قصص أطفال..تهدف للمحبه والترابط بين الأخوات

الحب والترابط بين الأخوات مهم جداً في زمن كثرت فيه المشاكل، أقرأ القصة بقلبك وخيالك عشات تحكي لعيالك كويس، صدفني نفعت عندي مع عيال من سن 3:10 سنه..جرب وعلق أنا بحب اسمع التعليقات، القصة في الفقرة اللي جايه بتحكي عن مجموعة من الأخوات من الذكور وكانو دائمين الشجار، وكيف أصلح ما بينهم والدهم بعد وفاته، تابعنا لو حاسس إن فيه مشاكل بين أولادك واصلح ما بينهم من دلوقتي  بلاش تفضل حد عن الأخر ولا تفرق، أبعد عن اللجوء للخصام لإنه مش حل إيجابي بل يزيد المشاكل والحكاية دي ها تساعدك بأذن الله على الحب والوحدة بينهم.

ماذا أفعل من أجل أن أجعل فيه حب والترابط بين الأخوات؟

القصة دي تدمج الخيال بالواقع، هي متجربه بس المهم خطوات الحكاية خلي بالك:

بلاش تقرأ القصة بعينك..لا أقرأ بودانك وقلبك.

حاول تعيش القصة وانت تحكيها يعنى ممكن تزود كلام وانت بتحكي عن المشاكل اللي في القصة وتضيف نوع المشاكل  الفعلية الموجودة بين عيالك. 

حاول تدي فرصة للعيال وانت بتحكي يدخلو معك بالخيال وتجاوب علي كل سؤال على قد السن.

استخدم خيال أولادك وانت بتحكي وضمه بالواقع..الحكاية عشان تجيب نتيجة إيجابيه لابد من أن يعيشها العيال و يصدقوها.

لو كنت من النوع اللي بتسيب عيلك على الموبايل ويعيش مع نفسه يبقى لا تلوم إلا نفسك من السلوك اللي بتشوفه منهم.

ماهي أفكار القصة؟ وما اسمها؟

على فكره ثبت لي موضوع الاسم ده مش مهم انا ها أسيب الاسم ليكم، وأسماء الشخصيات كمان حاول تجمع أسماء مختلفه عنكم تماماً والعيال لم تسمع عنها.

فكره القصة الحقيقية هي الحب والترابط بين الأخوات من خلال الواقع وهو البصل اللي يوجع العين، والحرامي الشرير.

تضم  القصة مجموعة من الأخوات منهم من انصلح حاله وده ها يكون اسمه من أسماء أولادكم الحقيقي ومنهم الوحش اللي مش سمع الكلام وده ها تجيب اسمه من الخيال وبعيد عن كل اللي يعرفهم ابنك من الأقارب والجيران وحتي زملاء الحضانة أو المدرسة.

ما هي قصة الحب والتضامن؟

تبدأ قصتنا مع رجل عصامي فلاح ويحب عمله زاده الله من الرزق والعيال، جاب خمس أولاد وبنت، الأولاد طول النهار يكلوا في بعض حرفياً خناق على ألفاضيه و الملاينة، فكر الفلاح الطيب البسيط في الأرض اللي يحبها ها يسبها لمين؟ لازم يعلمهم يحبو بعض أكتر حب والترابط بين الأخوات يعمل إيه! كان سمع عن قصة سمير ولد مهمل وحاول يجيب حاجة تهدف زيها قعد يقرأ لغاية ما قرأ  عن الرجل اللي جاب مجموعة الحطب ووضعهم في حزمه عشان يوصل فكرة القوه في التضامن، وفعلاً جمع أولاده في يوم وراح في وسط الأرض و طلب الغذاء فول وملوخية و بأمية، ودخل وسط الزرع وشاء القدر أن تكون قراط مزروع بالبصل فأخذت الأولاد تقطف من الطماطم والبقدونس والجرجير الأخضر من الزرع والأب يشرح معنى أننا نترك الأرض دي من غير صاحب أسهل حاجة مش ها يكون فيه أكل.. و لو اخترنا الأكل يبقي الأرض عايزه تضامن وحب والترابط بين الأخوات طبعاً الأب عمال يحكي ويقول ويعيد عشان يوصل فكرة أهمية الأرض والزرع للدنيا كلها مش ليهم بس، والعيال عمالا تتشاكل مع بعض وتشد من بعض أي حاجة، أن كان فيه تركيز دقيقة يصبح ضرب وبكاء وتتبعهم شكوي في لحظه هكذا كانت الجلسة اللي ظن أنها غير موفقه.

ما هي الحكاية الشهيرة التي تحث على الترابط ؟

جلس الأب وسط أرض البصل وجاء بمجموعة كبيره  من حطب الرز الضعيف، وبعد ما حكي وقال كتير عن أهمية الأرض والزرع وكانت الردود سلبية والقعدة بوكأنها فاشله، أجلسهم مره أخري فعطى كل واحد منهم عود واحد من الحطب الضعيف ثم طلب كسره، بالطبع كانت العملية سهله جداً ثم أخذ يزيد بالحطب واحدة واحدة ثم يطلب الكسر حتى أصبح الكسر مستحيل هنا قال لو كلكم بعدتم عن بعض وتركتم بعض ها تتكسروا  زي كده والأرض ها تضيع  ثم قام و بدأ بالنصح وبكل قوة  و كأنه يسمع العي"خليكم جنب بعض ولو مت ما توزعوا الورث والفلوس على بعض ,,وتبيعوا الأرض،،أرجوكم..لا.. الفلوس بتروح وتيجي دفو بعض واقفو جنب بعض الكبير يحمي الصغير وحوطوه على أمكم وأختكم ".    

ما دور أرض البصل ؟

جلس الأب وهو يحكي وسط أرض مزروعة من البصل وقت الإنشاء ما زالت لم تظهر بعد و رأت البصليات ما يحدث من البكاء والصراخ والأب يحجز فحزنت الأرض وخزنت دموعها، من الممكن أن يكون الأب حس بنهاية حياته وتسليمها للخالق، ومن الممكن أنه قد مرض من التفكير في المستقبل مع أبناء لا تحب بعض فكر كتير في الأرض من بعده ومصير الأرض، أي كان السبب فقد أصاب الأب مرض لا علاج منه وظل أسبوع واحد ثم سلم روحه لله انقطعت الزيارة عن الأرض وكبر البصل ضعيف ومخزن بالدموع .

ماذا حدث للأولاد بعد فراق الأب؟ الجزء ده يجمع ما بين الواقع والخيال ويخلي العيال تهدى عن الخناق

توفي الأب وخرج ولم يعد ماذا  فعل  الأولاد هل تتبع النصيحة أم لا؟

جلس الأولاد مع الأم بعد أن خفت نوبات الحزن وقلت  فأصبح ذكرى جميله يترحم عليها، جاء الطعام وطلب البصل فوجدت الأم أن البصل يدمع العين ليس الأم وحدها بل جميع من في المنزل ، انتشر الخبر في البلد ظاهرة غريبة بصل الحاج مؤمن يوجع العين،، كادت الناس تمتنع عن الشراء من أبناء هذا الفلاح إلا وتفاجئ العالم بأن كل البصل أصبح يدمع العين من شده ما أمتلاء به من الدموع والحزن عن هذا الفلاح المسكين اللي مات من كثره الهم و الحزن على تصرفات ولاده، هنا لابد أية القارئ تدوس على النقطة دي وتضيف و تضيف لغاية ما يصدق العيال أن وجع العين من البصل من أجل حزن البصل على العيال الشريرة اللي تعمل مشاكل وعلى طول خناق.

 ماذا حدث  للولد اللي مش سمع كلام أبوه؟

اقتنع الأولاد بضرورة الحب والترابط بين الأخوات عدا واحد طلب ميراثية وخرج وحدة للحياه وترك كل أخواته وماما عشان هو وحش وخد الفلوس وحده وقال انه ها يعيش وحده قالو له بلاش انت حلو اسمع كلام بابا، لكن هو مش سمع الكلام خالص وخد الفلوس وسكن في بيت وحده لغاية لما جيه الحرامي وفهمه انه ها يعمل معاه مشروع كبير يزود فلوسه أضعاف مضاعفة فنصب عليه واعطي له أقل من رأس المال على 3 أشهر متتاليه، على انهم أرباح وأصل المال موجود ليكسب ثقته حتى اطمئن الخايب اللي ما سمع النصائح فتكسر استرقت كل فلوسه وما عرف مكان النصاب، رجع حزين باكي وسط أخواته مكسور، أصل ما فيش ملجأ تاني أحن من حضن الأهل.

الحب والترابط بين الأخوات مطلوب وأساس اصنع الحب والتضامن بين العيال من خلال القصة دي والقصص اللي من نوعها ويا ريت تبعد العيال عن الفيديوهات الشريرة اللي دخلت في قلوب العيال الشر..خلي بالك من الفيديوهات والقصص اللي بتفرج عليها عيالك بلاش العنف والدم .ضم عيالك حولك واحكي لهم زي ما عمل الفلاح لكن سلمك الله من كل شر، بلاش تشيل هم المستقبل فهو مش بأيد حد ولا تعرفة حاول و جاهد من أجل تضامن الأسرة، إن حب الأسرة أكير وأقوى  من حب المال.