قصة عودة دنهش الإنسي الفصل السادس
هل تبحث عن قصص رعب خيالية؟
فى هذا المقال على موقع أموالي سوف نقدم لكم الفصل السادس من قصة عودة دنهش الإنسي| قصص رعب خيالية وسوف تتابع الأحداث تطورها.
قصة عودة دنهش الإنسي الفصل السادس| قصص رعب خيالية
”الفصل السادس “
بحاول افضل ب عقلي لحد ما الساعه جات 1 بعد نص الليل وانا بقرب من العماره شفت حد واقف في البلكونه و مستنياني مريم واقفه جنب عبدالله قربت شويه حسيت ان عبدالله مسلوب الاراده وقف على سور البلكونه ونط شفت صاحبي بينتحر قدامي
طلعت جري ع مريم بس كل ما اقرب حراره المكان بتزيد بطريقه بشعه وصلت ل جثه عبدالله.
فعلا عبدالله مات ببص على العماره لقيت نار طالعه من كل حته دخلت علشان اهلي اشوفهم لقيت مريم واقفه و عنيها بيضا
مريم:متخافش لو سمعت كلامي اهلك مش هيحصلهم حاجه
انا:انتِ قتلتي عبدالله
مريم :هو اللي انتحر وبعدين مش احسن ما اقتل حد من اهلك
انا:دول اهلك على فكره برضو
مريم :جرب ومتنفذش اللي هطلبه منك و تشوف
خد عبدالله ادفنه و هات منه عينه الشمال و كف ايده
انا:نعم مستحيل طبعا
مريم :خلاص اخدهم من والدك ولا من مريم ههههه.
منظرها بشع .
رحت ادفن عبدالله فعلا جيبت اله حاده سمعت صوت تلفونه بيرن
انا:الو
هي:ايوه عبدالله فين!
ابني كويس
ف اللحظه دي مقدرتش امسك دموعي
انا:اه يا امي كويس هو بس نايم كنا بنذاكر طول اليوم
امه:طيب يابني اول ما يصحي خليه يكلمني علشان قلقانه عليه قوي
انا:ماشي قفلت معاها و طفيت التلفون انا السبب في موت عبدالله انا اللي جيبته هنا جيبته ل موته .
وانا راجع لقيت راجل كبير قاعد على شباك اوضه من الاوض في بيت وانا راجع .
انا:سلام عليكم
الراجل:لا سلام ل خدام الجن و الكفر.
رجعت خطوه.
انا :في اي ياعم هو انا اذيتك في حاجه مش فاهم
الراجل اتعدل و بص لي:انت مش شفتهم ،جولك ولا لسه
انت هتفضل عبد عندهم لحد ما يجي حد غيرك و يكمل ساعتها بس هتموت و ترتاح
انا سمعت الكلمتين و مشيت بغل اعمل اي
الراجل:مكانكم ملعون (دنهش) ساكنه
انا قلت (دنهش) مين ناقصه تخاريف وصلت العماره طلعت لقيتهم نايمين ولا ف الدماغ بس شفت دم على الحيطه رجعت شقه 3 بدور ع الكتاب لقيته بس كان اتكتب كامل مش فاهم كلمه بس قرابين دا معناه اي بقي لقيت مريم في ظهري ب الظبط و ماسكه كلب بشع و اكبر من اي كلب كبير جدا. همست لي.
مريم :فين حاجتي
انا طلعت الحاجه و اديتها لها قلت كدا هتسيبني بس الظاهر اني كنت غبي لانها ادت الكف للكلب ياكله واخدت العين شالتها
مريم :بكره بقي ليا طلب تاني (دنهش) لما يطلب حاجه محدش يقدر يعترض
انا ف نفسي (دنهش) برضو انا هرجع للراجل اعرف اي حكايته بس وانا بنزل على السلم شفت عبدالله اه شفته ب ايد واحده بس الايد طالعه من صدره مش زينا
دورت علي الراجل ولا الراجل موجود ولا البيت فين وفين لقيت
ايد علي كتفي:مش قلت لك هتيجي لي
انا:ابوس ايدك فهمني انا مش عارف اعمل اي
الراجل:اللغز كله عند دنهش
انا:هو انا ناقص مين دنهش دا كمان
الراجل بيحكي براهبه فظيعه : دنهش دا كان شخص عادي ف حاله سكن العماره من سنه اول ما اتعملت الصراحه مشفناش حاجه وحشه ف الاول منه ب العكس اللي بيروح له مش بيقفل بابه لحد بس كان طلبه غريب جداً انه عاوز الهدوم القديمه بتاعت الناس الهدوم اللي هتترمي يعني
انا:مش فاهم يعني هو وحش ولا كويس والهدوم بيعمل بيها اي و اي علاقته بيا
الراجل :اهدي و اسمع للاخر بقي ، بص يا سيدي هو كان بياخد الهدوم بحجه ان في ناس محتاجه وهو بيوديها مصنع يظبطها ويبعتها ل ناس و الناس غلابه يابني متفهمش بس الغريب بقي ان اللي بياخد هدومه بيحصل له حاجات غريبه
انا:زي اي بقي
الراجل:ناس قالت ان اطفالهم بيرحو يلعبو مع الحيطه و ناس تانيه قالت انهم بيتسحبو و ينامو في الحمام في الليل و اخر حاجه حصلت المنطقه نار مسكت فيها بطريقه غريبه رغم ان عددنا قليل و كلنا ف الشارع سمعنا صوت صريخ من العماره اللي انتو فيها دلوقتي رحنا جري لقينا العتبه بتاعتها رماد اسود مش تراب عادي قررنا نقتحم البيت بس معرفاش ندخل اتفقنا اننا نحرق العماره صدقني لو قلت لك اننا جيبنا بنزين و بكميات رهيبه بس زي ما انت شايف العماره متلمستش ب العكس احنا اللي اتاذينا
انا:ازاي
الراجل:الحيونات كانت بتأذينا اصوات صريخ ب الليل اطفال بنشوفها بتلعب مع عيالنا واحنا مش قادرين شايف المقابر دي معظمها اطفال و كلهم احداث غامضه دا في منهم طفل رمي نفسه من الدور ال 10 بس مامتش
انا:انت هتشتغلني
الراجل:احنا شفناه ب عنينا هو وقع بس كان ساكن قدام دنهش و صل للدور التاني و اختفي
لحد ما ربنا ادخل برحمته و اتقلب السحر على الساحر
انا:اي اللي حصل....
يتبع ...
موعد الفصل السابع من القصة
اذا كنت تريد المعرفه حينما يتم نشر الفصل السابع من قصة عودة دنهش| قصص رعب خيالية فور نشرة تابعنا عبر وسائل التواصل الاجتماعي فى الأسفل او انتظر الفصل السابع حينما يتوفر سوف نضعه هنا 👇👇.
انضم الى وسئل التواصل الاجتماعي من هنا 👇👇👇.
