زيارتي إلى البقاع الطاهرة - المسجد الحرام
تم تصنيف هذا المقال كغير مؤهل لتحقيق الدخل وفق معايير المنصة الحالية. لذلك لا تُعرض عليه إعلانات، ولا يظهر ضمن قوائم المقالات العامة أو نتائج البحث داخل المنصة، لكنه يظل متاحًا للقراءة من خلال رابطه المباشر.
لا تعني حالة عدم الأهلية بالضرورة أن المقال مخالف؛ فقد ترتبط بمعايير المحتوى أو جودة الزيارات أو متطلبات تحقيق الدخل المعتمدة في المنصة.
بتكلم النهاردة عن زيارتي لأرض مكة المكرمة لأداء العمرة طبعا بعد جائحة الكوفيد حاجات كتيرة جدا اتغيرت في مكة و للامانة اصبح التنظيم هناك رائع جدا في كل حاجه و اصبح الأمر احترافي بشكل كبير و ما احلاها من رحلة بجد هتستمتع جدا.
خلينا نبدأ من اول ما سافرت من الرياض إلى جدة على احدى شركات الطيران و للأمانة كانت الرحلة سعرها مبالغ فيه جدا عشان كده بقول للجميع اللي حابب استنى عروض لو مفيش امكانية ده فيه حالة السفر من داخل السعودية لكن بتوفر وقت و مجهود كبير جدا
بعد كده وصلت المطار الجديد في جدة و اول حاجه يا تتصل بحد يستناك هناك يا تحجز القطار لمكة لأنه بيكون اوفر و مريح و بعيدا عن استغلال سواقين التاكسي هناك لأن الامر مش تمام في كل حالاته
اضطريت اركب مع سواق تاكسي وصلني للفندق في مكة و كنت حاجز فندق على اعتبار انه خمس نجوم طبعا مش فندق عالمي و لكن كان مصنف على اشهر مواقع الحجز انه من فئة الخمس نجوم المهم لقيت السعر مختلف تماما عن اللي انا طلبته.
المهم و انا طبعا بالاحرام و قلت بدل ما اكنسل و اروح و اجي و كلام من ده حجزت و قلت امري الى الله.
بعدها رحت عشان اعمل العمرة و الأمور كانت ميسرة جدا لكن التفتيش على التصاريح كان شديد و اذا تأخرت بيسمحولك تعمل العمره بعد نهايه تصريحك حتى 6 ساعات بعدها.
العمرة:
طبعا اول ما بتدخل عند باب المسجد الحرام بأمانه شعور غريب و جميل و قشعريرة في نفس الوقت تخيل كده انت في اعظم مكان في الكون و انت داخل تشوف الكعبة و تقول “ اللهم زد هذا البيت تشريفا و تعظيما و مهابة و برا و زد من زاره ممن حج او اعتمر تشريفا و تعظيما و مهابة”
و تطوف السبع اشواط و تدعي و تذكر ربنا و تصلي الركعتين عند المقام و بعدها تبدأ السعي و بعدها التحلل و بعد كده و انت قاعد في المسجد الحرام تحس كده ان ربنا محتضنك و انك مش عايز اي حاجه من الدنيا و مش عايز تفكر في اي حاجه خالص احساس ما اروعه
و الحمدلله عملت العمرة و كانت جميلة جدا و ربنا يتقبل منا و منكم صالح الأعمال لكن نصائحي لكم:
احجز طيران في العروض
احجز القطار من مطار الملك عبدالعزيز لمكة و من مكة الاتوبيس ب 3 ريال يوديك الحرم ولو مواصلات بيكون فيه ناس معاك هيعتمروا حاولوا تاخدوا عربيه انتو 3 او 4 مع بعض الفرد ب 50 ريال لأن هتلاقي استغلال رهيب
الفندق طالما للنوم بس ولو مش فندق عالمي مش هتفرق خمسه ولا غيره الفرق بس في الفرش لكن خد معاك ملاية سرير نضيفه من عندك و فنادق في شارع ابراهيم الخليل نضيفه و كويسه و اسعارها مش غاليه في حدود ال 120 ريال و فيه اقل كمان
الرجوع من عند باب الحرم العربيات لجدة ب 15 ريال لغايه باب مكه و من هناك تاكسي للمطار ب 30 ريال و محدش يوقفك يقولك اوصلك المطار لأنهم بيقولولك اسعار مبالغ فيها و كمان بيغيروا فيها بعد ما تركب
و اسأل الله جل جلاله ان يكرمنا جميعا بعمرة قريبة و زيارة الى ارض الحبيب
الرجاء تسجيل الدخول لتتمكن من التعليق