الحرب والجن والغموض الفصل الثاني
مرحبا بكم فى الفصل الثاني من قصة الحرب والجن والغموض فى هذا الفصل سوف نستكم لكم باقي الاحداث ونتمني ان تكونو قد قراتم الفصل الاول وفى حال لم تقوموا بقراءته سوف اترك لكم الرابط هنا👇.
قصة الحرب والجن والغموض الفصل الاول
قصة الحرب والجن والغموض(الفصل الثاني)
وقفنا فى الفصل اللى فات لما كنت بحكى لامى الى حصل وقولتلها لو حد من العيال دى جه فى سكتى مش هرحمو نكمل بقا سبتها ورجعت اوضتي دخلت استحميت بعد م استحميت دورت علي اختي لاقيتها قاعده فى اوضتها رجعت الأوضة بتاعتي و قعدت على المكتب و فتحت اللاب و بدأت اكمل برمجة فى البرنامج اللي انا شغال عليه هو عبارة عن برنامج تأمين ثغرات الانظمه.
بعد م خلصت نمت و صحيت تاني يوم خرجت لاقيت اختي صاحية و امي كمان سبتها و مشيت خدت بعضي و رحت الكلية من غير فطار دخلت المحاضرة متأخر و قعدت فى البنش الأول اللي كان كله بنات بس كان فيه مكان فاضي على الطرف فـ اعدت فيه لاقيت الدكتور اللي اسمه اشرف بيقولي انت يا حيوان ازاي تدخل من غير م تستأذن رديت عليه و قولتلوا انت لوكنت قلتلي اطلع بره و خلاص كنت طلعت لان انت اكيد مش اينشتاين علشان احضر ليك حتى لو اهنتني بس طالما شتمت يبقا انا قاعد و أعلى ما في خيلك اركبه
لاقيته قاللي انت مشفتش تربية انت بلطجى و غبي دا انا هوديك فى ستين داهيه قولتلوا بما انك شتمت تاني دلوقتي انا هزعلك و قربت منه و نزلت بـ كف ايدي على وشه راح واقع فى الارض لسه هكمل ضرب لاقيت الطلبه بيبعدوني عنه و بتوع الامن دخلوا و خدوني للعميد اللي كل م اقابله بيحصل حرب شوارع فى دماغي اول م دخلت عنده لاقيته بيقولي تضرب دكتور عادي كده و شكلك هادي و لا كأنك عملت حاجة دا كله و انا ساكت و مش عايز اصلا اتكلم معاه لاقيت نبرة صوته اتغيرت و بيقولي يا مازن يا ابني مينفعش تقل من دكتور قدام الطلبه كده لو كنت عايز تقل منه و تهينه يبقى بينك و بينه متبقاش غشيم
قلتلوا لا انا ممكن اهين اي حد فى اي مكان قدام اي حد عادي جدا مش فارقة معايه ده غير ان هو اللي بدأ يبقى يستحمل نتيجة اللي عمله و انا مش عايز اضره او ابهدله انا كفيل امسحه اصلا لاقيته قاللي خلاص امشي انت و انا هخلص الموضوع ده بس دي اخر مره هساعدك رديت عليه و قولتلوا مش انت اللي عرضت عليا المساعدة قبل كده ايام الخناقة مع الشلة اللبش اللي انت بنفسك حذرتني منهم اهم دلوقتي كلهم فى المستشفى خليك قد كلامك و متجبش ورا
ههه و سبته و مشيت رحت الكافتيريا طلبت قهوه و لاقيت مي قاعده مع واحده صاحبتها اسمها شذى رحت سلمت علي مي و عرفتني على شذى و قعدنا نتكلم مي قالتلي اللي عملته مع الدكتور اشرف كان غلط يا مازن و هو اصلا مشهور باحترامه للوقت و المواعيد فـ لازم بعد كده تيجي محاضرته بدري او على المعاد بالضبظ راحت شذى قايله دا إن رضي يدخلك اصلا ده ممكن يتسبب فى رفدك او على الاقل فصلك سنه قولتلها انا هحضر المحاضره الجايه و مش هيعمللي حاجة لان النوع ده آخره فاضي لاقيت مي قالت يا عم ارحم من فى الارض انت كل يوم تيجي لازم تعمل مشكله مينفعش كده قولتلها متقلقيش مش هيحصل مشاكل بسببي تاني ولو حصل فـ ده عادي بالنسبة ليا
و كملت يا مي انتي كاتبه المحاضرات فى كشكولك قالتلي ايوه قولتلها ابقى صوريهم ليا و ابعتيهم واتس قالتلي ماشي استأذنت منهم و مشيت روحت البيت. مي و شذى و هما قاعدين لسه شذى بتقول لـ مي بس ايه رأيك فيه، مي قالتلها بصراحه مز المز بس انا خايفة اقوله معجبه بيك يبعد عني دا انا حبيته من اول اسبوع اهو و دي حاجة مش منطقيه انا مش عارفه ايه اللي حصلي لما قابلته بقيت معظم الوقت بفكر فيه و مش شايفة غيره و ده من اول اسبوع فى الكليه اومال بعد كده ايه اللي هيحصل، شذى قالتلها اصبري شويه لحد بعد الامتحانات و حاولي فى الفترة دي تخليه يعجب بيكي و لو حسيتي ان ده حصل كلميه و قوليله.
مي قالتلها انتي صح انا هعمل كده. عندي انا لما روحت البيت لاقيت امي بتحضر الغده طلعت الاوضه غيرت و لبست لبس البيت و فتحت اللاب و دخلت على الدارك ويب اشوف الدنيا بقت ماشيه ازاي و بالمره اتابع تعلم الاختراق و الحمايه علشان البرنامج اللي انا شغال فيه. بعد م خلصت دخلت المطبخ جبت اكل لنفسي لأنهم كلوا من غيري و اكلت و بعد م خلصت رحت الصاله لاقيت امي و اختي فاتحين TV و بيتكلموا فى نفس الوقت و هما بيتفرجوا سبتهم و طلعت اوضتي و نمت صحيت على الساعة ١٠ بليل ببص فى الفون لاقيت مي بعتالي المحاضرات شكرتها و قعدنا نتكلم واتس لحد الساعة ١٢ بليل و هي قفلت و انا قفلت بعد كده فتحت اللاب علشان اكمل شغل علي البرنامج ( و لكن تأتي الرياح بما لا تشتهي السفن) لاقيت رسالة من واحد اعرفه على الدارك ويب اسمه مصلحي و بيقي صاحبي بيقول ان فيه حملة هجمات اختراق لانظمه بنك فى سويسرا لما ركزت فى اسم البنك اى دا ده البنك اللي فيه كل الفلوس اللي سابها ابويا.
الهجوم حسب كلام مصلحي ان حملة الهجمات دي هتبدأ الساعة ٢ بليل و المسؤول عنها مجموعة هكرز اسمهم زيوس و المعروف ان الجماعة دي متقسمه أعضاء هكرز و دول مسؤولين عن كمية هجمات و حروب إلكترونية لا تعد ولا تحصى زي انهم اخترقوا أنظمة وزارة الدفاع الأمريكية و اخترقوا نظم الدفاع الجوي الروسية و اخترقوا أنظمة و حسابات المخابرات الانجليزية ده غير وقوع البورصة العالمية و انهيار شركات كبيره حرفيا هما هكرز ليفل الوحوش و القسم التاني من الأعضاء عاديين مش هكرز و لكن ماسكين مناصب كبيره فى كذا دوله فى العالم ناس مبتهزرش و مش بتلعب.
طبعا انا قاعد و دماغي فيها حرب شوارع ابويا سايب حوالي ٥٠٠ مليون دولار فى البنك ده ( علشان كده مكنتش مصدق حكاية انه مدير تنفيذي) و لو الهجمة دي حصلت احنا تقريبا هنشحت فـ دخلت كلمت مصلحي و شرحتلوا الموضوع قالي كده انت لازم تقف قصادهم قولتلوا لا انا هراقب الهجمات لو فيه هجوم جه على الحساب بتاعي انا هصده و خلاص و فعلا على الساعة ٢ بليل بدأت الهجمات و لكن المفاجاءة ان كل الهجمات كانت علي حساب ابويا و ده خلاني مش فاهم حاجة فى اي حاجة و بقيت زي اللي بيقول منين بيودي على فين ركزوا معايا يا شباب ازاي ابويا قدر يجمع مبلغ زي ده
و هو المفروض كان مدير تنفيذي لشركة اتصالات و كمان ليه الجماعة دي بيهجموا على الحساب ده بس من غير باقي حسابات البنك لأن البنك ده انا اخترقتوا قبل كده و كان فيه مبالغ و أرقام خيالية ده بالمليارات يا جدعان اشمعني حساب ابويا او بالمعنى الاصح حسابي لان ابويا عامله باسمي. المهم بدأت اصد الهجمات و كل شوية هجمة ورا التانية لمده ٨ ساعات عمال اقفل ثغرات و أصد هجمات من الجماعة دي و بعد كده لاقيت الهجمات خلصت و الدنيا بقيت هاديه بس المشكلة فى الاخبار و الصحافة، أوروبا كلها بقت مقلوبه و الكلام كله بقى على اللي حصل امبارح و الكل اصلا كان عارف جماعة زيوس بسبب كل الحملات اللي انا قولتها قبل كده و كمان بقى الكلام على الهكر اللي لوحده قدر يصد كل الهجمات دي لمدة ٨ ساعات ايوه انا كنت نعم خايف منهم لأنهم هكرز محترفين بشكل ليفل الوحش بس المصري لما يشغل دماغة مش بيفرق اي حد.
المهم بعد كل ده انا كنت مطبق و محتاج انام رحت فى النوم و صحيت و انا حاسس اني هموت من التعب بس لبست و رحت الكليه و انا على البوابه الأمن قالي اطلع للعميد علشان عايزك المهم طلعت لاقيت الدكتور اشرف قاعد معاه اول م شافني بص فى الارض دخلت سلمت على العميد و قالي انا طلبت من الدكتور اشرف يجي علشان نحل الموضوع يا مازن قولتله مفيش موضوع اصلا علشان نحله واحد شتمني و انا ضربته خلص الموضوع و قومت خرجت من المكتب ورحت احضر المحاضرات.
العميد و هو قاعد مع الدكتور اشرف بيقول نسخه من ابوه معندوش ياما ارحميني الغلط بالنسبه ليه غلط مفيش نقاش اللي يقف قدامه يزعل و لو مين زي ما ابوه قال عليه زمان مشكله ماشيه على الارض الدكتور اشرف قال كل كلامك صح ده ميعرفش ازاي يهزر كله جد فى جد زي ابوه فعلا يا اخي ده ابوه كان أقوى هكر فى العالم و عمل حاجات محدش يقدر يعملها و مازن طالما دخل حاسبات يبقى مش زي ابوه و بس ده نفس الدماغ كمان اللي بيقولوا عليها دماغ الشيطان، زكي جدا و عبقري بيعرف يحلل اللي قدامه صح و يعرف نقط الضعف فين و يلعب عليها و لما يقرر يتحرك محدش يلاحظ غير اما يكون عمل اللي عاوزه احنا لازم نقف جنبه لو دخل نفس السكة بتاعة ابوه على الاقل نرد جزء من جمايل ابوه علينا الله يرحمك يا حسام يا خديوي كنت جبل متتهزش و لو ايه اللي حصل بعدها الدكتور اشرف خرج من المكتب.
انا بعد م خلصت محاضراتي روحت البيت لاقيت اختي و امي قاعدين يتكلموا طلعت اوضتي بعد م غيرت هدومي لاقيت مصلحي بيتصل بيا رديت قالي بقى انت تعرف تصد هجمات جماعة زيوس كلها من غير تفوت هجمة وحده و عامل فيها غلبان يا دماغ الشيطان و انت مستواك جبار قولتلوا يا عم افهم الهجمات كلها كانت دوز اتاك و ده أسهل نوع تصده قالي يعم مانا فاهم بس انا مش فاهم هما ليه خلوا الهجمات كلها كده قولتلوا يا ياعم ركز مفيش غير حاجة من اتنين يا اما هما علشان عارفين انهم اصلا فارضين السيطره على كل الهكرز فـ اكيد مفيش حد هيقف قصادهم و علشان كده استهتروا و استخدموا أضعف الهجمات بس بـ اعداد كبيره زي م شوفنا بدل م يستخدموا هجمات معقدة ممكن تلفت نظر الحكومات ليهم و خصوصا الإنتربول
تاني حاجة ممكن يكونوا استخدموا النوع ده من الهجمات علشان يتأكد هل فيه حد ممكن يقف قصادهم او لا لو فيه فـ الهجمات البسيطة دي هتكون زي الطعم اللي هيصطادوا بيه اي حد ناوي يقف قصادهم ( و الشخص ده هو انا لأنهم استهدفوا حساب البنك بتاعي و ده معناه انهم عايزين يعرفوا هل فيه حد مراقب الحساب ده او لا لو مفيش يبقى اخترقوه و سرقوا كل الفلوس اللي فيه بهجمات بسيطة اما لو حد وقف و صد الهجمات ف ده معناه ان في حد بيدور وراهم و انا للاسف لا دورت وراهم و لا نيله انا أخرى زي اي حد كنت اسمع عنهم بس لأنهم شبه الاسطوره اصلا زي م حكيت قبل كده) مصلحي قالي و كمان طلعت بتعرف تحلل و بتدرس عدوك كويس يا جاحد
قولتلوا افهم الحساب ده لو كان اتسرق كنت هشحت قالي طب حاسب علشان كل الهاكرز دلوقتي عايزين يعرفوا مين الجاحد اللي قدر يقف قدام جماعة زيوس، بعد م خلصت مع مصلحي نمت. صحيت تاني يوم لاقيت مصلحي بيكلمني و بيقولي فيه كارثة قولتلوا ايه امك حامل قالي انت بتهزر يا عم قولتلوا م انت اللي غبي خش في الموضوع علي طول قالي جماعة زيوس عرضوا مكافئة بمبلغ كبير لـ اللي يقدر يخترق جهازك او يعرف معلومات عنك قولتلوا متقلقش محدش يعرفني اصلا ده غير أن انا مأمن اللاب كويس قالي انت اكيد عارف ان مفيش نظام آمن ده اول مبدأ علشان تبقى هكر ( No system is secure) قولتلوا متقلقش المهم اتفقت معاه احنا بعد فتره هنبدأ ندور ورا الجماعة دي يمكن نوصل لـ حاجة او على الاقل اعرف سبب انهم مستهتدفين حسابي البنكي قفلت معاه و لبست و رحت الكليه
و انا طبعا متأخر و كمان رايح محاضرة الدكتور اشرف اللي انا ضربته المحاضرة اللي فاتت بس المحاضرة النهاردة فى مادة تانية المهم سلمت على الأمن اللي على البوابة هما بقوا يعرفوني بسبب مشاكلي اللي حصلت و بعد كده دخلت المحاضرة متأخر و طبعا الطلبة بقوا يبصولي باستغراب ازاي انا ضربت الدكتور المحاضرة اللي فاتت و داخل المحاضرة دي من غير حتى م يتعملي فصل و كمان داخل متأخر و المدرج كله بقى مستغرب دا كان ناقصلي شويه و اسمع أفكارهم المهم اول م الدكتور شافني قالي تعالي اقعد فى البنش الأول هنا و شاور على المكان و انا رحت اعدت فيه. في وسط المحاضرة الدكتور بدأ يسئل اسئله و الطلبة مش عارفين يجاوبوا على اي سؤال
و انا قاعد ساكت فـ الدكتور قالي مش بتجاوب ليه يا مازن شكلك مش عارف حاجة رحت طالع على السبوره و بدأت اشرح و اجاوب على كل الاسئله ( ركزوا يا شباب انا هكر لا و كمان فى كليه حاسبات يعني المواد بالنسبالي سهلة جدا و ده بسبب ان الهكر بيدرس كل ده اصلا فى اول طريقه). بعد ما خلصت إجابة لقيت معظم الطلبة بصين عليا بإعجاب لان بالنسبة ليهم الاسئله جايه من المريخ المهم و انا راجع مكاني بصيت على مي كانت قاعدة فى تاني صف لاقيتها بصالي و عينها بتلمع و فرحانه و بعد كده الدكتور طبعا قالي انت ليك درجات bouns، بعد المحاضرة و احنا خارجين لاقيت الدكتور بينادي عليا رحتله قالي مكنتش اعرف انك بتذاكر و دحيح قولتلوا الكلام ده انا ذاكرته ايام م كنت في ثانوي اصلا لو تحب تسئلني فى منهج رابعة كليه اسئل انا جاي هنا مش علشان اتعلم انا جاي علشان الشهادة مش اكتر فـ بلاش جو انت دحيح و الشغل ده قالي و ايه اللي خلاك تدرس الكلام ده كله ايام الثانوي قولتلوا و عايز تعرف ليه اولا انت ولا صاحبي ولا ولي أمري علشان تسئل سؤال زي ده بعد إذنك و سبته و مشيت و هو لسه واقف مكانه.
لما خرجت من المدرج لاقيت مي مستنياني و معاها شذى روحنا قعدنا فى الكافتيريا طبعا طلبت قهوة و هما طلبوا عصير مانجو و بدأنا نتلكم مي قالت مازن انت ازاي دخلت المحاضرة بعد م ضربت الدكتور المحاضرة اللي فاتت دا حتى مش فصلوك و لا حولوك لمجلس تأديب رديت و قولت علشان تعرفي ان انا مش اي حد مش انا اللي يتعمل معايا الكلام ده و بعدين هو اللي شتم هو لو كان قال اطلع كنت طلعت و خلاص بس هنعمل ايه بقى ( طبعا الكلام ده مش في دماغي انا عارف انه شتمني بس مش علشان جيت متأخر لا علشان اولا انا تجاهلته ثانيا علشان هو كان عارف ان انا ابن حسام الخديوي و كان عايز يعرف شخصيتي ايه و أخرى ايه بس المشكله انه مشفش أولى اصلا علشان يشوف أخرى ). المهم شذى قالت لا و كمان دحيح دا انت طلعت على السبوره شرحت احسن من الدكتور ليكي حق يا مي طبعا مي وشها احمر و بصت فى الارض و انا ساعتها مكنتش فاهم ايه الحوار فـ حسبت على المشاريب و سحبت نفسي و رحت البيت لاقيت امي حطت الغده على السفره و اختي كانت بتساعدها فـ قولت لـ اختي عامله ايه فى الدراسة قالتلي كله تمام متقلقش قولتلها اتنيلي كل سنه بتقولي كده و تجيبي درجات قليله.
امي جت و قالتلي سيبها براحتها هي بنت و فى الاخر هتتجوز و تقعد فى بيت جوزها منا اهو خريجة هندسة و قاعدة فى بيتنا و خلاص. المهم قعدنا اتغدينا و قمت اغسل ايدي و غسلت ايدي و دخلت اوضتي و غيرت هدومي و فتحت اللاب و عملت حاجة اسمها تروجن و ده ممكن ابعته كـ لينك لأي حد على الواتس يخليني اهكر الفون بتاعه ( بالمناسبة الموضوع ده انتشر بشكل غبي من فتره احذروا ) و طبعا بعته لـ مي على الواتس و قولتلها ده لينك موقع شارح الأسئلة الصعبه اللي في الماده المهم هي دخلت عليه و طبعا كده كل ملفات جهازها بقت عندي و بقيت اقدر اتحكم فى الفون بشكل كامل و دخلت على الواتس عندها و شفت كل الرسايل بينها و بين شذي و هنا بقى عرفت ان مي معجبه بيا و فهمت ليه شذى قالتلها ليكي حق و ليه مي اتكسفت المهم قفلت اللاب و فتحت الفون دخلت على كذا موقع اخبار يعني اعرف الدنيا فيها ايه و بعد كده علي المغرب لبست و قولت لـ امي انا خارج شويه قالتلي رجعنا للسرمحة تاني قولتلها لا بس اغير جو ساعتين بس و هرجع قالتلي ساعتين ايه انت هترجع متأخر زي كل مره قولتلها لا مش هتأخر و سبتها و خرجت قابلت صحابي و قضيت وقت كويس و بعد كده روحت البيت نمت و صحيت و كان اليوم ده اجازه فى جدول المحاضرات بفتح التلفون لاقيت مي بعته رساله كانت عايزه تخرج معايا
وافقت طبعا و كلمتها علشان اقولها هنتقابل فين و لبست تي شيرت ابيض مع بنطلون اسود و شوز ابيض و نزلت ركبت عربيتي و رحت الكافيه اللي اتفقنا عليه وصلت ركنت العربية و دخلت و اذا بي أرى جمالاََ لا يوصف كان لبسها شيك جدا لايق عليها المهم سلمت عليها و طبعا كان فى البدايه كلام زي ايه الجمال ده شكلك حلو اوي انتوا اكيد فهمين المصري لما توسع منه . المهم طلبت قهوه و هي طلبتها عصير مانجو و بدأنا نتكلم في كذا موضوع و بعد شويه حسبت و خرجنا فسحتها و هي كانت فرحانه زي الطفلة الصغيره، مي اصلا بحس معاها اني حد تاني ده غير أن هي بريئة جدا لما بتكون مبسوطه المهم بعد الخروجة روحتها على بيتها كان عباره عن فيلا صغيره.
بعد كده اعدت الف شويه بالعربيه و انا بفكر فى جماعة زيوس اللي قالبين عليا الدنيا و عايزين يعرفوا انا مين و بعدين قررت اني لازم اكون هكر أقوى من كده علشان اقدر احمي نفسي منهم. روحت البيت و طلعت الاوضة على طول و فتحت اللاب و بدأت اتعلم اكتر عن الاختراق و التأمين.
مر كذا اسبوع لحد امتحانات الميد م خلصت و طبعا جبت أعلى درجة في كل المواد و بقيت معروف فى الكليه الدكاتره كلهم عرفوني و الطلبه من كل الدفعات. ده غير اني قدرت ابقى محترف فى الاختراق و التأمين و هنا بقى اتصلت بـ مصلحي رد عليا و قالي مش عوايدك تتصل يعني قلتلوا ركز بس معايا انا عايز ابدأ ادور على معلومات تخص جماعة زيوس لاني ناوي اراقبهم و اعمل تأمين على حسابي البنكي منهم مصلحي قالي اى انت اتهبلت ولا ايه يا عم قلتلوا فيه ايه مش فاهم قالي يا مازن الجماعه دي مسيطره على عالم الهاكرز من اكتر من عشرين سنه يعني لما تعاديهم او تحاول حتى تدور وراهم هتلاقي كل الهاكرز بقوا أعدائك و بيحاربوك
ده حتى حسام الخديوي أقوى هكر فى التاريخ مقدرش يقف قصادهم الحرب بدأت بينه و بين جماعة زيوس و استمرت يجي 15 سنه و الحرب دي مرحمتش اي شركة أو أي نظام تبع الاجهزه الامنية لأي دوله لدرجة ان الحرب دمرت مصالح كتير للـ الانتربول و لما برصة أمريكا وقعت ده كان مجرد ضرر جانبي للحرب دي و فى الاخر مات مقتول، هنا بقي حسيت ان دماغي هتقع مني و قولتلوا اى انت بتتكلم جد قالي ايوه هو ده موضوع فيه هزار روحت قافل المكالمه فى وشه و رحت ل امي و انا متعصب و مش طايق نفسي و عيني فيها شرار اول مهي شافتني كده جريت عليا بتقولي مالك في ايه قلتلها اطلعي ورايا الأوضة حالاََ و اول م طلعت انا و هي قفلت الباب
و رحت نازل بكف ايدي على وشها و قلتلها ليه خبيتي عليا ان ابويا كان هكر لا وكمان احسن هكر فى العالم لاقيتها بدأت تعيط و تقول انا مكنتش اعرف انه هكر اصلا كل اللي اعرفه انه طول عمره كان بيحارب جماعة إرهابية و هما اللي قتلوه و هو كان موصيني ان مقولكش على اي حاجة و اعدت تعيط جامد. انا سبتها و نزلت خرجت ركبت العربيه و اعدت الف شوية و كنت سايق بسرعه جدا لحد م عربية خبطتني و عملت حادثه الناس اتلموا حوالين عربيتي و العربية اللي خبطتني مشيت بسرعة و بعد كده اغمى عليا الناس اتصلوا بالاسعاف و اتنقلت المستشفى. امي و هي قعده مع اختي امي بتقول ابني بيضيع مني ابوه هو اللي قالي مكلموش فى اي حاجة تخصه
و اختي قلتلها معلش يا ماما مهو برضو اخويا كل يوم بيدور علي معلومات عن بابا و انا قلتلك قبل كده قوليله لانه لو عرف من بره هيزعل و احتمال يبعد عننا، سعتها موبايل امي رن و امي مردتش علشان كان رقم غريب فـ الرقم رن تاني فـ امي ردت الو مين معايا قالها معاكي مستشفى السلام يا فندم، امي قالتله خير الموظف قالها حضرتك لازم تيجي المستشفى دلوقتي لان ابن حضرتك عمل حادثه و عنده كسر فى رجله اليمين و دراعه و جاله ارتجاج بسيط فى المخ و لازم حضرتك تخلصي إجراءات علشان يدخل العمليات. امي اتنفضت جامد و قالت انا في الطريق و بقت تايهة و مش عارفة تعمل ايه اختي سألتها فيه ايه يا ماما قلتلها مازن عمل حادثه البسي يلا علشان نروح المستشفى بسرعة و ماما طلعت بسرعة لبست و نزلت خدت اختي و ركبت عربيتها و راحوا المستشفى امي خلصت كل الإجراءات و دخلت العمليات و بعدها اتنقلت فى غرفة خاصة فى المستشفى.
فوقت بعد يوم الساعة ٩ الصبح لاقيت امي نايمه و هي قاعدة على الكرسي ناديت عليها لحد م صحيت اول م لاقتني فايق قالتلي انت عايز تموت و تسبني ليه معذب نفسك و معذبنا معاك قولتلها معلش سامحيني انا مكنش قصدي كل ده يحصل بس انتي اللي خبيتي عني كل حاجة و دي اخر مره هسئلك تعرفي ايه تاني عن بابا قالتلي كل اللي انا اعرفه قلتهولك قلتلها كده تمام لأن لو عرفت ان انتي لسه مخبيه حاجة عني مش هتشوفيني تاني قالتلي انا اصلا مبخبيش حاجة عنك بس ابوك هو اللي طلب مني كده لكن انا دايما صريحة معاك قلتلها خلاص.
امي قالتلي عميد الكليه اتصل بيك و انا اللي رديت و قولتلوا انك عملت حادثه طبعا زعقت و قلتلها ايه اللي خلاكي تردي عليه اصلا قالتلي هو قعد يتصل كتير و انا اضطريت ارد قلتلها تاني مره مترديش على اي رقم يتصل بيا تمام قالتلي تمام. انا من جوايا بقول العميد ده جاب رقمي ازاي و انا قاعد بفكر امي قلتلي في واحده اسمها مي اتصلت بيك و عرفتها اللي حصل و هتيجي تزورك النهاردة الساعة ١١ قلتلها طيب قالتلي مين مي دي قلتلها بتسئلي ليه قالتلي عادي قلتلها صديقة قالتلي شكلك هتحب و لا ايه و هي بتضحك قلتلها انتي شايفه اني فيا حيل احب و لا اعمل حاجة اصلا، قالتلي عادي الحب ده شئ جميل جدا قلتلها يعني مش هتشغلى شغل الحموات و توجعي دماغي قالتلي لا طبعا انت ابني و انا عايز اشوفك سعيد قلتلها طيب الساعة بقت ١١ و مي جت المستشفى و قعدت تتكلم معايا و عجبت امي و بعد م مي مشيت قالتلي بص يا مازن من كلامك مع مي حسيت انك بتحبها كلامي صح ولا ايه قلتلها صح جدا انا ناوي اخطبها اصلا. و هنا يدخل اخر شخص توقعته….يتبع….
موعد الفصل الثالث من قصة الحرب والجن والغموض
سوف نقدم لكم الفصل الثالث من القصه يوم
25/7/2022
تعديل : تم نزول الفصل الثالث من القصه اذا اردت ان تقراء الفصل الثالث اضغط هنا 👇.
الفصل الثالث من قصة الحرب والجن والغموض
واتمنى لكم ان تكونوا قد استمتعتم بها الى الان وان تنتظروا ما سوف يحدث وانا واثق انها سوف تنال اعجابكم بكل المقايس ولكن اتمنى ان لا تتسرعوا فى حكمكم وشكرا لكم 🖤🌹.
