الحرب والجن والغموض الفصل الثالث من الجزء الثاني

الفصل الثالث من الجزء الثاني من القصة

اهلا و مرحبا بكم ف الحرب و الجن و الغموض الفصل  الثالث من الجزء الثاني.

فجأة فرعون ظهر و شكله متوتر جامد قدام حورس بعد م الماثور اختفى. و حورس حس بتوتر فرعون.
حورس : فيه ايه يا فرعون متوتر ليه.
فرعون : مازن...
حورس : مازن ماله انطق يا ابن عمي.
فرعون : بص مش انت عارف ان مازن خاطب واحده اسمها مي.
حورس : اه عارف و عارف كمان انه بيحبها جدا.
فرعون : لما كنا بنستجوب بهجت قال ان مي شغالة مع جماعة زيوس و لما مازن حب يتأكد خلاني ابعت ماثور ل روسيا يتأكد من كلام بهجت و الماثور لما رجع اكد على كلام بهجت، ف مازن لما عرف الكلام دا دبح بهجت و بعدها بشوية تتتتتت.
حورس : ما تنطق سكت ليه.
فرعون : مازن فجأة وقع ع الارض و مكنش عارف يتنفس و المكان حصله زلزال من قوة مازن ك جن و حصل تسريب ل قوته مش عارف ازاي.
حورس : ازاي يعني حصل كل دا، مازن لسه صغير جدا علشان قوته تظهر بالشكل دا.
فرعون : دا اللي حصل بس لما حصل التسريب حسيت بقوة اكبر بكتير من قوتي او حتى قوتك.
حورس : كدا الكلام بقى حلو خالص بس ازاي مازن عنده قوة زي دي.
فرعون : معرفش المفروض انك اكبر مني ف المفروض انت اللي تبقى عارف.
حورس : طب مازن فين دلوقتي و عامل ايه.
فرعون : انا عملت ل مازن تنفس صناعي و دلوقتي هو بيتنفس بس لسه فاقد الوعي و موجود ف شقته.
حورس : روح انت خد بالك منه لحد م اقول اللي حصل دا ل ابويا و هو اللي هيقرر هنعمل ايه بعد كدا.
فرعون اختفى من قدام حورس و قعد يفكر شوية ف الكلام اللي قاله فرعون.
الكلام بين حورس و نفسه.
حورس : لو كلام فرعون طلع صح كدا مازن او ايزيس هو اللي هيبقى الملك و دا كدا مشكلة كبيرة لاني عايز ابقى الملك بعد ابويا.
نفسه : كلامك صح بس ازاي مازن يملك القوة دي كلها دا حتى قوي جدا و ذكي جدا ك واحد من البشر ف ما بالك بقى لو استخدم قوته ك جن.
حورس : انا هساعد مازن و هقف جنبه ك اخ ليه حتى لو هو اللي بقى الملك انا م صدقت بقى ليا اخ يسندني و اعتمد عليه.
بعد م حورس خلص تفكير خد بعضه و راح ل ابوه الملك شمهروش اللي كان ساعتها واقف ف بلكونه ف القصر و باصص قدامه.
حورس : بابا ممكن اتكلم معاك.
الملك شمهروش : مش انا قايل قبل كدا لما تلاقيني واقف هنا متجيش ليا و لا تكلمني.
حورس : انا اسف يا بابا بس اللي خلاني اعمل كدا حاجة مهمة جدا.
الملك شمهروش : حتى لو العالم كله بيتحرق متجيش هنا تاني و دا امر مني ك ملك ف لو عملت كدا تاني هيبقى عقابك شديد.
حورس : يا بابا الموضوع متعلق ب مازن.
الملك شمهروش : مازن ماله.
حورس حكي ل بابا كل اللي فرعون قاله و بعد م خلص حورس كلامه، الملك شمهروش مظهرش عليه أي رد فعل ودا جعل حورس يقلق اكتر لان بعيد عن قوة ابوه الملك شمهروش زي م معروف عنه ان أقوى جني ف عالم الجن زي م هو مشهور بالذكاء الخارق و العبقرية و بعد شوية الملك شمهروش التفت ل حورس و قال.
الملك شمهروش : خلي فرعون ياخد باله منه.
و رجع الملك شمهروش تاني يبص قدامه و لا كأن اي حاجة حصلت. و دا اللي خلي حورس يترعب و يتوتر اكتر لانه رغم انه عاش عشرين ألف سنه و تقريبا كلهم مع ابوه الا انه مش قادر يفهم دماغه و تفكيره خالص و دايما الملك شمهروش يقول على حورس انه شبه امه ( انا لحد دلوقتي موصفتش اي حاجة و حتى موصفتش حورس او ابوه لان اللي بيحكي القصة مازن ف لازم يشوفهم الاول و بعد كدا هوصفهم)
حورس مشي من عند الملك شمهروش و هو بسأل نفسه ليه مظهرش رد فعل من ابوه الملك شمهروش.

عندي انا ف اوضتي ف الشقة.
انا كنت بتنفس بس فاقد للوعي و لكن كنت بحلم
في الحلم :
الاول كانت الدنيا سودة جامد ف الحلم حتى مكنتش شايف ايدي و فجأة الدنيا كلها بقت باللون الابيض و ظهر قدامي شخص اول م شوفته استنتجت انه من الجن و كان شكله عبارة عن جسم كبير اوي اوي واصل لحد السحاب ف السماء و الجسم كان ضخم جدا لدرجة اني خوفت اوي و الشخص دا كان موجود تاج على راسه عبارة عن حلقة من الدهب مرصع بالياقوت و الالماظ و كان موجود ف دراعه عند عضلة الباي كدا اسورة من الدهب و كان طالع منها نور احمر. و وشه كان على شكل وش الفهد بالظبط و كان عند ايده اليمين و الشمال اسوره من الدهب برضه طالع منها نور ازرق و ايده فيها مخالب حادة جدا و رجليه كانت زي رجل البشر عادي بس كان فيها برضه اساور زي ايده بالظبط و الجني دا كان ماسك صولجان كبير جدا و الصولجان دا بيطلع نور ابيض من قدام و نور أخضر من ورا بسبب حاجة غريبة محطوطة على قمة الصولجان دا، الشكل العام على قد م هو مذهل بس مخيف و مرعب ف نفس الوقت و فجأة الجني دا اتحول ل شخص بشري لابس بدلة شيك جدا و فوقها بالطو اسود جميل جدا و قرب مني و بدأ يتكلم.
الشخص بيتنهد : اخيرا عرفت اظهرلك انت متعب جدا يا مازن.
انا : هو انت ازاي اتحولت انت كنت كبيييير جدا و فجأة بقيت بشري.
الشخص استغرب : يا مازن دي حاجة عادية جدا.
انا : طب انت مين و ظهرت لي ليه.
الشخص : انا ابقى الملك غايبان ابو الجن.
انا : زي ابونا ادم كدا.
الملك غايبان : بالضبط.
انا : و عاوز مني ايه.
الملك غايبان : و لا حاجة انا بس ب اتطمن عليك و جاي اشوفك بقيت كويس و لا لا.
انا : انا كويس امشي بقى.
الملك غايبان : طب انت عايزيني امشي ليه.
انا : علشان انا و من الاخر كدا خايف منك.
الملك غايبان : اومال لو شفت جناحاتي كنت عملت ايه.
انا : هو انت عندك جناحات كمان و طبعا كبار جدا زي جسمك قبل م تتحول ل كائن بشري.
الملك غايبان : بص يا مازن و ركز، حاول تبعد عن أي حاجة تعصبك او تخليك تغضب.
انا : ليه بقى.
الملك غايبان : لان لما انت وقعت ع الارض قبل م تفقد وعيك حصل تسريب ل قوتك ك جن و دا سبب زلزال كبير.
انا : طب م ممكن يكون كان زلزال طبيعي و بعدين حورس قال ان قدامي فترة كبير عشان اعرف اعمل حاجة زي دي.
الملك غايبان : هو ايه اللي مخليك مصدق كلام حورس.
انا : اولا لان حورس يبقى اخويا، ثانيا حورس عمره كبير و اكيد عنده خبرة كبيرة ك واحد من الجن.
الملك غايبان : ههههه حورس مش كبير يا مازن زي م انت فاكر لان حورس بالنسبة ليا حتة عيل صغير لا راح و لا جه.
انا : لو الملك شمهروش سمع منك الكلام دا ممكن يقتلك.
الملك غايبان :ههههه كلامك كله ضحك يخرب بيتك.
انا : ضحك ليه مش الملك شمهروش ابويا يبقى أقوى جني ف عالم الجن.
الملك غايبان : لا انا أقوى منه بكتير يا مازن انا لو حبيت امسحه من على وش الأرض كل اللي انا محتاجه نظرة مني بس.
انا : نظرة واحدة منك تمحيه من على وش الأرض ليه هو انت عمرك قد ايه.
الملك غايبان : اولا القوة مش بالعمر لان ممكن يكون عمرك صغير و قوتك كبيرة يعني انت مثلا عمرك لسه ٢٠ سنه و قوتك اكبر من فرعون و حورس مع بعض و تقريبا قد قوة شمهروش نفسه. ثانيا انا عمري حوالي نص مليار سنة. يا ابني انا قولتلك انا ابو الجن كلهم.
أنا : ثانية واحدة قوة مين اللي اكبر من قوة حورس و فرعون و كمان قد قوة ابويا شمهروش، كدا انت اكيد بتهزر.
الملك غايبان : معلش يعني هو انا ه هزر معاك ليه.
انا : سيبك بس من كل دا و قول ايه السبب الرئيسي اللي خلاك تظهرلي.
الملك غايبان : كل الحكاية ان لما انت عملت زلزال كنت انا ف مكان قريب من الوحدة بتاعتكم و لما قربت شوفتك و كان فرعون شايلك و دخلك اوضتك و انت دلوقتي موجود فيها و نايم ع السرير ف حبيت اعرف مين صاحب القوة دي و ف الاخر طلعت انت.
انا : طب ايه حوار ان كل م جني يكبر ف السن قوته بتزيد.
الملك غايبان : دي حاجة عادية لان دي طبيعة الجن يا مازن و عايز اقولك انك مش هتاخد وقت كبير و هتقدر تستخدم قوتك ك جن ف وقت قصير و كمان احب اقولك ان تسعة و تسعين ف المية من كيانك يبقى كيان جن و واحد ف المية بس يبقى جزء او كيان من البشر بمعنى أصح انت تعتبر من الجن مش من البشر بس بسبب انك قعدت من ساعة م اتولدت ف عالم البشر و اتعلمت و عشت فيه ف انت مش عارف ازاي تستخدم كيان الجن فهمت.
انا : طب انت تبقى قريب ابويا.
الملك غايبان : ههههه يا ابني بقولك ابو الجن ف اكيد ابوك يبقى ابني بس من حفيدي الأصغر فهمت و لا لسه.
انا : ميتين ام التعقيد بتاعك دا.
فجأة الملك غايبان اختفى من قدامي و انا صحيت من الحلم المزعج دا فتحت عيني لاقيت نفسي موجود فعلا ف الأوضة بتاعتي و لاقيت كوباية ماية جنبي على التسريحة ف خدتها و شربت منها و رغم ان الجو حر لاقيت دخان بيطلع من بقى زي م يكون المية كانت بتتغلي جوه جسمي جيت اقوم من ع السرير حسيت ان في حد قاعد ع الكرسي اللي جنت السرير ببص لاقيته هو نفسه الملك غايبان بنفس هيئته البشرية و ام البدلة و البالطو اللي كان لابسه ف الحلم و لاقيته بيقول.
الملك غايبان : لما تحب تشوفني تاني قول اسمي قبل م تنام و انا هجيلك ف الحلم زي م حصل.
انا : طب لو حبيت اشوفك ع الحقيقة.
الملك غايبان : روح اي منطقة ف الصحراء و انده اسمي بصوت عالي هتلاقيني ظهرت قدامك بنفس هيئتي دلوقتي.
انا : بالمناسبة، فيه طلب عايز اطلبه منك بس مش دلوقتي خليها بظروفها.
الملك غايبان : بص يا مازن مش من حق أي جن يطلب مني حاجة او يأمرني ب حاجة بس علشان احنا تقريبا بقينا صحاب مع كدا يبقى انت اول صاحب ليا ف اطلب زي م انت عايز.
انا : الف شكر يا سيادة الملك ممكن بقى تمشي دلوقتي.
فعلا الملك غايبان اختفى من قدامي و بعد شوية باب الأوضة اتفتح و دخلت امي علشان تطمن عليا.
يارا : اخيرا صحيت يا مازن يا حبيبي.
انا : ممكن تطلعي بره.
يارا : ليه بس انا عملت ايه.
انا : انتي معملتيش حاجة بس أنا مش عايز اشوفك قدامي خالص.
امي سعتها دمعت شوية و خدت بعضها و طلعت من الأوضة.و انا قعدت افكر ف الكلام اللي قاله الملك غايبان.
عند ابويا الملك شمهروش.
الملك كان لسه واقف ف البلكونة زي م هو كان واقف و فجأة حس بحاجة غريبة ف نده على حورس.
الملك شمهروش : يا حورس،
حورس اول م سمع ابوه راحله و وقف قدامه.
حورس : نعم يا بابا.
الملك شمهروش : دلوقتي حالا تروح تطمن علي مازن لاني حاسس ب كيان عظيم قريب جدا منه.
حورس : معلش يا بابا هو ايه الكيان العظيم دا.
الملك شمهروش : الكيان العظيم دا بيبقى حد من الأجداد زي جدي او ابويا اللي هو جدك او جد الجد و هكذا و دول بتبقى قوتهم اكبر من قوتي بمراحل، فهمت.
حورس : فهمت يا بابا اروح انا اشوف مازن.
حورس اختفى من عند الملك شمهروش و ظهر قدامي.

عندي ف الأوضة.
حورس ظهر قدامي فجأة و انا اتخضيت حاجة بسيطة.
انا : ي عم حرام عليك خضتني.
حورس : معلش مكنش قصدي يا مازن. انا جيتلك لان فرعون قال ليا ع اللي حصل.
انا : متقلقش انا تمام مفيش حاجة. دلوقتي بقي انا عايز اقابل ابويا نفسي اعرفه و اتكلم معاه.
حورس : انا اتكلمت مع بابا ف الموضوع دا وقال انك لازم تسيطر الأول على قوتك علشان تعرف تدخل عالم الجن لان الجسم البشري مش هيتحمل عالم الجن و ممكن تموت فورا لو دخلته ك واحد من البشر.
و حورس كان بيتكلم كنت عايز اتأكد من معلومة قالها الملك غايبان ف سألت حورس عليها.
انا : اه صحيح يا حورس هو انا كياني فيه قد ايه من كيان الجن.
حورس : حوالي ٩٩ ف المية يا مازن، بس ليه بتسأل.
انا : عادي يا جدع معلش برضو انا عايز اعرف انا ايه بالضبط يا حورس علشان الدنيا مش كل شوية صدمات.
حورس : اهم حاجة دلوقتي انم لازم تتدرب علشان تقدر تسيطر على قوتك و تقدر تتحول ل هيئتك ك جن.
انا : هو انت مش عارف ايه هي الهيئة بتاعتي.
حورس : لا طبعا لان كل جني بيبقى ليه هيئة مختلفة عن غيره و احنا ك جن من نسل الملوك بتبقى لينا هيئة مع جناحات.
انا : طب ايه هو الفرق اللي بين نسل الملوك و النسل العادي.
حورس : نسل الملوك دا نسل مميز جدا لأننا من نسل الملك غايبان ابو الجن و هو أقوى جني ف التاريخ و نسلنا يبقى ولاده اللي كانت قوتهم كبيرة جدا اما بقى النسل العادي ف دا يبقى نسل ولاده اللي قوتهم ضعيفة شوية او اضعف شوية من ولاده الأقوياء.
انا : طب هنبدأ تدريب امتى.
حورس : وقت م تحب بس ف الاول لازم نلاقي مكان معزول علشان نتدرب فيه.
انا : م المكان موجود تحت الارض.
حورس : لا مش هينفع، لازم يبقى مكان مفيهوش حد لان التدريب ممكن يدمر مكان زي اللي احنا فيه دلوقتي، فهمت و لا لسه.
انا : خلاص نتدرب ف الصحراء.
حورس : تمام، قوم دلوقتي كل اكل كتير لأنك هتتروق يا كبير.
انا : طب م انت بتتكلم زي البشر اهو.
حورس : كل الحكاية بحاول اخليك تتعود عليا و تاخد عليا لأنك تبقى اخويا.
انا : اختفى دلوقتي و تعالي بعد ساعة اكون جاهز.
حورس اختفي من قدامي و انا قومت خرجت من الأوضة و رحت المطبخ عملت ليا اكل و اكلت كويس و خدت بعضي و خرجت من القصر و رحت على مبنى القيادة و رحت ل مصلحي و كان قاعد مع علاء و عمر.
انا : اخباركم ايه يا شباب.
مصلحي : اهلا بالغالي احنا تمام يا رايق.
انا : طب لما انتوا كويسين مش شايفين شغلكم ليه.
علاء : هو فيه حاجة المفروض نعملها و لا ايه.
انا : طبعا انتوا شكلكم نسيتوا جماعة زيوس.
عمر : لا مش ناسيين بس كنا منتظرينك علشان نبدأ الشغل التقيل يا قائد.
انا : من دلوقتي قائد جماعة ايزيس هيبقى النقيب على.
مصلحي : ليه م أنت موجود اهو.
انا : مش هبقي موجود على طول ف الفترة الجاية و كمان النقيب على هكر كويس جدا و دماغه كويسه و لو احتجتم حاجة هتلاقوني قدامكم.
سيبتهم و رحت على مكتب اللواء عثمان خبطت ع الباب و دخلت المكتب و كان موجود اللواء سامح و اللواء عثمان و فرعون و حسام و النقيب على.
انا : اخباركم ايه يا جماعة.
اللواء عثمان : انت اللي اخبارك ايه انا سمعت انك كنت فاقد الوعي.
انا : متقلقش يا فندم انا كويس و كنت جاي ليا عندك طلب.
اللواء عثمان : ايه هو.
انا : انا عايز النقيب على يبقى قائد جماعة ايزيس.
كل اللي كانوا قاعدين اتفاجؤا.
اللواء سامح : اشمعني النقيب على، طب م حسام موجود هو اللي يبقى القائد.
انا : براحتكم حددوا القائد زي م انتوا عايزين.
النقيب على : طب انت سيبت الجماعة ليه.
انا : لا انا مش سايب حاجة بس كل الحكاية اني مش هبقي موجود الفترة الجاية.
اول م قولت كدا لاقيت فرعون فرح جدا و بعدها قال.
فرعون : حبيبي يا ابن عمي.
سيبتهم و مشيت و فرعون جه ورايا و كانت الساعة عدت و ظهر حورس قدامي.
انا : هنروح فين بقى ف الصحراء.
حورس : ف نفس المكان اللي اتدرب فيه فرعون.
فرعون : امسك ايدي يا مازن.
مسكت ايد فرعون و فجأة لاقيت نفسي ف مكان كله تلج.
انا : ايه يا جدعان الجو تلج هن احنا فين.
حورس : ف القطب الجنوبي.
انا : اييه احنا بنعمل ايه هنا.
فرعون : دا المكان الوحيد اللي محدش هيحس بينا لما نتدرب.
حورس : مازن انت دلوقتي حاسس ب ان الجو ساقع جدا و درجة الحرارة تحت الصفر بس لو قدرت تتحول ل جن مش هتحس بحاجة من كل دا. بس الاول لازم ننشط كيان الجن اللي جواك.
حورس ساعتها قرب مني و بدأ يطلع طاقة من ايده و ينقلها ل جسمي لحد م حسيت اني ممكن انفجر و بعد م حورس خلص وقع ع الارض و فقد الوعي. انا جريت عليه علشان اخليه يفوق
انا : حورس رد عليا انت كويس.
فرعون : متقلقش كلها كام دقيقة و يفوق.
و فعلا بعد ربع ساعة قام حورس و كان كويس بس مرهق شوية
حورس : فرعون لسه مازن محتاج طاقة كمان علشان يقدر ينشط كيان الجن جواه.
فرعون : نعم؟ دا انت خلصت طاقتك يا حورس و لسه مش بقى نشيط.
حورس : يلا يا فرعون مرر ل مازن الطاقة.
بعد م حورس خلص كلامه، فرعون قرب مني و حط ايده على ظهري و بدأ ينقل طاقة ليا لحد م حسيت مرهق جدا و بعد شوية قعدت ع الارض و كان فرعون فقد الوعي زي م حصل مع حورس.
حورس : لسه برضو مفيش حاجة، بص يا مازن عقبال م فرعون يقوم هروح انا اجيب اكل و شرب لينا لان شكلنا هنطول ف القعدة هنا و دا بسبب انك محتاج طاقة بكمية كبيرة علشان نقدر نخليك تتحول.
انا : كدا فهمت روح انت و انا موجود اهو مع فرعون.
حورس اختفى من قدامي و بعد شوية فرعون فاق و استعاد وعيه.
انا : انت كويس دلوقتي يا فرعون.
فرعون : اه كويس بس حاسس اني عايز اضربك بسبب اللي انت عامله فينا دا.
انا : هو أنا اعملت حاجة لسه.
قعدنا نتكلم انا و فرعون شوية لحد و حورس ظهر قدامنا
حورس : دلوقتي انا جيبت اكل يكفينا اسبوع لحد م نخلص و احتجنا حاجة تاني نبقى نجيبها دا غير اننا مش هنمشي من هنا من غير من نخلص اللي احنا عايزين نعمله.
حورس عمل لينا اكل بس كان الاكل غريب جدا و طعمه أغرب منه.
انا : ايه الاكل دا جدعان.
حورس : دا اكل من عالم الجن.
فرعون : هو انت دلوقتي هتلاقي طعمه غريب بس لما تتحول هتحس ب طعمه الحقيقي.
بعد م خلصنا اكل بدأ حورس ينقل ليا طاقة و بعد شوية يفقد الوعي و فرعون هو اللي يبدأ ينقل ليا طاقة لحد م يفقد الوعي هو كمان و استمرينا ع الموضوع دا لمدة شهر بس كل مره بحس ان فيه حاجة بتتغير جوايا و زي م قولت استمرينا لمدة شهر و بعد كدا لاقيت فرعون بيقول.
فرعون : ايه يا جماعة دا كله و لسه موصلناش ل حاجة.
حورس : انا حرفيا تعبت جدا و حاسس اني ممكن انام كام سنة.
انا : معلش يا جماعة انا مكنتش اعرف ان الموضوع متعب للدرجة دي.
فرعون : متعب ايه بس احنا بقالنا شهر كل يوم بننقل ليك طاقة من غير م نريح و الوقت الوحيد اللي بنريح فيه لما انت تنام تخيل بقى احنا حاسين ب ايه دلوقتي يا مازن.
انا قعدت افكر شوية و اقلب الموضوع ف دماغي.
انا : يا حورس، مش المفروض ان انتم بتنقلوا ليا طاقة علشان تحفز كيان الجن اللي جوايا و بعد كدا اقدر اتحول ل جن و اقدر استخدم قدراتي اللي لحد دلوقتي معرفش عنها حاجة.
حورس : كلامك كله صح.
انا : طب دلوقتي انا نفسي اشوف هيئتك انت و فرعون ك جن.
حورس : بس دا مينف...
انا قاطعته : حورس اي جني ممكن يتحول عادي ف عالم البشر.
( طبعا انا عرفت بالكلام دا بسبب الحلم بتاع الملك غايبان لانه لما ظهرلي بشكله الحقيقي ف الحلم كنا ف عالم البشر عادي).
حورس متفاجئ : انت عرفت المعلومة دي منين.
فرعون : مش وقته اسئله، مازن عايز يشوفنا و احنا بنتحول علشان يفهم اكتر فهمت يا حورس.
بعد شوية قام فرعون و فجأة حسيت بكمية حرارة كأني واقف جنب بركان و بعد فرعون اتحول و لاقيت كائن جسمه كبير واقف بعيد عني بشوية و كان قد عمارة ١٠ أدوار كدا و كان وشه شبه حيوان الثور او الطور و كان عند ايده حوالين عضلة الباي اسورة من الدهب بس مش طالع منها اي نور و كانت موجودة ف ايده اليمين زي م موجودة ف ايده الشمال و كانت رجليه زي رجلين الثور  بالحوافر بتاعته و كان ف ظهره جناحين كبار برضو و شكله العام تحس فيه شئ من الجمال. و بعد شوية رجع فرعون تاني ب هيئته البشرية. حورس بعد م فرعون رجع اتحول ع طول و كان وشه زي وش الصقر و برضو عند عضلة الباي ف كل ايد كان حواليها اسورة من الدهب بس بتاعة حورس كانت فيها ياقوت و حوالين رقابته قلادة طالع منها نور ضعيف لونه اصفر و رجليه كانت شبه رجل الإنسان و جسم حورس و فرعون كان فيهم عضلات و كان جسم حورس اكبر من جسم فرعون حاجة بسيطة و كان عنده جناحات اكبر و كان لون جناحات حورس و فرعون لونهم رمادي. و بعد كدا رجع حورس تاني للهيئة البشرية.
فرعون : ها ايه رأيك.
انا ف الوقت دا كنت مندهش شوية و حبيت اسأل سوأل مهم بالنسبالي.
انا : دلوقتي بقي ممكن اسأل سؤال.
حورس : قول يا مازن.
انا : هو فيه جن طوله ممكن يجيب السحاب او اكبر شوية لاني دلوقتي انا شوفتك يا حورس أطول و اكبر من فرعون بحاجة بسيطة ف عايز افهم.
حورس : بص يا مازن احنا ممكن لما كنا متحولين من شوية نصغر حجمنا لحد حاجة معينه و نكبره لحد حاجة معينه بس أكبر طول و ضخامه ممكن اوصل ليهم هما اللي شوفتهم من شوية و برضو فرعون لما اتحول من شوية جاب اخر حاجة يقدر يوصل ليها.
انا : يعني معنى كدا انت المستوى اللي يقدر يوصل ليه الجن من طول و ضخامه ف الجسم دا معناه مستوى قوته.
فرعون : بالضبط.
حورس : بس حاسب لأنك ممكن تقابل جني مصغر جسمه ف انت تستهون ب مستوى قوته و بالتالي يكون وقعك ف فخ.
انا : طب دلوقتي بقي امشوا من هنا.
حورس : مش فاهم.
فرعون: عايزنا نمشي ليه.
انا : بس امشوا من هنا دلوقتي و هنا هبقي افهمكم بعدين.
فرعون : يا حورس قوم بينا نمشي من هنا.
حورس : ازاي بس و نسيب مازن هنا لوحده ازاي.
انا : علشان تستريح انا مش هبقي لوحدي و كمان هبقي ف امان جدا.
فرعون و حورس اختفوا من قدامي و انا رحت منادي على الملك غايبان. و فجأة حصلت دوامة ف السماء و الجو كله اتغير و بقى حر رغم اني موجود ف القطب الجنوبي اللي درجة الحرارة فيه تحت الصفر و فجأة ظهر الملك غايبان بالهيئة البشرية.
انا : اهلا يا سيادة الملك.
الملك غايبان : بعد كدا لما تكلمني تقول غايبان من غير اي تكليف.
انا : تمام. يا غايبان.
و حكيت ليه كل اللي حصل الشهر اللي و محاولات فرعون و حورس ف انهم يحفزوا كيان الجن جوايا ف مش عارفين.
انا : ها دلوقتي بقي المفروض اعمل ايه.
الملك غايبان : كل الحكاية ان جسمك محتاج طاقة كبيرة جدا.
الملك غايبان قرب مني و حط ايه على دماغي و بدأ يمرر طاقة ليا و قعد لمدة خمس دقايق بس و بعد حسيت ان كل حاجة فيا بتتغير و حاسس ان عندي قوة كبيرة جدا بس مش عارف اعمل ايه.
الملك غايبان : دلوقتي بقي حاول تحتوي كل الطاقة اللي اتنقلتلك و بعد كدا وزعها على جسمك كله.
انا عملت زي مهو قالي و بعد شوية لاقيت نفسي بدل م كنت ببص على الملك غايبان لاقيت نفسي ببص على السحاب و ببص على جسمي لاقيت انه اتغير خالص و كان صدري و بطني عضلاتهم متقسمه و برضو زي غايبان و فرعون و حورس كان عندي اساور من الدهب حوالين عضلة الباي ف ايديا الاتنين و كانت فيها ياقوت و كانت طالع من الاساور نور بسيط لونه ازرق بس طبعا مش زي غايبان لان عنده النور قوي جدا تحس انك قدام شمس، و كان عندي اساور عند المعصم برضو و كانوا من الدهب و فيهم ياقوت و نور بسيط طالع منهم لونه أخضر و ايديا الاتنين كان ف اخر كل صابع فيه مخالب و رجلي كانت شبه رجل الإنسان و كان عندي اساور تحت الركبة بحاجة بسيطة برضو طالع منهم نور بسيط لونه احمر و حوالين رقابتي قلادة طالع منها نور بنفسجي بس أقوى شوية من اللي بيطلع من الاساور و كان فيه حزام حوالين وسطى و كان فيه سيف شكله جميل جدا جدا و لاقيت عندي جناحين كبار جدا وشكلهم جميل و لونهم ابيض. و فجأة لاقيت الملك غايبان واقف قصادي بشكله الحقيقي بوش الفهد و باقي جسمه و لاقيه شاور ف الهواء ف ظهرت مرايا كبيرة مسكتها و ببص على وشي اترعبت شوية لانه كان شبه وش التنين زي م موجود ف الأفلام كدا و لاقيت ساعتها الملك غايبان بيضحك بس علشان اشوفه رفعت وشي ل فوق اوي لاني ع المستوى العادي بتاع قوتي كانت دماغي عن أول صدره كدا بالظبط عند فم المعدة كدا و بعد م ضحك لاقيته بيقول.
الملك غايبان : اترعبت ليه يا ايزيس.
انا : هو ايه اللي حصل انا مش فاهم حاجة.
الملك غايبان : انت اتحولت ل جن خلاص بس دلوقتي بقي حاول تصغر جسمك و تكبره.
انا : مش اكتر حاجة اقدر اوصل ليها دلوقتي.
الملك غايبان : كلامك صح بس كل سنة قوتك هتزيد عن كدا بس لازم تتعلم ازاي تسيطر على قوتك علشان تقدر تصغر جسمك عن كدا.
انا : هو انا محتاج جسمي يبقى صغير ليه م كدا احسن.
الملك غايبان : لازم تعرف تصغر جسمك علشان لما تدخل عالم الجن بحجمك دا مش هتعرف تتدخل اي بيت أو قصر ف لازم تصغر او تكبر حجمك على حسب المكان اللي انت فيه و كمان ممكن تستخدم حجمك كله زي دلوقتي علشان المعارك و الحروب فهمت.
انا : طب انا كنت قولتلك ان ليا طلب عايز اطلبه منك.
الملك غايبان : ايه هو.
انا : كنت عايز ان انت اللي تعلمني لأن عندك اكبر خبرة ف عالم الجن.
الملك غايبان : مفيش اي مشكلة اولا انت صاحبي ثانيا انت من دور ولادي.
انا : طب انا عايز دلوقتي ارجع لشكلي البشري.
الملك غايبان : حاول تقلل مستوى الطاقة اللي جواك لحد اقل مستوى.
انا عملت زي م الملك قالي و فلعلا لاقيت نفسي رجعت للهيئة البشرية تاني و الملك غايبان برضو رجع برضو.
انا : طالما انت وافقت ف كنت عايز اعرف انا هاخد كام سنة لحد م اتعلم كل حاجة المفروض اتعلمها.
الملك غايبان : بما ان انا اللي هبقي معاك و اعلمك ف هتاخد حوالي خمس سنين و دا بسبب ان انت مولود و انت عندك قوة كبيرة و علشان كدا انت أقوى من حورس و فرعون لأنهم اتولدوا أضعف منك بس لو هما اتدربوا كويس و مع تقدمهم ف العمر ممكن يبقوا أقوى منك بس متقلقش انا هخليك قوي جدا.
انا : طب هنبدأ امتى.
الملك غايبان : قريب جدا بس مش قبل م تتعود ع الحركة ف هيئة الجن ابقى خلي فرعون و حورس يدربوك لحد م تتعود عليها و بعد كدا نادي عليا و انا هجيلك.
بعد م غايبان خلص كلامه اختفى من قدامي و انا قعدت افكر ف كل كلمة قالها و عدي اكتر من ٦ ساعات و الليل بدأ و ساعتها ظهر حورس و فرعون قدامي و كان معاهم اكل رحت واخد الاكل منهم و بدأت اكل زي المفجوع زي اللي م شافش اكل قبل كدا و بعد شوية كنت خلصت الاكل اللي معاهم كله.
فرعون : براحة يا مازن هتاكل ايديك.
حورس : سيبه يا عم ياكل براحته المهم انه يتحول.
طبعا هما قاعدين مش عارفين حاجة و لو عرفوا كان زمانهم فرحوا جدا. انا خلصت اكل و قومت وقفت و هما وقفوا.
انا : مين اللي هينقل ليا طاقة.
حورس : فرعون هو اللي عليه الدور.
فرعون حط ايه على و لما جه ينقل ليا طاقة اتنطر كام متر ل ورا. حورس ساعتها رجع لورا و خاف شوية. و انا عملت فيها من بنها و لا اكني اعرف حاجة رغم اني اللي عملت كدا ف فرعون.
حورس : حاسب يا مازن.
انا : فيه ايه و فرعون بقى بعيد عني كدا ليه.
فرعون : يا حورس فيه حاجة جوا مازن منعت انتقال الطاقة.
انا : ايه يا جماعة انا مش حاسس ب حاجة هو فيه ايه بالضبط.
حورس : يص يا مازن دلوقتي انا هتحول و فرعون كمان هيتحول و انت حاول توزع كل الطاقة على أجزاء جسمك.
حورس و فرعون اتحولوا و بعد كدا انا اتحولت و لما بصيت قدامي ملاقتش حد ببص تحتي لاقيت كل واحد فيهم واصل ل ركبتي و لنا حورس و فرعون شافوا كدا اندهشوا جامد و خافوا مني.
انا : ايه يا جماعة حصل ليكم ايه م تقولوا ايه رأيكم.
حورس : جامد اوى يا جدع اخويا اللي مشرفني.
فرعون: رايق يا ايزيس.
انا : طب على كدا بقى انا أقوى منكم ولا ايه الدنيا.
انا سألتهم علشان عايز اتأكد من كلام الملك غايبان و كمان علشان اعرف هما هيكدبوا عليا او لا.
حورس : أقوى مننا ايه انت تقريبا ف قوة بابا الملك شمهروش.
فرعون: بس شكلك جميل جدا يا مازن.
انا : انا دلوقتي عايز أصغر حجم جسمي.
حورس : حاول تقلل الطاقة ف جميع أجزاء جسمك او بعني أصح اتصرف كان دي حاجة عادية بالنسبة ليك.
عملت كدا فعلا و صغرت جسمي لحد م وصلت ل حجم جسم حورس.
انا : كدا كويس ولا ايه.
حورس : كدا زي الفل دلوقتي بقي نبدأ التدريب الحقيقي.
انا : هنعمل ايه بقى.
فرعون : اول حاجة اي جني بيتعلمها هيا انه يختفي و يظهر و طبعا كل ما كانت قوتك اكبر كل ما كان اختفائك و ظهورك مرعب للعدو.
و بدأ فرعون و حورس يعلموني ازاي اختفى و أظهر و هكذا و قعدت لمدة شهرين ف الموضوع دا بس لحد م بقيت متقن الحوار دا و كمان بقيت اقدر اعمل كدا بالشكل البشري زي م حورس و فرعون كانوا بيختفوا و يظهروا قدامي. و بعد م اتأكدوا اني بقيت تمام ف الجزء دا.
حورس : التدريب اللي بعد كدا يا مازن هو القتال بالجسم عادي زي البشر و بعده ع طول القتال بالقدرات.
انا : يعني ايه قتال بالقدرات.
فرعون : هنحاول نكتشف قدراتك ايه و بعد كدا هنوظفها ف القتال و المعارك فهمت.
انا : هو انت قدراتك ايه يا فرعون.
فرعون : عندي قدرتين، الأولى هي اني اقدر اتحكم ف المعادن بكل انواعها و التانية هي اني اشوف من ورا اي حاجز او حيطه.
انا : يا جماعة هو المفروض الجني يبقى عنده قدرات قد ايه.
حورس : مش عدد محدد لأنك كل م هتتقدم ف السن هتكتسب قدرات جديدة.
انا : انت يا حورس قدراتك ايه.
حورس : عند تلت قدرات، الاولي هي التحكم ف النار، التانية هي اكتشاف مكان الكنوز و التالتة هي اني لما المس اي حد اقدر اشوف كل ذكريات حياته بشرط أن الشخص دا يكون أقل من ف القوة.
انا : قدراتك انت و فرعون حاجة جامدة جدا.
فرعون : جامدة ايه اومال لو شفت ابويا و ابوك هتقول ايه.
انا : طب احنا هنعرف قدراتي ازاي.
حورس : هنحاول بكذا اختبار و هنشوف انت نجحت ف قد ايه و على حسب بقى.
حورس عمل ليا كذا اختبار و برضو فرعون لحد م عديت ٣ اختبارات بس.
حورس : عاش يا مازن انت تقدر تتحكم ف الهواء او الرياح و تقدر تتحكم ف الارض و كمان تقدر تكون كرات نار ب ايديك و ترميها، بمعنى أصح انت بتتحكم ف تلت عناصر اساسية للحياة و دي حاجة جامدة جدا لو قدرت تتعلم التحكم ف المياه، قوتك هتزيد الضعف.
فرعون : يلا بقى نبدأ التدريب.
و فعلا بدأنا نتدرب و هكذا كل يوم مفيش راحة غير لما ناكل لحد م عدي ٧ شهور كاملين و احنا لسه ف القطب الجنوبي بس انا مبقتش احس بالبرودة دي م حورس قالي فعلا. و جه اخر يوم لينا ف القطب الجنوبي بعد م خلصنا تدريب ف اليوم دا، قعدنا ناكل و بعد كدا كل واحد فينا اتحول للهيئة البشرية احنا كنا قعدنا سنة بالهيئة الخاصة بالجن. و بعد كدا اختفينا كلنا من القطب الجنوبي و فرعون ظهر ف الوحدة و بالأخص ف مبنى القيادة و حورس ظهر قدام الملك شمهروش و انا اخترت اني اظهر ف اوضتي و لما شفت السرير مقدرتش امسك نفسي و نمت جامد و بعد يومين صحيت فتحت عيني و انا ع السرير لاقيت حورس قدامي اتخضيت و رحت ماسك المخدة رميها عليه.
انا : يا حورس قولتلك كذا مرة بلاش الطريقة الرخمة دي.
حورس : يا عم بحب اشوف شكلك لما بتتخض.
انا : صحيح هو انت جيت ليه اصلا.
حورس : بابا عايز يشوفك.
انا فرحت جدا : بجد طب هنروح أمته طب البس ايه.
حورس : م تهدي يا مازن متعملش حاجة كدا كدا احنا هنروح عالم الجن و هناك طبعا انت هتظهر بالتحول بتاعك.
انا : خلاص تمام بس هنمشي امتى بقى.
حورس : انا هاجيلك بكره تكون ودعت كل اللي هنا.
انا : ليه اودعهم ليه.
حورس : مش انت برضو هتعيش معانا ف عالم الجن.
انا : دا اكيد بس دا ميمنعش اني ابقى أزور اللي هنا عادي.
حورس : بيني و بينك يا مازن انت شخص جدع بجد.
انا رحت رميت المخدة التانية عليه.
انا : دا على اساس اني محتاج اسمع منك الكلمتين دول.
حورس : انا ماشي يا عم.
حورس اختفى من قدامي.

ف نفس الوقت ف الصالة عندي ف الشقة.
ميار كانت قاعدة ف الصالة و فجأة قامت مفزوعة دخلت اوضة ماما.
ميار : ماما الحقي بسرعة فيه صوت جاي من اوضة مازن.
يارا : صوت ايه مش مازن بقاله سنة مختفي محدش عارف يوصل ليه.
ميار : مهو مش صوت مازن بس دا صوت واحد غيره تقريبا معاه ضيوف ف الأوضة.
يارا : يا غبية م انتي كنت قاعدة ف الصالة دخل امتى هو و اللي معاه.
ميار : معرفش تعالي اسمعي بنفسك يا ماما.
يارا خرجت من اوضتها مع ميار و قربوا براحة من اوضتي و لما سمعوا الصوت فتحوا الباب.

عندي ف الأوضة
بعد م حورس اختفى لاقيت الباب بيتفتح. و امي و اختي دخلوا.
انا : داخلين عاملين كدا ليه انتي و هي.
اول م شافوني قربوا من السرير و حضنوني اوي.
يارا : كنت فين يا مازن بقالك سنة مختفي يا ابني.
انا : على فكره انا هنا بقالي يومين.
ميار : ازاي بس و بعدين انت دخلت ازاي و مين اللي كان قاعد معاك.
انا : معلش بس هو انتوا نسيتوا اني من الجن و لا عاملين فيها من بنها.
يارا : تصدق عندك حق، بس برضو مقولتش كنت فين السنة اللي انت اختفيت فيها دي.
انا : كنت ف القارة القطبية الجنوبية و كنت مع فرعون و حورس ممكن بقا تعملولي اي اكل اصل انا بقالي سنة مكلتش من أكل البشر و نفسي ادوقه.
ميار : استنى كام دقيقة و هكون عملتلك الاكل و معاه فنجان القهوة اللي انت بتحبه.
انا: شكراً لتنك فهمانى.
يارا : طب م انا فهماك ع طول بس انت مكنتش ف القطب الجنوبي انت كنت ف عالم الجن عند ابوك.
ميار : لا يا ماما كلامك غلط لان لو مازن كان هناك فعلا كان قال هو هيخاف من حد يعني.
انا: شايفه بقولك فهمانى.
يارا : طيب ياختى انتى وهو. اه صحيح انت هتعمل ايه مع مي.
انا : و مي تهمك ف ايه اعمل اللي اعمله معاها ملكيش دعوة.
ميار : يا مازن ماما عايزة تعرف انت ايه الدنيا معاك.
انا : لسه مقررتش هعمل ايه معاها.
خرجت ميار و راحت المطبخ علشان تعمل اكل ليا و ماما فضلت قاعدة معايا.
انا : الا صحيح هو انتي شوفتي ابويا قبل كدا.
يارا : شوفته بس مش بشكله الحقيقي طبعا.
انا : كدا تمام ممكن بقى تخرجي من هنا.
يارا : حاضر يا مازن بس بلاش تخليك زعلان مني.
خرجت يارا او ماما من الأوضة و بعد شوية دخلت ميار بالاكل و قعدت كلت معايا و قعدنا نهزر و نضحك.
انا : تصدقي انا بقالي كتير مضحكتش بالشكل دا.
ميار : طبعا م انت كل شوية يحصلك صدمة او مشكلة أو انت تعمل مصيبة.
انا : هنعمل ايه بس الدنيا دي حاجة غريبة جدا و كل شوية بحال.
ميار : انت ليه زعلان من امك يا مازن.
انا : انا مش زعلان منها بس متضايق لأنها طول عمرها بتخبي عني كل حاجة.
بعد شوية خرجت ميار و انا قومت دخلت الحمام استحمي و خرجت لبست لبس خروج و رحت ل مبنى القيادة و انا داخل مها شافتني و جريت عليا و حضنتني.
مها : ايه الغيبة دي كلها يا غالي.
انا : كل الحكاية اني كنت مسافر و رجعت.
مها : اهم حاجة انك كويس يا مازن.
انا : انتي بقى اخبارك ايه و عاملة ايه.
مها : انا كويسة و الدنيا معايا تمام بس فيه كام حاجة لازم تعرفها حصلت ف السنة اللي انت كنت مسافر فيها.
انا : ايه اللي حصل.
مها : اللواء عثمان راح ل سيادة الرئيس و طلب منه ١٠٠ خريج من حاسبات من على مستوى البلد كلها علشان نجندهم ف جماعة ايزيس و فعلا دا حصل و دلوقتي بيشتغلوا كلهم ف الدور التالت و قدروا يعملوا شغل حلو و حققوا خساير كتير ف جماعة زيوس و دلوقتي فيه اجتماع ف غرفة الاجتماعات بس خد بالك ان الاجتماع دا مهم جدا.
انا : اخيرا الجماعة كبرت و بقت قوية و مين بقى قائد الجماعة.
مها : انت لسه قائد الجماعة بس اللي ماسك الدنيا دلوقتي هو النائب بتاعك.
انا : ايوه مين هو يعني.
مها : النقيب على.
انا : كويس جدا يلا بقى نروح ع الاجتماع اللي انا معرفش عنه حاجة دا.
رحت انا و مها ل غرفة الاجتماعات و لسه هنفتح الباب و ندخل اللاسلكي اشتغل.
حارس ف اللاسلكي : يا فرعون فيه هجوم كبير حصل فجأة ع البوابة و دلوقتي بنحاول نصد الهجوم حاول تبعت دعم فورا.
دخلنا ع طول للغرفة و كان موجود اللواء عثمان و النقيب على و حسام الخديوي و عمار و اللواء سامح و كان موجود العقيد احمد ( ارجعوا ل الجزء الاول).
دخلنا انا و مها الغرفة و مها بدأت تتكلم.
مها : يا جماعة فيه هجوم ع البوابة و لازم بعت دعم دلوقتي حالا.
اللواء سامح : يا عمار قوم باللازم و انت يا احمد اطلع بالقناصة على سطح القصر و اتعامل.
احمد و عمار : تمام يا فندم.
اللواء عثمان : يا علي خد كام واحد من الرجالة و روحوا ساعدوا الرجالة اللي ع البوابة لحد م الدعم يوصل و انت يا فرعون هتتطلع من الوحدة و تلف عليهم علشان نحاصرهم و خد معاك مها.
بعد م كل واحد واحد ينفذ التعليمات قعدت مع اللواء عثمان و اللواء سامح و حسام و كان اللواء عثمان فتح شاشة قدامه و بيشوف كل حاجة بتحصل قدامه ف الكاميرات الموجودة ف كل حته ف الوحدة العسكرية. و انا قعدت متابع معاه اللي بيحصل و احنا بنتابع اللي بيحصل لاقيت اللواء عثمان بيتكلم.
اللواء عثمان : فرعون بلغني انك قدرت تسيطر على قدراتك يا مازن و قال انك أتقنت قوة الجن اللي جواك.
حسام : يا مازن انت بتخطط ل ايه ف الفتره الجاية.
انا : اللي بخطط ليه مينفعش اقوله دلوقتي.
اللواء سامح : طب انت هتعمل ايه مع مي.
انا : لسه مقررتش هعمل ايه معاها بس الاكيد اني هتجوزها.
بعد م قولت كدا لاقيت الكل مندهش من كلامي و كمان حسيت ان اللواء عثمان خاف شوية و دا لانه اعتقد اني هبدأ اتحرك لوحدي بعد كدا.
اللواء عثمان : تتجوزها ازاي بعد م عرفنا انها شغالة مع جماعة زيوس.
أنا : يا سيادة اللواء، القوة و السلطة الحقيقية انك تقنع عدوك انه يتعاون معاك و يبقى تحت امرك كمان و هو دا اللي يخليني اتجوز مي بس متقلقش انا مبقتش احبها خلاص و لما اتجوزها هحاول أقنعها لحد م تغير ولائها و يبقى ولائها كله ل جماعة ايزيس.
لما خلصت كلامي حسيت ان الكل بقى يخاف من تفكيري و خصوصا اني فعلا هبدأ اتحرك لوحدي.
اللواء سامح : طب و تتعب نفسك ليه احنا مش محتاجين مي ف حاجة يا مازن.
انا : كلامك غلط يا سيادة اللواء لان احنا اكتر ناس محتاجين مي و بسبب انها من الأعضاء المهمين ف اكيد هي عندها معلومات هتفيدنا.
حسام : كلامك صح فعلا يا مازن دا غير انها ك هكر هتفيدنا جامد ف يا ريت خطتك تنجح.
بعد شوية كل القيادات دخلوا الغرفة تاني و كانوا قدروا يتعاملوا مع الهجوم اللي ع البوابة ( انا مش هحكي تفاصيل الهجوم لانه زي اللي حصل قبل كدا ف الجزء الاول)
عمار : تمام يا فندم الهجوم خلص و محصلش خساير كتير عندنا و لما فحصنا الجثث للناس الي كانت بتهاجم عرفنا انهم من جماعة زيوس.
اللواء سامح : بما ان مازن موجود معانا، نبدأ بقى الاجتماع اتفضل اتكلم يا احمد.
العقيد احمد : انا نفذت التعليمات بتاعة اللواء عثمان لما اداهالي من سنة لما عرفنا ان جماعة زيوس ف روسيا و عرفنا كمان انهم موجودين ف قلعة رومانوف ف سيبيريا و قدرنا نعرف المخطط الهندسي للقلعة و بقالنا سنة بنحضر ل هجوم كبير و دلوقتي احنا مستعدين ننفذه.
مها : و دلوقتي يا فندم عرفنا ان رئيس جماعة زيوس اللي هو العميد، موجود حاليا ف مصر و دلوقتي انا بخطط ل اغتياله.
عمار : و برضو يا فندم حسب وحدة المراقبة مي موجودة برضو ف مصر و قاعدة ف بيت ابوها مصطفى. و احنا مستعدين ل اي امر يا فندم.
النقيب على : و جماعة ايزيس يا فندم قدرنا ندمر خطط كتير ل جماعة زيوس و دلوقتي احنا بدأنا نتحالف مع هكرز كتير على مستوى العالم و بدأنا نتعاون معاهم علشان نقطع اي ايد ل جماعة زيوس و نحاصرهم ب قوة اكبر.
انا ف الوقت دا كنت قاعد بسمع كل واحد بيقول ايه علشان اعرف اكون صورة كاملة عن اللي بيحصل.
انا : مش هينفع نقتل رئيس جماعة زيوس.
اللواء سامح : ليه م احنا مراقبينه و عارفين مكانه و نقدر نخلص منه ف اي وقت.
انا : لو قتلناه كل أعضاء جماعة زيوس هيخافوا و هيختفوا و كدا يبقى احنا هنرجع ل نقطة الصفر من تاني ف لازم نسيبه عايش و كمان لو قتلناه سهل جدا واحد غيره يمسك مكانه و دا مش كويس لينا.
اللواء عثمان : مش كويس ازاي يا مازن ممكن توضح اكتر.
انا : لو قتلناه مش كويس لينا لأننا عارفين طريقة تفكيره و متوقعين طريقته اما لو واحد جديد مسك مكانه مش هنقدر نتوقع اي حاجة منهم و هناخد فترة كبيرة لحد م نقدر نفهم هما بيعملوا ايه.
فرعون: انا موافق مازن ف الكلام اللي بيقوله يا فندم و كمان مش هنقدر نعمل كدا مع مي لأنهم برضو هيخافوا و هياخدوا احتياطهم.
اللواء عثمان : محدش هيقرب من مي لان مازن عنده خطه كويسة جدا هنستغل فيها مي و نوصل ل معلومات مهمة لو قدرنا نخلي مي تتعاون معانا.
اللواء سامح : كدا مش قدامنا غير الهجوم علي قلعة رومانوف اللي أعضاء الجماعة موجودين فيها.
انا : احنا هنفذ الهجوم لما يبقى كل أعضاء الجماعة مش موجودين ف القلعة علشان نقنعهم اننا مجرد كنا عارفين المكان بس و بالتالي كل اللي هما هيعملو انهم هيستقروا ف مكان جديد و كمان احنا نقدر ناخد كل الأجهزة اللي موجودة ف القلعة و نحللها و نعرف عنهم معلومات اكتر من اللي ممكن نعرفها لو قتلناهم.
اللواء عثمان : كله يسمع كلام مازن يا جماعة و انت يا احمد تسافر دلوقتي روسيا و تنفذ الهجوم لما كل أعضاء الجماعة يمشوا من القلعة. و انت يا علي كمل اللي بتعمله مع جماعة ايزيس لازم نظهر قدامهم اننا بنحاربهم ك هكرز بس لحد م نعمل الهجوم ع القلعة.
العقيد احمد : تمام يا فندم.
النقيب على؛ تمام يا فندم.

ف نفس الوقت عند مي و كانت موجودة ف بيت ابوها ف الفيلا و كانت ف اوضتها و فاتحة اللاب قدامها و بتتكلم مع كل أعضاء الجماعة ع النت.
زوكوف : ايه اللي بيحصل دا يا جدعان ازاي نسيب جماعة ايزيس تكون متفوقة علينا بالشكل دا.
فيكتور : حوالي ربع عدد الهكرز اللي كانوا متعاونين معانا بقوا دلوقتي مع جماعة ايزيس.
مايكل : اكيد كل اللي حصل دا بسبب اختفاء مازن.
العميد : لو كلامك صح يبقى كدا اللعب بقى جد و لازم نلحق نتصرف و نرجع قوتنا لان جن المملكة السفلية هيقتلونا لو مقدرناش نقضي على جماعة ايزيس.
مي : لحد دلوقتي مازن مش ظاهر و معرفش عنه أي حاجة و لما سألت امه و اخته قالوا انهم ميعرفوش حاجة و بيقولوا انه اختفى.
العميد : متقلقيش يا مي مازن ف الاخر هيظهر و هيتجوزك و ساعتها هنبدأ ندمر جماعة ايزيس.
مي : يا ريت بس انا حاسه انه عرف اني شغالة معاكم.
العميد : مستحيل يعرف متقلقيش و بعدين زي م انتي قولتي بيحبك جدا.
زوكوف : بالمناسبة يا جماعة انا عندي خبر مهم جدا.
مايكل : قول ع طول و إنجز يا عم هو احنا ناقصين.
زوكوف : فيه هجوم حصل على الوحدة العسكرية بتاعة جماعة ايزيس.
العميد : بس احنا مش خططنا لأي هجوم عليهم.
فيكتور : هو ايه اللي بيحصل بالضبط.
مي : الظاهر كدا ان فيه حد جديد ناوي يدخل ف الحرب دي و شكله كدا ضد جماعة ايزيس.
العميد: كدا لازم نعرف مين دا و نخليه يتعاون معانا و لو دا حصل هنقدر ندمر جماعة ايزيس بسرعة جدا.

عندي ف الوحدة
انا : فرعون، حضر عربيات الحراسة لاني هروح ل مي.
فرعون : خمس دقايق و نكون جاهزين.
مشي فرعون و راح يحضر العربيات ( طبعا اكيد فيه حد كلبوب هيقول ان مازن من الجن و مش محتاج عربيات الحراسة هقوله ان لازم كل حاجة تبان طبيعي منلفتش نظر حد لينا) بعد شوية فرعون كان جهز كل حاجة و اتحركنا على بيت مي. بعد نص ساعة كنا و صلنا و اول م البواب شافنا فتح بوابة الفيلا و احنا دخلنا و ركننا العربيات و انا نزلت و رحت ع باب الفيلا و خبطت ع الباب.
خالد اخو مي من ورا الباب : مين اللي بيخبط.
انا : انا مازن افتح يا خالد.
خالد : ثانية واحدة.
بعد كام ثانية مصطفى ابو مي فتح الباب و سلم عليا.
مصطفى : اهلا يا مازن يا ابني اتفضل يا حبيبي.
انا : يزيد فضلك يا عم مصطفى.
دخلت انا و هو قعدنا ف الريسيبشن. و خالد كان طلع ل مي يقولها اني موجود عندهم ف البيت.
عند خالد و مي.
خالد : يا مي قومي بسرعة مازن قاعد تحت مع ابوكي.
مي : حاضر هخلص المكالمة اللي معايا دي و هنزل.
خالد سابها و نزل يقعد معايا و مع ابوه.

عندي انا و مصطفى.
مصطفى : اخبارك ايه يا ابني و ايه الغيبة دي كلها سنه بحالها محدش يعرف عنك حاجة.
انا : معلش يا عمي طبيعة شغلي م انت عارف المخابرات مش بترحم.
مصطفى : معلش يا ابني مهو كله علشان البلد دي.
ف الوقت دا كان خالد نزل. قومت سلمت عليه و بعد كدا قعد جنبي.
خالد : بقى كدا يا مازن سنة بحالها من غير سلام و لا كلام.
انا : معلش غصب عني، انا كان معايا كذا مهمة بنفذها مش بمزاجي يا غالي.
ف الوقت دا كانت مي خلصت المكالمة مع أعضاء جماعة زيوس و نزلت تحت علشان تشوفني. و هي ع السلم سمعتني بقول.
انا : انا جيت النهاردة يا عمي علشان اتجوز مي و هكلم مأذون دلوقتي يجي علشان نكتب الكتاب زي م كنا متفقين.
مي لما سمعت الكلام دا فرحت جدا و رجعت طلعت فوق ل اوضتها. و مصطفى ابوها قال.
مصطفى : ع البركة يا ابني زي ما كنا متفقين.
انا : اومال فين ام مي علشان تحضر كتب الكتاب.
بعد م خلصت كلامي حسيت انهم زعلوا جامد.
انا : ايه يا جماعة فيه ايه، زعلتوا ليه.
مصطفى : ام مي ماتت من ٦ شهور يا مازن يا ابني.
انا : البقاء لله معلش مكنتش اعرف يا عمي.
خالد : ولا يهمك يا مازن.
انا : اومال فين مي يا عمي عايز اشوفها.
خالد : موجودة ف اوضتها فوق.
انا : طب ممكن اطلع ليها.
مصطفى : اه طبعا اتفضل يا ابني.
خدت بعضي و طلعت ل مي اوضتها، خبطت ع الباب و بعد شوية مي فتحت الباب و اول م شافتني حضنتني جامد ( طبعا هي بتمثل انها بتحبني و انا طبعا كنت بشتم ف سري و بقول مثلي مثلي يا بنت الكلب ف يوم هتيجي تحت رجلي و هقطع راسك). بعد شوية دخلت انا و هي الأوضة و ف انفس الوقت كان مصطفى ابوها طلب المأذون.
و احنا ف الأوضة.
مي : ينفع كدا متسألش عليا الفترة دي كلها.
انا : انت عارفة ان كل دا غصب عني و النهاردة هنكتب كتابنا خلاص.
مي عملت نفسها متفاجئة : بجد يا حبيبي، اخيرا.
انا : بس انا بقولك اهو انا اسف .
مي : على ايه.
انا : على دا.
رحت بايسها بسرعه و بعدت عنها.
مي اتكسفت : ايه الى عملته ده.
انا : ههههه م انا قولت اسف. بس تعالي ننزل تقعد مع ابوكي و اخوكي لحد م المأذون يجي.
مي : طب استني اما البس و بعدين انزل .
انا : اوك انا هنزل قبلك و انتي انزلي بعد م تلبسي.
مي : يلا انزل دلوقتي بسرعه علشان نلحق.
سيبت مي و نزلت قعدت تحت مع ابوها و اخوها شوية لحد م المأذون جه و خالد طلع جاب مي و كتبنا الكتاب و بعد شوية طلع خالد يحضر شنطة مي و بعد كدا مي ودعتهم و بعد كدا خدت مي و رحنا ع القصر عندي ( لو انتوا فاكرين القصر ف الدور التاني كان فيه شقتين) انا و مي دخلنا الشقة التانية و بعد كدا دخلنا ل اوضة النوم اول م دخلنا.
انا : نورتي شقتك يا عروسة ( بس من جوايا اني هطلع عنيها).
مي : الشقة منورة بيك يا حبيبي.
سبتها وخرجت دخلت الشقة التانيه
دخلت لاقيت امى واختى قاعدين ف الصالة و معاهم حسام.
انا : يا جماعة دلوقتي انا اتجوزت مي.
امي و اختي اول م سمعوا كدا اتخضوا.
انا : متقلقوش كل دا تبع خطة ف دماغي و حسام عارف الكلام دا و دلوقتي محدش يحسسها ان احنا عارفين حاجة و اتعاملوا معاها عادي.
يارا : خلاص تمام يا مازن.
ميار : هي مي فين دلوقتي.
انا : موجودة ف الشقة التانية و دلوقتي سبتها وجيت.
حسام : معلش يا جماعة هقوم انا اروح للواء سامح هقعد معاه شوية.
فعلا حسام قام سابنا و مشي راح للواء سامح.
و سبتهم و رحت الشقة التانية ل مي.
انا : انتي كويسة دلوقتي يا حبيبتي.
مي : انا حاسة اني متوتره شوية.
انا : طب قومي استحمي يلا و انا هبقي ف الأوضة.
مي : حاضر بس متنامش.
انا : متقلقيش طبعا انا مش هنام من غيرك.
دخلت الأوضة و بعد شوية مي جت و رحنا ف النوم و احنا حاضنين بعض ( طبعا انا محتاج النوم لاني بالهيئة البشرية) ، صحيت تاني يوم الساعة ٩ الصبح و كانت مي لسه نايمة جنبي شيلت ايدها من على جسمي لانها كانت حضناني و قومت رحت للشقة بتاعة امي دخلت و لاقيت امي و ميار بيعملوا اكل ف المطبخ سملت عليهم.
انا: صباح الخير يا جماعة بتعملوا اكل ايه.
يارا : اصبر شوية تكون مي صحيت و تاكل معانا.
ميار : انا هروح الشقة اصحيها.
انا : روحي يا اختي و هاتيها تاكل معانا.
انا : هو حسام قالك ع الخطة ولا ايه.
يارا : ايوه قالي ليا على كل حاجة بس هموت و اعرف انت كنت بتعمل ايه ف القطب الجنوبي.
انا سيبتها تتكلم و قعدت ع الكرسي
يارا : انت مالك  النهاردة كدا.
انا : اسئلي الكاتب.
يارا : اسئل مين.
انا : لا متخديش ف بالك.
يارا : هو انت لسه زعلان مني يا مازن.
انا : لا طبعا مش زعلان بس متضايق بسبب انك كنت مخبية عني حاجات كتير.
يارا : يا ابني غصب عني و بعدين انا خبيت علشان خايفة عليك.
انا : خلاص بقى اللى حصل حصل.

عند ميار و مي ف الشقة التانية.
ميار دخلت الشقة و راحت اوضة النوم و قعدت تصحى مي و بعد شوية مي فتحت بالعافية و كانت تعبانه.
ميار : صباحية مباركة يا حبيبتي.
مي : يسعد صباحك يا ميار.
ميار : قومي يلا علشان نروح نفطر ف شقة امي.
مي : حاضر.
مي قامت من ع السرير وراحت الحمام بس تعبانه كدا. ميار لاحظت كدا ف سألتها..
ميار: مالك تعبانه ليه؟
مى: مش عارفه حاسه بارهاق شديد.
ميار : اهم حاجة اتغذي كويس و انتي هتبقي زي الفل.
مي مشيت براحة لحد الحمام غسلت وشها و بعد كدا رجعت الأوضة لبست و خرجت هي و ميار راحوا شقة امي و دخلوا و امي ف الوقت دا كانت حطت الاكل علشان ناكل. امي لما شافت مي قالتلها صباحية مباركة ياعروسة وهى ردت عليها بعد كدا قعدنا ناكل و بعد الأكل مي رجعت تاني للشقة بتاعتنا و ميار راحت تقعد معاها و انا نزلت و خرجت من القصر رحت ل مبنى القيادة
و امي دخلت اوضتها.

عند امي ف الأوضة.
امي لما دخلت اوضتها فتحت الدولاب و طلعت سلسلة و ندهت.
يارا : الملك شمهروش.
فجأة ظهر قدامها الملك شمهروش بس بالهيئة البشرية. و اول م يارا شافته قربت منه و باسته.
يارا : وحشتني يا حبيبي.
الملك شمهروش : و انتي كمان يا حبيبتي بالمناسبة اخبار مازن ايه.
يارا : مازن اتجوز مي يا حبيبي و الدخلة كانت امبارح.
الملك شمهروش ب غضب : مش انا قولتلك تمنعي الجوازة دي باي شكل.
يارا : مقدرش اعمل كدا م انت عارف ان مازن دايما بيعمل اللي ف دماغه. و بعدين هو انت مش عايزه يتجوز مي ليه.
الملك شمهروش : لان مازن ف الاول و الاخر يبقى من الجن و لو المجلس الأعلى عرف باللي حصل دا ممكن يعزلوني من المنصب و كمان ممكن اتنفي من المملكة لمدة كبيرة لان مينفعش ابن الملك يتجوز اي واحدة بشرية و دا قانون من قوانين الجن.
يارا: انت متأكد ان اللي حصل دا غصب عني يا حبيبي.
الملك شمهروش : ولا يهمك بس كدا مازن لازم يتحاسب ع اللي عمله.
يارا : كدا كدا بمرور الوقت مازن هيقتل مي. لانه عارف انها شغالة مع جماعة زيوس و هو اتجوزها علشان يعرف منها معلومات كل حاجة عن الجماعة دي.
الملك شمهروش : عارف كل دا بس برضو مينفعش اللي حصل.
بعد كدا اختفى من قدامها.
عندي انا
رحت مبنى القيادة دخلت ل اللواء عثمان.
اللواء عثمان : اهلا يا مازن. حسام قال للواء سامح انك بدأت تنفذ خطتك.
انا : اه م انا اتجوزت بنت الكلب دي امبارح.
اللواء عثمان : اهم حاجة يا مازن المعلومات اللي هي تعرفها.
انا : متقلقش يا فندم كل حاجة ماشية كويس.
سيبت اللواء عثمان و خدت بعضي و رحت ل فرعون.
انا : هو حورس هيجي امتى يا فرعون.
فرعون : سيبك من حورس دلوقتي و ركز ف المصيبة اللي انت عملتها.
انا : مصيبة ايه دي يا فرعون م انا موجود معاك ع طول.
فرعون : مش انا و حورس حذرناك من انك تتجوز واحدة من البشر.
انا : حصل فعلا.
فرعون : طب لما دا حصل ليه روحت اتجوزت مي و كمان امبارح كنت ساحبني معاك زي الخروف و انا مش مكنتش متوقع انك هتعمل كدا بالسرعة دي.
انا :.......
فرعون : دلوقتي بقي فيه حاجة لازم تعرفها.
انا : ايه هي.
فرعون : ف عالم الجن موجود ف كل مملكة مجلس و المجلس هو مجلس المملكة و دا يتكون من أهم المستشارين و الأمراء اللي موجودين ف المملكة و دول محدش فيهم يقدر يعارض الملك بتاع المملكة.
انا : طب لما محدش يقدر يعارض واجع دماغي ليه بقى.
فرعون : لان فيه حاجة اسمها المجلس الأعلى لعالم الجن و المجلس دا يتكون من النسل القديم و ملوك الممالك ف عالم الجن بس القوة و السلطة الأكبر ف المجلس دا من نصيب النسل القديم و دول هما الآباء و الأجداد لكل عالم الجن و دول هما اللي بيقرروا الجني دا يبقى ملك او لا و الحاجة الوحيدة اللي ملهمش قوة او سلطة فيها هي الحروب اللي ما بين الممالك و بعضها. و دول لو عرفوا ان ابن ملك اتجوز واحدة من البشر، هيشيلوا الملك دا من منصبه و الملك دا ممكن يتنفي و يعدي زمن كبير جدا لحد م يرجع، فهمت بقى ايه المصيبة دي.
انا : انا لو كنت اعرف الكلام دا مكنتش اتجوزت مي.
فرعون : و كمان لو المجلس الأعلى عرف اني كنت معاك أو أن حورس كان عارف انك هتتجوز واحدة من البشر هنضيع انا و حورس.
طبعا فرعون ميعرفش ان انا مصاحب ابو الجن الملك غايبان.
انا : مش المفروض ان الملك شمهروش (ابويا) يبقى قائد الملوك ف المجلس الأعلى لعالم الجن.
فرعون : ايوه كلامك صح.
انا : يبقى اكيد المجلس مش هيعمل حاجة. و دا لان ابويا يملك سلطة كويسة ف المجلس دا.
فرعون : يا مازن افهم، كل واحد من النسل القديم لو حب يدمر مملكة كاملة بما فيها الملك و الأمراء، كل اللي عليه هي ضربة
ضربة واحدة منه هيدمر الممالك دي كلها و هيوقع خساير كبيرة جدا بس طبعا مش هيمسح المملكة او يمحيها بس هيكون فيه خساير ضخمة.
انا: هي قوتهم كبيرة اوي كدا.
فرعون : كل واحد من النسل القديم عنده قوة اكبر من قوة الملك شمهروش ب مراحل دا أقل واحد فيهم ممكن يمحي الملك شمهروش بنظره واحدة بس.
انا : دول شكلهم خطر جدا.
فرعون : مش من ناحية القوة بس دول عندهم ذكاء و حكمة كبيرة بسبب ان عمرهم كبير جدا يعني الملك شمهروش رغم انه عاش أربعين ألف سنة الا انه يعتبر شاب او عيل صغير بالنسبة ليهم.
انا : من بقى قائد المجلس دا يا فرعون.
فرعون : قائد النسل القديم و قائد المجلس الأعلى لعالم الجن هو أبو الجن او ابونا كلنا و هو أقوى جن ف التاريخ ويبقى الملك الأكبر غايبان.
اول م سمعت اسم غايبان ضحكت جامد و قولت.
انا : مش بقولك الحياة صدفة.
فرعون : شكلك اتجننت يا مازن و هتودينا كلنا معاك ف داهية.
انا : طب اهدي شوية و كل مشكلة و ليها حل.
فرعون : حل ايه بس. بص يا مازن التعامل مع الجن غير البشر تماما و كمان اوعي تبين ل حد من الجن قوتك الحقيقية الا للي انت واثق فيه زي انا و حورس مثلا. فهمت يا مازن.
انا : كدا تمام بس خدها مني كلمة و وعد.
فرعون : قول.
انا : المجلس الأعلى مش هيعرف يعمل حاجة سواءاََ عرف او معرفش ب اني اتجوزت من واحدة بشرية.
فرعون و هو بيلطم على وشه : روحنا ف داهية روحنا ف داهية.
انا : م خلاص يا فرعون دا انا اول مرة اشوفك خايف. هو حورس هيجي امتى صحيح لانه اتأخر جدا.
و احنا بنتكلم حورس ظهر قدامي و برضو اتخضيت من طريقته دي و دا لانه بيظهر قدام وشي بكام سنتي و انا بعتبر دي حركة مستفزة جدا. ف رحت ضربته بالركبة ف بطنه.
حورس بيتوجع : ايه يا عم براحة.
انا : مش قولتلك قبل كدا بلاش الحركة المستفزة دي.
فرعون : خلاص بقى ايه شغل الأطفال دا.
حورس : يلا علشان نروح ل بابا يا مازن.
انا : اخيرا يا حورس هشوفه.
فرعون : استنى بس يا حورس يشوف مين.
حورس : دي أوامر بابا الملك شمهروش.
فرعون حكي ل حورس اني اتجوزت مي و كمان مش خايف من الملك شمهروش و لا المجلس الأعلى لعالم الجن.
حورس : ايه انت اتجننت يا مازن و لا ايه ازاي تعمل كدا.
فرعون : استنى بس و اسمع، مازن لما سمع اسم الملك غايبان قعد يضحك جامد و كمان مش خايف منه.
حورس : كدا يبقى احنا هنضيع.
فرعون : يا حورس أركن المشكلة دي على جنب و وضح ل مازن الرسميات بتاعتنا.
حورس : بص يا مازن، لما نوصل ل المملكة العليا هتلاقي بابا مستنيك مع كل الجن اللي موجودين ف القصر ف لازم أول م تقرب منه تنحني قدامه و بما انك ابنه ف هتبوس ايه و ترجع تقف عادي.
انا : ايه شغل الأفلام دا ، انا مش هعمل كدا.
فرعون : مش عارف يا مازن انت بتفكر ازاي، ف اوقات بحس انك كبير و اوقات بحس انك عيل صغير، بس خلي بالك لأنك لو معملتش كدا هيكون فيه عقاب.
(طبعا بما اني مصاحب الملك غايبان ف مفيش جني يقدر يعمل معايا حاجة بس لازم ألتزم بالعادات و التقاليد علشان هما يتقبلوني و يعتبروني منهم و اعرف اعيش معاهم.)
انا : ازاي يعني مش فاهم.
حورس : بص يا مازن، الملك شمهروش عاقبني قبل كدا بسبب اني ف مرة مش استأذنت علشان ادخل القاعة اللي كان قاعد فيها.
انا : و العقاب كان ايه.
حورس : العقاب كان اني اتسجنت الف سنة و الكلام دا لما كان عندي ١١ الف سنة.
انا : ياااااه هو بابا شخصيته صعبة للدرجة دي.
فرعون : يا مازن انا ببقى خايف جدا لما بشوف الملك شمهروش بس ما بالك بقى ب المجلس الأعلى.
انا : صحيح يا جماعة، هو حد فيكم قابل او شاف الملك غايبان قبل كدا.
حورس : كل عالم الجن من الكبير ل الصغير شافه عادي لانه كل عشر الآف سنة بيعمل جولة ف الممالك كلها، بس اننا نقابله او نقعد نتكلم معاه مثلا ف دي مستحيل لانه مش بيقابل غير الملوك و النسل القديم كل اول سنة ف المجلس الأعلى لعالم الجن.
انا : هل انتوا عارفين هو عايش فين و كدا أو هو ليه قصر او مكان قاعد فيه دايما.
فرعون : طبعا، الملك غايبان عنده بدل القصر مليون بس هو دايما موجود عندنا ف المملكة العليا بس مفيش حد يقدر يروح ناحية القصر بتاعه و عايش ف القصر مراته و برضو المستشارين بتوعه و ممنوع ان حد من برا القصر يقرب ليه لان لو دا حصل، الملك غايبان ب يمحيه فورا ولا كأنه كان موجود اساسا، بمعنى أصح هو لو عايز يشوفك هيجيلك و ساعتها هتبقى متأكد من انك هتموت او هتعيش و هيبقي ليك شأن و منصب كبير جدا ف عالم الجن. و الحالة الوحيدة اللي ممكن نقرب بسببها من القصر و نطلب نشوفه لو كان فيه حاجة حصلت تتجاوز سلطة الملك، ساعتها الملك غايبان هو اللي بيلاقي الحل او يكلف حد من النسل القديم يشوف حل للمشكلة دي، فهمت.
انا : يا حورس، هل فيه حاجة تانية لازم اعرفها.
حورس : لما تيجي تكلم الملك قدام اي حد تقوله مولاي الملك اما لو هتكلمه قدام حد من أهلنا قول اسمه او قوله يا بابا عادي.
فرعون : كدا بقى يلا نروح لأنهم منتظرين.
حورس : بص يا مازن هتمسك ايدي انت و فرعون و هنروح القطب الجنوبي و هناك هنتحول ل جن و نروح ل عالم الجن.

مسكت ايدي حورس اليمين و فرعون مسك ايد حورس الشمال و اختفينا و ظهرنا ف القطب الجنوبي و بعد كدا اتحولنا و هنا حورس اتكلم.
حورس : دلوقتي يا مازن احنا مش هنختفي و هنظر ف القصر.
انا : ماشي بس هنعمل ايه.
فرعون : احنا هنختفي و هنظهر ف عالم الجن بس على حدود المملكة العليا و لما نقرب من الحدود هيظهر قدامنا حراس و بعدها هناخد اذن لدخول المملكة من قائد الحرس.
انا : و ليه بقى التعب دا كله م نروح ع القصر ع طول.
حورس : مش هينفع و ممكن يحصل مشاكل و دا كله لأنك او مرة اصلا تدخل عالم الجن فهمت.
فرعون : و خلي بالك اول م نختفي و نظهر ع الحدود تستخدم جناحاتك علشان تعرف تطير.
فعلا اختفينا و ظهرنا عند حدود المملكة العليا ف عالم الجن و بقيت استخدم جناحاتي علشان اطير و دا بسبب ان المملكة العليا موجودة كلها علي السحاب و بعيدة جدا عن سطح الأرض و بدأ نطير و نقرب من الحدود و انا اندهشت جدا من اللي انا شايفه، المملكة عبارة عن قصور مفيش بيوت عادية و القصور مبنية من السحاب حاجة كدا خرافة مكنتش مصدق نفسي و كل قصر نازل منه ميه من عند البوابة بتاعة القصر و احنا بنقرب اكتر من الحدود ظهر أربعين حارس كلهم شبه بعض و كانوا وشهم شبه راس الخفاش و لابسين نفس اللبس من لبسهم حسيت انهم شبه الفراعنة كدا بس قوتهم كويسة ما عدا واحد فيهم لما شوفته استنتجت انه دا قائد الحرس كان مختلف عنهم ف اللبس و الشخص دا اتكلم.
قائد الحرس : اهلا بالأمير حورس. ابن مولاي الملك شمهروش
حورس : اهلا ب قائد الحرس.
قائد الحرس : اهلا بالأمير فرعون ابن قائد الجيش الأمير جيرال.
فرعون : اهلا ب قائد الحرس.
قائد الحرس : مين الشخص اللي معاكم دا.
حورس : دا يبقى اخويا الأمير ايزيس.
قائد الحرس : اهلا بالأمير ايزيس ابن مولاي الملك شمهروش، اخيرا وصلت، النهاردة بالذات المملكة كلها بتتكلم عنك.
انا موطي صوتي : يا حورس هو بابا هيعمل عليا حفلة و لا ايه.
حورس مردش عليا و كمل كلامه مع قائد الحرس.
حورس : الأمير ايزيس او الأمير مازن طالب اذن دخول ل المملكة.
قائد الحرس : تحت أمر الأمير مازن اتفضلوا. و اهلا بكم ف المملكة العليا.
بدأت اطير ورا حورس و فرعون لحد م وصلنا ل قصر فخم جدا.
انا : هو القصر الحاجد دا بتاع مين.
فرعون : دا قصر الحكم اللي موجود فيه الملك شمهروش استعد بقى علشان قربنا نوصل.
بعد شوية وصلنا القصر و لاقيت حورس و فرعون هبطوا عند البوابة و وقفوا على السحاب عادي. ف انا عملت زيهم. و بعد كدا مشيت وراهم لحد م دخلنا ممر و كان ف آخره هي القاعة العامة للقصر و دي هي القاعة اللي بيبقى موجود فيها الملك مع مجلس المملكة. اول م واحد من حراس القاعة شافنا طلب اذن دخول و بعد كدا رجع لينا.
حارس : الملك منتظركم ف القاعة الرئيسية للقصر.
حورس بدأ يمشي ناحية القاعة و فرعون وراه و انا ورا فرعون و اول م حورس وصل ل باب القاعة اللي كان مصنوع من الدهب. لاقيت حارس من الحراس اللي موجودين جوا القاعة
حارس : يدخل الآن الأمير حورس ابن مولاي الملك شمهروش
حورس دخل القاعة.
حارس : يدخل الآن الأمير فرعون ابن قائد الجيش الأمير جيرال.
فرعون دخل القاعة بعد حورس على طول و راح وقف جنب حورس.
حارس : في اول وجود له ف عالمنا. يدخل الآن الأمير ايزيس ابن مولاي الملك شمهروش.
اول م الحارس قال اسمي حسيت ب توتر كبير جدا و دخلت القاعة على طول بعد فرعون و لكن ذهلت و اندهشت من اللي شوفته، القاعة كانت من غير سقف و كان الملك شمهروش قاعد على كرسي العرش و كان مصنوع من كله من الياقوت و الالماظ و الأحجار الكريمة بصراحة حاجة خيال و كان موجود جنب الملك شمهروش مراته وبرضو قاعدة على كرسي زي بتاع الملك و كان موجود ف القاعة كل المستشارين و الأمراء اللي موجودين ف المملكة. دخلت القاعة و مشيت لحد م قربت من الملك شمهروش و انحنيت قدامه و بوست ايده.
الملك شمهروش : اهلا ب ابني الأمير ايزيس.
انا : تشرفت ب مولاي الملك شمهروش.
و انا بسلم ع الملك او ابويا كان حورس و فرعون واقفين جنب بعض و حورس قال.
حورس ب صوت واطي : انا خايف يا فرعون.
فرعون : متقلقش، انا خايف اكتر منك لأن المجنون مازن ممكن يعمل اي حاجة دلوقتي و احنا ممكن نتعاقب معاه.

عندي انا و الملك شمهروش.
لما تشوف الملك شمهروش تحس انك قدام انوبيس بتاع الحضارة المصرية او الفراعنة ( ابحثوا عنه ع النت و هتلاقوا صور كتير ليه) ، وجه الملك كان شبه الديب او الذئب و كان عنده اساور ف جسمه زي اللي عند الملك غايبان و كان طالع منها نور ب الوان مختلفة بس النور مش قوي زي اللي عند الملك غايبان.
الملك شمهروش بدأ يوجه كلامه لكل الموجودين ف القاعة و قال.
الملك شمهروش : انا النهاردة فخور جدا أن استقبلت ابني التاني الأمير ايزيس و اتمنى انكم ترحبوا بيه.
كل اللي ف القاعة : اهلا بالأمير ايزيس.
الملك شمهروش : دلوقتي بقي يلا ناكل و نحتفل ياليوم دا و النهاردة كل المملكة معفية من واجباتها.
الملك شمهروش شاور ب ايده ف الهواء، فجأة ظهر اكل ل كل اللي موجودين ف القاعة، لاقيت الملك بيشاور ليا علشان اقعد جنبه و احنا بناكل و ع الناحية التانية جنبه كانت مراته، الملكة هند بنت الأحمر او هند بنت الملك الأحمر. اول م شوفتها حسيت اني طاير من جمالها، حسيت اني قدام حورية متكاملة الصراحة و كانت لابسة تاج من الالماظ زي الملك شمهروش و شكل وشها شبه حورية البحر و قريب جدا من البشر و شكلها العام انها جميلة جدا و كان برضو ف جسمها أسوار زي جوزها الملك شمهروش. و احنا بناكل بدأت تتكلم معايا.
الملكة هند بنت الأحمر ( الملكة هند) : اهلا بيك يا مازن ولا اقول ايزيس.
انا : زي ما تحبي يا مولاتي الملكة.
الملك شمهروش : اخبارك ايه يا ابني.
انا : مولاي الملك انت عارف كويس اخباري ايه دا حتى انت كنت عند امي يارا.
طبعا انا عرفت لاني حسيت يقوة غريبة ف الوحدة عندنا و انا رايح ل فرعون بس لما فرعون كلمني على موضوع مي فهمت ان اللي كان موجود هو بابا لانه اكيد جه ل امي.
الملك شمهروش : عرفت منين و اوعي تقول ان هي اللي قالتلك.
انا : لا هي مش بتقول حاجة بالعكس هي دايما مخبية عني كل حاجة.
الملك شمهروش : م انا عارف كل دا بس انت عرفت منين.
انا حكيت ليه انا عرفت ازاي زي م حكيت ليكم بالضبط.
الملك شمهروش : هو انت قوي لدرجة انك حسيت ب قوتي.
انا : ايوه م المفروض يا مولاي انك تكون حاسس ب قوتي انت كمان.
الملك شمهروش : طب م انا حاسس ب قوتك دلوقتي بس مكنتش متوقع انك قوي كدا.
الملكة هند : كويس جدا أن حورس بقي عنده اخ قوي زيك يا مازن.
الملك شمهروش : دي حاجة مخلياني فرحان جدا.
بعد م خلصنا اكل، كل اللي ف القاعة بدؤا يتكلمه مع بعض زي م بيحصل ف اي حفلة كل واحد بيتكلم مع التاني او اللي يعرفه و انا كنت بتكلم مع ابويا و مراته لحد م حورس جه و كان معاه مراته و ولاده.
حورس : يا مازن دي تبقي مراتي الأميرة ليلى و دول ولادي
اتعرفت على ليلي و ولادها و بعد شوية حورس راح اتكلم مع بابا و انا رحت ل فرعون و كان واقف مع ابوه.
انا : ايه يا فرعون انا بدور عليك بقالي شوية.
فرعون : تعالي يا مازن، دا ابويا الأمير جيرال قائد جيش المملكة.
انا : اتشرفت بيك يا قائد.
جيرال كان شبه فرعون بالضبط بس طبعا أقوى منه بكتير.
جيرال : الشرف ليا انا يا ايزيس، فرعون كلمني عنك كتير.
انا : بجد، مكنتش اعرف ان فرعون بيحبني اوي كدا.
فرعون : حبيبي يا ابن عمي.

عند ابويا و حورس و مرات حورس و الملكة هند.
الملك شمهروش : هو انت و فرعون يا حورس كنتوا خايفين ليه لما مازن كان بيسلم عليا.
حورس : ابداََ كل الحكاية ان مازن تصرفاته مش متوقعة و ف اوقات يحسسك انه مجنون ف كنا خايفين ل يغلط او حاجة و كمان في كارثة حصلت و هو مفكر انها حتى مش مشكلة.

حورس حكي لكل اللي واقفين اني اتجوزت مي و اني مش خايف حتى من المجلس الأعلى او حتى من الملك غايبان.
بعد م حورس خلص كلامه. الملكة هند اتكلمت.
الملكة هند : ازاي يعني مازن مش حاسس انه ف مشكلة و كمان مش خايف.
الملك شمهروش : اصبروا لحد م الحفلة تخلص و نفهم منه.
عدي الوقت و الحفلة خلصت و كل اللي كانوا موجودين مشيوا ماعدا فرعون و ابوه و فرعون و ابوه قعدوا معانا و فرعون كان حكي ل ابوه كل اللي حورس حكاه من شوية.
الملك شمهروش : ازاي يا مازن تتجوز واحدة من البشر.
انا : يا بابا انتوا ليه حاسين انها كارثة.
جيرال : بص يا مازن لازم تفهم ان احنا هنا لينا قوانين غير البشر و ممكن المجلس الأعلى يعزل ابوك من الحكم بسبب حاجة زي دي.
الملكة هند : اهدوا شوية لأن لو المجلس الاعلي عرف ممكن احنا نقول ان مازن اتجوزها قبل م يعرف اصلا انه مننا او من الجن.
الملك شمهروش : المجلس الأعلى مش هيصدق يا هند.
حورس : فهمت بقى اننا ف كارثة يا مجنون.
فرعون : احنا حذرناك يا مازن بس انت مسمعتش الكلام.
انا طبعا ساكت مش عايز اتكلم خالص و سايبهم يضربوا اخماس ف اسداس و انا مش ف دماغي كل اللي انا بعمله بسمع بس.
الأميرة ليلى : يا جماعة براحة على مازن شوية دي لسه اول مرة ليه ف العالم بتاعنا.
فرعون : ايه مش بتتكلم ليه دلوقتي يا مازن شكلك حسيت فعلا اننا ف كارثة.
الملك شمهروش : م تتكلم يا مازن ساكت ليه يا ابني.
انا : لأنكم بتفكروا غلط.
الملكة هند : و دا ازاي بقى.
انا : هو ايه اللي هيخلي المجلس الأعلى يعرف حاجة زي دي.
كلهم سكتوا محدش فيهم عرف يرد.
انا : ههههه مين دلوقتي اللي ساكت، الظاهر كدا ان خوفكم من المجلس الأعلى شوش على تفكيركم.
جيرال : يا مازن افهم، المجلس الأعلى حاجة مقدسة عندنا و كمان كل اللي فيه عندهم قوة كبيرة جدا. ف طبعا لازم نخاف من حاجة زي دي.
انا : عارف كل دا يا عمي بس مش لدرجة انكم متعرفوش تفكروا، فعلا الخوف شئ مهم لان الذكي هو اللي يخاف و لكن الذكي يبقي غبي لو الخوف دا خد مساحة كبيرة.
فرعون : ايه بقى الحل يا عم الذكي.
انا : متقلقوش، لاني الملك غايبان يعرفني.
اول م قولت كدا كله ضحك ماعدا الملك شمهروش.
حورس : مازن الموضوع مش ناقص هزار.
فرعون : بص يا مازن لازم تراعي اننا هنضيع بسببك ف بلاش هزار.
انا : انا ممكن اثبت كلامي لو مش مصدقين.
الملك شمهروش : يا ريت تعمل كدا.
انا : تمام بس مترجعوش تعيطوا بقي.
بعدت عنهم شوية و رحت منادي ع الملك غايبان ب صوت عالي.
بعد شوية محصلش حاجة لاقيت الكل برضو بيضحك.
الملكة هند : يا مازن مش قولنا بلاش هزار.
و لسه الملكة هند هتكمل كلامها، الدنيا اتقلبت و الجو اتغير جامد و فجأة ظهر الملك غايبان، اول م كل اللي موجودين ف القاعة شافوه ركعوا كلهم بما فيهم الملك شمهروش. و انا رحت اسلم عليه عادي.
انا : ايه يا غايبان دا كله علشان تيجي.
الملك غايبان : معلش بقى لما سمعتك مصدقتش انك هنا ف العالم بتاعنا.
ف الوقت دا الكل كانوا مذهولين من التعامل بتاعي مع الملك غايبان.
الملك شمهروش : اهلا يا جدي. معلش بقى معملتش استقبال يليق بيك لاني مكنتش اعرف انك جاي.
الملك غايبان : م تقفوا عادي يا جماعة مفيش حد غيرنا هنا.
الكل قاموا وقفوا عادي بدل م كانوا راكعين.
الملكة هند : شرفتنا يا جدي بالزيارة دي.
جيرال : من ساعة اخر مرة اتدربت معاك مشفتكش يا جدي و لما رحت القصر حضرتك مكنتش موجود، كنت فين لاني كنت عايزك علشان تشوف تدريب الجيش.
حورس : اهلا بيك يا جدي.
فرعون : اهلا بيك يا جدي.
الأميرة ليلى : اهلا بيك يا جدي.
الملك غايبان : اهلا بيكم يا جماعة. الا صحيح يا مازن انت نادتني ليه.
انا حكيت ليه كل حاجة عن جوازي من مي.
الملك غايبان : متقلقوش مفيش اي حاجة.
انا : اومال بقى هما ليه عاملينها مصيبة.
الملك غايبان : بص يا اهبل، لو حد غيرك كان عمل حاجة زي دي كانت فعلا هتبقى بالنسبة ليه مصيبة، إنما أنت علشان صاحبي ف محدش يقدر يعمل حاجة.
الملك شمهروش : معلش يا جدي،. عندي سؤال.
الملك غايبان : اسأل يا حبيبي.
الملك شمهروش : هو مازن يبقى صاحبك ازاي، لأني اول مرة اعرف ان ليك صاحب.
الملك غايبان : مازن يبقى صاحبي، لأنه هو الوحيد اللي بيتعامل معايا من غير خوف رغم انه عارف قوتي قد ايه، و كمان لانه بيتعامل بتلقائية فهمت.
انا : بص بقى يا غايبان، زي م اتفقنا انا و انت بعد كام يوم كدا هجيلك القصر علشان اتدرب معاك.
الملك غايبان : ماشي يا مازن بس خد بالك ان التدريب هيبقى شديد مش حاجة سهلة.
و بعد كدا الملك غايبان اختفى و ساعتها كل اللي موجودين ارتاحوا زي م يكون ارتاحوا.
الملك شمهروش : انت تعرف الملك غايبان منين يا مازن.
انا : هو ف الاول كان بيجيلي ف الحلم و بعد كدا شوفته لما كنت مع فرعون و حورس ف القطب الجنوبي.
جيرال : المفروض تكون حذر ف التعامل مع شخص زي دا لكن انت زي م قال فرعون، انت حرفيا مش متوقع.
حورس : و كمان بتتكلم معاه بدون تكليف.
الملك شمهروش : دي اول مرة اشوف جدي غايبان بيتكلم بالشكل دا و كمان بقي ليه صاحب.
انا : مش عارف انتوا مكبرين الموضوع ليه.
و احنا بنتكلم ظهر فجأة قدامنا شخص معاه اخبار زي الزفت، يتبع