حكاية قلب مقسوم نصين

خاطرة بعنوان : حكاية قلب مقسوم نصين  (سها الجزار)

نصي الاول حاسس قلبي بيه 
تملي بيدور عليه  
شايف راحته جمب منه
اصله حب القرب ليه 
يوم ما قابله عقلي قالي
مين ده واسمه ايه 
فكرت اسأله
لكن سكت سرحت فيه
ومن غير ما اعرفه
اطمنت كتير انا ليه 
وعرفت انه راجع معايا 
اني في حمايته 
كان المكان بعيد 
كان الدنيا واقفة قدام عنيه
ركب جمبي 
ووسط الطريق كان قلبي يدق 
ولما يتكلم يدق اكتر 
كأن صوته بيقولي انا عارفك واتأخرتي ليه 
عدي الوقت بالطريق كأنه ثواني 
ملحقتش اقوله انت اية ؟
لية خطفتني 
هو انت اية ؟
سكت ومشيت 
لاقيتوه بيناديني 
يلا انا هوصلك لحد البيت 
مهنش عليه يسيبني لوحدي 
كمل معايا من خوفه اللي كان ماليه
وبعد ما وصلنا 
ضحك هو وسلم 
وكان قلبه بيتكلم 
قال اللي معرفش يقوله
ايوة فضحته عنيه 
وكدبت نفسي 
كدبت نظره عنيه 
فهمتها 
لكن معرفش خوفت اصدقها ليه
بعدها بفترة حكي ليا 
لمح باللي جوا قلبه 
حسسني بحبه 
صديته عشان ساعتها خوفت يكمل كلامه
حسيت كأنه واجهني باللي كنت بداريه...

اما نصي التاني كان حزين 
عقلي سرقني 
وفي وسط احلامي 
قالي فوقي
لاقيت نفسي ببعده عني  
كرهته فيا وزعلته 
عشان مااتجرحش  فيوم منه
لكن
اصلها مش بإيدي ولا بإيده 
حب يتولد بوسط ظروف كلها ضده
وسألت نفسي
احاول واكمل وقلبي مطمن ؟
ولا يا عقلي انت مانعني 
خايف تكمل ؟
خايف تكون متهور ؟ ....

• ااااه  ياحكاية قلب مقسوم نصين     <3

________________________

كلنا بنكون بين اختيارين اما تمشي ورا قلبك أو  تسمع لعقلك 

طبعا لو حبيت قلبك هيسبق عقلك 

لكن لو  عقلك غلب قلبك تبقي مش حبيت 

احكيلي تجربتك مع الحب وازاي قلبك دق اول دقة ويتري عقلك اللي كسب ولا قلبك ..

وفالحالتين لازم تتأكد ان الخير هو اللي هيكون متقدر ليك ربنا اللي بيقرب القلوب ..

ولو مريت بتجربة قاسية هتتعلم منها كتير وتعلم قلبك ازاي يحب وازي يكون اقوي من اي وجع وجرح .. 

احبائي اللي اذاك يوم هيجيلوا يوم ويتأذي واللي حبك وقرب منك اكيد عاوزك متتخلاش عنه وامسك فيه صعب تعوضه .. 

وفالنهاية احب اقولكم اني لاقيت الشخص الصح وبدعي يديمه ربنا نعمة فحياتي ..