قصة عودة دنهش الإنسي (قصة خيالية)
الفصل الاول من الجزء الاول من قصة(عودة دنهش)
انا سلطان حياتي عباره عن فراغ
زي زي اي شاب ف مصر حلمه يشتغل ب شهادته بس طبعا للظرووف اللي احنا فيها اخدتها من قاصيرها و اشتغلت مع ابويا
بشتغل اي ؟؟ ابويا شغال ف المقاولات يعني علاقات بيشتري اراضي و يبني عليها انا بروح معاه من وانا صغير جداا و اهو وصلت ل 2كليه زراعة كان لازم اهتم ب الشغل طبعا علشان المستوي المادي بفضل الله مستونا المادي كويس .
عبدالله دا صاحبي الوحيد معايا ف الكليه و عشره عمري دايما فيه حس التفائل مش عارف ليه مفتكرش اني شفته زعلان او متضايق.
انا عايش مع امي و اختي مريم "اصغر مني ف 3 ثانوي " و ابويا .
قصتي بدائت لما اتطورت ف الشغل و بدات اشتغل بنفسي بصراحه كل خطوه بعملها بأذن بابا بحكم الخبره و انه صاحب المال نزلت حته ف الوادي الجديد اسمها الداخله علشان اخلص صفقات اراضي المنطقه هناك هاديه جداااا رحت ل ابويا
انا:بقولك اي يا حاج الارض هناك حلوه قووي و رخيصه جداا
ابويا :ااه انا ليا ارض بردوو هناك بيني و بين الارض دي جزء كدا مبني فيه عماره كبيره بس محدش ساكنها
انا:حلو قووي ناخد احنا العماره و الارض دي و نعملها مشروع جديد
ابويا:واحنا من امته بناخد عمارات ونفتح بيها مشاريع علي الاراضي ونبعها دا غير انها هتحتاج سيوله ضخمه جدا
انا:يا والدي ناخدها و علي مهلنا بس صدقني المكسب هيبقي كبير جداا
ابويا سكت وقالي طيب نخلص ف الارض الاول
فعلا نزلنا من اسيوط للوادي الجديد و رحنا
انا:انت جايب معاك فلوس طيب علشان نخلص
ابويا:دي سهله معايا دفتر الشيكاات
وصلنا كانت الساعه 7 المغرب و قعدنا مع الناس الارض كان سعرها رخيص جدااا
ابويا:ماشي ا عمده هننزل نحضر الفلوس و العقود ونيجي وقت تاني
انا:بابا طيب ما انت معاك دفتر الشيكات
حسيت انه بصلي لي بصه غضب و قد اي انا عيل
صاحب الارض:يابيه لو مش عاوزها قول احنا عندنا اكتر من مشتري
انا:لا اعم عاوزينها طبعا بكل غباء مني عامل زي الطفل
ابويا : الارض دي خسرانه خسرانه تستحمل خسارتها
انا:ااه اسمع كلامي بصيت للعمده بقولك اي يا عمده العماره دي بتاعت مين
العمده:دي بتاعتي بس محدش سكنها الشقه فيها 140 متر صافي و متشطبه زي ما انت شايف
انا:طيب احنا عاوزينها مع الارض و تكرمنا بصيت ل ابويا
ابويا:الصفقه دي لو تمت هتبقي مسئولتك
قطع كلامنا العمده: يا بيه العماره فيها 2 اسانسير و معموله من سنه واحده
يعني جديده.
ابويا:طيب هتديها لنا ب كام؟
العمده قال السعر تنحنا لدرجه ان بابا قاله و ريني ورق الملكيه و جاب المحامي الشخصي و اتاكد ان كل حاجه سليمه
انا:متخلص بقي يا بابا عاوز تتاكد من اي تاني الساعه 10 ب الليل هنبات هنا
وبابا ببصه انه مغلوب ع امره :طيب اتوكل ع الله
خلصنا و استلمنا العقود و المحامي اخدها و الفلوس ادفعت كمان
ابويا : سوق انت علشان انا تعبان
طلعت ع الطريق و راجع اسيوط الساعه 12 جات علينا ومن العدم ظهرت بنت ضغيره دوست فرامل بكل قوتي لدرجه ان والدي خبط ف العربيه
ابويا:انت حيوان انزل انا غلطان اني قلت لك اتنيل سوق
انا:اسف والله شفت بنت صغيره حتي شوف نزلنا من العربيه ملقناش حاجه الطريق فاضي تماما
انا:والله يا بابا خبطت بنت
ابويا بزعيق:انت مجنون ولا بتستعبط حتي وانا تعبان مقدرش اعتمد عليك
انا:يا بابا انا..
ابويا:اركب اركب
وصلنا البيت و اليوم عدي
امي :اي اللي اخركم كده مالكم
ابويا :مفيش انا هنام علشان تعبان وفعلا البيت كله راح ينام
بس الساعه 4 الفجر سمعنا صويت من اوضه مريم !!
كل الاوض اتفتحت و جري علي مريم لقينا
يتبع ....
موعد نزول الفصل الثاني من الجزء الاول من قصة عودة دنهش
سوف نقدم لكم الفصل الثاني لنتعرف علي ما سيحدث بسبب البيت الجديد وما مصير البطل بعد الحادث الغريب سوف نقوم بتنزيل الفصل الثاني الان .
