الحرب والجن والغموض الفصل الثالث
تذكير بنهاية الفصل السابق
بعد م مي مشيت، امى بتقولي بص يا مازن من كلامك مع مي حسيت انك بتحبها كلامي صح ولا ايه قلتلها صح جدا انا ناوي اخطبها اصلا. و هنا يدخل اخر شخص توقعته.
واذا كنت لم تقراء الفصزل السابقة من القصة اضغط هنا لقراءتها 👇.
الحرب والجن والغموض(الفصل الاول)
الحرب والجن والغموض(الفصل الثاني)
قصة الحرب والجن والغموض الفصل الثالث
باب اوضتي اتفتح و دخل مصلحي هنا بقى لازم اوصف مصلحي ( مصلحي عنده ٢١ سنه مش بيدرس هو اكتفي بـ شهادة الثانويه طوله ١٨٠ سم جسمه رفيع شويه و ذكي جدا ده غير انه هكر طبعا بقالنا سنتين نعرف بعض لكن محدش فينا يعرف شكل التاني كنا بنتكلم على الفون او على الدارك ويب) المهم اول م دخل سلم عليا و سلم على امي و انا قاعد انا و هي مش عارفين مين ده هو كان لابس بدله سمره و كان معاه لاسلكي و لابس سماعه فى أذنه شبه بتوع الجهات الأمنية.
بدأ يتكلم و قال طبعا متعرفش انا مين قلتله يخربيت الملاحظة الجامده دي م تنجز و تقول احسن قاللي انا مصلحي يا مازن قلتلوا و ايه اللي يثبت راح حكالي على كل حاجة من ساعة م عرفنا بعض اول لما عرفت ان هو مصلحي قولت لـ امي ممكن تستنى بره الأوضة شوية قالتلي حاضر و خرجت من الأوضة.
قلتلوا بس اى الدخول الغامض ده يا مان قاللي ابضو شكلك ياعم بقى انا جاى زياره ليك و تقابلنى كده قلتلوا م انت اللي ابن ناس طيبين لو كنت اتصلت و قولت انا جاي كنت اتعرفت عليك قاللي خلاص يا عم محصلش حاجة قلتلوا بس مظهر رجال الأمن اللي انت داخل بيه ده قاللي هبقي اقولك بعدين دلوقتي عندي سؤال قلتلوا ايه قاللي مين اللي كان ورا الحادث اللي حصل قلتلوا مفيش حد قاللي ازاي رديت و حكتلوا كل حاجة عرفتها عن ابويا قاللي اى يعني انت تبقى ابن حسام الخديوي قلتلوا ايوه قاللي علشان كده مكنتش عايز تقولي اسم ابوك لما سألتك قبل كده قلتلوا عادي بقي قاللي خلاص المهم انك بخير قلتلوا انا تمام بس دراعي و رجلي متجبسين قاللي تقوم بالسلامه انا همشي دلوقتي علشان عندي شغل و مش فاضي قلتلوا لما انت مش فاضي جيت تزورني ليه قاللي كنت عايز اتأكد من حاجة قلتلوا و اتأكدت منها و لا لسه قاللي كله تمام يا غالي. اعدت اسبوع فى المستشفى و كانت مي بتزورني كل يوم و بقت هي وامي صحاب و بعد كده خرجت رجعت البيت اختي اول م شافتني جريت عليا و حضنتني و قالتلي الف سلامة قلتلها ليه مكنتش بتجي ليا فى المستشفى قالتلي معلش كان عندي امتحانات نص الترم و كنت بذاكر بقى قلتلها طب شدي حيلك علشان تجيبي درجات كويسه ( طبعا موضوع انها كانت بتذاكر مكنش داخل دماغي). المهم طلعت اوضتي و نمت. صحيت تاني يوم الساعة ٨ قولت انزل الكليه و طبعا ايدي و رجلي متجبسين ف كلمت مي علشان تيجي معايا و تسندني قالتلي تمام أنا جاية قلتلها خدي عنوان البيت قالتلي انا عارفه العنوان لان مامتك قالتلي انتوا ساكنين فين قلتلها تمام. المهم جت مي و ركبت عربيتها و رحنا الكليه و كل م حد يشوفني يسئل ايه اللي حصل و طبعا كنت بقول لحد م طلعت على مكتب العميد و دخلت له و مي كانت مستنيه بره. اول م دخلت العميد قالي ازايك يا مازن الف سلامه قلتله انت جبت رقمي منين قاللي طب مش تسلم الأول قولتله لو مش عايز تقول كده كده انا هعرف بطريقتي قاللي كل الحكايه ان انا هكرت تليفونك كذا مره قبل كده قولتله تمام بس ليه قاللي بص يا مازن سكه و دغري انت هكر صح و لا ايه قولتلوا ايه اللي يخليك تقول كده قاللي لأنك متفوق جدا فى كل المواد ده غير انك فى كذا محاضره تطلع تشرح حاجات الدكاتره اصلا مش عارفين عنها حاجة و طبعا انت ابن حسام الخديوي يعني حرفيا انت هكر محترف درجة أولى و انا ناوي اساعدك زي م ساعدنى أبوك الله يرحمه قلتله انت تعرف ايه عن ابويا رد بنفس الكلام اللي قالوا مصلحي لما كان بيتكلم عن حسام الخديوي قلتله و هتساعدني فى ايه قاللي مش انت اللي وقفت قدام جماعة زيوس لما حاولوا يهكروا حسابك البنكي اللي ابوك سابوا ليك قلتله انت عرفت منين قاللي انا اصلا مراقب الحساب ده من اول م الإشاعة بتاعة الهجوم انتشرت كنت حاسس ان حسام لسه عايش بس طلع انك انت اللي وقفت و صديت الهجمات و بعدها الجماعة عرضت مكافأة للي يعرف معلومات عنك قلتله و ايه اللي مخليك عايز تساعدني قاللي ابوك هو السبب فى اني ابقى عميد اصلا و ساعدني فى حاجات كتير محتاجة سنه قدام علشان احكيلك عليها قلتله تمام لما احتاجك هبقي اكلمك. خرجت من المكتب مي كانت لسه مستنيه قلتلها م تيجي نمشي نروح اي مطعم أو كافيه انا مش طايق الكلية النهارده قالتلي طب نروح بعد المحاضرات قلتلها لا دلوقتي قالتلي خلاص تمام. المهم رحنا كافيه و انا طلبت قهوة ليا و عصير ليمون لـ مي. و احنا قاعدين انا قاعد متنح و باصص ليها راحت قالتلي مالك بتبصلي كده ليه قلتلها مفيش حاجة سرحان شويه مش اكتر قالتلي برضو سرحان فى ايه قلتلها فى واحده كانت كل يوم تزورني فى المستشفى عملت نفسها عبيطه و قالتلي منين دي بقي قلتلها عايزه تعرفي ليه قالتلي عادي لو مش عايز تقول خلاص قلتلها كنت سرحان فى امي طبعا هي كانت مفكره انها الشخص اللي سرحان فيه راحت ضربتني فى كتفي و قالتلي لازم تخرب عليا يومي كل م اشوفك. قلتلها ايه اللي حصل في ايه قالتلي مفيش قالتلها طب ضربتيني ليه قالتلي مزاجي كده قلتلها خلصانه. المهم بعد شويه قومنا مي وصلتني بـ عربيتها و روحت بيتها و انا طلعت اضوتي نمت شويه بسبب الادويه و المسكنات اللي باخدها علشان رجلي و ايدي. صحيت بعد ٣ ساعات لاقيت مصلحي بعتلي رسايل كتير كلمته قاللي يا مازن ركز معايا في اللي هقولوا قلتله قول، قاللي جماعة زيوس عرفوا ان اللي وقف قدامهم فى اليوم اياها موجود فى مصر ناقص بس يعرفوا هو مين و ده لو حصل انت هتموت قلتله و ايه المشكله كده كده كانوا هيعرفوا إن اللي عمل كده فى مصر لأنهم اكيد تتبعوا مصدر الهجمات المضاده اللي انا كنت بعملها علشان اصد هجماتهم قاللي لما انت عارف ده كله انت هادي كده ازاي قلتلوا هعمل ايه يعني هما كده كده مش هيعرفوا انا مين لان ده مستحيل. قاللي يعني انت مش ناوي تقف قصادهم قلتلوا اكيد لا. حسيت انه زعل كده و قاللي خلاص براحتك بس تابع برضو علشان لو حصل جديد قلتله ماشي ( طبعا ده كان اي كلام لأن انا مش هقف قصادهم دا انا هدمرهم دول قتلوا ابويا) المهم. ايام م كنت فى المستشفى كنت بفكر اصلا اعمل جماعة تبقى تحت ايدي علشان اقدر أقف قصاد جماعة زيوس دلوقتي علي الاقل لأنهم لو استخدموا كل قوتهم و انا لوحدي اكيد هموت مفيش نقاش. المهم بعد كام يوم لاقيت جماعة زيوس بيعملوا هجمات على سيرفرات مؤسسة صينية طبعا انا دخلت على طول بدأت اصد الهجمات دي لمده ٣ ساعات و لكن مقدرتش اكمل لان هجماتهم كانت معقدة جدا و انا لسه مستوايا مش زيهم ده غير أن عددهم كبير يعني خسران خسران المهم هما قدروا يدخلوا و خدوا المعلومات اللي هما عايزنها طبعا الكلام ده بيأكد اني صح لما فكرت اني لازم اعمل جماعة زي جماعة زيوس بس ده هياخد وقت و مجهود كبير فى قررت ابدأ بعد كام يوم فى الموضوع ده.
نمت شويه صحيت الصبح و بدأت اعمل تأمين للفون لان العميد قاللي انه اخترقوا قبل كده و بعد كده نزلت افطر لاقيت امي قاعده سرحانه قلتلها مالك سرحانه ليه قالتلي اختي شكلها مخبية حاجة عننا و انا مش متطمنة خالص قلتلها متقلقيش قالتلي تمام يلا علشان تاكل.
جت مي علشان تاخدني معاها الكليه و حضرنا كل المحاضرات و اليوم عدي عادي خالص بليل مصلحي اتصل بيا و قاللي ايه اللي خلاك تحاول تصد هجوم زيوس مش انت قولت انك مش هتعمل حاجة تاني قلتله يعني؟
قاللي يعني ليه عايز تقف قصادهم لوحدك قلتله لأني مش بثق في حد خالص و انت عارف كده كويس قاللي ليه ده كله قلتله انا كده قاللي تمام و بعد كده قفل فى وشي.
جت امتحانات الفاينل و طبعا كله قاعد يذاكر و انا قاعد العب و خلاص و دخلت الامتحانات و طلعت الأول على الدفعة. و لكن حدثت المفاجأة فى يوم من أيام اجازة نص السنه فيه فيديو جالي على الايميل لما فتحت الفيديو لاقيت واحد لابس قناع واقف فى نص الشاشة و بيقول بالانجليزي عرفنا انت مين و هنقتلك زي اللي قبلك او بعني أصح زي ابوك ههه انا عارف إنك اللي وقفت الهجمات بس الجد لسه مبدأش آخر تحذير انضم لينا او موت. الفيديو انتهى و انا الحرب العالمية الثالثة اشتغلت فى دماغي و مبقتش عارف افكر، الشخص ده واضح جدا إنه من جماعة زيوس و عرف إزاي الاي بي بتاع اللاب بتاعي هما لسه ميعرفوش انا مين و الدليل علي كده إني لسه عايش هما اخترقوا اللاب بتاعي بس و كده لازم بأسرع وقت اعمل الجماعة اللي هتساعدني أقف قصادهم يأما هتفرم و هيعملوني بطاطس شيبسي.
هنا بقى انا بطلت مرقعه و كلمت مصلحي و قولتله اسمع كلامي كويس قاللي اتفضل انا سامع قلتله انا عايز أكون جماعة زي جماعة زيوس، قاللي انت اكيد بتهزر لأن مفيش هكر هيقبل او حتى هيفكر فى حاجة زيدي قلتله ليه م أنت عرضت عليا المساعده و دا معناه انك بتكرهم و اكيد فيه هكرز برضو بيكرهوا جماعة زيوس ده غير انهم مش سايبين اي هكر يشتغل لـ حسابه هما أجبروا كل الهكرز يشتغلوا معاهم، قاللي انت دماغك دي ألماظ بس احب اعرفك إنك بقيت عقل كبير قلتله هنبدأ امتى نجمع الهاكرز قاللي من دلوقتي بس هنحاول نجند الهكرز المحترفين فقط لأن احنا داخلين على مدعكة قلتله زي الفل ابدأ باللي تعرفهم قاللي تمام. المهم عدي كام يوم و كل شوية يوصللي فيديو من جماعة زيوس بس انا مش مهتم و مصلحي قدر يجند ٣ هكرز محترفين و قدر يقنعهم بـ إننا عايزين ندمرهم او على الاقل نحقق توازن فى القوي.
الهكر الأول كان اسمه بهجت ٢٦ سنه من مصر طويل و جسمه رياضي اخترق المبنى بتاع شركة فيسبوك و قدر يفصل الطاقة عنه لمدة خمس ايام لمجرد أنه كان عايز يضيع وقت مش اكتر.
الهكر التاني كان اسمه علاء ٢٤ سنه من مصر قصير و جسمه مليان شويه قدر يخترق مبنى الاتحاد الاشتراكي الصيني و خد المعلومات و بعها بـ مبلغ محترم.
الهكر التالت اسمه عمر ٢٧ سنه من ليبيا طويل و جسمه رفيع شبه مصلحي كده و قدر يخترق مبنى وزارة الدفاع الفرنسي و سرق تصميمات لـ صواريخ نووية و بعها لـ روسيا برقم خيالي.
و كده الجماعة تتكون من، انا و مصلحي و بهجت و علاء و عمر
مصلحي كلمهم و قالهم اني عايز اقابلهم فى مصر و هنتجمع فى مكان كنت اشتريته فى الساحل الشمالي. بعد شهر كل واحد منهم جمع هدومه و فلوسه و كل م يمكلك من حاجات هتساعدنا فى اللي احنا هنعمله و انا قلت لـ امي اني هسافر الساحل اغير جو قالتلي ازاي و الجبس اللي عليك ده قلتلها معايا صاحبي هيساعدني اتحرك شوية قالتلي ماشي بس ترجع بعد اسبوعين بس جيت اروح لـ اختي اوضتها امي قالتلي اختك مش موجوده فى الدرس دلوقتي قلتلها خلي بالك منها ولما ارجع اشوف ايه اللي مغيرها كده. المهم مصلحي بعت للهكرز اللوكيشن و اتقابلنا فى فيلا انا اشتريتها فى الساحل و قعدنا اتعرفنا على بعضو بعد كده بهجت قال يا مازن مصلحي بيقول إنك أقوى منه في الاختراق مصلحي رد وقال دا اكيد مازن مستواه بقى عالي جدا من كام شهر، علاء قال براحه يا مصلحي شويه مش لازم تنفخ فيه اوي كده، عمر قال خلاص نحط تحدي لـ مازن لو قدر يعمله يبقى هو قائد الجماعة قلتوا ايه الكل قال تمام.
رد بهجت و قال انا عندي تحدي غبي شويه لو قدرت عليه يبقى اللي مصلحي قاله صح، رديت وقولت مصلحي قال ايه، رد عمر و قال بيقول إنك ابن حسام الخديوي، انا سعتها بصيت لـ مصلحي بغضب و قلت ايوه الكلام ده صحيح. بهجت قال كده تمام التحدي هو إنك تخترق سيرفرات مبنى وزارة الدفاع الأمريكية، عمر و علاء و مصلحي فى نفس الوقت قالوا ايييي انت بتهزر، بهجت قال المفروض التحدي ده ياخد يومين لو قدرت تعمله يبقى انت قائد الجماعة، مصلحي قال ده مستحيل انت كده بتقول ان مازن مش هيبقى قائد الجماعة، علاء قال بص يا بهجت اهبط انت دلوقتي و نشوف تحدي تاني و خلاص، فى الوقت ده و هما بيتناقشوا كنت خلاص اخترقت مبنى وزارة الدفاع الأمريكي. وريت اللاب ليهم و هما بيتكلموا و الشاشة مكتوب فيها تم الاختراق. بهجت عنيه برقت و قال ازاى دا جماعة زيوس خلصوا الحوار ده فى يوم تقوم انت تخلصه فى دقيقتين. عمر سعتها استغرب جامد و قال اى ام الدماغ اللي تعمل كده انت قائد الجماعة رسمي فهمي نظمي. علاء سرح شويه و بعد م استعاد تركيزه قال آخر واحد شوفته بيعمل اختراق كبير زي ده و بالسرعة و الدقة دي كان ابوك حسام الخديوي. مصلحي قال هو ده الكلام انت كده مش هتسمي علي جماعة زيوس دا حتى القائد بتاعهم مش بـ المهارة و المستوى ده رديت وقولت بس عددهم كبير جدا ودي ميزة مهمة.
قلتلهم يا جماعة اهدوا شوية و ركزوا دلوقتي احنا خلاص عملنا الجماعة لازم نشوف اسم ليها، مصلحي قال نسميها جماعة الاحرار، الكل قال لا. رد بهجت وقال ايه رأيكم فى اسم القراصنة، رد علاء وقال ياااه على الضحك م كل الهكرز قراصنه بس على الانترنت، رد عمر و قال خلاص نسميها جماعة الخير، الكل رد فى نفس الوقت و قلنا بس يا شيخ عمر، انا قولت ايه رأيكم فى جماعة إيزيس كلهم قالوا دماغك شغالة يا مازن، اتفقنا كده ان اسم الجماعة إيزيس(ركزوا فى الاسم كويس علشان مهم بعدين). بعد كده نزلنا اشترينا شوية أدوات و اجهزة على كام كمبيوتر و ده كله خد مننا يومين، رجعنا اخر اليوم التاني تعبانين من اللف على المحلات. تالت يوم بدأنا نركب الاجهزة و نسطب البرامج و نشغل اجهزة التشفير و اجهزة التأمين، و هنا يا عزيزي القارئ تبدأ واحده من أهم الحروب الالكترونيه التي سوف تغير تاريخ الانترنت فى العالم. بعد م خلصنا تركيب و كله بقى تمام نبهت على الكل إننا هنصحي بكره الساعة ٥ الفجر. و دخلنا نمنا. تاني يوم الساعة ٥ الفجر نزلت تحت فى الصالة و اللي بينزل و اللي في الحمام المهم اتجمعنا على الساعة خمسه و نص.
مصلحي قال ايه اول خطوه يا مازن قلتلوا لازم فى الاول نعمل دعاية للجماعة علشان نضم عدد اكتر من الهكرز، بهجت قال كلامك صح لازم نبدأ بسلسلة اختراقات لأكبر المؤسسات علشان نلفت انتباه اكبر عدد ممكن من الهاكرز و لازم نسيب شعارنا علشان يعرفوا الجماعة إيزيس، علاء قال و أهم حاجة نلفت نظر جماعة زيوس. عمر قال متقلقش انت ناسي إنهم كده كده بيعرفوا كل حاجة بتحصل على النت. علاء قال انا قصدي نلفت نظرهم على إننا أعداء ليهم مش مجرد شوية هكرز عملوا مجموعة اختراقات و خلاص. انا قولت تسلم يا علاء هو ده المطلوب. مصلحي قال يلا نبدأ المدعكة….يتبع…. استنونا فى الجزء الرابع علشان تعرفوا هيعملوا اى، و اى نوع الضربه الى هيعملوها علشان تهزر العالم وترعب الكل.
موعد نزول الفصل الرابع من قصة الحرب والجن والغموض
يسعدنى انك قرات قصتي واتمنى ان تكون نالت اعجابك والان سوف اقدم لك موعد الفصل الرابع من القصة وهو 28/7/2022
توجه الى الفصل الرابع من هنا👇👇
الفصل الربع من قصة الحرب والجن والغموض
والى هنا نكون قد وصلنا الى نهاية مقال الفصل الحالى واتمنى إرضائكم فيما اقدم .
لا تنسوا الانضمام الى قناة التلجرام الخاصة بنا حتى تكون اول من يصله الفصول اولاً باول ❤🌹.
للانضمام اضغط على الصورة لتنقلك الى قناتنا 👇.
