الحرامي والجن و العفاريت
انا لسه آنسه وبحس بحد بيدخل اوضتي كل ليلة وانا نايمه وينام جنبي في السرير ويحسس على جسمي و..
حاليا بنام لوحدي في اوضتي بعد ما أختي الوحيده أتجوزت
حكيت لماما وبابا عن مخاوفي ..في الأول قالوا أن دي اوهام
ولازم تبطلي تشوفي أفلام الرعب دي اللي هتجننك
بس انا من زمان بشوف أفلام رعب ..ومكنتش بحس بأي حاجه تقلق ..الموضوع ملوش علاقة بالأفلام
انا واثقة من أحساسي ..لكن مقدرش أحدد طبيعة الشئ دا!
كنت بنام والنور مطفي ..جت في بالي فكره.. انا هسيب النور مش هطفيه
اللية دي وهشغل كاميرة فيديو موبايلي قبل ما انام
واحطها في زواية الأوضه.. عشان تكشفها كلها
وبكره هبقى اشوف موبايلي سجل حاجه ولا لأ
مسحت كل حاجه ع الفون عشان افضي مساحه
تسمح بتصوير فيديو اطول مدة ممكنه
وقد كان نفذت خطتي.. حسيت بحد في الاوضه
تظاهرت بأني نايمه.. لاني لو صحيت هيختفي كالعاده
في الصبح جريت ع الموبايل.. وشغلته
وكانت المفاجأه.. فعلا في شخص ظهر في الأوضه
جه من البلكونه.. كان لابس عبايه وحاطط غطاه
ا
فوق دماغه.. ملامحه مش واضحه
فضل يراقبني ويتأمل شكلي وانا نايمه
وخد باله أن الموبايل بيصوره ..لكنه فضل يراقبني برضو
ومفكرش يحذف الفيديو او ياخد الفون نفسه
طيب دا اكيد مش حرامي.. احنا ساكنين في الخامس
ومفيش مواسير او حاجة ممكن يتعلق عليها ويطلع لي
هيكون دخل ازاي يعني انا هتجنن!!
يا أما الاحتمال التاني واللي انا خايفه من حدوثه
وهو ان الشخص دا جن عفريت.. بس مش بشر
ياربي على الحيره والرعب اللي انا فيهم
انا خايفه اوي.. فكرت اقول لماما
خرجت من اوضتي ملقتهاش.. كلمتها
قالت ان في حالة وفاة حصلت بنت خالها ماتت
وراحت تعزي هي وبابا ..محبوش يصحوني
لانه كان عندي امتحان الساعه 1 الضهر
سابوني انام براحتي عشان اصحى_مركزة
وقالت انهم هيرجعوا بالليل
نزلت الجامعه وأمتحنت ورجعت قبل المغرب بنص ساعه
كلمت ماما قالت انهم جايين في الطريق
بس الدائري واقف
دخلت اوضتي بعد ما خدت شاور غيرت
كنت واقفه في المطبخ بعمل نسكافيه
دماغي هتنفجر من الصداع.. طول الطريق
وانا في الامتحان والموضوع دا في دماغي
فجأة حسيت بحركه جايه من ناحية أوضتي
قلبي اتقبض ..جريت بسرعه بصيت ع الساعه
في الصاله كانترعدت 7 ونص ولسه موصلوش
روحت على اوضتي.. فتحت النور.. ملقتش حاجه!!
بعدها سمعت صوت باب الشقه بيتفتح
_أخيرا وصلتوا
_خير يا أماني في حاجه؟
_انا مش قولتلكم في حد بيراقبني في الاوضه وانا نايمه
وقولته انها اوهام ..
_ايوه حصل
_طيب انا هثبتلكم حالا دلوقت
دخلت أوضتي..وجبت لهم الفون من الشنطه
فتحته عشان اوريهم الفيديو..
واول ما مسكت الفون وفتحته اتصدمنا لما لقيت …
