روايه انا الرعد للكاتبة ديڤا
قصص حب-قصص رومانسية
روايه انا الرعد
الجزء التاني•
سالي:فين اللحمه يا رقيه
رقيه مدت ايديها بــ كيس لمامتها و قالت:اهي يا ماما
سالي:شاطره يا حبيبتي خشي اطبخي بقي و اعملي لحمه و ملوخيه يلا
رقيه:لحمه و ملوخيه مره واحده ده انا لما بعمل اندومي بيتحرق
سالي و هي بتخلع حذائها:هتروحي و لا
رقيه: و لا اي يا ست الكل هروح طبعا ساموا عليكوا
ريم:انا هخش اذاكر ورايا امتحان شامل بكره يلا سلام بقي
رقيه دخلت المطبخ و فضلت تتفرج علي التلاجه
رقيه في نفسها:اممم و دي بيتشهق عليها ازاي بقي انادي امي تشهق عليها طيب و لا اي هو انا لسه سخنتها حتي هسخنها و اشوف الحوار ده بعدين
و بالفعل رقيه قامت بتسخين المايه و طلعت الملوخيه و مسكتها في ايديها
"اممم و دي بتفك ازاي بقي انا مش هستني لحد ما تفك هحطها فالمايه و امري لله"
رقيه حطت الملوخيه علي النار و قامت بالانتظار اللي بعض الوقت..
"اممم ابدأ اشهق عليها دلوقتي و لا اصوت اممم لا لا صعبه دي انا هسيبها كدا و امري لله"
بعد شويه رقيه قامت بتحضير الطعام و كل شئ و قامت بتخريج الاطباق و جميع افراد العائله ابتدوا تذوق عمايل بنتهم
محمد:هي الملوخيه مالها مسكره لي؟
رقيه اخدت معلقه و قالت:هو اللي كان علي اليمين ده ملح و لا سكر يا ماما
سالي:الطم متخرجه و متعرفيش الفرق بين الملح و السكر انا عملت اي في حياتي عشان ربنا يرزقني بيكي
رقيه:الاه في اي اتلخبط و مخدتش بالي مفيس فرق علي فكره الاتنين شبه بعض
سالي:هي اللحمه مش بتتشد لي
ريم: و الرز مقرمش لي
محمد:هو الرز مستواش و لا اتحرق و لا اي نظامه
سالي:ربنا يكون فـ عون الـ هيتجوزك ده امه هتكون داعيه عليه والله
رقيه:هبقي احلي بلوه فـ حياتوا و بعدين في اي الرز مستواش و نصه اتحرق و اللحمه مستوتش و الملوخيه مسكره انا غلطانه اني عملتلكوا اكله كريتيڤ يعني
ريم:اه غلطانه يا حبيبي الاكل ده ميأكلش حيوانات اصلا
رقيه:اي طحن الخواطر ده يا ريم
ريم:اي اكدب يعني الكدب حرام يا رورو فـ حرام اكدب بقي يعني
يتبع..
اقتباس صغير من الروايه اتمني يعجبكوا و في لقاء قريب إن شاء الله
الكاتبه:ديڤا
