عودة دنهش الانسي الفصل الثاني
الفصل الثاني من قصة عودة دنهش الإنسي
اشترينا الارض و روحنا واليوم عدي ب احداثه الغريبه
بس الساعه 4 الفجر سمعنا صويت من اوضه مريم .
كل الاوض اتفتحت و جري ع مريم لقيناها قاعده ف زوايه ف اوضتها و حطه اديها ع وشها جرينا عليها امي حضنتها بس وشها يدل علي حاله فزع غير طبيعيه و خوف.
امي:استهدي ب الله يا بنتي مالك.
مريم :........
ابويا:متخافيش يا حبيبتي احنا جنبك اي اللي حصل.
مريم بتاخد نفسها:بابا انا شفت بنت صغيره طالعه من الحيطه.
انا بتدخل غبي:لابسه زي جلبيه بيضه و عينها بيضا تماما.
مريم بتترعش:ااه هي دي وانهارت ف عياط.
امي:وانت شفتها ازاي دي
انا:دي اللي وقفت قدام العربيه يا بابا اللي كنا هنعمل حادثه بسببها.
امي:يا نهااار اسود حادثه.
ابويا:ممكن تخرس انت مفيش حادثه ولا حاجه البيه كان بينام و هو سايق و احنا اهو قدامك خلينا نشوف بنتنا مالها.
امي:بنتي هتنام ف حضني انهارده مش هسيبها.
ابويا:طيب خديها و نامي يلا.
انا طالع ابويا قالي:تعاله لي انت عاوزك
انا:خير يا بابا في حاجه
ابويا:انت اي الغباء اللي نزل عليك فجأه دا برضو عند الناس عامل زي العيل الصغير و هنا بتقول حادثه انت متخلف.
انا:والله ما قصدي حاجه
ابويا:قصدك بقي ولا مقصدكش انا مش مطمن للارض دي.
دخلنا نمنا بس انا فضلت صاحي بصيت ع المرايا اللي قدام السرير وشفت مريم تايها بتتنقل من حته ل حته ف العماره حاولت اصرخ صوتي مش بيطلع شوفت كمان البنت الصغيره بتجري وراها لحد ما مريم وقعت ع وشها و البنت فضلت تخربش فيها و ف ضهرها ف اللحظه دي صوتي خرج و صرخت لقيت امي و ابويا جنبي.
ابويا:مالك يابني
انا:مش عارف
امي:شكلك كنت بتحلم
انا:مريم فين
امي ب استغراب :نايمه ف اوضتها
انا:وانتي ليه تسبيها نايمه ف اوضتها لوحدها مش قلتي هتنامي معاها
امي:نعم انا قلت كدا!
انا:خلاص كده كده انا نازل عشان رايح الكليه.
ابويا:الساعه لسه 3 كليه اي امال لو مش فاشل
انا:اذا كان من شويه كانت 4 اي الساعه بتمشي ب العكس،
ابويا مسك فوني و حطه ف وشي فعلا الساعه 3:01
انا:تنحت معرفتش ارد
ابويا:نام يا ابني كفايا اللي حصل انهارده شكلك تعبت
انا:تاني هنتكلم ف اللي حصل ع الطريق
امي بلهفه:اي اللي حصل انتو عملتو اي
ابويا:مفيش حاجه ابنك نام و كان بيخرف بكلام من التعب.
امي:نام يا بني ارتاح و مشيت.
ابويا:انت كنت هتقولها اننا كنا هنعمل حادثه ولا اي انت عبيط
انا:هو انا مش قلت لها من شويه ساعت لما مريم تعبت و صرخت
ابويا بزهول:كل دا حصل طيب نام يا بني علشان انا تعبان ومش قادر نتكلم بكره وطلع ينام.
انا قلت اكيد حلم بس حلم ازاي طلعت قعدت قدام باب الاوضه بتاعت مريم منتظر اي اللي هيحصل فتحت النت شويه وقاعد بتفرج ع التليفزيون الساعه جات 3:30 و حسيت بريح كدا رغم ان البيت متقفل كويس ولا شباك ولا بلكونه بس شميت ريحه غريبه نطيت ورا كنبه الانتريه و براقب اللي بيحصل الاضاءه بتترعش و حسيت ان في حاجه طالع منها صوت انين و صرخات قربت من الصوت
شفت بنت قرعه فيها شعرات بسيطه جدا طالعه بتزحف من الحمااام و بدائت تقف وقف قدام اوضه ابويا و امي بس مشيت وصلت ل اوضتي وحطيت اديها ع الباب علم الخشب بارز اديها و صلت ل اوضه اختي و دخلت من تحت الباب رغم ان جسمها اكبر من انها تدخل كده
جريت ع الباب بحاول ادخل معرفتش الساعه دقت 4:00 وانا كسرت الباب ودخلت ....
يتبع .....
موعد نزول الفصل الثالث من قصة عودة دنهش الإنسي
سوف نقدم لكم الفصل الثالث من القصة في الموعد الذي نحدده تماما ولن نتاخر عليكم ان شاء الله وسوف يكون موعدنا
25/7/2022.
فى حال لم تقراء الفصل السابق إضغط هنا لـ قراءته👇
الفصل الاول من قصة عودة دنهش الإنسي
