رحلتي مع الإنجليزية

يوميات تطوير الإنجليزية 

(رحلة بداية لهدف طويل)

 

• * تحديد المستوى وتحديد الهدف : 
   
• من أهم مراحل الرحلة تحديد البداية والهدف عشان كده دي بيكون أهم عائق للبدأ في اي هدف عشان كده لازم  نكون عندنا نوع من الوعي عشان نبدأ الرحلة بطريقة صحيحة ؛ بعد ما نحدد هدفنا بنستخدم الهدف عشان نحدد المستوى وده بيكون عن طريق امتحان تحديد مستوى من اي موقع وبيكون مجانا مثلا
•  https://learnenglish.britishcouncil.org/english-levels/online-english-level-test
• وده من اشهر المواقع الموجودة للإختبار .
•  
•  
• *  وضع خطة للوصول للهدف : 
• 
  الدقة هي بداية الرحلة دي وعشان نكمل فيها الافضل نلزم نفسنا بخطة واضحة هشارك معاكم الخطة الخاصة بيا لاكن مش لازم تكون نفسها ووضحنا ان ممكن الأهداف  مختلفة  ؛ وبقترح كل حد ممكن يستخدم اى برنامج ذكاء صناعي يساعده في الخطة دي . 
• ده بيكون من خلال كتابة انت عاوز ايه بالظبط ومستواك فين وهو بيجيبلك اقرب خطه تخدم مستواك .
•  
•  
• * الإستمرارية والخوف من الفشل :
•  
• زي ما انا وضحت السبب ان انا ابدأ السلسلة دي ان كنت عاوزة حاجة تشجعني اكمل وده بسبب ان كل مرة ببدأ بزهق او بمل وده بيخلي قرار انك تبدأ تاني قرار صعب جدا و الاصعب عشان انت بتكون عديت بكل المراحل وبتبدأ من الصفر تاني بعد مجهود  لم تحصد منه اى شئ ؛  كان فيه فيديو للدحيح بيقول انك مش لازم تستنى الوقت المناسب عشان تبدأ عشان لو فضلت مستني مش هتعمل اي حاجة فا الافضل انك ترمي نفسك وابدأ وخلاص وده كان السبب ان انا اكتب اليوميات دي ابدأ وخلاص .
   
• *الهدف من اليوميات : 
   

هشارك رحلتي وكمان هحاول اوصفها بأسهل شكل ممكن يخليكوا انتوا كمان تبدأوا مش عارفة ممكن الموضوع يمشي ازاي بس انا عاوزة ميبقاش معقد وندي اي خبرات لبعض ويكون الإستفادة علينا كلنا ، انا مش شخص شاطر بردة في الوصف فعاوزه ده كان يتطور وأقدر اوصف ليكوا واكتب عن رحلتي دي وأوثقها بأفضل شكل وممكن حد يستفاد منها فهكون فرحانة جدا بحاجة زى دي .
 

• *الخطة وسبب البداية : 
• 
  بعد ما حددت المستوي بتاعى كان لازم ارجع لشات جي بي تي عشان اعرف انا هعمل ايه ؛ وعرض عليا الخطة دي 
  
  خطة بسيطة يوميًا — 45 دقيقة

15 دقيقة Listening
اسمع مقطع قصير B1 واحاول افهم الفكرة العامة، وبعدها اسمعه تاني مع الـtranscript.

10 دقائق Vocabulary
أخد 5–8 كلمات فقط، واكتب لكل كلمة جملة تخص شغلي.

مثلاً:

customer — I always try to understand the customer's needs.

10 دقائق Speaking
اتكلم بصوت عالي عن موضوع واحد لمدة دقيقة أو دقيقتين، حتى لو غلط.

10 دقائق Grammar
ناخد نقطة واحدة فقط ونستخدمها في كلامك.

الهدف من الخطة دي عشان انا حابة اقدم علي شغل ولازم اطور نفسي في النجليزية مستوايا مش اوحش حاجة بس طبعا مع عدم الاستخدتم تكوين الجمل مش افضل حاجة .
 

كل اليوميات الي هشاركها معاكم هتوضح انا عملت ايه وساعدني ازاي واى موقع هلاقية او معلومة هكتبها كمان وهحط لنفس تقيم اسبوعي ممكن اشاركه معاكم عشان الأستفادة وأتمني ان يكون الكلام مفيد ، كمان عرفوني لو فعلا حد عاوز يشارك الرحلة دي معايا .