طريق لا نهاية له

السلام عليكم ورحمة الله وبركاته.... 

("دخلت الطريق ده وانا عارف ان الخروج منه مستحيل وارتكبت جرايم كتير وعارف ان علشان أخرج منه لازم أكون «ميت» ") 
                           " خبر عاجل..!  
"جاءنا البيان التالى تم العثور على رجل يبلغ من العمر أربعه وستون عاما مقتول داخل شقته فى الهرم بمحافظة الجيزه..

أطفى يا عم مش نقصين نسمع كلام زى ده.. 
أستنى بس نعرف أيه اللى حصل..

وقد توصلت الشرطه إلى مكان الواقعه ورفعت البصامات من داخل الشقه ولم تظهر سوا بصمات صاحب الشقه وأيضا قامت الشرطه بالتحقيق مع سكان البيت ولم يتبين شئ غريب وما زالت الشرطه تسعى لفك ذلك اللغز"...

باين عليها قضيه مش سهله..! 
يعنى هتكون أصعب من القضايا اللى قبلها..؟ 
أنا لزم أرجع القاهره حالاً.. 
وهترجع تعمل ايه..؟ 
لازم أتكلم عن القضيه دى وأتابع أخبارها أول بأول دى سبق صحفى ميتعوضش... 
براحتك ولو أنى يعنى شايف أنها مش هطول يأما هيقبضوا على اللى عاملها خلال أيام يأما هتتئيد ضد مجهول زى قواضى كتيره.. 
يعم أدينى بعمل اللى عليه مش يمكن تضرب معايا وأتعرف وأكسر الدنيا... 
طب يا أخويا.. 
أنا هقوم أحضر شنطتى وأخد أول قطر وأتكل على الله.. 
ماشى يا سيدى...

جهزت الشنطه وروحت على المحطه وخدت أول قطر رايح على القاهره وطول ما أنا فى الطريق عمال أتفرج على فيديوهات تخص الحادثه ده مفيش قناه متكلمتش عنها وكل الصحف كتبه عنها باين عليها قضيه مش سهله.. 
أه أعرفكم بنفسى أنا سامح صحفى فى جريدة الوفاء فى صفحة الحوادث والوفيات صحفى شاطر وموهوب بس مش لاقى الفرصه اللى أبين فيها موهبتى أنا مش بشكر فى نفسى لا أنا بس نفسى فى فرصه وأنا أثبت لكم ولكل الناس أنى موهوب فعلاً.. 
وصلت القاهره على خير الحمد لله رجعت البيت مفيش حد ده لأنى عايش لوحدى أبوى وأمى ماتوا فى حدثه وانا عندى ١٢ سنه واللى ربتنى هى خالتى كان عندها كانسر ماتت وانا عندى ٢٠ سنه الله يرحمهم وانا حاليا عندى ٢٨ سنه ومش متجوز ولا خاطب مركز في شغلى أكتر.. 
غيرت هدومى وأكلت وقعدت بقى وفضلت أدوار فى القضيه وأشوف فديوهات وأقرأ عنها بس بردوا كلامهم كله طبيعى ومفيش أى أخبار جديده.. 
بعد شويه دخلت نمت من تعب الطريق.. 
صحيت تانى يوم على رنت التليفون من مدير الجرنال.. 
ألوا. 
ألوا يا سامح أنا عايزك تجيلى حالاً.. 
تمام حضرتك نص ساعه وهكون عندك.. 
قمت لبست وطلعت على الجرنال أول ما وصلت دخلت للمدير صباح الخير يا فندم.. 
صباح النور يا سامح.. 
خير حضرتك... 
معلش بقا يا سامح هتضطر تقطع أجزتك وترجع أنت أكيد سمعت عن القضيه بتاعت الراجل اللى لقوه مقتول فى شقته.. 
أه طبعاً فى الحقيقه أنا كنت ناوى أرجع الشغل مخصوص علشان القضيه دى بذات.. 
ممتاز طيب أنا عايزك بقا تركز وتبدأ تشتغل ومتقلقش القضيه دى مطوله شويه.. 
وأيه اللى مخلى حضرتك متأكد كده..؟ 
الحدثه فيها تفاصيل كتير ومفيش أى دليل على أن فى شخص هو اللى عاملها على العموم أنا هبعتلك ملف فى بعض المعلومات عن القضيه عايزك بقى دلوقتى تروح على مكتبك وتبدأ تكتب سبق صحفى يكسر الدنا.. 
ماشى. 
روحت على مكتبى وفعلاً بعد حوالى خمس دقايق لقيت عم جمال الفراش جايبلى الملف اللى المدير قالى عليه..

أهلاً حمدالله على السلامة يا أستاذ سامح.. 
الله يسلمك يا راجل يا طيب.. 
حضرت المدير بعتلك الملف ده.. 
ماشى يا عم جمال شكراً.. 
العفو مش هتعوز منى حاجه تاني.. 
أه فنجان القهوه.. 
حاضر أى خدمه تانيه.. 
شكراً.. 
أما نشوف بقا أيه حكاية القضيه دى بسم الله..

توفيق سالم عبد الحفيظ ٦٤ سنه يسكن فى حى الجيزه كان يعمل غفير على مقابر فى الهرم بالجيزه.. 
أكتشف جيرانه موته بعد أنتشار رائحة الجثه وبالفور تم إخبار الشرطه وبعد وصول الشرطه ومعاينة مكان الوقعه ورفع البصامات والتحقيق مع سكان البيت لم يتم التوصل إلى الفاعل.. 
وبنأ على تقرير الطب الشرعى أتضح أنه متوفى منذ ثلاث أيام.. 
                  إنتهاء... 
ده كان الكلام اللى موجود فى الملف وده اللى أتزاع وانتشر للناس لكن كان فى ملف تانى مكتوب عليه("معلومات سريه") 
فتحته وبدأت أقرأ.. 
توفيق سالم عبد الحفيظ ٦٤سنه شغال تربى فى مقابر فى الجيزه.. 
جيرانه لقوه مقتول فى شقته بطريقه بشعه لقوا جسمه متقطع ورأسه منفصله عن جسمه وأجزاء من جسمه منفصله عن بعضها وبعض الأجزاء مش موجوده وحتى كلام جيرانه كان غريب جداً.. 
قالوا أن الراجل ده كان مريب جداً وكان دايماً  فى أصوات بتخرج من شقته ولما بيسألوه كان بينكر خروج الأصوات من شقته ولما سألنا الأهالى اللى موجودين حوالين المقابر اللى كان شغال فيها قالوا أنه كان بيصدر منه تصرفات غريبه ومش مفهومه زى مره واحد شافه واقف على قبر واحد وماسك كتاب وبيقرأ وبيرمى حاجه غريبه على الجثه.. 
وفى ناس أمتنعت عن الكلام وباين عليها الخوف...!

أيه ده دى الحكايه مش حكاية قتل بس الراجل ده وراه سر كبير.. قررت أنى أبدأ من دلوقتي وروحت على بيت الراجل ده علشان أقابل جيرانه وأفهم الحكايه.... 
الحكايه فيها تفصيل كتير خارج قدرت البشر حاجات مش مفهومه.. أدينى فى الطريق للبيت وأفهم الحكايه....؟ 
نهاية الجزء الاول