بيبي جاتها شابة

بيبي جاتها شابة  دارت شال على حساب روبتها و رونق كانت ملبستلها روبة نواغ وباسكات عالية يوو ستوتة تتاكل كانت تهبل خليتها هبطت ونا شديت رونق وهبطت معاها نسمع فيها تشكر فيا حبيت نخلط فيها قتلها علبالي بروحي راني شابة بلا ماتقوليلي خليتها تسبني ونزلت ونا نضحك غير نزلنا شفنا 

عبدو معا أمين شفتو رافد كابة منعرف وين كان رايح بقيت واقفة معا نونو نستناو عبدو يخرج طونوبيل حتى شفت عبدو يعيطلي رحت عندو نشوف واش يحوس حتى قالي لا تصبري كاش سمانة باش يسڨملك تيليفون خاطر أمين راه رايح يخدم حتى لخميس ولا لجمعة لجاية باش يجي ضرك هو داهولو رآه 

عند سيد مي مكاش لي يجيبو قتلو مي نخاف نكون رحت بسك بابا قالي هذو ليومين نجي ليك انا نقول  كيما ذراري صغار شحال من مرة صحاباتي يضحكو عليا مي ملي كنت صغيرة ونا هكا أيا بقاتلي طبيعة لمهم كي هدرت هكذاك شفتهم خزرو في بعضاهم وتغامزو عليا خزرت فيهم خزرة عيانة وقتلهم راني سيريو قالي عبدو قولي ماما كي قلت بداو يضحكو قلقوني كنت مولية حتى شفت نونو جات قاتلهم ريحو ماتتمسخرو بالمعزوزية تاعنا يسمع بابا يجي يديها نطق عبدو قالها أودي نهار لي كان رايح بقا غير يوصي فيا عليها قتلو وي بيان سور واش حبيت بنتو خزرت في أمين لقيتو يقحرلي (يخزر بشوفة عيانة ) 

كشغل كان يكيل فيا بقيت أنا ثان نخزر فيه حتى نقزتني ختي يرنك هو علاش يخزر فيا هكذاك ياخاوتي أنا هكذا لي يشوف فيا بنص عين نشوف فيه بعين قالي عبدو لا نصبر حتى نهار لجمعة قتلو نشالله قالو لوخر أيا اوكي وهبط رفد رونق باسها ومدهالي بعدها قال لختي أتهلاي ختي وراح شفتو ركب في 

طونوبيلتو تع لبارح غاضتني عمري قلت ضرك فيمن نبقا نكحل ماصابش كامل وينتا يروح ... ركبنا حتى حنا فطونوبيل وبدينا ندورو مخلينا حتى بلاصة ومنرحنالاهاش ختمناها بعشا برا وولينا لدار خلينا عبدو راح ليماه دالها حقها تع لعشا لي شراه من برا وحنا بدلنا حوايجنا يماه هايلة عقليتها فور كي سقساتها ختي لا تروح 

معانا قاتلها اواه روحو نتوما خير ختي عايشة لابالفي معا عجوزتها خصروها عليها غير لوسات سامطين ڨراف يحبو يزوخو ويورو رواحهم هفف يعيو لمهم رحت قبالة للأنستا لقيتهم يقولولي ديريلنا لايف خير غسلت وجهي ودرت قردوني وبديت ندير فلايف لقيتهم كامل دخلو بقينا ڨصارين مرات يسقسوني ونا 

نجاوبهم على حساب لمعلومات لي عندي حتى كملنا طفيت ليدوني ودخلت حطيت ليسطوري فالفايس تاعي ورقدتصباح لحال وكيما نقولو أصبحنا وأصبح الملك لـالله  ليوم نضت بكري شوية بسك نونو راحت لطبيب وقاتلي بلاك نطول شوية