حكاوي شويه عن نفسي الي عايز يسمع يتفضل والي مش عايز يتفضل هو كمان😂❤

السلام عليكم ياريت كلكم تكونو بأحسن حال. 

اسمي مصطفى عبده لقيت ان دا مكان حلو افضفض فيه واكلم واقول الي في نفسي. 

ممكن تكونو مستغربين العنوان مثلا او ان دي حاجه جديده هنا بس انا قلت نعمل تجربه ممكن تكون جميله وحلوه هنا. 

اول حاجه عايز اكلم فيها وهيا النجاح الي انا او انت او اي حد عايز يوصله في حياته يعني لو هنكلم بصراحه انا خلاص هتمم 20 سنه خلاص ويعتبر ماحققتش اي حاجه انا عايزها يعني لو هنروح للكليه انا كنت عايز اخش هندسه او ذكاء اصطناعي دخلت نظم ومعلومات وبرده من الاحلام الي كنت عايز احققها ابقي لاعيب كوره بس انا ماكنش عندي الموهبه رغم اني بحب الكوره جدا ومدمنها بشكل غير طبيعي وبالمناسبه انا زملكاوي😅نيجي بقي عند الحته بتاعة النجاح واذاي توصله. 

طبعا احنا عارفين ان كله مكتوب ومصيرك متحدد سواء انت حابب دا او لا ودي طبعا ارادة ربنا نيجي بقا للعوامل الي هيا بتحققلك النجاح والوصول للهدف الي انت عايزه هنضرب مثل لشخصين. 

اول شخص. 

اول شخص هنقول انه عنده كل المقومات والوازم االي تخليه يبقي اي حاجه هو عايزها في الدنيا يعني درس في مدارس تعليم خاص وكليات وجامعات اعلي مستوي وارقي الامكان وخد الشهاده احساسه هيكون عادي مش هيحس انه عمل حاجه كبيره ولو فرضنا انه ماتعلمش ولا خد شهاده تفتكر هيتأثر او هيحس بالندم لا علشان عايش حياه وقاعد في رفاهيه ومروق دماغه دا مثال لاول شخص. 

الشخص التاني. 

الشخص التاني دا ياسيدي شخص حرفيا بيكح تراب وممسوح بكرامته الأرض مالوش حظ في الحياه بس ايه عنده هدف عايز يوصله يعني لو بدأنا قصة تعليمه درس في مدارس حكومة ودخل كليات وجامعات وكان محتاج انه يوفر مصاريف لنفسه دا لما يوصل لهدفه هل هيكون احساسه نفس احساسه مثلا يعني الي اتولد لقي نفسه ناجح زي الي اتولد وهو مش بيكافح علشان يعيش في الدنيا دي لا طبعا بس هيا كلها ارزاق وثقه في الله اهم حاجه يعني لو انت عايز تاخد حد مثال خد القصه الي ربنا ذكرها في القراءن في سورة الكهف لاتنين صحاب واحد ربنا رزقه من واسع واتغر وكفر بربه والتاني فقير وماعندوش اي فلوس ولا بيمتلك اي حاجه بس كان عنده ثقه ويقين في الله وتعالي نراجع الحوار. 

قال تعالى: قَالَ لَهُ صَاحِبُهُ وَهُوَ يُحَاوِرُهُ أَكَفَرْتَ بِالَّذِي خَلَقَكَ مِنْ تُرَابٍ ثُمَّ مِنْ نُطْفَةٍ ثُمَّ سَوَّاكَ رَجُلا ۝ لَكِنَّا هُوَ اللَّهُ رَبِّي وَلا أُشْرِكُ بِرَبِّي أَحَدًا ۝ وَلَوْلا إِذْ دَخَلْتَ جَنَّتَكَ قُلْتَ مَا شَاءَ اللَّهُ لا قُوَّةَ إِلا بِاللَّهِ إِنْ تَرَنِ أَنَا أَقَلَّ مِنْكَ مَالا وَوَلَدًا ۝ فَعَسَى رَبِّي أَنْ يُؤْتِيَنِ خَيْرًا مِنْ جَنَّتِكَ وَيُرْسِلَ عَلَيْهَا حُسْبَانًا مِنَ السَّمَاءِ فَتُصْبِحَ صَعِيدًا زَلَقًا ۝ أَوْ يُصْبِحَ مَاؤُهَا غَوْرًا فَلَنْ تَسْتَطِيعَ لَهُ طَلَبًا [سورة الكهف:37-41]

فالي عايز ينجح ويسعد في الدنيا يكون عنده ثقه في ربنا وافتكر ربنا لما قال(وان ليس للانسان الا ماسعي) 

فالحكايه كلها محتاجه ثقه في الله ولو ربنا ماناولكش الي انت عايزه هيراضيك في الاخر وفتكر ان اي انسان لازم يمر بصعوبات في حياته  وخلي عندك يقين دائم في الله وبس. 

حابب اشكر لو كنت كملت لحد انا قلت اما كلم معاكو شويه واديكو شوية نصايح في الحياه. 

by. Mostafa Daedosha