ضابط في حياتي - حلقة ١٥

في اليوم التالي ..

استيقظت سلمي علي رنين هاتفها

اجابت بدون ان تنظر الي الاسم

سلمي بصوت نائم : الوو

مازن : انتي لسة نايمة ؟؟؟

علي الفور تذكرت ما حدث بالامس

اعتدلت في فراشها و قالت بحدة

سلمي : انت ليك عين تتصل ؟!!

مازن : ليه و انا عملت ايه ؟!!!

سلمي بذهول : انت كمان مش فاكر ؟!!!!

مازن : في ايه يا سلمي متتكلمي عدل !! صمت قليلا ثم ..اه عشان كلمتيني يعني بليل و مردتش ، معلش يا حبيبتي والله كنت نايم

سلمي بصدمة : نايم !!!!!!!

نايم ف بيتكوا و سايبني لوحدي ف الشارع الساعة 11 بليل !!!!

مازن باندهاش : و انتي ايه الي.....صمت ثم صاح فجأة

هو الكورس كان امبارح ؟!!!!!

سلمي و الدموع اوشكت علي الهبوط الي وجنتيها

قالت بصوت تخنقة الدموع : اقفل دلوقتي يا مازن

مازن : والله نسيت خااالص يا سلمي ، طب انتي ليه مفكرتنيش ؟!!

سلمي بعصبية : افكرك ب اييييه يا مازن افكرك ب ايييه هي دي حاجة تتنسي اصلا !!!! انت لو كنت مهتم كنت افتكرت لوحدك بس انت مش مهتم بيا اصلااا و انا و لا ف بالك !!!! قولت هتقولي عذر هحاول اقبله  الاقيك تقولي بمنتهي البرود كنت نايم يا سلمي !!!!

طب لما انا مش ف بالك كداا قولتلي استناك ليه و هتعدي تاخدني لييه ما كنت سبتني روحت مع صحابي !!!!

مازن : يا سلمي اهددددي بقاا الموضوع مش مستاهل كل دا !!!! خلاص غلطت و نسييييت هتعلقيلي حبل المشنقة يعني ؟!!!

سلمي : لا انسي براحتك يا مازن .. سلام

مازن : بس انا لسة مخلصتش كلامي !!

سلمي : و انا معنديش حاجة تانية اقولها

مازن : انا اللي هقول ، روحتي ازاي ؟؟

سلمي بسخرية : يهمك اوي

مازن : سلمي بقولك روحتي اززززاي ؟؟ ركبتي تاكسي ؟؟

سلمي بغيظ : لاء .. آسر روحني

مازن بغضب : اييه آسر !!!!! انتي كلمتية ؟!!

سلمي : لا .. ربنا بعتهولي صدفة .. شافني صدفة و انا واقفة قدام السنتر ووصلني

مازن بضيق : و قولتوا حاجة ف الطريق ؟؟؟

سلمي : هو تحقيق !!! مازن انت قفلتلي اليوم بدري بدري خلاص كفاية كدا ، انا هقوم اشوف ماما بتناديني

مازن بضيق : اووك يا سلمي ، باي

______________________________________

كعادتة يجلس شاردا ..

( شكلك مش مبسوطة يا سلمي ، الغبي دا مش مقدر النعمة اللي ف ايده ، ليه بس يا سلمي اتسرعتي و اتخطبتي ليه يا حبيبتي دا انا كنت هشيلك ف عيني ، مش قادر ابعد عنك ولا قادر اشوفك مش سعيدة كدا ، انا حاسس بيكي اوي .... )

قطع شرودة صوت شهد

آسر يا آسر

آسر : ايوة يا سلمي

شهد : انا شهد مش سلمي يا آسر !!!

آسر : معلش يا شهد كنت سرحان شوية .. خير كنتي عاوزة ايه ؟؟

شهد و هي تجلس امامه ...

انت لسه بتفكر ف سلمي برضة يا آسر

اشاح بوجهه و لم يرد

شهد : يا حبيبي دا نصيب و صدقني لو ليك نصيب فيها هتاخدها

آسر : انا كنت مستحمل بعدها عني يا شهد و انها مش ليا بس تكون سعيدة لكن الواضح غير كدا .. انا و هي متعذبين

نفسي تحس بيا بس ساعتها انا متأكد انها هتختارني انا

انا هخليها اسعد واحدة ف الدنيا

ثم تابع بضعف

انا بحبها اوي و بخاف عليها اوي

نفسي تحس ب خوفي عليها نفسي تفكر ف اختيارها تاني

نظر اليها ثم ..

تفتكري يا شهد لسة بتكرهني من اللي حصل بينا زمان ؟ لسة بتخاف مني ؟؟؟

شهد : لا طبعا سلمي طيبة جدا و قلبها ابيض و بتنسي ..

و بعدين مش انت بنفسك يوم ما وصلتها لما مازن مجاش خدها قولتلي انها قالتلك الحمدلله انك موجود عشان كنت خايفة اوي ... معني كدا انها بتطمن بوجودك

آسر بفرحة : بجد يا شهد ؟؟؟

شهد بحزن علي حال شقيقها : انت بتحبها للدرجه دي يا آسر ؟؟؟!

آسر بعد تنهيدة كبيرة : اكتر مما تتخيلي يا شهد

صمت ثم..

آسر : انتي كنتي عاوزة ايه ؟؟

شهد : اه كنت عاوزة اقولك ان الغدا جاهز بس هنستني محمد هيجي يتغدا معانا

آسر : اوك

______________________________________

في احد المطاعم..

حسام : ميورة

ميار : نعم

حسام : احنا هنفضل كدا لحد امتي ؟؟

ميار : كدا ازاي يعني ؟!

حسام : بصي بابا راجع من السفر الاسبوع اللي جاي .. هخلية يحدد مع والدك معاد الفرح ، ولا ايه رأيك ؟؟

ميار : احم ..ماشي اللي تشوفة

حسام بمرح : احبك و انتي مطيعة كداا ، ثم تابع بحنان ،هعملك احلي فرح ف الدنيا

ميار بابتسامة : انا متأكدة و هكون اسعد واحدة عشان انت جنبي

______________________________________

الوو

ايوة يا سلمي ، عاملة ايه ؟؟

سلمي : الحمدلله

مازن : مكلمتنيش طول اليوم ليه ؟؟

سلمي : و انت متصلتش ليه ؟! انت عارف ان عندي امتحان بكرة و بذاكر و مشغولة

صمتت قليلا ثم قالت بسخرية

ولا تكون نسيت ان عندي امتحان بكرا كمان ؟؟!

مازن بغضب : اييييه يا سلمي انتي مش راضية تنسي الموضوع دا ابداا !! لاااا منستش ، بس اكيد مش بتذاكري ال 24 ساعة يعني ! ما علييينا ، هتخلصي امتي بكرة الامتحان ؟؟

سلمي : ليه ؟؟؟

مازن : هيكون ليه عشان اجي اخدك !

سلمي : لا انا هروح مع صحابي

مازن : لاء انا هاجي اخدك ، هتخلصي امتي ؟؟

زفرت بضيق : الساعة 1 و لو سمحت متتأخرش

مازن : مش هتأخر

______________________________________

اليوم التالي..

بعد الامتحان

رن هاتفها اعتقدت انه مازن

لكنها وجدته آسر !

الوو

آسر : ازيك يا سلمي ؟؟

سلمي بدهشة : الحمدلله

آسر بارتباك : انا يعني انااا....عرفت الصبح من شهد ان عندك امتحان يعني ف كنت بس بطمن عملتي ايه ؟؟؟

سلمي : كويس الحمدلله الامتحان كان سهل

آسر : الحمدلله

صمت قليلا ثم ..

هو انتي هتروحي ازاي ؟؟ يعني لو مفيش حد هياخدك انا يعني ...

ممكن اعدي عليكي اروحك

سلمي بدهشة : انت معندكش شغل ؟؟

آسر : لا عندي بس اسيبوا مش مشكلة !!

سلمي : لا متعطلش نفسك مازن جاي ياخدني

شعر بالام يعتصر قلبة عند سماعة لاسم مازن

آسر : اه طيب ، انا بس كنت بطمن عليكي.. صمت مرة اخري ثم

سلمي لو احتاجتي اي حاجة كلميني

سلمي : حاضر ان شاء الله ، ميرسي اوي يا آسر

باي

بعد ان اغلقت وقفت تحدث نفسها

( مكلمني يطمن عليا و هيسيب شغلة عشان يجي يوصلني !! دا انا خطيبي معملهاش و كلمني يطمن بعد الامتحان حتي ! )

فريدة صديقتها : ايه يا سلمي اتجننتي واقفة تكلمي نفسك !

سلمي : ها لا مفيش

فريدة : هو فين يا بنتي خطيبك دا ؟؟؟ عاوزين نشوفوا

سلمي بضيق : زمانة جاي معرفش اتأخر كدا ليه

______________________________________

الوو

محمد : ايوة يا شهد ، عملتي ايه ف امتحانك ؟؟

شهد : ممممم يعني عكيت شوية

محمد بضحك : شكلك هتطلعي محامية فاشلة

شهد بغضب : فاشلة ف عينك اسكت بقاا

محمد بضحك : طب خلاص خلاص متزعليش .. هتروحي امتي ؟؟

شهد : هروح مع هند صاحبتي المول زي ما قولتلك و اروح علي طول ، مش هتأخر ان شاء الله

محمد : ماشي يا حبيبتي خدي بالك من نفسك

باي ..

______________________________________

انقضت فترة الامتحانات

و تخرجت سلمي من كلية الاداب شعبة لغة انجليزية و شهد من كلية الحقوق

و تم تحديد موعد زفاف حسام و ميار اخر الشهر

______________________________________

في المنزل عند سلمي ..

تجلس هي و مازن في الصالون

مازن بغضب : مين قالك تعزمي شهد علي فرح حسام و ميار ؟؟؟!

سلمي بدهشة : و انت مااالك كان فرحك انت ؟!!!! و بعدين انا مش عارف انت حاطط شهد ق دماغك كدا ليه ؟!!! ازاي معزمش صاحبتي علي فرح اخويا يعني !! و كمان حسام يعرف آسر و محمد و هو اللي عزمهم

آسر بغضب : محمد و آسر كمان !!! كملت !!!

سلمي بغضب : ماازن خلااااص انا زهقت من الكلام ف الموضوع دا بجد ، شهد صاحبتي و انا مش هقطع علاقتي بيها خلاااص اقبل بقا بالوضع دا .. و مش هقدر اقولها تعالي من غير جوزك و اخوكي عشان انا خطيبي مبيحبهمش !!!

مازن : انتي بتريقي يا سلمي

سلمي : ما هو انت اللي كلامك كله غريب اووي !!! و مش لاقية سبب واحد مقنع يخليك عاوز تقطع علاقتي بشهد كدا !!!

مازن : انا ماشي

سلمي بغضب : ماشي يا مازن ، براحتك

______________________________________

محمد : مش هتروح فرح حسام يا آسر ؟؟

آسر : نفسي اوي اروح و اشوفها بس مش هستحمل اشوفها مع مازن

محمد : انا رأيي بضهع متروحش

انا لازم اروح عشان شهد انت عارف

آسر : عارف يا محمد

______________________________________

يوم الزفاف..

كانت ميار جميلة للغاية بفستانها الابيض و حسام وسيما في حلتة السوداء

وصل محمد و شهد الي القاعة

استقبلتهم سلمي

بعد السلام و الترحاب

سلمي : امال فين آسر ؟؟؟

محمد : تعبان شوية بس ف مقدرش يجي

شهد : يلا نروح نبارك ل حسام و ميار

طيلة الفرح كانت شاردة الذهن

مازن : انتي مالك سرحانة ف ايه كدا ؟!

سلمي : مفيش يا مازن

مازن : طب تعبتي من الرقص ، تحبي نقعد ؟؟

سلمي : اه يا ريت

اتقضي الفرح بين سعادة ميار و حسام الغامرة و شرود سلمي !

........

في صباح اليوم التالي

سافر حسام و ميار لقضاء شهر العسل في تركيا

______________________________________

بعد تردد قامت بالاتصال برقمة و دقات قلبها متسارعة

كان في غرفتة يتصفح بعض الاوراق الخاصة بعملة

رن هاتفة

لم يصدق نفسة

انها هي !!

اجاب علي الفور

آسر بلهفة : الووو .. سلمي انتي كويسة ؟!!

سلمي بضحك : انت اتعودت مني علي المصايب ولا ايه ؟؟! اه الحمدلله كويسة

آسر بارتياح : الحمدلله .. اصلي مش متعود علي انك تتصلي بيا بس

سلمي : ما انا قولت بس اطمن عليك .. محمد قال انك كنت تعبان .. بقيت كويس دلوقتي ؟؟؟؟

كان يود ان يقول لها انا بخير مادمت استمع الي صوتك حبيبتي

لكنة تماسك قائلا : اه الحمدلله بقيت كويس

سلمي : الحمدلله انا بس كنت بطمن عليك ..

استمرت المكالمة دقائق معدودة لكن اثرها كان كبير في نفس آسر

______________________________________

آسر : هي الشقة لسة مخلصتش يا محمد ؟؟؟

محمد بضيق : لاء انا اصلا مشيت العمال دول و جبت عمال تانيين هيبدأوا من بكرة ان شاء الله .. انا كدا هتجوز اختك لما اطلع علي المعاش

آسر بضحك : لا ان شاء الله الشقة تخلص .. كل تأخيرة و فيها خيرة

______________________________________

في المساء اتي مازن لزيارة سلمي في المنزل زيارة مفاجأة

و ظل يتحدث مع والدها لفترة بمفردهم تعجبت هي من ذلك لكنها لم تبالي كثيرا .. بعد انصراف مازن

الام : تعالي يا سلمي باباكي عاوزك ف موضوع

سلمي : حاضر جاية

........

خير يا بابا ؟؟

الاب بابتسامة : خير يا حبيبتي ، انا و مازن اتفقنا ان كتب كتابكوا يكون اخر الاسبوع دا قبل ما اسافر .. ايه رأيك ف المفاجأة دي ؟؟؟؟

سلمي : .............