الحب هو دائما وعم تخلي عنه 🖤🍃
جمال ومال وعلم وحظوظ...
التانيه : اييييه ..الله يعطينا نص حظهن ...
شبين تانيين واقفين مع بعضهن ...
الاول : شوف نيالو اخد ملكه جمال وفوق منها مصاري وعز
التاني : حبيبي هدول الناس مابياخدو غير منهن وفيهن ..مشان العز مايطلع لبرا او لحدا غريب ...
هيك كانت احاديث اغلب الناس الموجوده....ناس عم تغتاب وناس عم تندب حظها وناس حاسده واكيد في كتير ناس تانيه محبه وعم تتمنالن الخير ...
هادا شي طبيعي يكون موجود بكل الحفلات والمناسبات
رقصوا سوا ..ولبسوا الخواتم والنَّاس كانت مبهوره بالدهب والالماس للي كان مضر عم يلبسها هوه خلصت الحفله ...والنَّاس بلشت تتمنالن السعاده وتمشي ... طلعوا عاليه ومضر عالبرنده وقعدو مع بعض سهره... بس اغلب حديثن كان ع الشغل....
شب وصبيه بيعرفو بعض من اكتر من عشر سنين ...ومقضيين يومهن مع بعض ....اكيد مارح يكون في شي جديد يحكوا فيه بهيك قعده...ماعندهن فضول التعارف الموجود عند العرسان الجداد...
بس مع ذلك كتير كانت عاليه تحبو ...سهروا شوي وبعدين مضر استئذن وراح وهيه طلعت ع غرفتا غيرت تيابا ونامت بسرعه من تعبا ...
#الجزء_الثاني:
مضت الأيام والشهور ... وباقي لعرسن كم شهر .. وكانوا قبل فتره طويله عم يجهزوله..لانو كان بدن عرس أسطوري ومميز ...فكانت التجهيزات كتير بدها متابعه وشغل ... كانوا قاعدين بالمكتب عم يشتغلو ...بيدخل اداري شؤون الموظفين علين ومعو صبيه
الاداري : بعرفكن على تالا .. رح تكون السكرتيرة الجديده للمكتب ...
عاليه : اهلا وسهلا تالا تفضلي ...
قعدت تالا ع مكتبها وعاليه رحبت فيها وأخذتها ع جوله بالشركه على المكاتب والاقسام وعرفتها ع اغلب الموظفين وشرحتلها عن دورهن بالشغل
تالا كانت بنت عاديه ..نحيفه وناعمه كتير ...سمرا وشعرها اسود وعيونها سود عمرها ٢٢ سنه...
دخلوا اخر شي على مكتب مضر ...
عاليه : صباح الخير . بعرفك تالا السكرتيرة الجديده ..بدل هناء
مضر : يااهلا وسهلا انسه تالا تفضلي ... شو بتشربي
تالا : مابعرف مابتفرق
عاليه : رح وصي على قهوه ... اتصلت تلفون ووصت عالقهوه وقعدوا كلن
مضر : اي انسه تالا ..شو دارسه وشو عندك خبرات ؟؟؟
تالا : دارسه أداره اعمال وبصراحة ماعندي اي خبره لسا ...انا خريجه جديده ولسا عم دور ع شغل ...وانتو لسا اول مكان بجي بعمل مقابله فيه ...
مضر : ايوااا .. شوفي هوه الصراحه نحنا كتير بتهمنا الخبره ... لانو شفتي شغلنا صعب وبدو كتير متابعه ودقه .. لذلك يفضّل انو يكون عند الموظفه خبره ...
ع كل حال بشوف وبردلك خبر ....
تالا : طيب بس بدي اعرف شغله ...من وين الخريج الجديد بدو يجيب خبره اذا ماحدا راضي يشغلو !!!!!
تالا احمر وجهها ووقفت من محلها بسرعه ووجهها صار احمر وكان مبين عليها انها متضايقه.....
مضر :عنجد أسف ...
عاليه : حبيبي مضر شو رايك منوظفها اسبوع ومنخلي صالح يعلمها بركي خلال هالاسبوع بتصير أحسن ...ممكن يكون عندها قدرات وسرعه تعلم ....
مضر : طيب اوك خلص خطيبتي حبتك ..نيالك ...
عاليه سلميها مكتبها وخلي صالح يتابعها .....
عاليه : يخليلي ياك يارب ..يخليلي الحنون للي مابيكسر بخاطر حدا ...
مضر ابتسم وتالا كانت واقفه عم تتفرج علين ......
دخلت تالا ع مكتبها وبلشت تتعلم بسرعه وكانت اذكى بكتير مما توقعوا ...خلال اسبوع اتقنت كل شي تقريبا ...وصارو يسلموها الشغل وكانت ماتغلط ودقيقه...
عاليه : حبيبي هدول الملفات حفظتهن الانسه تالا بالأرشيف ... اذا بدك ترجع تشوفهن !!
مضر : لا مابدي وجعني راسي ...شو رايك نطلع نتغدا برا !؟؟
عاليه : لاوالله ياريت بس لازم خلص المخطط للي بايدي لانو كتير تأخرت عن تسليمه...والورشه عم تسال عليه
مضر : طيب لكن انا رح روح عالبيت
عاليه : اي روح ارتاح شوي لانو شكلك تعبان اليوم
مضر : طيب بخاطرك
قرب لعندا وباسها من جبينها وطلع
مرق من جنب مكتب تالا ... اجت عينه بعينها ومشي ...بعدين رجع لعندا ...
نتمنى ان ينال اعجابكم ❤️🍃
يتبع للجزء الثالث،،،
