رسالة من شخص ميت..😱
رسالة من رقم مجهول وصلتني بعد عشر سنين..! 😱
في تمام الساعة 12 بالليل، اهتز الفون بإشعار من رقم مجهول. فتحت الرسالة وانا متوقع إعلان مزعج أو مقلب سخيف، لكن تجمّدت مكاني أول ما قرأت أول سطر:
“إذا كنت تقرأ هذه الرسالة الآن... فأنت لسه على قيد الحياة.”
ابتسمت كدا بسخرية هه ، وكملت قراءة الرسالة ومش في دماغي اي حاجة غير انها ممكن تكون مقلب.
“بكرة، متركبش الباص اللي كنت بتروح فيه كل يوم.”
قفلت الفون وانا بضحك، واعتبرتها مجرد مزحة تقيلة من واحد صاحبي. لكن الكلمات علقت في بالي طول الليل، لدرجة إني لما صحيت قررت اروح الشغل بسيارتي اللامبورچيني بدل الباص.
بعد أقل من نص ساعة، امتلأت مواقع الأخبار بخبر انقلاب الباص نفسه بسبب حادث مرعب علي الطرق الاقليمي. فضلت مصدوم، مش قادر استوعب اللي حصل. ازاي عرف صاحب الرسالة بمصير الباص؟
في الليلة التانية، وصلت رسالة جديدة:
“لا تخبر أحدًا بما حدث... سيعتبرونك مجنونًا.”
بدأ الخوف يتسلل لقلبي. حاولت اتصل بالرقم المجهول اكتر من مرة، لكنه كان في كل مرة يديني لا يمكنك الاتصال بهذا الرقم. روحت لشركة الاتصالات اللي علي اول شارعنا، بلغتهم اني محتاج اوصل لأي بيانات للرقم المجهول ده، لكنهم ملقوش أي بيانات تخصه نهائي.
واستمرت الرسائل تتبعتلي أيام وأيام. كل رسالة كانت تنقذني من موقف مختلف؛ مرة تحذرني من طريق فيه حادث، ومرة تطلب مني تأجيل توقيع عقد يخص شركتي كان هيخسرني كل مدخراتي.
لكن مع كل رسالة، كان فضولي يزيد أكتر و أكتر. مين يعرف تفاصيل حياتي بالدقة دي بجد؟
قررت اخالف التعليمات. استعنت بخبير تقني مشهور، وبعد محاولات طويلة قدرت احدد مصدر الرسائل. وكانت الصدمة الكبيرة إن الإشارة طلعت من شقتي نفسها.
رجعت بسرعة للبيت وانا متوتر جدا، وبدأت افتش كل زاوية في البيت، لحد ما وجدت فون قديم اوي في صندوق خشبي مفتحتوش من سنين.
شحنت الفون، فظهرت عليه مئات الرسائل... كلها مرسلة من رقمي الشخصي.
فتحت أول رسالة، فتوقف قلبي للحظة.
كانت موقعة باسمي.
وفي آخر رسالة مكتوب:
“إذا وصلت لهنا، فأنت اكتشفت الحقيقة. أنا أنت... لكن بعد عشر سنين. ما قدرت أرجع بالزمن، لكن قدرت أرسل رسائل قصيرة فقط. حاولت أنقذك من أخطائي، لكن في شيء واحد ما راح أقدر أغيره...”
رن فوني في اللحظة نفسها.
رقم مجهول.
ترددت لحظة، ثم ضغطت زر الإجابة.
سمعت صوت هادئ مرعب بيقول:
“لا تنظر خلفك.”
وقبل ما الف اشوف مين واقف ورايا ، انقطع الاتصال والانترنت... وانطفأت كل أنوار الشقة…😱
تفتكر اي الشيء اللي ميقدرش المتصل االمجهول يغيره..!، و اي حصلي بعد ما انطفئ نور البيت كله..انتظروني في جزء تاني بتفاصيل مرعبة.
