شحات مش هتشوفو غير في مصر

الشحاتة في مصر بقت مهنة زيها زي الدكتور والمهندس والمفروض يفتحولها كلية اصل مش اي حد يشحت يا جماعة ايحد هيقولك اديني هتديلو لا طبعا دا فن وليها اسس وقواعد زي مثل تلاقي واحد محترم جدا وشكله شيك يدخل عليك يقولك اقسم بلله انا مش شحات بس انا عايز جنيه اجيب بيه فطار انت بتبصله بصة يا علي الزمن وطبعا بتقول في بالك انه قنوع وفطار اي دا الي بجنيه والشهامة بتنقح عليك و بتطلع بزيادة  ويبقا يومك اسود لو سمعت كلامه واديتله جنيه تلقيه ابتدا يقلب وشه يقولك ولله عيب يا استاذ استاذ محترم زيك يديني جنيه هو علشان الواحد بقت ظروفه كدة ويبتدي يقلب عليك المواجع فابتديلو بزيادة علشان ميفضحكش 
 دا اول نوع التاني انت كانسان طبيعي عندك ست حواس هو عنده سبعة زيادة عنده حاسة الزن وهو فعلا امر من السحر تلقيه قعد جنب ودانك وهاتك يا زن وغالبا بيقعد يعيد الي بيقوله(تقليد حاجة سريعة ) بسرعة علشان مديش فرصة للي قدامه يفكر هو بيقول اي ومش بيهدة غير لما تطلعلو بياخد  فلوس اصل هو لو ماخدش فلوس هياخد ودانك 
 ‏ النوع التالت ملك الدعاوي دا زي ملك الشورمة كدة دا متخصص في الشورمة والواد متخصص دعاوي دا مصدر رزقه علي حجتين الحبيبة وانتو عرفنهم طبعا  والزحمة يلاقي واحد وواحدة علي الكورنيش يروح يغمزلو ويقولو يا رب تتجوزو يرد عليه  يا عم دي مراتي طيب يارب تطلقو وتتجوزو تاني يروح لوحدة وقفة في الشارح من صبحية ربنا مستنية حببها ووقفة في الشمس لغاية لما كرهته اصلا ويدخل يقولها حاجة لله يا ابلة طيب يارب يجي لو ادتيني حاجة  متعبرهوش طبعا ما هي مخنوقة من امه يقولها طيب يارب تتجوزي ابن الحلال متردش طيب ابن الاصول طيب ابن بطوطة ولا هي عيزة ترد و في الزحمة  غالبا في الزحمة لو قعد يلف علي واحد واحد ناس كتير مش هيلحقها فبيتدي يعلي صوته ويبتدي يدعي علي الي مش هيديله فلوس وتلقيه بيقول يارب الي ميديني جنيه يجيلو حول في عنيه والي ميديني يورو تقفلو عضمة في زورو والي ميديني قرش يجيلو مغص في الكرش الي هو لو انا مخدتش منك فلوس هبوظك خالص
 ‏الاخير بقا الي هو المؤزي تلقيه يحب يبقا متوسخ اوي ويقولك هات حاجة لله تقدر تقول لا تلقي ابتدا يهرش في راسه وجسمه كله وهو بيقولك لقاك لسة مصمم بيحاول بقا يبتدي يحضنك علشان يهددك ولو عملها وحضنك تلقيه بعد ما حضنك يقولك علشان خطري دا انا عندي مرض جلدي خطير وقمل في راسي وبيقولك لو طولت اكتر من كدة في حضني هتطلع علي القرافة عدل يستحسن تديلو من الاول وتخلص