ملكة السراب.. مسرحية للأطفال
مسرح الطفل
ملكة السراب
مسرحية خيالية غنائية للأطفال
عن مخاطر ومضار السوشيال ميديا
تأليف الكاتب المسرحى والغنائى
إيهاب محمد حسن الزرباوى
مسرحية (ملكة السراب)
المشهد الأول
الأبالسة ترقص وتغنى كالموج الهادر داخل كهف قديم فترتج جدران الكهف على أصداء أغانيهم ويصيحون فى صوت واحد....…
شبكة..شبكة..شبكة من نااااارعلى وش البركان
ربكة....ربكة ..ربكة وشراااااار.... فى كل مكان
إنذااااار...أنذااااار.... إنذار... ملك النار غضبان
وسع وسع.إجمع إجمع.وسع.. إجمع ..كل الجان
🎶🎶🎶🎶🎶🎵🎵🎵🎵🎵🎵🎤🎤
🎶🎶🎶🎶🎶🎵🎵🎵🎵🎵🎵🎤🎤
صوت إنذار متلاحق مع وميض أنوار حمراء 💥💥💥💥
تدخل إلى قاعة الكهف (ملكة السراب حفيدة إبليس يتبعها
كهنوت وهو باسطا ذراعيه مرحبا بها)
كهنوت /مولاتى العظيمة ملكة السراب حفيدة مولانا إبليس العظيم...درة الأبالسة ..جوهرة الشياطين ...مرحبا بك فى كهفنا العريق التاريخى جحر الأبالسة.…
ملكة السراب/عملت إيه ياكهنوت؟
كهنوت/كله تمام يامولاتى..أوامر سموك كلها إتنفذت بالحرف الواحد
ملكة السراب/بلغت جميع ملوك الجن بموعد الحفل؟
كهنوت /,طبعا يامولاتى..بلغتهم كلهم ..وبعتلهم دعوات ورقية
مكتوبة بمية الدهب ..ومختومة بختم المملكة الرسمى
ملكة السراب/وعليها توقيع جدى جلالة الملك إبليس العظيم ؟
كهنوت/طبعا يامولاتى..ومش كدة وبس..ده انا بعت كمان ماسيجات إلكترونية لجميع الخدم بتوعنا من عالم الأنس عشان يشاركونا فرحتنا بعيد الحصاد ...عيد الفرحة الكبيرة
ملكة السراب/برافو عليك كهنوت.. عاش كهنوت خادمنا المطيع ومدير أعمالنا المخلص
كهنوت ينحنى / إحنا دايما فى خدمتكم ورهن إشارتكم مولاتى العظيمة ملكة السراب ..
ملكة السراب تجلس على عرشها النارى تتأمل أظافرها الطويلة فى خيلاء وزهو وقد جلست عند قدميها خادمتها (شرشوحة)٠ تعتنى بأظافرها فتقلمها بمبرد بحرص بينما يقف على مقربة منها على جانبى العرش خادمان أسودان يهويان عليها بمروحتان كبيرتان من ريش النعام
يدخل الى القاعة شخص قصير القامة (زنان )وهو يصيح
زنان/ مولاتى العظيمة ملكة السرب مولاتى العظيمة ملكة السراب مولاتى العظيمة ملكة السراب عندى ليكى خبر هباب خبر هباب خبر هباب خبر هباب..
ملكة السراب / أسكت يازنان يابو وش قرد وجسم إنسان حاكم أنا عرفاك أخبارك كلها زى وشك وشبه قفاك ..قول بسرعة..إيه إللى وراك؟
زنان/ شبكات الأنتر نت يامولاتى..شبكات الأنتر نت ..شبكات الأنتر نت…
ملكة السراب /مالها شبكات الأنتر نت ؟
زنان/هتتوقف عن العمل فى العالم كله بكرة ولمدة ساعتين ونص .....ساعتين ونص...ساعتين ونص..
ملكة السراب/ يانهار أسود ياخبر منيل بستين نيلة ...مش قولتلك أخبارك كلها زى وشك وشبه قفاك صدق إللى سماك زنان يابوز الأخص
زنان /مولانا إبليس العظيم هو إللى سمانى زنان يامولاتى
هو إللى سمانى زنان يامولاتى هو إللى سمانى زنان يامولاتى
ملكة السراب تصيح غاضبة /غور من وشى السعادى
ينتفض زنان ويركض مرتجفا من الخوف إلى الخارج
زنان/ أسف يامولاتى...ٱسف يامولاتى ..مش هعمل كدة تانى..مش هعمل كدة تانى....مش هعمل كدة تانى...…
ملكة السراب تصيح / كهنوت
كهنوت/أوامر سموك يامولاتى
ملكة السراب/ أعلن فورا ياكهنوت فى كل أرجاء مملكة الشياطين عن إجتماع طارئ أون لاين بعد ساعة من دلوقتى يحضرو جميع شياطين الكون عشان نشوف هنعمل إيه فى المصيبة دى
كهنوت/أوامر سموك يامولاتى... .
ملكة السراب تشير إلى كهنوت بالأنصراف وهى تحدث نفسها / قال النت هيقطعوه ساعتين ونص قال ...فاكرين الدنيا سايبة ...أنا لايمكن أسمح بالمهزلة دى أبدا ..ده وقف حال لكل الشياطين على وجه الأرض....دى مهزلة مايتسكتش عليها أبدا ...أبدا..
ملكة السراب تجلس مجددا على عرشها النارى تتأمل أظافرها الطويلة فى خيلاء وزهو وقد جلست عند قدميها خادمتها (شرشوحة)٠ تعتنى بأظافرها فتقلمها بمبرد بحرص بينما يقف على مقربة منها على جانبى العرش الخادمان الأسودان يهويان عليها بالمروحتان
ملكة السراب تصيح/ شرشوحة
تنهض شرشوحة وتنحنى / شرشوحة فى خدمة سموك يامولاتى
ملكة السراب/شايفة ضوافرى دى…
شرشوحة/ طبعا يامولاتى شيفاها...دى أجمل ضوافر فى الدنيا دى كلها دى أجمل حاجة فى حياتى يامولاتى..دى الحب كله …
ملكة السراب/ ياااااااه....للدرجة دى ياشرشوحة بتحبى ضوافرى الحلوين دول...!!؟
شرشوحة/ طبعا يامولاتى... ماهى ضوافرك الحلوة دى هى سر قوتك وجبروتك ...بأشارة منهم الدنيا بتتحط.وبتتشال واليمين بيبقى شمال والحال يبقى غير الحال ولما تخربشى الدنيا بيهم بتتشق الأرض وتتزلزل الجبال
ملكة السراب تضحك مغترة/ ههههههه..لكن ماقولتليش يا شرشوحة
شرشوحة/ أوامر سموك يامولاتى
ملكة السراب/ مين أكتر ضافر فى ضوافيرى بتحبيه..تيبو ..ولا تيكو ولافوفو...ولا مين بالظبط ...
شرشوحة/ بحبهم كلهم يامولاتى أكتر من بعض...أصل تيبو
ده هو اليوتيوب إللى ماقدرش أبعد عنه ثانية واحدة... وتيكو ده التيك توك حبيبى إللى أيامى كلها دايبة فيه ..أما فوفو ده الفيس بوك إللى حياتى كلها بين إديه.…
ملكة السراب/ ومولاتك ملكة السراب
شرشوحة/مولاتى ملكة السراب...هى إللى بتبيع للناس الوهم والسراب وبتحول الصادق لكداب...هى ينبوع السحر ونهر الخراب..هى أعز الأحباب…
ملكة السراب تبسط يدها لشرشوحة / عاش شرشوحة... خادمتنا المطيعة...خدى ياشرشوحة دلعى ضوافرى ولونيهم عشان لما أروح الأجتماع بعد شوية بجمالى أسحرهم ومن خمر حسنى أسقيهم
شرشوحة تنحنى/ شرشوحة فى خدمة سموك يامولاتى
الأبالسة ترقص وتغنى كالموج الهادر داخل الكهف القديم فترتج جدران الكهف على أصداء أغانيهم ويصيحون فى صوت واحد....…
شبكة..شبكة..شبكة من نااااارعلى وش البركان
ربكة....ربكة ..ربكة وشراااااار.... فى كل مكان
إنذااااار...أنذااااار.... إنذار... ملك النار غضبان
وسع وسع.إجمع إجمع.وسع.. إجمع ..كل الجان
🎶🎶🎶🎶🎶🎶🎵🎵🎵🎵🎵🎤🎤
🎶🎶🎶🎶🎶🎶🎵🎵🎵🎵🎵🎤🎤
تصفيق وصفير حاد من الجمهور.
حالة من الثبات والصمت تغشى الجميع
الملائكة فى زيهن الأبيض وأجنحتهن السماوية يضعن أكفهن على ٱذانهن من فرط الأستياء
نبع الخير/أنا مش عارفة الناس بتصقف على إيه!!!؟ دى أغنية دى.. !!!!؟ دى أغنية.. .!!!؟ ده فن هابط .هابط ..
عيون الأمل /فعلا يامولاتى نبع الخير. . !!!! لا لحن ولا كلمات ولا ليها أى علاقة بالفن ولا بالطرب !!!!! نهائى!!!!
شجون الأيام/ده ذوق ردئ ردئ. ونموذج سئ وبذئ
عيون الأمل/ بس للأسف يامولاتى نبع الخير..النوع ده من الفن هو إللى ماشى اليومين دول والناس بتشوفه وبتسمعه كتيييييبييبببر أوى
نبع الخير/إحنا مش لازم نسكت عالمهزلة دى... إحنا لازم نعمل حاجة ننقذ بيها البشر من التلوث السمعى إللى عايشين فيه ده وفى أسرع وقت
شجون الأيام/ فعلا يامولاتى... إحنا لازم نعمل حاجة. ... نمنع بيها إبليس اللعين من الأستمرار فى ألاعيبه الدنيئة …
عيون الأمل/ و نمنع ملكة السراب من عمايلها السودة إللى بتعملها فى الناس
تدور الملائكة فى حركة تنم عن الحيرة والتفكير
نبع الخير تغنى هائمة
نبع الخير/ يلا نفكر يلا ندور على أفكار من أفكار
نسجن بيها جنود أبليس جوة حصار
عيون الأمل/يلا نفكر يلا ندور على أفكار من أفكار
نسجن بيها جنود أبليس جوة حصار
نبع الخير/
يلا نساعد بنى ٱدمين تايهين بقو أشرار
نحيي ضميرهم نعمل منهم ناس أخيار
عيون الأمل/
يلا نساعد بنى ٱدمين تايهين بقو أشرار
نحيي ضميرهم نعمل منهم ناس أخيار
شجون الأيام/ يلا نفكر يلا ندور على أفكار من أفكار
نسجن بيها جنود أبليس جوة حصار
تجتمع الملائكة فى حلقة يتشاورون يتهامسون ..يهمهمون ...مع موسيقى حماسية
ينفض الأجتماع
عيون الأمل/ تمام يامولاتى نبع الخير..أمر سموك مطاع..علم وسينفذ فى الحال
شجون الأيام/ تمام يامولاتى نبع الخير أمر سموك مطاع..علم وسينفذ فى الحال
نبع الخير/ بسم الله المستعان رب الملايكة والأنس والجان تبدأ تنفيذ خطتنا الٱن
تظهر بغتة عصا سحرية فضية اللون فى يد نبع الخير
تضرب بها الأرض فينبعث منها دخان كثيف ينتشر سريعا فى أرجاء القاعة فتبدو الرؤية ضبابية وتنطفئ الأنوار وتضئ
ثم تنطفئ وتضئ وتنتشر حالة من البلبلة والأرتباك فى كل مكان ويتخبط الجميع فى بعضه البعض
تصيح شرشوحة/ إيه ده يامولاتى !!!؟ هو فيه إيه!!!؟ هو إيه إللى بيحصل!!!؟...أنا مش فاهمة حاجة!!!؟ أنا مش فاهمة حاجة خالص!!؟
ملكة السراب ترقص رقصة الزعر وهى تغنى
ملكة السراب/ حاجة غريبة وإحساس صعب
أول مرة أحس بطعم الرعب
شرشوحة ترقص رقصة الزعر وهى تغنى
شرشوحة/. حاجة غريبة وإحساس صعب
أول مرة أحس بطعم الرعب
ملكة السراب / شايفة ملايكة من حوليا تنط تنط تشب
تحضن كل قلوب الناس قلب وقلب وقلب
أنا مرعوبة من أصواتهم لما بيقولو يارب
أنا مرعوبة من ألحانهم لما يغنوغنوة حب
شرشوحة/ شايفة ملايكة من حوليا تنط تنط تشب
تحضن كل قلوب الناس قلب وقلب وقلب
أنا مرعوبة من أصواتهم لما بيقولو يارب
أنا مرعوبة من ألحانهم لما يغنوغنوة حب
ملكة السراب/ لازم أجرى بسرعة وأطير
قبل ماتيجى نبع الخير
شرشوحة / لازم أجرى بسرعةوأطير
قبل ماتيجى نبع الخير
ملكة السراب / لازم أجرى وأجرى وأجرى
لازم إدارى وأخبى ضوافرى
شرشوحة/ يانهار أسود يانهار طينة نبع الخير أهى جاية علينا
ملكة السراب / أنا مكشوفة أنا متشافة
نبع الخير فى أديها قصافة
شرشوحة / أنا مرعوبة أنا خوافة
نبع الخير فى أديها قصافة
تجثو ملكة السراب على ركبتيها وإلى جوارها تجثو شرشوحة
تقلم نبع الخير أظافر ملكة السراب بالقصافة
تصرح ملكة السراب صرخة تدوى فى القاعة
يظهر زنان وهو يركض صوب ملكة السراب
زنان يصيح فزعا/ ألحقونا .. الحقونا ..ألحقونا...مولاتى ملكة السراب ضوافيرها طارت..مولاتى ملكة السراب ضوافرها طارت... طارات...طارت…
ملكة السراب تصيح غاضبة /أسكت يازنان يابو وش قرد وجسم إنسان...غور من وشى السعادى…
يهرع زنان إلى الخارج مسرعا
زنان/ٱسف يا مولاتى...ٱسف يامولاتى..مش هعمل كدة تانى..مش هعمل كدة تانى ...مش هعمل كدة تانى …
ملكة السراب تغنى وهى تتألم
ملكة السراب /هكتب عالطرقات وعالمريات بالمقلوب
مهما تقصو ضوافرى عمرى عمرى ماتوب
أنا مهوسة بالتيك توك أنا مجنونة باليوتيوب
عهد عليا لخلى الناس جوة عصير الميديا تدوب
🎶🎶🎶🎶🎶🎶🎵🎵🎵🎵🎶🎶
🎶🎶🎶🎶🎶🎶🎶🎵🎵🎵🎶🎶
هكتب عالطرقات وعالمريات بالمقلوب
مهما تقصو ضوافرى عمرى عمرى ماتوب
أنا مهوسة بالتيك توك أنا مجنونة باليوتيوب
عهد عليا لخلى الناس جوة عصير الميديا تدوب
🎶 🎶🎶🎶🎶🎶🎵🎵🎵🎶🎶🎶
🎶🎶🎶🎶🎶🎶🎵🎵🎵🎵🎶🎶
المشهد الثالث والأخير
غاغا وسعسع يقفان حائرين عند الخط الفاصل بين حديقة من فريق الملائكة والورود والنباتات والأزهار وفريق الشياطين و حمم النار
فريق الملائكة يغنى هائما
ياأنسان ياأنسان الله يهديك
قرب خطوة كمان ومد أديك
إحنا ملايكة من حواليك
ساعد نفسك أكسر شرك
دوب كل الحلو فى مرك
إحنا معاك واقفين جنبك
فريق الشياطين يغنى راقصا
ياأنسان أوعى تصدق كلمة حد
أحنا طريق الشهرة أحنا المجد
أحنا جبال المال و أحنا السعد
قرب منا كمان وكمان قرب منا يا أنسان
فريق الملائكة يغنى هائما
فكر تانى وتانى وعيد تفكر
راجع نفسك غير خط السير
أعبر جسر الخوف لبر الخير
أحنا نجاتك ضى حياتك قرب منا يا أنسان
فريق الشياطين يغنى راقصا
ياأنسان أوعى تصدق كلمة حد
أحنا طريق الشهرة أحنا المجد
أحنا جبال المال و أحنا السعد
قرب منا كمان وكمان قرب منا يا أنسان
تظلم الناحية التى بها الشياطين وحمم النار
غاغا تركض إلى الناحية التى بها حديقة الملائكة
غاغا/بسم الله الهادى المعين...بسم الله الهادى المعين... أنا لازم بسرعة أراجع نفسى لازم بسرعةأصحى ضميرى لازم أعمل حاجة تقربنى من ربنا وتكون سبب فى دخولى الجنة ونجاتى من النار
سعسع يركض إلى الناحية التى بها حديقة الملائكة
سعسع /بسم الله الهادى المعين...بسم الله الهادى المعين... أنا كمان لازم بسرعة أراجع نفسى لازم أصحى ضميرى لازم أعمل حاجة تقربنى من ربنا وتكون سبب فى دخولى الجنة ونجاتى من النار
غاغا/ أنا قررت أنى أغير محتوى قناتى قررت أعمل حاجة جديدة..حاجة تخدم عالم الخير وتزلزل عالم الشر
سعسع/ أنا كمان قررت أنى أغير محتوى قناتى قررت أعمل حاجة جديدة..حاجة تخدم عالم الخير وتزلزل عالم الشر
غاغا/ بسم الله الهادى المعين
سعسع/بسم الله الفتاح العليم
نبع الخير تغنى هائمة
نبع الخير/ يلا نفكر يلا ندور على أفكار من أفكار
نسجن بيها جنود أبليس جوة حصار
عيون الأمل/ يلا نساعد بنى ٱدمين تايهين بقو أشرار
نحيي ضميرهم نعمل منهم ناس أخيار
شجون الأيام / يلا نساعد بنى ٱدمين تايهين بقو أشرار
نحيي ضميرهم نعمل منهم ناس أخيار
.
تمت بحمد الله
.
