يوميات كابتن اوبر وكريم قصه قصيره حقيقيه كوميديا

ريكويست النهارده من مدينه نصر لكليه صيدله الجامعه الحديثه في المقطم العميله حسابها٥٥جنيه اديتني ٢٠٠جنيه المفروض الباقي بتاعها ١٤٥ تمام كدا 😂 

فانا رجعتلها ١٥٠عشان ماكانش معايا فكه قولتلها خلاص مش مهم ال٥جنيه 😂

تقريبا هي فكرت أن هي اللي ليها خمسه جنيه مش انا 😂

 قالتلي هات افكلك من الكشك 😂

ياانسه خلاص مش مشكله لا هات افكلك من الكشك😂

فاديتها عشره جنيه تفككها كدا بقا هي واخده ١٦٠جنيه قامت مرجعالي ٥جنيه ومشيت😂😂😂😂

انا دماغي وقفت شويه كدا  فندهت عليها. ماسمعتنيش خدت بعضي ومشيت 😂

وبدل ماكان ليا خمسه بس بقا ليا عشره جنيه اناكنت مسامح وربنا ✋✋

بس لقيتها بعد كدا  عملت شكوي وتقرير زي الزفت\فاكره اني كنت عايز اكل عليها الخمسه جنيه 😂😂😂

 وربنا يابنتي انا مسامح بردو 😂 بس انا ليا عشره جنيه ياست الكل 😂يادكتوره لو راحعتي الرحله بس هتعرفي اني انا اللي ليا فلوس 😂😂😂

يلا كلو عند ربنا ☝️☝️هتجيبو لنا شلل اطفال والله 😂😂😂😂

الموقف التاني عريس وعروسه يوم فرحهم

عريس وعروسه حظهم وحش شويه عربيتهم عملت حادثه ركبو عربيه تانيه معاهم عطلت 😂

فطلبو اوبر روحت لقيت عريس وعروسه وفطسانين علي نفسهم من الضحك هو يقولها وشك فقر وهي تقولو انت اللي فقر😂

 هما بيضحكو وبيهزرو وواخدين الموضع ببساطه لحد ماام العريس اتصلت وقالت نفس الكلام وشها فقر وطبعا هنا الليله هتبقا سوده😂

قمت مسكتهم الاتنين بكلمتين حلوين ومشغل اغاني عاليه ومحولهم لعرسان بجد بدل البوز اللي انضرب😂

وصلت الفرح العريس حلف لادخل معاه واستنا لحد مااروحهم البيت كمان ياعم انا مالي انا والله ابدا لاتدخل معانا واتعنل معايا احلي واجب 😂

والعريس ماسابنيش لكني اخوه 💞💞💞ومسكت امو بقا سلختها بره 😂

انتي ام ازاي تنكدي علي ابنك ومراتو في ليله زي دي بكلمه عاديه من وجهه نظرك أو اتقالت بضحك أو من غير قصد و و و ولحد ماابو العريس جه هو كمان وعرف اللي قالته قام حالف عليها بالطلاق لاتدخل تبوس راسها😂

والحمد لله الفرح كان زي الفل وناس زي العسل وبعدها بيومين خدت العرسان وديتهم شرم الشيخ ورجعت خدتهم وكانو يومين عسل 😂