قــصــص الــنــجــاح… رسائل حقيقية بتغيّر حياة
من الحلم الي الواقع حكايه تلهم التغيير
1- قــصــص الــنــجــاح… رسائل حقيقية بتغيّر حياة :-
في كل مرحلة في حياتنا، بنقابل لحظات نحس فيها إن الطريق واقف، وإن الدنيا ضيقة، وإن الحلم بعيد قوي. بس دايمًا، في مكان ما… فيه حد زيّنا بالظبط كان واقف في نفس اللحظة دي وفكر نفس التفكير ده وحس ب نفس الاحساس ، وقرر انو مايستسلمش. اللحظة الصغيرة اللي قال فيها “هكمل” هي اللي بقت أول سطر في قصة نجاحه
قصص النجاح مش مجرد حكايات بنسمعها… دي خريطة للطريق. كل قصة فيهم وراها رسالة، وصفحة جوّا كتاب كبير اسمه: “إزاي حياتك ممكن تتغير لو قررت تتحرك خطوة واحدة بس لقدام.”
2- النجاح مش صدفة… النجاح قرار انت بتختارو:-
أغلب الناس بتفتكر إن اللي نجحوا كانوا محظوظين، وانهم متعبوش ولا حتي اجتهدو أو إن الظروف خدمتهم بس ميعرفوش الحقيقة الحقيقة غير كدة خالص؟
الحقيقة ان الناس دي قررت إنها تعرّف نفسها من جديد تدي لنفسها فرصة تاني بدل ما يستسلم للفشل، قرر يدرّبه بدل ما يشوف الخسارة نهاية… يشوفها بداية.
النجاح مش دايمًا بيجي بسرعة انت لازم بتتعب وبتفشل وبتحاول وبتفشل مرة واتنين وعشرة وعشان توصل متستسلمش اقف وكمل طريقك اغلط بس اتعلم من الغلط بتاعك ، النجاح دايمًا بيجي للشخص اللي بيكمل الشخص الي بيحاول عشان يوصل ويحقق حلمو مش للشاطر… ولا للأذكى…لكن للمستمر.
3- كل فشل هو خطوة لقدّام:-
ولا قصة نجاح في الدنيا اتبنت من غير مطبات مشاكل؟ أكيد هتواجه, إحباط؟ طبيعي هيعدي عليك وقت هتكون زهقان ومحبط من الي بتعملو ,تفكير في الاستسلام؟ عادي جدًا.
لكن الجميل إن كل واحد فيهم فهم إن الفشل مش نهاية الفشل كان معلّم يعني كان درس ليهم ف كل مره كانو بيحاولو انهم يوصلو الفشل كان بيقوله: “غير طريقتك، بس ماتقفش.”مفيش حد ناجح إلا ووقع.
بس الفرق الحقيقي إنه قام… كل مرة كان بيقع فيها.
4- ابدأ صغير… بس ابدأ:-
أكتر نقطة بتوقّف الناس هي فكرة “لسه مش جاهز ومش عارف ابدأ من فين ” اللي نجحوا بدأوا وهما مش جاهزين بدأوا بإمكانيات بسيطة، أفكار بسيطة، معدات بسيطة… لكن كان عندهم إصرار انهم يبدأو الرحلة.
الخطوة الأولى مش لازم تكون مثالية، لكن لازم تكون موجودة حتى لو هتبدأ بحاجة صغيرة حتى لو هتتعلم وانت ماشي… المهم إنك “ بدأت وعلى الطريق”.
5- اصنع قصتك أنت:-
أجمل ما في قصص النجاح إن مفيش قصة شبه التانية كل واحد ليه طريقته غير التاني كل واحد ليه طريقة مختلفة ، ليه ظروفه، ليه رحلته لكن كلهم اشتركوا في جملة واحدة:
“أنا مش هوقف.”
إنت كمان عندك قصتك يمكن لسه في أول صفحة… يمكن في نصها… يمكن مستني اللحظة اللي بتقول فيها: “خلاص… هابدأ.” بس خلاص اللحظة دي لحظتك اعتبرها بدأت من دلوقتي واجمل ما في الموضوع ان
قصتك لسه بتتكتب، ومع كل خطوة، ومع كل محاولة، بتقرب لحلمك أكتر مما تتخيل.
6- الخلاصة:-
قصص النجاح عمرها ما كانت نهايات…
قصص النجاح بدايات.
بداية حلم اتولد، بداية رحلة اتبنت خطوة بخطوة، بداية شخص قرر يكون النسخة الأفضل من نفسه بداية شخص بدأ من جديد بدأ يطور من نفسو .
وإنت؟
مش محتاج غير قرار واحد بس قرار تختارو يغير حياتك يغيّر حياتك قرار تبدأ… وتكمل… مهما حصل ابدأ النهاردة قبل بكرة حتى لو بخطوة صغيرة… بس خليك متأكد:
قصتك لسه أحلى قصة فيهم كلهم.
