يوميات زوجه سعيده ودعوه للتفاؤل
زوجه سعيده 🤔
ايوه انت زوجه سعيده دعوة للتفاؤل والامل
أمل يا أمل اصحي اتاخرنا
ايه ده الساعه كام الساعه ٨ ونص حبيبي معلش راحت علي نومه طب يلا بسرعه
أمل وجوزها نزلو شغلهم
اهلا أموله عشر سنين شغالين مع بعض مفيش يوم الا دخلتي علينا بنفس الابتسامه والروح الحلوه ربنا يديم عليك محبته ورضاه .
الحمد لله والله انتو كمان احلي صحبه
بس قوليلي بجد اكيد يعني الحياه مليانه مشاكل وصعوبات ازاي بتقدري تحافظي عالروح الحلوه دي والابتسامه دي ❤
حاجه بسيطه جدا قرار اخدته بيني وبين نفسي قررت اكون سعيده بالرضا
بحاول اشوف في اي محنه منحه بشوف في اي تاخير خيره اوقات مثلا بكون انا وجوزي متفقين علي خروجه وتتلغي بفضل طول اليوم منتظره اعرف قضاء ربنا واختياراته اللي اكيد بتبقي اجمل فيدخل جوزي علي البلكونه ونقعد قاعده لطيفه وكلها حب وضحك ويبقي بالصدفه المحل اللي تحت البيت مشغل اغنيه لطيفه لام كلثوم كان لينا معاها زكري حلوي معاها مع كوبايتين شاي بالنعناع مظبوطين علي مزاجنا بالظبط ونسمه هو رقيقه تفاصيل بسيطه لو قصدنا نرتبها مش حتطلع مظبوطه كده والعشا تاذن وجوزي ينزل الصلاه وافكر طب والله كانت قاعده جميله يمكن اجمل من اي مطعم او خروجه واقوم اصلي وانا بقول الحمد 
بدعي ربنا دايما يملا بتنا ستر وصحه وحب ورضا
اوقات كتير صعبه بتمر علينا انا وعيلتي بقول ده اكيد ابتلاء وقدر الابتلاء علي قدر المحبه
يعني ايه عاوزه تفهميني انك عمرك مانمتي معيطه ولا اتخانقتي مع جوزك خناقه اصيله زي كل الزوجات 🤔😂🤔
ههههه لا طبعا ااكيد بيحصل بس بدعي ربنا ميطولش الزعل واوقات كتير انا اللي ببدا الكلام عشان في النهايه احنا مش في معركه ولازم حد ينتصر اللي لازم ينتصر في الاخر هدوء وسعاده البيت وبعدين صدقيني في الاخرتفكير الرجل ابسط من اعتقاداتنا بكتيىر 😂
كلمه حلوه طيبه وبخدها من باب الكلمه الطيبه صدقه والله اتعدل يبقي كويس متعدلش يبقي اخدت الثواب ♥♥😂
وبعدين مفيش حياه سعيده طول الوقت امال حندعي ربنا بإيه
بنحاول نحلي الايام ونكتر ايام السعاده عن ايام الحزن
يعني مثلا خلي دايما فيه مفجأه بسيطه كل كام يوم لجوزك ولاولادك زي اكله حلوه بيحبوها فيلم نتجمع عليه كلنا مع فشار 🍿ولب وعيشو 😂❤
مبنساش نفسي بحاول اعمل حاجه تسعدني في اليوم حتي لو كانت بسيطه اعمل ماسك طبيعي اشرب مشروبي السخن المفضل مع تليفوني اكلم اهلي او حد من اصحابي
عندي يقين دايما ان مجريات الامور حوالينا اكيد ليها نتايج حنعرفها سواء في الوقت القريب او علي مدار الزمن
بحاول دايما اشارك مع زوجي اوقات معينه نحكي عن اللي حصل في يومنا وفي احوال البيت وولادناوالاحوال العامه حوالينا اونتفق عن صدقه نخرجها بنية صلاح الاحوال
طيب هو بيعمل ايه بقي هل ليه دور انك تستمري كده
طبعا ليه دور لو مكنش بينا احترام وود متبادل عمر العلاقه ما تستمر
بظهرله دايما حبي واشتياقي ليه وهو كمان بس الكلام الحلو مني اكتر بقوله دايما متحاولش مش حتغلبني في الكلام ❤🙈
بيقولي اكتر حاجه بتعجبني فيك انك دايما بتحسيسيني بالفضل دايما اصغر حاجه بجيبها بتشوفيها كبيره وعظيمه وده بيخليني دايما نفسي مفتوحه اجيب اكتر بسمعك بتقولي للولاد ادعو لبابا دعوه حلوه عشان خرجنا او عشان جبلنا حاجه
بحترم اهله واقدرهم وهو كمان
مش شايفه انك مثاليه زياده عن اللزوم
انت سالتي وانا جاوبتك الحل الوحيد هو التطبيق العملي علشان تقدري تقرري اسلوبي وطريقتي
هما سبيل الحياه الزوجيه السعيده الهاديه او لا
