يوميات كابتن اوبر وكريم 3مواقف في قصه واحده
احلي حاجه البنات اللي تعمل ناصحه ومفتحه وهي اصلا غلبانه وطيبه وعلي نياتها 😂واحده ركبت من الدقي رايحه اكتوبر فبتكلم في الموبايل مع صاحبتها تقريبا ولا اختها الله اعلم وعماله تقولها لا انا لا يمكن انام في مواصله لا حد يسرقني ولا يخطفني😂فانا سامعها وعمال اضحك لان دول اكتر ناس بتنام😂😂 المهم اول ماخلصت مكالمه الجو حلو ومشغل اغاني هاديه كدا وجو ليل والهواا سطلها نامت😂😂😂وشويه لقيتها بتشخر 😂😂😂المهم سبتها نايمه لحد ماوصلت عاللوكيشن ودي تقريبا كانت خلاص مددت عالكنبه ونامت ولا كأنها علي سريرها وكان ناقصها البطانيه😂اول ماوصلت فوقفت ونورت نور الصالون حمدا الله عالسلامه يااستاذه بصوت عالي كدا قامت مشخرا😂😂يانهار ازرق 😂 يااستاذه يااستاذه وهي في سابع نومه 😂😂نزلت من العربيه وقفلت الباب وسيبتها وقعدت عالرصيف قدام البيت بتاعهم 😂قعدت نص ساعه كدا والحمد لله صحيت 😂لقيت نفسها قدام البيت ايه دا انت جبتني هنا ازاي 😂 انا مالي انا انتي مش محدده لوكيشن البيت 😂 هو دا مش بيتكو قالت لا هو بس انت نيمتني صح 😂انا نيتمك اه انا اللي خطفتك ونيمتك وجبتك عند بيتكو😂وانا اللي خليتك تشخري 😂بعد تشخري دي قعدت تعتذر ساعه😂ماتعتذريش يااستاذه النوم سلطان 😂يلا حمدالله على السلامه 💞نورتينا
مخالفه كانت سبب في إنقاذ حياتي
يوم الأربعاء اللي فات كنت في الزمالك وبتكلم في الموبايل وانا سايق وهوب لقيت كمين في وشي😂أركن سحب رخص التحدث في الهاتف اثناء القياده😂😂سحب رخص ايه ياباشا انا بسوق بقالي عشر سنين عمر ماتسحبت مني رخصه اعملي تصالح فوري وادفعه وخلاص وامشي لا والله التصالح في مرور العتبه مش هنا 🙈انا لسه هروح العتبه في الزحمه دي 😂ماعلينا من أسلوب الباشا اللي كلنا عارفينه واللي عصبني برغم اني مابتعصبش بسهوله بس قولت اسكت احسن واسحب ياباشا رخص براحتك مش فارقه معايا اصلا كدا كدا بعرف اجيبها 😂 انا عموما لما بكون مخالف مابكلمش كتير واللي عايز تعمله اعمله لاني غلطان مش صاحب حق👍فالباشا سحب الرخصه ومشيت ولأول مره يتسحب رخصتي😂فاليوم قفل بالنسبه لي وقمت مروح والدنيا زحمه عالساعه٣ العصر وماشي واحده واحده قربت من البيت خلاص فاضل حوالي ٥٠٠متر حسيت الكاوتش اللي قدام مش مظبوط وزي ماتكون هتتخلع نزلت ابص عالكاوتش مالقيتش المسامير😂😂المسامير اتقطمت وفاضل اتنين بس واحد هيقطم والتاني مربوط😂😂ياسواد السواد😂😂رفعت العربيه عالكوريك وفكيت المسمار المربوط والتاني اتقطم😂والميكانيكي جالي مكاني غيرلي المسامير كلها وقالي احمد ربنا انك جيت لحد هنا وماكنت سريع لان الفرده كانت ممكن تطير منك وانت ماشي وغالبا العربيه تتقلب😥ساعتها بدل ماكنت زهقان وقرفان عشان الرخص اتسحبت بقيت ادعي للظابط انو سحبها عشان اروح😂😂😂
حقيقي (وعسي ان تكرهوا شيئا وهو خير لكم) صدق الله العظيم👌👌
صباحكم تفاؤل💓
احسنو الظن بالله ☝️☝️
فرقعت كوره طفل يتيم
من حوالي سنه كدا كان معايا رحله في شبرا وبعد ماوصلت العميل اللي معايا وراجع فلحظه كدا ماخدتش بالي دوست علي كوره⚽فرقعتها👀كان في كام طفل كدا بيلعبو في شارع جانبي والكورة خرجت من الشارع بتاعهم قدام العربيه فدوست عليها ففرقعت😥 وقفت لقيتهم هايتخانقو مع بعض انت اللي شوطتها لا انت المهم لقيت صاحب الكوره قعد يعيط وبيقول امي مش هترضي تجيبيلي غيرها 😥مامعاهاش فلوس😥😥فنزلت من العربيه ندهتلو قولتلو بتعيط ليه 🤔ماتعيطيش انا معايا كوره جديده في العربيه خدها 👀😍في كيسها لسه بس خدها انفخها والعبو بيها وماتزعلش كدا لقيتو بيقولي لا ماما هتجيبلي غيرها🤔ومش عايز ياخدها فقولتلو لا مش هتقولك حاجه انا فرقعتها لك ولازم اجيبلك غيرها وبعد رفض شديد منو خدها 😍وقالي شكرا ياعمو ومشي هو واصحابه يتنططو من الفرحه😍الكوره دي كانت جايالي هديه من واحد صاحبي في عيد ميلادي بس مااستخسرتهاش فيه والفرحه في عينه كان طاير بيها وخصوصا انها غاليه شويه😍الاجمل بقا النهارده عديت من نفس الشارع واتفاجئت بيهم بيلعبو في الشارع انا مش في دماغي حاجه خالص بزمرلهم عشان يوسعو لقيتهم بيقولو الحق يلا مش دا عمو بتاع الكوره⚽اه هو فانا افتكرت وضحكت 😍😍لقيتهم وقفوني فنزلت وقفت معاهم شويه فلقيت صاحب الكوره قولتلو ايه مبسوط ولا 😂قالي لا مبسوط فبقولو ماما ضربتك ولا 🤔قالي لا ماما دعيتلك كتير ☝️☝️☝️فبقولو طب وبابا🤔قالي مافيش بابا😥😥😥متوفي😥
علي قد مافرحتني بدعوات مامتك ليا وانكم لسه فاكريني وفاكرين شكلي لسه علي قد ماوجعتني بسؤالي الغير مقصود😥😥
الخير مابيتنسيش ابدا ☝️❤️
