الشجرة المعجزة الساحرة وتيتة العجوز

الشجرة المعجزة الساحرة

 هذه القصة كتبتها لما لقيت العيال بيشدو في لعبة واحدة، ولما بابا أو جدو يجيب حاجة برده يشدو من بعض حاجة واحدة، لو انت يا سيدتى عندك نفس المشكلة مع أولادك احكي لهم القصة دي جربيها، انصحك يا ماما تركزي دائماً وانت بتحكي على الغلطة اللي انت عايزها تتغير مع ابنك، ويسلام لو حكيت الحدوتة في نفس الوقت اللي كان فيه بيغلط، وكمان انصحك اسمعي مني اعتمدي وانت بتحكي على خيال الطفل وشاركيه في الحكاية، القصة دي تتحكي لما تلاقي عيالك بيشدو كيس بطاطس الشبسي من بعض أو اللعبة وسايبين الباقي رغم انه كتير، احكيها في وقت يكون مناسب ليه ولك( فعلاً ده اللي حصل لكن وانا بكتبها لقيتها كبرت وبقت للكبار قبل الصغار)

منزل تيتة العجوز

كان ياما كان من زمان كان فيه بيت كبير، فيه ثلاث أسر اخوات مختلفين ومعاهم جدتهم الحنينة، العيال كتير، الأخوات متفهمين لكن المشكلة طبعاً في العيال، فيه مكان كبير للعب تحت مع تيته اللي كانت على طول تحت ليها غرفة ومطبخ وحمام و برة وبحجم البيت صالة واسعة وجنينة، فوق تجد كل أسرة لها دور مكون من اربع غرف وصالة و مطبخ وحمام،  ثلاث ادوار وسطح مفتوح، تحت تيتة والعيال أغلب الوقت معاها عاملا جنينة صغيرة فيه تكعيبة عنب و لبلاب  وكم وردة كدة ريحتها حلوه والناحية التانية زرعة ملوخية وبامية وبطاطس وبصل ونعناع، لزوم البيت، العيال كانو بيحبو الزرع ويطلعو يسقوه ويهتمو بيه ولما البيت بيطلب بيجيبو كل حاجة لوحدهم.

 أفراد البيت المقيمين في داخله

_سعيد (متوفي)

زوجته( أسراء)

أولاده: رائد و بهجت و قمر

_حمدي

زوجته(ليلى)

وأولاده: فريال و فاتن

_جابر

أرمل

أولاده منى و بهاء 

        _وتيتة العجوز(وفاء)

ثلاث أولاد للحاجة وفاء توفي ولدها الأكبر وزوجة و توفيت زوجة ولدها الأصغر، يرعى المنزل سبع أطفال تتراوح أعمارهم ما بين السادسة والعاشرة، حمدي وجابر يعملان في التجاره في احدى شركات التوزيع الموروثة عن الجد، يعملان ليل نهار لتغطية طلبات العائلة، أما عن ليلى وأسراء فيعملان بكل نشاط لتوفير متطلبات العائلة الداخلية من نظافة البيت وتحضير الطعام وخلافة وطبعاً تربية الأولاد وإن كانت الأساس في التربية هي تيتة وفاء.

الأخلاق

في  ليلة من الليالي كان القمر بدر ساطع و الأولاد يلعبون  فجاءة صرخ بهاء و هو يبكي بصوت عال بكاء متواصل خرجت أسراء وليلي يجرو ناحية الصوت أما بهاء جري ناحية تيتة يستنجد وبهجت وفريال وراءه.

ايه في

خد مني كيس الشبسي بتاعى

طب ده صغير ،  هو بتاع مين

بتاعي انا

لا يا بهاء الكدب حرام .. الكيس ده بتاع مين

بتاع منى

هه..أمال انتم بتجرو ليه وراه وبعدها طلبت تيته منى وسألتها عن الشبسي فقالت انها مش عايزاه عشان حار، فطلبت بعدها طبق وفرغت الشبسى فيه و هي بتقول كلو مع بعض بس كان بهجت و فريال بياكلو بسرعة أما رأئد أكبرهم عمال يزعق ويقول استنو انا أكل وبعد كدة انت وبعدين انت وبيقسم وما حدش سامع كلامه، الكل زي ما يكون محرومين، وطبعا الأمهات زعلان وبتعلق على الطريقة الوحشة اللي بياكلو بيها 

يا خبر ايه ده لو حد غريب كان قاعد دلوقتي كان قال علينا ايه ؟

متخلفين..همج..قم يابت يا فاتن اومي يازفتة يا فريال.

لكن تيته بصت وما اتكلمتش خالص.. وبعد ربع ساعة تقريبا ناديت على الكل اتجمعت الأولاد والبنات حول تيتة وفاء يسمعوها وهي بتحكي  عن الشجرة الطيبة.

الشجرة السحرية الساحرة

كانت تيتة تميل ناحية الأيتام أكثر بطبيعة الحال عيال المرحوم سعيد لكن عشان كانت بتخاف من ربنا فكانت بتحاول تعدل في كل حاجة وكمان عيال جابر منى وبهاء كانت هي أمهم، النهاردة بس لاحظت أختلاف الطباع وعدم الإيثار، ما فيش حد يعرف معني الكلمة ولو عرفوها مش ها يعرفو يطبقوها.. فكرت تيته في الشجرة المعجزة الساحرة اللي بتظهر في ليالي البدر 3 ( 13،14،15) في محرم و رجب، مافيش حد مصدق الأسطورة دي لكن هي سمعة عنها من جدتها زمان وصدقتها.

جمعت تيتة العيال والكبار تحكي لهم أسطورة الشجرة المعجزة

صلو على النبي

عليه الصلاه والسلام

خير يا أمي

معلش يا أولادي استحملوني واسمعو القصة دي

فيه النهاردة وبكره وامبارح شجرة بيقولو عليها طيبة عشان بتعرف الطيب من الشرير، فيها كل حاجة محتاجها انسان كتير ..كتير لكن مش بتدي الا  اللي بيفضل أخوه عن نفسة، عاوزاكم تروحوها

فيها شبسي ياتيتة

ايوه طبعاً وكارتية وجيلاتي وجيلي

وشوكولاتة..يا تيتة

أمال.. وبسكوت ومصاصة وكيك وكل حاجة انتم بتحبوها.

هاها.. واحنا رايحين ناكل شبسي كارتية يا أمي

مين قال فيها فلوس ودهب

لا.. مش معقول كان زمان الناس كلها راحت وما كانش حد طلعت عينه في الشغل.

كان بيروحو زمان  جدتي كانت بتحكي عن أجدادها لكن كانو بيشوفو الحاجة وبعدين تختفي وما حدش عرف يجيب حاجة.

هاهاها..امال احنا ها نروح ليه ؟

جدتي الله يرحمها كانت بتقول ان الشجرة عايزه حد طيب…انا عايزاكم تروحو كلكم والعيال .. الشجرة بتنفع ومش بتضر، يعنى لو ما عرفتوش تاخدو حاجة مش ها تأذيكم.

ماشي نفكر من هنا لبكرة ان شاء الله 

تمام لو قررتم تطلعو بعد ما تصلو العشاء على طول وتمشو ناحية غروب القمر 45 دقيقة  ها تلاقوها ان شاء الله.

تاني يوم بعد العصر يالا يا ماما جهزي نفسك عشان نروح النهاردة بعد العشاء ان شاء اللة

لا يابني انا مش ها اجي عشان مش ها اقدر على المشي خالص..روحو انتم. 

شدو الرحال إلى الشجرة السحرية الساحرة

خرجت الرجالة والستات والعيال كلهم في طريقهم للشجرة وهما بيضحكو ومش مصدقين الحكاية وبيقولو لبعض ما كنش حد غلب كانت الناس كلت وشربت وهي مرتاحة وبعد حوالى ربع ساعة من المشي بدؤ يشمو ريحة حلوة ريحة تشبه ريحة الورد البلدي مع الريحان ودي كانت أول العلامات اللي تيتة قالت عليها طب ايه طبعاً نكمل وبعد دقائق وقعت ليلى في حفرة صغيرة فالتوت قدمها..ايه.. حسب كلام الأسطورة الشجرة هاتختفي بعد نص الليل..يعني فاضل كام ساعة

خليك انت يا حمدي مع مراتك والعيال وانا اروح اشوف الحكاية دي

ها ها ..لا طبعاً رجلي قبل رجلك انت طماع عايز تكوش على الشجرة زي ما كوشت على ورث أخوك

ايه ..ازاي يعني

ايوه يا أسراء طبعا ورثك كبير تحت ايده

انت بتقول ايه

بابا.. ماما..اللكبار مسكو في بعض والصغيرين قعدو يبكو

خلاص..خلاص بعدين نتحاسب ..بعد الشجرة لينا كلام كتير

خليكي يا ليلى هنا لما نشوف اخرتها يالا ياعيال

اتبعت الأولاد الأباء وتركو ليلي لا تستطيع الحركة 

في الجزء الثاني نقرأ 

ماذا يحدث لليلى؟

ماذا يحدث في الشجرة الساحرة ؟

كما نقرأ عن خلافات الورث وحقيقتها؟

ترى لماذا لم تخرج تيتة وفاء معهم إلي الشجرة؟

كما نقرأ هل ما قيل عن الشجرة حقيقة أم خيال ؟

كل هذا وأكثر نقرأة في الجزء الثاني ..اتبعونا.