قعدة جواز الصالونات، مقال ساخر بالعامية المصرية.
في المقال دا ححكيلكو عن جواز الصالونات في مصر و قعدة العريس وأهله وتحديدا مامته لأول مرة مع العروسة.
احكيلكو شوية علي مامة العريس ، سكرة القعدة 😍😍، لازم مامة العريس يبقي ليها فقرة كدة تقعد تمدح ف ابنها كالأتي ..
حمادة 😍 هو في ف طيبة حمادة وحنية قلب حمادة عليا وعلي اخواته البنات، ما يخشش عليا غير بصنية البسبوسة والاتنين لتر بيبسي ويقولي كلي ياماما وحلي بوقك وساعات يجبلي مشكل اشي بسبوسه علي هريسة .. والشارع كله والعمارة كلها تحبك وتموت فيك يا حمادة ويجو يقولولي يازين ما ربيتي وكبرتي وحميتي وسهرتي يا أم حمادة ، زهرة شبابك يا منطقتنا.
ولا زمايله ف الشغل ، يالهوووي روحهم فيه ومبيقلولهوش غير يا عسلية ، وروح ياعسلية وخلاص تعالي ياعسلية ويخرابي لو غاب يوم ، تلاقي المدير وزمايله كلك يتصلو عليا ويسألوني هو حمادة العسلية مجاش ليه النهاردة ياطنط وهاتك ياعياط نسكت واحد ، التاني ينفتح ..
ولا البنات سواء بقى بنات خاله ولا جيرانا في الشارع وزميلاته في الشغل، كلهم يتكنوك يا حمادة ويعينهم عليه والناس كلها تحبه و روحهم فيه والله.
حمادة مسم حنية وطيبة الدونيا كلها، والله الي حتاخده تبقي انكتبت من السعدا ف الدنيا، ياسعدها يا هناها ... يلا ربنا يحميه وافرح بيه يارب اللهم آمين وتقوم معيطة ، ليه معرفش 😂😂
وحمادة يبقي قاعد منشكح ، زودي يا حاجة زودي ميهمكيش . 😂💃💃
وف عز المشهد الرومانسي الي فات دا ، تلاقي عيلين معدين من جنبك كدة وماسكين ف خناق بعض ف الصالة .
* ايه دا ولاد مين دول ياجماعة وبيعملو ايه هنا ، انتو تايهين عندنا ؟
- مامة العريس: دا حمصة وميزو ولاد اخت العريس ، تعالي ياحمصة إنت وميدو مش قولنا عيب كدة منتاخنقش احنا اتفقنا على إيه وإحنا جايين اخس عليكو طب لما أروحلكو بس والله ما هي فايتاكو.
إحم معلش يا حببتي أصل العيال روحهم في خالهم حمادة ليخبوه أكتر من أبوهم، يا حبيبي ما يدخل عليهم غير بكيسة الحاجة الحلوة الكيس أد كدا عشان دا بيموتو فيه وشبطو فيه واحنا جايين وهو من حنيته مرضاش يقولهم لا وجابهم معاه ، تعالو يا ولاد تعالو سلمو علي عروسة خالكو بصوا عسل وقصيرة ازاي؟
شيليهم
* أنا ف سري * تعالو ياحبايبي سلمو عليا وتفو علي خالكو عشان انا مش عارفة جابكو معاه ليه ف ليلة سودا ومش فايتة زي دي .
بس بقي وينتهي المشهد ويقوم الأستاذ الضاكتور حمادة زهزه الله عصره ونصره علي مين يعاديه يلم اخواته وعيال اخواته ومامته ويشحنهم ف الميكروباظ وبيب بيب بييييب - عريس بقي - ويرحوا بالسلامة ف رعاية الله وحفظه وأمنه. ♥
