الاعضاء الVIP
Mohamed Mamdouh Vip حقق

$0.28

هذا الإسبوع
Al-Fattany Beauty Channel Vip حقق

$0.73

هذا الإسبوع
Ahmed Adel Vip Founder المستخدم أخفى الأرباح
محمود محمد Vip المستخدم أخفى الأرباح
أكثر الأعضاء تحقيق للأرباح هذا الاسبوع
Mostafa Mohamed حقق

$21.05

هذا الإسبوع
Fox المستخدم أخفى الأرباح
ahmed hawary حقق

$7.25

هذا الإسبوع
Ahmed Adel Vip Founder المستخدم أخفى الأرباح
Youssef Shaaban المستخدم أخفى الأرباح
Hager Awaad حقق

$4.50

هذا الإسبوع
Ahmed حقق

$3.85

هذا الإسبوع
Mohamed Ahmed Sayed حقق

$2.94

هذا الإسبوع
osama hashem حقق

$2.76

هذا الإسبوع
nasr el din حقق

$2.64

هذا الإسبوع
هل فعلا الصداقة مهمة بالنسبة لنا؟

هل فعلا الصداقة مهمة بالنسبة لنا؟

طول عمرنا بنشوف الصداقة حاجة مهمة وصعب انه الواحد يعيش بدونها -او عالأقل اغلبنا بيفكر كده- وده بيكون نتيجة لطبيعتنا كبشر وانه صعب نكون لوحدنا بدون رفيق او “صديق” بس ليه؟…. هل فعلا الواحد ميقدرش يعيش بدون صداقات؟…الاجابة هتختلف من شخص للتاني عل حسب حياته وتفكيره وكل الكلام ده , أما انا فهتكون اجابتي محايدة.

بمعنى انه في أوقات بفضل فيها الانعزال تماما عن الكل حتى اقرب الناس ليا ومبكونش مستعدة اتكلم مع ي حد من صحابي ….وبحس اني بس محتاجة نفسي الفترة دي . بس ده مش معناه ابدا اني انطوائية او مش بحب صحابي….بس كلنا بنحتاج كل فترة ناخد استراحة من كل اللي حوالينا ونعد مع نفسنا شوية….فخلال فترة الاستراحة اللي كلنا بنحتاجها من وقت للتاني دي بنبدأ نكتشف حاجات عن نفسنا وعن اللي حوالينا.

ممكن فجأة تلاقي نفسك بقيت تحب لون مكنتش طايقه قبل كده, او لقيت نفسك عملت انجاز تافه بالنسبة للناس بس ليك انت مهم جدا لأنه حصل بعد تأجيل كتير جدا…واحتمال من اللامكان تكتشف انه محدش بيسأل عنك لما تغيب لا و بالعكس بتلاقي عدم مبالاة بأمرك مش طبيعية…..بس اكيد مبيكونش قصدهم…ولا ايه؟.

وعلى جانب اخر جزء كبير مني بيحب التجمعات والصحبة الكتيرة وانه دايما يكون في حد بيسأل عني عشان يتطمن لما اختفي فجأة, حد اقدر اني أحكيله عن مشاكلي وافضفض له بدون خوف او توتر من ردة الفعل …حد بجد اقدر أقول عنه "صديق".

بس يؤسفني اقولكم انه الجانب ده مني بدأ يتلاشى مؤخرا بدون ما احس…فجأة لقيت نفسي في متاهة من الأفكار بدون اي استنتاج او خلاصة للدوشة اللي فراسي دي….بقيت افضل اني احتفظ بمشاكلي لنفسي حتى ابسطها…بطلت احكي كل حاجة بتحصلي سواء حلوة ولا وحشة ….بطلت اتحمس لردة فعل حد على كلامي او على اي حاجة انا بعملها…. بقت اجابتي على اغلب الأسئلة الموجهة ليا “معرفش”…. و ده مش لأني بحاول اتهرب او اختصر الحوارات الطويلة بس….لا انا فعليا اغلب الوقت مبكنش عارفة أرد أقول ايه.

وفي عالم موازي اخر هتلاقوا الشخصية الأكثر استخداما بداخلي او نقدر نقول “خارجي” ….شخصيتي اللي اغلب الوقت بكون مجبرة اني اظهرها قدام صحابي واهلي والناس كلها…. الشخصية السعيدة واللي معندهاش اي مشاكل او هموم وعايشة فكوكب زمردة….وللأسف دي الشخصية المفضلة عند الجميع…البعض بيكون واخد عنك انطباع انك روبوت مبرمج عالفرحة والايجابية دايما وملكش حق تزعل او تعبر عن الضغط النفسي اللي جواك….ولو أظهرت اللي جواك بجد ….هيكتشفوا فجأة انك اتغيرت وبقيت انسان تاني هما ميعرفهوش بدون ما يحاولوا يفهموك.

وبالعودة لعنوان المقال وبعد فضفضتي البسيطة دي حابة أقول انه أهمية الصداقة من عدمها معتمدة بشكل كلي عالشخص اللي قدامك….بعضنا مر بتجارب خلته يكتفي بنفسه ويتجنب اي صداقات او علاقات قريبة لأنه خايف من اعادة اللي حصل في الماضي …والبعض الاخر مر بصداقات فاشلة ومع كدة مفقدش الأمل ودايما بيحاول عشان يلاقي الأحسن او زي ما بنقول كدة “العوض".

وبصراحة شديدة انا مقدرش اقولكم أي نوع فالناس دي هوا الصح…كل واحد حر يختار اللي عايزه…. بس نصيحة حاولوا تختاروا صح ….و انا قولت حاولوا لأنها مش حاجة سهلة انك تلاقي الصديق الصح ومش بيبان من اول لقاء وممكن تعدوا مع بعض سنين ويطلع كان اختيار خطأ….ركزوا في المواقف وفي الخناقات اللي بينكم…خصوصا الخناقات او الخلافات لأنها بتبين معدن الشخص كويس….وأوعوا تسمحوا لحد انه يهينكم او يستغلكم لمجرد انه “صديق”.

 

وختاما أتمنى لكم حياة سعيدة وخالية من “غدر الصحاب” :).

 

التعليقات (1)
Mahmoud El Sayed

2022-03-23 17:29:20

كلامك صحيح
الرجاء تسجيل الدخول لتتمكن من التعليق
مقال بواسطة

مسابقة شهر رمضان 2024 منصة اموالي

  • المركز الاول سيربح

    30$+عضوية Vip لمدة شهر

  • المركز الثاني سيربح

    20$+عضوية Vip لمدة شهر

  • المركز الثالث سيربح

    10$+عضوية pro لمدة شهر

ستنتهي المسابقة خلال : أسبوع من الآن

الأشخاص الذين حصلوا على أكبر عدد من النقاط في المنافسة حتي الان

كريمة

عدد النقاط : 2207 نقطة

Al-Fattany Beauty Channel

عدد النقاط : 1355 نقطة

Mostafa Mohamed

عدد النقاط : 1089 نقطة

sama

عدد النقاط : 1041 نقطة

Faith

عدد النقاط : 1010 نقطة

مقالات مشابة
...إخلاء مسئولية: جميع المقالات والأخبار المنشورة في الموقع مسئول عنها محرريها فقط، وإدارة الموقع رغم سعيها للتأكد من دقة كل المعلومات المنشورة، فهي لا تتحمل أي مسئولية أدبية أو قانونية عما يتم نشره.