ما تشترى اكتر فرصتك فى الفوز تكتر
أفوز بأية لا أعلم بس المهم فى فوز بأى شئ وانا بحب الفوز
ده انا جيل بتاع بمبم واكمل الألبوم وبتاع فوازير رمضان ياما بعت جوابات ولم أكسب ولا مرة
ما علينا الكارت انا ناصح فى التعامل مع الكارت
سوف أخلى بالى و أدفع قبل ٥٥ يوم وكان الفخ ان الكارت معاه كارت هدية للمدام وانا فرحت
بيقولك هدية
وتأتى دور زوجتى الجميلة الرشيقة التى فرحت بالكارت
فرحت البنات بغزل البنات زمان وفرحة البنت بالتاتوه دلوقتى
نزلت للسوبر ماركت و عملت نزله ولا نزلت عنتر ابن شداد مع بنى عبس
ونزلت طاخ طاخ
حاجات من البقالة
وحاجات من اللحوم
وحاجات أدوات نظافة
وأدوات تجميل
وأدوات غسيل وكل ما لذا وطاب
كله ده وأنا غير موجود معاها
جالى رسالة تم دفع ثمانيةالألف جنية من حسابك لحساب السوبر ماركت
قلت يالهوى هى جابت أية
والاشواق فى عينية سلم
ثم رسالة أخرى بعدها بساعتين
تم سحب خمسة ألاف من حسابك حساب ملابس واكسسوارات من محل الملابس
حاولت اتصل بها غير متاح أكيد فى مكان ليس به شبكة
سلم
ثم جاءت رسالة أخرى تم سحب مبلغ ألفين جنية من كوافير التجميل
والاشواق فى عينية سلم
وتوقفت الرسائل
كان الكارت به عشرون الف جنية أى باقى فيه خمس ألاف جنية
خلص الكارت من ثانى يوم
والاشواق فى عينية سلم
رجعت البيت عامله لى مفاجأة
بدلة وجزمة وشنطة للشغل بأربع ألاف جنية بس ليا
والاشواق فى عينية سلم
قلت فى عقل بالى وانا لسه غير مستوعب إللى بيحصل
كده باقى ألف جنية من العشرين يا مفترية
ولسه أزعق وأعمل هوليلة
الجرس ضرب
الدليفرى كباب وكفته من افخم المحلات
وجاء فى نفس اللحظه بتاع الحلوانى من افخم المحلات طبعا هنأكل من غير تحلية
الحساب الف جنية الأثنين
طبعا الهانم لم تلحق تعمل أكل كانت فى غزواتها
سمعت صوتها بتقول وانا على الباب انا دفعت بالفيزا أون لاين
لم أشعر بنفسي قد أظلمت الدنيا أمام عينى
وأغمى علي من المفاجآت
ألم أقل لكم
والاشواق فى عينية سلم ٠
