رواية مودة ورحمة الفصل الثالث
(مودة ورحمة) الحلقة3
كادت حلا أن تصطدم بزوجة عمها(مش حمزة)😁
حلا بارتباك:أنا آسفة يا طنط ماكنتش واخده بالي
نظرت لها فاتن بازدراء:لا مفيش حاجة..هو انتِ لابسه الطرحه دي ليه انتِ هنا في البيت مش في الشارع حلا:أيوه يا طنط بس لازم ألبسها لإن فيه عمال رجالة وحمزة وآسر كمان فماينفعش أكون بشعري
ردت ببرود وهي مش عاجبها الكلام: براحتك انتِ حرةوذهبت حلا لغرفة جدها وطرقت الباب
الجد:ادخل
حلا بابتسامة:قالولي إن حضرتك طلبتني
الجد بابتسامة واشتياق :ادخلي يا حلا دلفت وجلست أمام جدها
الجد:بنتي أنا عايز أعتذرلك على كل حاجه حصلت من زمان أنا عرفت غلطي متأخر أوي بعد أما حرمت نفسي من ابني وحفيدتي.. كنت شايف الفلوس كل حاجة ووقفت قصاد ابني ودمرتله حياته وبعدته عن حضني وحتى لما فوقت لنفسي وقررت أدور عليكم قعدت سنين مش عارف أوصل لكم ولما عرفت كان ابني مات(وبدموع)مات قبل ما اشوفه واعتذرله بس ربنا كريم عوضني ببنت من ريحته
وأكمل حديثه وهو يربت على وجنتيها: عوضني بيكي يا حلا
تعرفي يا حلا إني أول أما شوفتك عرفت كمان إني مديون لوالدتك باعتذار.. ابني مش بس عرف يختار زوجة ده اختار أم صالحة لبنته (وحضن حلا)أنا فخور بيكِ يا حلا
حلا وهي تبكي في حضن جدها: أنا ربنا عوضني بيك يا جدي ربنا يبارك في عمرك
وظلت تتحدث هي وجدها وتحكيله عن حياتها لحد أما رحمة بلغتهم إن الأكل جاهز
ساعدت جدها إلى أن وصلوا لغرفة الطعام
تجمعت العائلة حول المائدة ما عدا حمزة فهو لم يصل بعد
ترأس جدها المائدة وجلست حلا بجوار فاتن وعندما شرعوا بتناول الغداء دلف حمزة وجلس مقابل حلا
حمزة:أخبارك ايه دلوقتي يا جدي
الجد:بخير يا بني وبقيت أحسن لما حلا بقت معانا
ابتسمت له حلا
الجد:أخبار الشغل معاك إيه
حمزة:كل حاجة تمام يا جدي ماتقلقش نظر له الجد بإصرار:حمزة أنا عايز حلا تبدأ شغل في الشركة
تفاجأ الجميع حتى حلا
اندهش حمزة ورد:هتشتغل ايه في الشركة؟!
الجد:هتشتغل في الترجمة واستقبال الوفود لإن احنا محتاجين المجال ده في شركة القاسم
حمزة:خلاص يا جدي هرتب الموضوع ده النهاردا لإني نازل الشركة تاني و تقدر تشتغل من بكرة
الجد:جهزي نفسك بكرة يا حلا عشان تبدأي وعايزك ترفعي راسي
حلا باستغراب:بس يا جدي..
الجد:مابسش أنا قولت خلاص هتبدأي من بكرة
حلا:اللي تشوفه يا جدي بإذن الله هكون جاهزة بكرة
يأتي اتصال لحمزة من الشركة ويضطر للذهاب مرة أخرى
فاتن بضيق:بس يا عمي أنا شايفة إن حلا ماتتعبش نفسها في الشغل وكده كده كل حاجة هتعوزها هتجيلها ليه تتعب نفسها
الجد:اللي أنا قولته هو اللي هيتنفذ عاصم:بابا عنده حق يا فاتن حلا ليها حق في الشركة دي ولازم تباشر مع حمزة وآسر في الشغل
آسر:أيوه بقى كل أحفاد آل قاسم هيتحدوا علشان يرفعوا من وضع الشركة ونرجعها لمجدها القديم
وبمزاح: ده احنا هنعمل شغل..هنعمل شغل
ضحك الجميع على دعابة آسر ما عدا فاتن
وبعد الغداء ذهبت فاتن إلى النادي وذهب عاصم إلى اجتماع وخرج الجد وحلا وآسر إلى الحديقة
الجد: ايه يا آسر انت ما عندكش شغل ولا إيه
آسر:لا ما أنا واخد أجازة بقى حد يفوت القاعدة الحلوة دي
الجد:ده حمزة هيطلع عينك
آسر يصطنع الفزع وينهض سريعًا: اه صح حمزة ده هيشعلقني..معلش بقى كان نفسي اقعد معاكي يا حلا بس اعمل ايه حكم القوي..بس ملحوقة بكرة هتيجي الشركة وهتلاقيني في وشك 24 ساعة سلام عليكم وأسرع لسيارته
ضحك الجد وحلا على تصرفات آسر ورددا:وعليكم السلام
الجد: آسر ده مشكلة... هتلاقيه كده24ساعة
حلا بضحكة رقيقة : واضح
وظلت تتسامر مع جدها وتقص له عن حياتها في فرنسا إلى أن سمعوا آذان العصر
حلا:الوقت سرقنا وما أخدتش علاجك يلا بينا نطلع بقى
الجد:أنا لسه ماشبعتش منك.. أنا عايزك تحكيلي كل حاجة
حلا بابتسامة: أنا قاعده معاك يا جدو وهفضل جنبك علطول بس خلينا دلوقتي نطلع علشان أديك الدوا وتستريح شوية
وافق الجد وساعدته حلا في الصعود إلى غرفته وناولته دواءه
وبعد أن اطمأنت عليه ذهبت لغرفتها وأدت فرضها ثم هاتفت ملك وقصت عليها أمر العمل
شجعتها ملك وأخبرتها أن ذلك العمل هو بداية لحياة جديدة
مر الوقت وحان موعد وجبة العشاء تجمعت العائلة وأخبرها حمزة أن تكون مستعدة في صباح الغد لتبدأ عملها وفي اليوم التالي...
..................................
نكمل الحلقة القادمة بإذن الله😊
