ولكنني اكتفيت يا عالــم
ولــكننــي اكتفيــت
ولكنني اكتفيت
كان شعرها مربوط بديل فرص
ماسكاه بإيدها وهي بتعدي من قدام المراية
تبص لنفسها وتبتسم
كانت حلوة قوي من جوا
بس محدش فيهم شاف
ولا حتى حاول
كبرت فريدة من غير ما حد يقولها شاطرة
ولا حضنها في يوم بعد ما نجحت
ولا سألها يوم حابة تاكلي إيه
ولا إنتي زعلانة ليه
سنين كتير عدت
كانت بتحاول ترضيهم بأي شكل
تطبخ اللي بيحبوه
تنجح في اللي بيطلبوه
ترد بأدب حتى وهي مخنوقة
كل حاجة كانت بتعملها عشان يسمعوا مرة بس كلمة أنا فخور بيكي
بس الكلمة عمرها ما جت
ولما كبرت بقت تعرف تحب نفسها
تبص لنفسها وتقولها إنتي قوية
إنتي كفاية
إنتي مش ناقصة حاجة
بقت تطبطب على جرح قديم من غير ما تستنى حد يشيله
بس المشكلة مش هنا
المشكلة إنها كل مرة تحاول تعمل حاجة عشان تفرّحهم
كل مرة تفكر تفاجئهم بحاجة حلوة
كل مرة تقول يمكن المرة دي يبقوا مبسوطين بيا
بتفتكر اللي عملوه
بتفتكر الصمت لما كانت محتاجة صوت
والبرود لما كانت بتبكي لوحدها
والنظرات اللي دايمًا فيها تقييم ومقارنة وتقليل
بتفتكر اللي سابوا قلبها يبرد سنين
وبتسأل نفسها
هم يستاهلوا ده كله مني
هي ما بقتش شايلة في قلبها غضب
ولا عايزة تنتقم
بس وجعها بقى واعي
بقت عارفة إنهم ماينفعوش يكونوا المصدر
المصدر اللي تحب منه نفسها
ولا اللي تستمد منه قيمتها
أحلامها كانت دايمًا أكبر من حدود البيت والحي والمدرسة
كانت شايفة نفسها في حتة تانية
لبس مختلف
حياة مختلفة
عقل حر وقلب مش مربوط بحد مش حاسس بيه
وهي فعلاً بقت ماشية في الطريق ده
مش بس بتحب نفسها
لكن بقت مؤمنة إن اللي جواها يقدر يحقق كل اللي بتحلم بيه
حتى الفراغ العاطفي اللي أهملوه جواها
قدرت تمليه بصوتها
بحنانها لنفسها
قدرت تحضن البنت اللي جواها
وتحفظها
وتحميها من الرجالة اللي بيستغلوا البنت اللي ناقصة حب
بقت تختار لنفسها بحكمة
وتبعد بقوة
وماحدش بقى يقدر يدخل حدودها بسهولة
اللي فقدته منهم
عوضته في نفسها
وده مش بس كفاية
ثم اصبحنا نقول بكل ثقه أنها أصبحت
strong independent woman
ومع كل خطوة بتاخدها لقدّام
مش بتبص وراها بندم
بتبص على الطريق اللي فاضل
بعيون مليانة إصرار
قلب ثابت
ونفس حرة
لأنها أخيرًا
بقت هي سند نفسها
وهي دايمًا
كفايه
ولماذا نروي هذه؟!
الفكره أننا بنفكر اني البيئه حارمانا من احلامنا تماماً وكأنها كابتانا احنا مش هننكر ده بس هنشيل كلمة كفايه لأننا في الحقيقه نقدر نعمل حاجات بسيطه تفرحنا وتسعدنا وتحسسنا بالآمان يعني الأهل مقدروش يدونا الآمان الكفايه ولكن احنا نقدر نديهم لنفسنا وللصراحه احنا لو حبينا نفسنا وعرفنا قيمتها حاجات كتير هتتغير في حياتنا وأولها روحنا جرب يا صديقي تخرج برا نفسك وبرا حدودك واحلم احلام اكبر من بيئتك وحياتك لاني الاحلام ليها يوم هتتحق وهنقابلها اكيد وده شيء أنا مآمنه بيه اني مهما بعدت احلامنا فهي اكيد اتقابلنا يمكن بقي في نهاية الشارع أو في بداية شارع جديد أو حتي ع باب الجنه بس المهم انها هتقابلنا في يوم
ثق في نفسك وفي طموحك يا صديقي وثم ..هون ع روحك
