النباتات ضد الزومبي
الفصل الخامس: “المعركة النهائية”
- ينتقل بنا المشهد الي عالم *"النباتات ضد الزومبي"*، في مكان تجمع أبطال النباتات معاً.
- نرى جلوس مجموعة من أبطال النباتات، ومنهم:
"عباد الشمس أو ذا سون" "البازلاء أو بيشوتر" "الصبار أو كاكتوس" "تشومبر أو آكل الزومبي" "ريبيتر أو ثنائي البازلاء" "إسنو بي أو الثلج".
- وكانوا أبطال النباتات جالسين معاً ويضحكون علي أشكال أبطال الزومبي في الصور…
- ولكن فجأة! يصل إشعاع إليهم ويحمل بداخله كلام مهم جداً!
- يصل الإشعاع الي البطلة "عباد الشمس" ويدخل عقلها، وهنا تقدر البطلة بقراءة كل ما يحتويه الإشعاع!
ريبيتر (مستغرب):
“جه منين الإشعاع ده؟”
بيشوتر (مصدوم):
“هتلاقيه جاي من كوكب الأرض!”
ريبيتر:
“انت مصدوم ليه؟”
بيشوتر (مازال مصدوم):
“لأنه ظهر!”
إسنو بي:
“هو مين؟”
بيشوتر (ينظر للبطلة إسنو بي):
“زومبوس اللي علي الأرض!”
ريبيتر:
“هي نسخته وصلت للأرض؟!”
بيشوتر:
“ايوه.”
كاكتوس:
“خلونا نسمع اللي هتقوله عباد الشمس.”
عباد الشمس (تقرأ مغزى الإشعاع):
“الإشعاع جاي برسالة بتقول...”
الرسالة:
﴿ المغزى ومختصر الرسالة:
- الزعيم... وصل، والبطل... وصل لشخصية القائد، والفاقد لوعيه... إقترب من استعادة وعيه، والمعركة المنتظرة تقترب أكثر فأكثر، وسر زومبوس... إقترب من الإكتشاف، ومفاجأة كرايزي ديڤ تقترب أكثر فأكثر أيضاً... والآن، الدور عليهم يا أبطال النباتات... دوركم قد وصل! ﴾
تشومبر (نظرة واحد لا يفهم أصلاً):
“انا مش فاهم حاجة، بس شامم ريحة معركة وجثث زومبي للأكل!”
إسنو بي:
“وايه العمل؟”
كاكتوس:
“لازم نرجع تاني للأرض.”
عباد الشمس:
“ايوه... كاكتوس عنده حق، لازم نرجع تاني للأرض في أسرع وقت... لأن محدش ضامن الوقت!”
بيشوتر:
“يبقى يلا بينا نرجع دلوقتي.”
ريبيتر:
“يلا اتحركوا وانا وإسنو بي هنيجي معاكم.”
عباد الشمس:
“تمام... يبقى كله يجهز... للإنتقال للأرض!”
- ينتقل المشهد الي الأرض داخل الآلي العملاق!
زومبوس:
“كنت مستني الوقت اللي هقابلك فيه يا سيف... وانا براقبك بقالي سنين طويلة... من قبل وصول السيارة بيني للأرض!”
- يعود المشهد الي داخل منزل "سيف".
عباد الشمس صغيرة (قلقة):
“هعمل ايه دلوقتي مع مروان، مش بيرد خالص!”
- تتحرك "عباد الشمس صغيرة" حول الغرفة والكلب "روك جالس علي الأرض ولسانه خارج فمه، ويشاهد "عباد الشمس صغيرة" وهي تتحرك حول الغرفة... ثم ينبح نبحة صغيرة!
عباد الشمس صغيرة (تقترب من وجه الكلب روك):
“متعرفش تتكلم وتفكر معايا نعمل ايه؟ هاه؟ هاه؟!!!”
(تبتعد عن وجه الكلب روك، تتحدث بيأس):
“انا آسفة يا روك... بس لازم تحس بيا... احنا داخلين علي حرب وكله جاهز بس محتاجين مروان معانا، وسيف اكيد عارف هنحتاجه في ايه... وهو في غيبوبة!”
- فجأة!... السرير يهتز هزة بسيطة، هزة شخص يتحرك وهو نائم!
- "عباد الشمس صغيرة" تنظر الي السرير بسعادة كبيرة!
- ينتقل المشهد الي خارج المنزل عند النباتات الصغيرة و "سيف".
سيف (ينظر ناحية الموجة الظلامية بكل تركيز، ويقول في عقله):
“ناقص حاجات بسيطة... عشان تحصل المقابلة المنتظرة من 20 سنة... بس السؤال هنا، هل احنا فعلاً مستعدين... ولا احنا بيتهيألنا إننا مستعدين؟”
(يقول بصوت مسموع):
“هنشوف دلوقتي إجابة السؤال!”
- يظهر من بعيد شيء عملاق يخرج من وسط الضباب الظلامي... لحظة! ده هو!... الآلي العملاق الخاص بـ"زومبوس"!
سيف (بتركيز وتوتر):
“اهو... ظَهَر!... خليكم هنا... هاخد جولة وجاي.”
- بدأ "سيف" بالركض أمام منزله!
بيشوتر صغير:
“هو رايح فين؟”
كاكتوس صغير:
“سيف معاه أداة إنبات النباتات، ف هينبتهم قدام البيت.”
- "سيف" بدأ بإنبات النباتات الصغيرة أمام منزله بالأداة!
تشومبر صغير:
“مش ده آلي زومبوس؟”
- تنظر النباتات الصغيرة علي الآلي العملاق!
بيشوتر صغير (مصدوم):
“ايوه هو، هنعمل ايه؟”
تشومبر صغير:
“انا كدا جُعت اكتر!”
- انتهى "سيف" من إنبات النباتات الصغيرة.
سيف (في المقدمة):
“متقلقوش... احنا هنحارب الزومبي، واول ما هو يدخل، كملوا انتوا مع الزومبي... وخلوه ليا!”
كاكتوس صغير:
“طب لو دخل هو الاول؟”
سيف (الكاميرا تقترب من عينه):
“هنتحول لمعركة بقاء!”
بيشوتر صغير (بصوت خافت لكاكتوس صغير):
“هي يعني ايه معركة بقاء؟”
كاكتوس صغير:
“مين اللي يموت الاول، تقريباً!”
- صوت الرياح يزداد وقتل تحدث "سيف"!
سيف (بكل ثقة وقوة في الكلام):
“معركة بقاء... معركة واحد لواحد... واللي هيموت الاول... هو الخسران!”
بيشوتر صغير (تحمس اكثر):
“اوبااا! شكلها هتبقى معركة قوية!”
- الآلي العملاق يقترب أكثر فأكثر، والتوتر يزداد، والمعركة قريبة جداً!
- لكن... فجأة! زومبي سريع يخرج من وسط الضباب الظلامي متجه للمنزل، وهذا الزومبي اسمه "زومبي الكرة الأمريكية"…
- تصمت وتتجمد الرياح فجأة... وقت تحدث "سيف"!
سيف (يتحدث داخل عقله):
“المعركة بتقرب... انا حاولت اظبط كل حاجة... بس لسه مش ضامن حاجة، ودي اسوأ حاجة! والاهم... مروان... لسه زي ما هو... مصحيش! ولو صحي... انا هحس بالأمان اكتر... علي الاقل هحس بتواجد لشخص في ضهري، يحميني في وقت الخطر، والعكس صحيح... ولو حصلي حاجة... يكمل هو من بعدي!”
بيشوتر صغير (دخول مفاجئ):
“سيف، إلحق!”
- الزومبي السريع "زومبي الكرة الأمريكية" يقترب أكثر من المنزل، ولكن، الصدمة الحقيقية... خروج زومبي من تحت الأرض قريب من المنزل بطريقة عشوائية!
- "سيف" صامت بطريقة غريبة... ولكن، فجأة!
- "سيف" يشد أجزائه وقبضته، صامت كأنه لا يتنفس، ويأخذ خطوة للأمام... وثم!
سيف (صوت قائد):
“اتحركوا، يلا!”
- يركض "سيف" ناحية الزومبي، وورائه النباتات الصغيرة تستعد للإطلاق علي الزومبي!
- الزومبي يخرجون من تحت الأرض بكميات معقولة مبدأياً، و "زومبي الكرة الأمريكية" قد وصل الي "سيف"، و "سيف"... مازال يركض نحوهم!
- يدخل "سيف" علي اول "زومبي الكرة الأمريكية"، وبضربة من قبضته المشحونة في وجه الزومبي تكسر خوذته ويقع أرضاً، ويتضح أن رقبته انكسرت ومات من قوة القبضة المشحونة!
- يدخل التاني من "زومبي الكرة الأمريكية"، ويضربه سيف بقوة يكسر رقبته أيضاً، والنباتات الصغيرة... مصدومة من قوة لكمة "سيف"!
بيشوتر صغير (مصدوم):
“هي دي قوة سيف الحقيقية؟!”
كاكتوس صغير:
“دي قوة واحد مشحون، مش لازم تكون قوته الحقيقية... فاهمني؟ (يغمز لبيشوتر صغير)”
تشومبر صغير (بحماس):
“انا هعمل الحاجة الأقرب لقلبي...”
(تقترب الكاميرا من وجهه وهو فاتح فمه ويُخرج لسانه):
“آكل الزومبي!”
- يدخل "تشومبر صغير" تحت الأرض!
كاكتوس صغير:
“مش كدا دورنا جه نتحرك؟”
بيشوتر صغير:
“ا-ايه؟ ايوه صح عندك حق... دورنا نتحرك.”
كاكتوس صغير:
“طب يلا تعالى معايا.”
بيشوتر صغير (لم يتحرك بعد):
“روح، روح وانا وراك.”
كاكتوس صغير (بصوت عالي، وهو يركض):
“تعالى ورايا... يلا!!!”
- يتحرك "كاكتوس صغير" وورائه "بيشوتر صغير" ليقتربوا من الزومبي لزيادة تأثير طلقاتهم!
- النباتات الصغيرة التي تم إنباتها من الأداة، بدأوا بإطلاق النيران!
- داخل المنزل!
- الكلب "روك" ينبح بقوة ويقترب من النافذة!
عباد الشمس صغيرة (قلقة):
“بدأوا القتال؟!”
- ينبح الكلب "روك" مجدداً بقوة!
عباد الشمس صغيرة (تنظر لمروان بيأس):
“شكلك كنت بتتقلب وانت نايم مش اكتر...”
(تقترب من مروان وهو نائم):
“مروان... احنا محتاجينك... وسيف محتاجك اكتر مننا، ودي حاجة باينة اوي في طريقة كلامه عنك... مروان، لو سامعني... ف أرجوك... قوم!”
- تخرج الكاميرا من المنزل بطريقة سينمائية، ونذهب الي "سيف"!
-﴿ "سيف"... يقاتل بكل شراسة... يقتل "زومبي الكرة الأمريكية" الاول، ورائه الثاني، ثم الثالث، في الرابع، الخامس!
ينظر "سيف" في قبضتيه، وينصدم! ﴾-
سيف (يأخذ نَفَسُه):
“شكلي اتحمست بزيادة... لدرجة إن ايدي الاثنين... اتجرحوا!”
(وهو يضرب الزومبي الذي خرج من تحت الأرض):
“بس انا حاسس... إني مش انا! في حاجة ناقصة، حاجة غريبة... يمكن تكون مش ناقصة، يمكن تكون بتحصلي... بس بردو ده مش انا... انا سيف، واسمي لوحده له هيبة... وانا مش هبعدها عن اسمي!”
-﴿ "سيف" يقاتل بشراسة اكثر من الاول!
يدخل "كاكتوس صغير" و "بيشوتر صغير" في القتال بطلقاتهم!
و "سيف" يقتل أكثر فأكثر!
ويظهر فجأة "زومبي الكرة الأمريكية" من خلف "سيف" من دون ما يلاحظه، وانقض عليه لأكله، ولكن…
لقطة Slow motion!
يخرج "تشومبر صغير" في تحت الزومبي ويأكل قدميه، ثم يسقط باقي الزومبي أرضاً يزحف... ثم يأكله "تشومبر صغير" بالكامل! ﴾-
تشومبر صغير (بضحكة جانبية):
“دخلت علي سيف يا مغفل... ونسيت إن تشومبر موجود... هاء هاء هاء... اللي بعده!”
- ننتقل الي داخل الآلي العملاق!
زومبوس (يراقب في صمت):
“لا لا لا... سيف طلع خطر فعلاً... بيحارب بقبضته العارية، بدون سلاح وبيقتل واحد من اقوى جنودي، زومبي الكرة الأمريكية، والنباتات الصغيرة شايفة شغلها بزيادة... انا مش عايز ادخل دلوقتي، غير لما يضعف اوي...”
- يظهر الآلي العملاق من الخارج وهو واقف في المنتصف ومن حوله يتحركون الزومبي بكل أنواعهم وأشكالهم ليهجموا علي منزل "سيف"!
- نعود للمعركة:
-﴿ يلاحظ "سيف" إنه يقتل الزومبي بكثرة، والنباتات الصغيرة تقتل زومبي كثيرين أيضاً، ولكن... عدد الزومبي يزداد بكثرة من الذين يخرجون من وسط الضباب والذين يخرجون من باطن الأرض!
فقرر أن يستعمل السلاح الذي كان علي ظهره منذ بداية المعركة... الرشاشات! ﴾-
سيف (يسحب رشاشاته):
“محتاجين نقتل اكتر واسرع... دلوقتي جه دوركم في القتال!”
- يزداد موت الزومبي بسبب رشاشات "سيف" القوية!
سيف:
“يا نباتات... زيدوا من الضرب!”
بيشوتر صغير (يطلق بكل قوته):
“انا بضرب بكل قوتي... انا شوية كمان وهموت معاهم!”
- ننتقل الي داخل الآلي العملاق!
زومبوس:
“يا سيف، يا سيف، يا سيف... انت كدا بتخلي دخولي يقرب اكتر... بس انا حابب الموضوع... لأني عايز ادخل!”
- نعود الي "سيف"!
سيف (داخل عقله):
“انا ايدي تعبت اوي... حاسس إنها هتتكسر، السلاح ثقيل... وانا ايدي مجروحة جامد... بس انا مش حاسس بيها! ودي حاجة حلوة ووحشة في نفس الوقت... بس انا عايزني افضل فاكر انا عايش وبقاتل ليه... عشان عائلتي!”
- يزداد قتل "سيف" للزومبي!
- "تشومبر صغير" يأكل الزومبي ويخرج من تحت الأرض، وسعيد بلحم الموتى!
- فجأة تزداد أعداد الزومبي بشكل ماهول جداً، ولا يمكن التعامل معهم بهذه الطريقة! ماذا سيفعل "سيف" والنباتات الصغيرة، هل سينجو... أم لا؟
سيف (جسده بدأ يضعف):
“العدد بيزيد... العدد بيزيد! زودوا الطلقات!!”
كاكتوس صغير (يبتسم ابتسامة جانبية خبيثة):
“شكلنا هنشغل الشغل العالي!”
- "كاكتوس صغير" يبدأ يطلق طلقات قصوى، طلقات سريعة جداً وكثيرة بحماس!
بيشوتر صغير (بيجيب أخره):
“مش قااااادر!”
- لكن... تأتي الرياح بما لا تشتهي السفن، "سيف"... انتهت منه الذخيرة... بالكامل! ولا يوجد زيادة!
سيف (بدأ يشعر بالخوف):
“مفيش ذخيرة! رووووك!”
- لكن... قبل استكمال النداء، يحدث شيء سيء... الزومبي! انقض علي "سيف" فجأة!
كاكتوس صغير (خائف علي سيف):
“سيف!!!”
- "سيف" علي الأرض وحوله الزومبي يحاولون أكله!
سيف (يتحدث في الخلفية، وهو علي الأرض يحاول يحمي نفسه):
“مش عايز تكون دي نهايتي... مش دلوقتي... مش وقته... انا لو مُت... العائلة هتختفي للأبد... والنباتات الصغيرة هتموت... اعمل ايه؟ في ايدي حاجة اعملها...”
- في وسط كلامه، تظهر قدم شخص يستيقظ من نومه داخل المنزل!
سيف (في الخلفية):
“لازم حد يلحقني... النباتات الصغيرة بتعمل اللي عليها، ومش هتقدر تلحقني... مروان! يارب يكون قام... بس صعبة، صعبة... شكلها النهاية...”
- الشخص يقف علي قدميه، وجسده لم يظهر بعد!
سيف (في الخلفية):
“هجمع كل قوتي لمحاولة أخيرة لحماية نفسي... الدنيا بتثبت إني الواحد مهما كان وراه شخص يحميه، لازم يجي الوقت اللي يعتمد علي نفسه!”
شخص غريب (بصوت عالي وعفوي):
“محدش هيموت وانا عاييييش!!!”
سيف (مصدوم):
“ايه الصوت ده! الصوت ده مش غريب!”
زومبوس (داخل الآلي العملاق، مصدوم):
“ازاي؟ مش وقته إنه يظهر... مش جاهزين لوجوده!”
بيشوتر صغير (وهو مرهق، ينصدم):
“مين ده؟... ايه!”
الشخص الغريب (بقوة كبيرة في صوته):
“لااااااا!!!”
- يظهر الشخص الغريب وهو يحمل سلاح رشاش *مدفع رشاش أو ماشين جان* ويطلق وابل من الطلقات القوية!
- والزومبي؟... يموتون بكميات ضخمة!
- الزومبي حول "سيف"... ماتوا! "سيف" أصبح حُر!
سيف (ينظر للشخص الغريب، وهو سعيد):
“ايوه... انا كنت واثق فيك!”
- يظهر الشخص الغريب أخيراً... وهو... "مروان"!
مروان (يقترب من سيف، ويمد له يده):
“متقلقش يا سيف... انا موجود!”
- يمد "سيف" يده لـ"مروان"، ويقف مجدداً!
سيف (بسعادة):
“انا واثق في ربنا إنك هترجع!”
مروان:
“شوف يا أخي القدر... جمعني بيك تاني... يا اقرع!”
سيف:
“اقرع؟! انت اهبل ياعم انت، لا، فوق وتعالى نتكلم!”
عباد الشمس صغيرة (وصلت إليهم):
“مش وقته خناق، ركزوا في القتال.”
مروان (ينظر لسيف):
“عندها حق، صح؟”
سيف:
“مش وقته بصراحة... بس انا عايز سلاح، وايدي باظت!”
عباد الشمس صغيرة (تُخرج شيء من داخل حسدها):
“جاهزة دايماً يا سيف، خُد.”
- يأخذ "سيف" الشيء، ويتضح أنه ريست، يتلبس في الكفين ليجعل الأوتار اقوى!
سيف:
“شكراً... وفين روك؟”
عباد الشمس صغيرة:
“روك!”
- يظهر الكلب "روك" وهو يحمل سيف الكاتانا، واعطاه لـ"سيف"!
سيف (يأخد السيف):
“انتوا متابعين كل حاجة بقا! شكراً.”
عباد الشمس صغيرة:
“مش وقته شُكر يا سيف، ركز في القتال، خش في المود!”
سيف (تعود له الثقة مجدداً):
“تمام... يا مروان... يا نباتات... اجهزوا، المعركة هتبدأ دلوقتي! (بإبتسامة جانبية خبيثة)”
- النباتات الصغيرة من نوع "تشومبر صغير" و "بومبر صغير" يهجمون علي الزومبي، و "مروان" يجهز ذخيرة سلاحه "ماشين جان"، و "سيف" يلوح بالسيفين ويُجهز يديه للحركة السريعة، ثم يركض!
- وهنا تشتغل موسيقى { Brainiac Maniac (PVZ) } في الخلفية!
- النباتات الصغيرة قائمة بدورها بشكل ممتاز! و "مروان" سعيد بسلاحه القوي والسريع، ويضحك بجنون!
مروان (بضحكة مجنونة):
“زومبي مين والناس نايمين، ده احنا مصريين يلاااا!”
كاكتوس صغير (يمزح، ويضحك):
“كان نفسي زومبي يظهر فجأة وتترعب، كانت هتبقى لقطة جامدة... بس سيف قايم بالواجب!”
مروان:
“بس يا حبيبي.”
- و "سيف" يقتل الزومبي بكل مهارة وسلاسة، ولكن... في عالم آخر... عقله متوقف عن التفكير بكل شيء إلا... الفوز!
- ننتقل الي داخل الآلي العملاق، عند "زومبوس".
زومبوس:
“انا هغير الخطة... زي ما الاحداث بتتغير... انا لازم ادخل!”
- يبدأ "زومبوس" بالتحرك بالآلي العملاق!
مروان (مصدوم... قليلاً):
“اللي بيتحرك ده اكيد زعيم الزومبي!”
كاكتوس صغير (مصدوم... جداً):
“انا كنت عايز زومبي عادي يظهر ويخوفك، بس شكل الزعيم داخل بنفسه!”
مروان:
“يبقى هو الزعيم زي ما انا قولت... عيب عليا!”
- "سيف"... يلاحظ تحرك الآلي العملاق، ولكن! ما ردة فعله؟ ماذا قال؟
سيف (داخل عقله، وهو يُقاتل):
“النهاية قربت، والمعركة اتحررت...”
(بصوت عالي):
“يا جدعان! كله يزيد من هجومه ويركز علي الزومبي!”
مروان (لـكاكتوس):
“هو سيف هيعمل ايه؟”
كاكتوس صغير:
“عايز يدخل لوحده علي زومبوس.”
مروان:
“اممم، تمام... مين زومبوس؟”
- يخرج "تشومبر صغير" من تحت الأرض بجانبهم.
تشومبر صغير:
“زعيم الزومبي... بس هو سيف متأكد إنه هيقدر عليه لوحده!”
كاكتوس صغير (بتركيز عميق):
“لا... سيف هيحتاج دعم... لأن كلنا قرأنا خطة زومبوس في البداية، إنه يدخل بعد ما يضعفنا بهجوم الزومبي، ودي كانت واضحة اوي... بس هو داخل دلوقتي وقت ما احنا في عز قوتنا... هو كدا شافنا بنزيد قوة، مش بنقل... وده معناه تغيير في الخطة، وسيف مش مضمون قتاله قدامه، وهيحتاج حد معاه!”
عباد الشمس صغيرة (تدخل وسط المحادثة):
“انت طلعت ذكي وعميق... بس هتبقى افضل بكتير لو بدأت بإطلاق الصبار الحاد عليهم!”
مروان (بيحاول يفهم):
“يعني كدا سيف في خطر؟ ولا هو هيحتاج حد معاه لما الحوت ده يقابله؟”
كاكتوس صغير (طريقة كلامه عميقة):
“ايوه، هو ده التشبيه المطلوب، زومبوس هو الحوت... واحنا مجرد سمك بالنسبة له!”
مروان (زهق):
“ياعم راعي إني لسه صاحي من النوم ومش فايق، وقولي المغزى من كلامك.”
عباد الشمس صغيرة:
“مروان، خليك جاهز في أي وقت سيف يحتاجك فيه، تمام؟”
- ننتقل الي وسط المعركة، عند "سيف" ونباتات "بومبر صغير".
سيف:
“نبات البومبر، تقدروا تعملوا وابل قنابل مفاجئ؟”
- نبات "بومبر صغير" لا يتحدث في عادته، فكل من سمع كلام "سيف"، حركوا رؤوسهم بالموافقة، وبدأ إطلاق الوابل المنفجر الضخم!
- وابل القنابل مفعوله عالي، لدرجة أن "سيف" وقف مكانه لا يهجم وقت إنطلاق الوابل... ويُشاهد في صمت!
- ولكن... "سيف"... لماذا تنظر هكذا لساحة القتال؟ هل حدث شيء؟... لا، بل شيء غريب!
سيف (مصدوم صدمة قلق):
“ازاي؟ هو الوابل عمل كدا بجد؟! ولا كان كل الزومبي دول مجرد وهم!... هو ايه اللي بيحصل؟!”
- نلاحظ صدمة "سيف" في منظر هجوم الزومبي... الوابل قادر علي تدمير جزء كبير من الزومبي، ولكن... كيف تم تدمير الزومبي من أمام "سيف" حتى أمام الآلي العملاق! دي مساحة كبيرة تم تفريغها بهذه السرعة!
- الآلي العملاق تزداد سرعته، ويبدأ بالركض الي "سيف"!
سيف (داخل عقله):
“مش مهم... المهم الزومبوس!”
- وهنا أخيراً يبدأ "سيف" بالركض جهة "زومبوس"، والعكس صحيح!
مروان (قلقان علي سيف):
“ادخل اساعده ولا استنى؟”
عباد الشمس صغيرة:
“لا استنى... الدخول القوي، لازم يجي في اللحظة المناسبة... لأن دي المعركة النهائية... مش قتال عادي!”
مروان:
“هو انا يوم ما اصحى ادخل في قتال، وألاقي نباتات فلاسفة بيكلموني! لا حول ولا قوة إلا بالله.”
- محادثة مزدوجة:
سيف (في الخلفية):
“جايلك يا زومبوس!”
زومبوس (في الخلفية):
“جايلك يا سيف!”
- وتصل اللحظة المنتظرة، تجهيز الآلي العملاق يده للضرب، وقفزت "سيف" العالية لـصد الآلي بسيفه!
- ينقطع المشهد هنا... وينتقل لـما بين الأبعاد!
- في البوابة المكانية الزمانية، نرى انتقال أبطال النباتات من خلاله!
إسنو بي:
“احنا هنتأخر شكلنا!”
ريبيتر:
“مش مهم، المهم نوصل ونلحق الموقف... بس صحيح هو كرايزي ديڤ عارف بـتحرُكنا!”
عباد الشمس:
“هو اللي مديني الأمر بالتحرك وقت وصول الإشعاع.”
بيشوتر:
“الاهم من ده كله، نوصل قبل ما سيف يشتبك مع زومبوس، لأنه مهما كان إنسان مش قد حتى نسخة من زعيم الزومبي!”
كاكتوس:
“معتقدش إنك بتتكلم صح... انا شوفت في سيف وقت ما كنا هنمشي إنه مش متقبل مصيره الحالي... وعايز يثبت نفسه، لأنه حاسي إن نفسه كانت ضعيفة في الماضي، بس لحد دلوقتي مكشفش الموضوع قدام حد، ولا حتى المُشاهد!”
تشومبر:
“ده يطلع مين المُشاهد؟”
كاكتوس:
“متركزش في كلامي.”
*توضيح: دي محاولة كسر الجدار الرابع!*
عباد الشمس:
“خلونا مركزين في مهمتنا، وبلاش كلام جانبي دلوقتي.”
- تزداد سرعتهم في الإنتقال بين الأبعاد... ويعود المشهد الي الأرض، لحظة الضربة الأولى!
- قبضة الآلي العملاق في الأرض بقوة... لكن هل ضربته الأولى نجحت؟... لا!
- "سيف" ظهر وهو ينزل علي ذراع الآلي العملاق (بسبب قفزته العالية قدر ينزل علي الذراع ويبتعد عن الضربة)، ويبدأ بالركض علي الذراع للوصول الي "زومبوس"، وسلاحه يرفرف في يده اليمنى!
زومبوس (بإبتسامة خبيثة):
“أوووه! انت ذكي فعلاً يا سيف...”
- فجأة تظهر يد العملاق اليسرى، و "سيف" ينصدم من ذلك، بسبب عدم تركيزه مع الآلي العملاق!
- وهذه الضربة تنجح في إبعاد "سيف" عن الآلي!
سيف (وهو واقع أرضاً، ومصدوم من نفسه):
“انا ازاي مركزتش!”
- ولكن... لا كلام زيادة، ولا لحظة هدوء... يد الآلي اليمنى تنزل علي "سيف" وتبعد سيفه عنه، وأصبح "سيف" مُحاصر بين يد الآلي!
زومبوس:
“يا سيف، يا سيف، يا سيف... مش عايزك تتسرع قدام زعيم... انت لسه جديد علي حربنا دي... 20 سنة!... كويس، بس الحرب دي شغالة من أكثر من 5 قرون يا سيف... وأحب أودعك...”
مروان (واقف خائف):
“ادخل دلوقتي؟”
كاكتوس صغير و عباد الشمس صغيرة (في نفس الوقت):
“لا!”
زومبوس (يبتسم، وينظر لسيف):
“وداع عذاب، بس ممتاز... بالنسبة لبدايتك يا...”
سيف (يتحدث فجأة بثقة):
“استنى... انت نسيت حاجة... انا إنسان، ودي إيد آلي ضخم... وانا جسمي صغير، يعني قادر اعمل كدا!”
- يتحرك "سيف" من تحت يد الآلي العملاق، ويأخذ سيفه ويستعد للقتال مجدداً!
سيف (بإبتسامة ثقة):
“يا زومبوس، يا زومبوس، يا زومبوس... مش عايزك تتسرع في الحُكم عليا... لأن بالنسبة لأني مبتدئ في الحرب دي... ولكن من مكاني ده... بعلن عن بداية الجولة التانية مابيننا!”
- "زومبوس" يشعر بالغيرة والغضب، بسبب استخدام "سيف" لما قاله له ضده!
سيف (بنفس الإبتسامة):
“عايزين نولعها حماس!... دي جملة قالها محارب ذات مرة... اسمه سيف سايرو... في رواية The demon of Sairo!”
(بإبتسامة خبيثة، ونبرة هادئ):
“ودي روايتي!”
- وتبدأ الجولة الثانية في المعركة النهائية، ببداية موسيقى { Ultimate Battle }!
- نلاحظ وصول مجموعات كبيرة جديدة من الزومبي!
مروان (يبدأ بإطلاق النار مجدداً):
“يا جدعان، ركزوا مع الزومبي زي ما سيف قال... وسيبوا سيف... انا هحارب وأركز معاه.”
- تبدأ كل النباتات الصغيرة بقتال الزومبي مجدداً، والذين يقفوا بين هذا القتال هم... "سيف" و "زومبوس"!
القتال المنتظر، الجولة الثانية:
-﴿ - "سيف" بيقرر يبادر بالضربة الأولى... ولكن كان "زومبوس" في المرصاد، وضرب "سيف" بيد الآلي!
- و "زومبوس" إعتقد أنه نال منه... لكن "سيف" كان لديه رأي آخر!
- يلتف "سيف" حول يد الآلي، ويقدر أن يصل الي قدم الآلي... وهذه كانت خطته كبداية الجولة الثانية! ﴾-
زومبوس (مستغرب):
“هو ناوي يعمل ايه؟ هو مش عارف إني بحس بأي لمسة حد يلمسها للآلي؟!”
- "سيف" يتسلق قدم الآلي بسيف الكاتانا، يضرب قدم الآلي بالقدم ليتعلق علي قدمه!
- لكن "زومبوس" يمد يد الآلي ويمسك بـ"سيف" ويرفعه أمام وجهه!
زومبوس:
“محاولة جيدة!...”
(يفتح الخوذة الخاصة بالآلي ويظهر زومبوس لأول مرة أمام سيف):
“بس انا أذكى منك!”
سيف (بكل سخرية وثقة):
“هو ده بقا الكائن اللي كله عمال يتكلم عليه؟... ده انت لو جيتلي راجل لراجل مش هتعب في قتلك!”
زومبوس (يغضب):
“بلاش تستقل باللي قدامك، لأني اللي قدامك قادر علي قطع لسانك!”
- "زومبوس" يلقي "سيف" بقوة علي الأرض!
سيف (يتألم):
“متوقعتش إنه يغضب اوي كدا!”
- فجأة! يد الآلي تنزل علي "سيف"... و "سيف" يتفادى الضربة في آخر لحظة... ويقف علي قدميه مجدداً!
- يحاول "سيف" أن يهجم مجدداً علي الآلي العملاق، ولكن... يوجد شيء جعله يتوقف مكانه للحظة، ثم يغير إتجاه حركته من الهجوم، الي الدفاع!
- "سيف" يلاحظ وجود نبتة "بومبر صغير" تحاول مساعدته وتلقي القنابل علي قدم الآلي (ولكن بلا ضرر)، فقرر "سيف" إنقاذ هذه النبتة بعد رؤيته لقدم الآلي متجهة نحو هذه النبتة لقتلها!
- "سيف" يركض، ويرمي سيفه، ويقفز تحت قدم الآلي وينقذ النبتة ويبعدها عن القتال، ولكن... ينظر "سيف" خلفه وهو ليس معه سيفه، ويرى قدم الآلي فوقه مباشرة، ولا يوجد مجال للهرب!
- "زومبوس" إعتقد أنه نال منه... ولكن فعلاً هذه مرة نال منه وبشدة!
- نرى الكلب "روك" يترك قتل الزومبي، وينبح بقوة لـ"مروان"... و "مروان" والنباتات الصغيرة يلاحظون مع حدث لـ"سيف"، و "مروان" أخذ قرار خطير ومهم من نفسه وتحرك فوراً دون أي كلمة!
- يرفع "زومبوس" قدم الآلي من فوق "سيف"، ونرى "سيف" ملتصق بالأرض، يتنفس بصعوبة، وينزف بشدة، وغير قادر علي الرؤية بشكل واضح، وأصبح يشعر بالدوار الشديد!
زومبوس (بسخرية واثقة):
“ياه يا سيف... كان نفسي نكمل للجولة الثالثة، زي ما كان متخطط له... بس هي دي مقدرتك... الجولة الثانية، مع إن الجولة الأولى متعتبرش جولة بسبب سرعتها، بس ده هو آخرك!”
- ثم يضحك "زومبوس" ضحكته الشريرة، وينزل بقدم الآلي علي "سيف" بالضربة القاضية!
- لكن... يأتي وابل من الطلقات القوية علي قدم الآلي، ويتأذى الآلي بشدة لدرجة أن "زومبوس" إضطر أن يبعد قدم الآلي قبل أن تتدمر... ويتضح أن هذه هي طلقات سلاح "مروان"!
مروان:
“متقلقش يا كومبوز... انا موجود يبقى هيكون في جولة ثالثة بينك وبين سيف!”
زومبوس:
“وانا هخليك تندم علي نُطقك لاسمي غلط.”
مروان:
“ده مش قبل ما سيف يفوق!”
- ينظر الجميع فجأة علي الأرض، ونرى أن "سيف" وقف مجدداً وتحرك وأخذ سلاحه بصعوبة شديدة، وتأهب لصد أي ضربة من الآلي!
مروان (بصوت عالي):
“روك!!!”
- يصل الكلب "روك" الي "سيف" وهو معه سيف كاتانا آخر... من أين أتى به، لا أعرف يعرف، حتى "سيف" انصدم!
- وفي هذه اللحظة، يصل من كان يجب عليهم الوصول منذ فترة... أب**ل الن**تا*!
- يظهر شعاع طاقة بُعدية من السماء، يضرب الأرض بقوة... والصمت حل... والجميع في حيرة!
زومبوس (مصدوم):
“د-دول هما!
(بغضب): عرفوا منين؟!”
*توضيح: زومبوس كان يعتقد أن لا أحد يعرف موعد هجومه!*
عباد الشمس صغيرة (مبتسمة):
“دول هما...”
كاكتوس صغير (منبهر):
“أبطال النباتات!”
- يختفي الشعاع، ويظهر أبطال النباتات "عباد الشمس" "بيشوتر" "تشومبر" "كاكتوس" "ريبيتر" "إسنو بي".
ريبيتر (غاضب):
“زومبوزو... لعبتك انتهت هنا!”
مروان (مستغرب):
“هو مش كان اسمه كومبوس او لومبوس؟!”
ريبيتر:
“اسمه زومبوس، وده نوع من زعماء الزومبي... بس زومبوزو ده أساسه، نوع أعلى منه!”
سيف (داخل عقله):
“ده في أنواع من الزعماء... انا كدا فهمت أكتر عن جملة زومبوس ليا... إني انا جديد في الحرب!”
عباد الشمس (مصدومة من شكل سيف بالدماء):
“سيف، احنا آسفين علي التأخير ده، وآسفين علي اللي حصلك، انت كويس؟”
سيف:
“كويس... بس انا مكنتش عايزكم تيجوا!”
- ينصدم الجميع من كلام "سيف"! هل فعلاً يقصد ما يقوله؟!
تشومبر (يغضب من جملة سيف):
“قصدك ايه؟”
سيف (مبتسم ابتسامة ليس وقتها، ولكن عميقة):
“مش قصدي إساءة... بس انا عايز أكمل المعركة... لوحدي!”
صدمة جماعية:
النباتات الصغيرة: لوحدك!
أبطال النباتات: لوحدك!
زومبوس: لوحدك!
مروان (يلعب في أنفه، وغير منتبه): في ايه؟
سيف (بوجه حاد):
“ايوه، محدش هيفهم اللي انا عايز اعمله... بس كله هيفهم في النهاية... وانا عايزكم ورايا كدعم... وكمهاجمين... وكأبطال!”
عباد الشمس صغيرة:
“بطلة عباد الشمس، سيف عنده حق، وكلنا واثقين فيه، هو قائدنا، لأنه أثبت ده... ف أرجوكم محدش يضايق منه، وأمشوا وراه المرة دي!”
ريبيتر (غاضب):
“احنا نمشي ورا ده! ده احنا أبطال!”
عباد الشمس (بكل هدوء):
“تمام يا سيف... كلنا في ضهرك.”
ريبيتر (مصدوم، يُحدث نفسه):
“هو انا لسه ماجتش ولا ايه!”
سيف (ينظر الي زومبوس والزومبي):
“تمام يا زومبوس... أحب أعلن لك للمرة التانية...”
- أبطال النباتات، النباتات الصغيرة، "مروان"، كلهم متأهبين للهجوم، وواقفين خلف "سيف"!
سيف (بإبتسامة نارية):
“دي بداية الجولة الثالثة!”
- تشتغل موسيقى ﴿ PVZ Dr. Zombos ﴾!
- يغضب "زومبوس"، ويعطي أمر لجيش الزومبي، وهو: "هجوم كامل، قتل مباشر!".
- يتحرك جيش الزومبي بقيادة "زومبوس" بالآلي العملاق، وتتحرك جميع النباتات ومعهم "مروان" بقيادة "سيف"!
- وهنا تبدأ الجولة الثالثة، والأخيرة!
- طلقات نارية كثيفة *مروان، والماشين جان*، هجوم نباتي *النباتات الصغيرة*، هجوم قوي ومتحرك وقاتل *أبطال النباتات*، والزومبي في مأزق، والنباتات تزداد قوة!
- يضرب الآلي العملاق ضربة في الأرض، "سيف" يتفاداها، يتحرك "سيف" بسرعة بالسيفين، ويضرب الأول قدم الآلي العملاق، ويبدأ بالتسلق وإظهار مهاراته الدفينة!
- يضرب "سيف" يد الآلي علي قدمه، لكي يُبعد "سيف"، ولكن "سيف" كان مركز هذه المرة، وقفز علي يد الآلي وتسلقها!
- وقبل تحريك الآلي يده بقوة، قرأ "سيف" الحركة، وقفز عند وسط الآلي العملاق!
سيف (بصوت عالي):
“مروان!!! إضرب!!!”
مروان:
“من عينيا!”
- يطلق "مروان" علي جسد الآلي كله، وكان كاد أن يُصيب "سيف" في كتفه!
سيف (بصوت عالي):
“ماتركز ياعم!”
مروان (بصوت عالي جداً):
“لامؤاخذة!”
عباد الشمس (لاحظت سيف):
“شكل عباد الشمس الصغيرة عندها حق... سيف مش بيستسلم بسهولة!”
- يقرر "سيف" أن يستعمل كامل قوته ليتسلق بشكل أسرع، وكان "زومبوس" يضرب يد الآلي علي كل مكان في جسد الآلي ليُصيب "سيف"!
زومبوس (بغضب):
“ماتفتكرش إنك كدا تقدر تنافسني... انا مازلت زومبوس!”
- يستعمل "زومبوس" شيء لم يستعمله من قبل! وهو... التحكم العقلي!
زومبوس (يتحكم في واحد من أقوى الزومبي):
“يا زومبي الضخم، إرموا صغاركم علي سيف!”
- يبدأ فعلاً كل زومبي من نوع الضخم يرمي صغيره من السلة علي مكان تواجد "سيف" علي الآلي!
سيف (يعبر أحد صغار الزومبي من فوقه):
“مش وقتكم خالص!”
إسنو بي:
“يا نباتات، كله يهجم علي الزومبي الضخم!”
تشومبر (بإبتسامة خبيثة):
“خليكم... سيبوا المهمة دي عليا!”
- يهجم البطل "تشومبر" علي الزومبي الضخم، ويُسقطهم واحد تلو الآخر، ولكن مازال عددهم كبير!
زومبوس:
“ده الوقت المناسب.”
- تتحرك يد الآلي وتمسك بـ"سيف"، و "سيف" يترك سيوفه مُعلقة في جسد الآلي العملاق!
ريبيتر (مستغرب):
“هو ازاي مسك سيف، وسيف جسمه صغير يقدر يهرب!”
كاكتوس صغير:
“يمكن تكون دي خطة!”
زومبوس (بسعادة مطلقة):
“افهم بقا يا سيف... مفيش وجه مقارنة مابيننا، ولا حتى اقتراب في القوة!”
سيف (بلامبالاة):
“بس في فرق ذكاء!”
- ينصدم "زومبوس" من هذه الجملة!
سيف:
“انت نسيت إن جسمي صغير قادر علي الهرب من إيد الآلي.. وماتفكرش لأني ماسك في صوابع الآلي وموقعتش!”
- يتسلق "سيف" يد الآلي، ويركض علي ذراعه ويصل الي سيوفه، ويستكمل التسلق... وهذا كله مازال "زومبوس" لم يستوعب الحركة!
زومبوس (يغضب أكثر):
“بس بردو مش هسيبك!”
عباد الشمس (تضرب أحد الزومبي، ثم تلاحظ سيف):
“ده قائد حقيقي!”
ريبيتر:
“وجهة نظرك بس.”
عباد الشمس:
“شكلنا هنكسب بسببه.”
ريبيتر (ينصدم):
“ايه!!!”
- يصل "سيف" الي رقبة الآلي، وهنا أصبح الآلي غير قادر علي مجاراة "سيف" في الحركة!
- ولكن هنا يستخدم "زومبوس" ورقته الرابحة... الدرع الحاد!
تحول الآلي:
-﴿ يبدأ جسد الآلي بإخراج سنون حادة، وأحد هذه السنون إخترقت بطن "سيف" وهو متعلقة في رقبة الآلي! ﴾-
- يعلق جسد "سيف" في هذا الدرع الحاد!... والدماء؟ تسقط علي الأرض من مسافة كبيرة!
- "سيف" أصبح غير قادر علي الحركة بتاتاً!
زومبوس (بنبرته الخبيثة):
“انت فكرتني يا سيف... انت مجرد إنسان، يعني جسمك أضعف من جسم الزومبي... وده غباء منك إنك فكرتني... وده هو الفرق بين الغباء... والذكاء!”
- ينصدم الجميع من ما حدث لـ"سيف"، وكلهم في فم واحد: "سيف!!!".
زومبوس (بغرور شديد):
“دي النهاية يا سيف، وده مصيرك.. ومفيش طريقة للتحكم بالقدر!”
سيف:
“دايماً القدر بيعمي الشخص، عشان يبين قدرته الحقيقية!”
- ينصدم "زومبوس"، والجميع يترقب ماذا سيحدث!
زومبوس (يشعر بالقلق):
“لكن... ازاي؟!”
سيف (عينه بدأت تتحول لشكل غريب):
“كلامك عن القدر صح يا زومبوس... وفعلاً مفيش حد يقدر يتحكم في قدره... حتى انا!”
- يزداد قلق وتوتر "زومبوس"!
سيف (شيء غريب يحدث في جسده):
“انا ككائن طبيعي، شايف قدري في اللحظة دي الموت... بس ربنا كاتبلي عكس كدا... ولتاني مرة، مفيش حد يقدر يتحكم في قدره... حتى انت!”
- يحدث صمت مفاجئ، موجة الضباب المظلم تبتعد عن المكان، و "سيف"... تظهر ورقته الرابحة، وهو كان لا يعلم بوجودها!
سيف (داخل عقله):
“في حاجة غريبة بتحصل في جسمي... الحاجة بتفكرني بأفلام الخيال... بس الفرق إني بحسها!”
زومبوس (يحاول يخفي توتره):
“المعركة تحت سيطرتي... انت تحت قبضتي!”
سيف (بكل برود وهدوء):
“مش صح... انت لسه مقرأتش اللي بيحصل... ده انا قرأته…
(بإبتسامة خبيثة):
وانا معرفهوش!”
إسنو بي:
“هو ايه اللي بيحصله؟”
بيشوتر:
“هو سيف كان عنده قوة خفية؟!”
- تظهر هالة سوداء حول "سيف" بالكامل... والسؤال، هل هو حقاً خارق؟ وهل هذا الشيء له علاقة بماضيه الخفي؟
- فجأة!... المشهد... ماذا يحدث به؟... هل المؤلف يعرف بهذا التحول؟
سيف (صوته في الخلفية):
“المشهد ذات نفسه... بيتغير!... غريبة... مريبة... نفسي افهم... نفسي احاول... نفسي اعيش!”
- تشويش في المشهد... فجوة في الكون... تقترب الكاميرا من وجه "سيف" المليء بالدماء... يتحول شكله الي شكل شخص مرعب... وجهه عبارة عن: هيكل عظمي، جزء بسيط به جلد إنسان متحول، دماء متجمدة، عين حمراء والأخرى ميتة!... يُدعى "الشخص الميت" *اسم مبدأي!*.
الشخص الميت (بصوت هادء وبارد، يتحدث في عقل سيف):
“يا سيف... افتكر انت ايه... انا انت... بس انا الفاشل، الضايع، الواقع... الميت!... افتكر يا سيف انت ايه... افتكر انت كنت ايه... افتكر يا سيف... افتكر...”
« صوت متكرر يتلاشى: "افتكر... افتكر... افتكر!" »
- يعود المشهد لطبيعته علي وجه "سيف"!
سيف (يتحدث في عقله):
“انا... بحاول افتكر... بحاول... بس مش عارف!”
(يتحدث لزومبوس، بضحكة شخص فاقد لكل شيء):
“يا زومبوس... أحب أحييك... انا كنت فاقد عائلتي وماضيا... بس دلوقتي... بقيت فاقد نفسي!”
مروان (خائف قليلاً):
“يا جماعة... هو ايه اللي بيحصل لسيف؟... كل ده ساكت وزومبوس عمال يتجنن اكتر!”
*ملحوظة: سيف يتحدث مع زومبوس بصوت هادئ، لا يوجد شخص من باقي الشخصيات يسمعه!*
ريبيتر (مصدوم من شيء آخر):
“غريبة!”
مروان (ينظر لـريبيتر):
“ايوه، صح؟ انا قولت كدا بردو.”
ريبيتر (تعابيره تعطي قلق لا تفاؤل):
“لا، مش عليهم...”
- ينصدم "مروان"، ولا يفهم ما يقصده، "ريبيتر"!
مروان:
“قصدك ايه؟”
ريبيتر (بنبرة بارد وقلق):
“الزومبي... اختفوا!”
مروان (لاحظ فعلاً إختفاء الزومبي من المنطقة كلها):
“اختفوا!... انا المفروض اعمل ايه دلوقتي؟”
- حتى "مروان" لا يُدرك شيء!
زومبوس (اقترب من الوصول لمرحلة الجنون والخوف معاً):
“يا سيف... متقولش كلام اكبر منك ومنهم...”
سيف (ينظر الي يديه):
“انت نسيت كلمة كمان...”
- يتحول وجه "زومبوس" الي تعابير الخطر أو الرعب!
سيف (ينظر أمامه بشكل مفاجئ):
“انت!”
*توضيح: كلمة "انت" سيف يقصد أن زومبوس نسى يقولها في جملته!*
سيف (يبرق بقوة):
“انا جاي... انا راجع... متزعلش... انت اللي رجعتني!”
- يتحرك وجه "سيف" بشكل غريب ومريب! ويفعل حركات غير طبيعية!... ويتحول وجهه لألوان عديدة وغريبة، وفجأة تتلائم جروحه ونرى أن الدرع الحاد الذي اخترق جسده، اول ما يخرج من جسده، الجرح سيختفي!
سيف (يشعر بألم شديد):
“عاااااااااا!!!”
مروان (خائف علي سيف):
“سيف!!!”
عباد الشمس (تشعُر بشيء ما):
“استنى يا مروان... سيف بيتحول!”
مروان (بغضب):
“بيتحول ايه! ده إنسان مش زومبي!”
عباد الشمس:
“مش دي الفكرة... انت فاكر ماضيكم؟”
مروان:
“لا، طبعاً.”
عباد الشمس (بدأت تفهم شيء لم يلاحظه الجميع):
“التحول ده... له علاقة بماضيه وآلامه... سيف قدر يجمع كل ذكرياته الوحشة اللي مش فاكرها، وحولها لقوة قادرة علي حمايته علي الاقل في المعركة دي!”
مروان (يحاول يفهم):
“دي حاجة حلوة يعني؟”
عباد الشمس:
“ايوه... واستنى، محدش يتدخل... سيب سيف يحاول!”
- فجأة... "سيف" يفعل حركة غير متوقعة البتة!
زومبوس (مصدوم ومرعوب):
“سيف!... هو راح فين؟”
- "سيف" هنا... اختفى فجأة، وسيوفه المعلقين في الآلي اختفوا ايضاً! اين ذهبوا؟
- تشتغل موسيقى حماسية!
- "سيف" يظهر أمام وجه الآلي وكأنه يطير، وكان مربع قدميه، وينظر نظرة قاتلة لـ"زومبوس"، وسيوفه الاثنين عامل بيهم حاجز أمامه!
زومبوس (في قمة خوفه، لأنه يعرف معنى هذه الحركة):
“ازاي؟ عرف يعمل الحركة دي ازاي؟ وجرحه... اختفى!”
- "سيف" ينقض بسرعة ماهولة علي وجه الآلي، ويضرب السيفين في وجه الآلي ويقف عليهم، ويبدأ بكسر الجزء العلوي من رأس الآلي... حركة مجنونة!
- فعلاً، يقدر "سيف" بخلع وكسر الجزء العلوي من رأس الآلي، ويرميه أرضاً، يسحب "سيف" سيوفه، ويدخل الي "زومبوس" وجهاً لوجه، يضرب سيفه في جهاز التحكم في الآلي، والآلي يتعطل بالكامل!
مروان (مصدوم):
“يابن اللعيبة يا سيف!”
- يمسك "سيف" رأس "زومبوس" ويضربه في حافة رأس الآلي، ثم يترك سيفه الآخر، يقع أرضاً!
سيف (هدوء قاتل، برود مُجمد، نظرة قاتلة):
“زومبوس... سؤال... والرد غطاه.”
*الكل متوقع سؤال عن ماضي سيف، هل فعلاً سيكون السؤال هكذا؟*
- "زومبوس" في حالة صمت من كثرة رعبه!
سيف (وجه جاد وحاد):
“مين...”
- كلمة تهز كل من يسمعها!
سيف (يضرب بسؤال غير متوقع):
“مين اللي بدأ الحرب؟”
زومبوس (الخوف يختفي، ويضحك ضحكة مريبة):
“اللي بدأ الحرب... انت هتقابله... بس مش دلوقتي!”
سيف (يشعر بتوتر غريب، ومن قوة غضبه يضرب رأس زومبوس في حافة رأس الآلي بقوة):
“قولي معلومة او سر يفيدني!”
زومبوس:
“هقولك... بس هحطك علي اول الطريق... انا مش زومبوس... انا نسخة منه... مجرد عبد!”
سيف (ينصدم):
“عبد!”
زومبوس:
“الحقيقة مش في اللي جاي يا سيف... الحقيقة في دماغك... في اعمق جزء في دماغك... ودماغك اصلاً بعد دراسة 20 سنة في الخفاء... أحب أأكدلك إنها... واحدة من اعمق الأدمغة اللي شوفتها في حياتي!”
- يغضب "سيف" لسبب مجهول، ولم يستكمل الكلام!
- يضرب "سيف" "زومبوس" بقوة بقبضته اليمنى!
- توقف "سيف" فجأة عن الضرب، و "زومبوس" ينزف بقوة وعلي حافة الموت!
- يتركه "سيف" ويتحرك بعيداً!
زومبوس:
“يا سيف، يا سيف، يا سيف... انا كنت حاجز... اللي جاي بعد موتي... هو موتك!”
- "سيف" يشد الأجزاء... وفي هفوة بدون ملاحظة أحد له! يسحب سيفه ويقطع رأس "زومبوس"!
كاكتوس:
“الآلي يسقط!”
- الآلي العملاق يسقط علي الأرض تدريجياً!
سيف (لجثة زومبوس):
“تمام... خدت منك كل ما هو مفيد... وقطع راسك... رد فعل علي هجوم الزومبي!”
مروان (بصوت عالي):
“يا سييييف!!! الآلي يسقط!!!”
- يلاحظ "سيف" سقوط الآلي العملاق! يتحرك بسرعة، يسحب سيفه الآخر من جهاز التحكم، ثم يركض علي جسد الآلي وهو يسقط!
- قفز "سيف" من عند قدم الآلي العملاق، والآلي... سقط أرضاً مُدمراً، و "سيف"... نزل علي ركبته أمام باقي الأبطال!
- *وهنا رسمياً، نهاية الجولة الثالثة... ونهاية المعركة النهائية!*
- ينظر "سيف" لكل الأبطال في لحظة صمت والغبار حولهم!
- وفجأة... الجميع يصفق بقوة!
- "سيف" سعيد، ونهاية مميزة... ولكن ناقص شيء واحد... مفاجأة "كرايزي ديڤ"!
مروان (مندهش):
“عاش يا سيف!”
عباد الشمس:
“سيف، قبل أي حاجة... بص... وقعت ورقة من الآلي علي الأرض!”
- يقترب "سيف" من الورقة، ويأخذها، يفتحها، ويقرأها!
*توضيح: هذه هي الرسالة الحقيقية التي ظهرت في نهاية لعبة PVZ!*
سيف (يقرأ الرسالة):
“حسنا، لقد فزت. لن نأكل الأدمغة الآن. كل ما نريده هو عمل فيديو موسيقي معك الآن... مع خالص تحيات الزومبي.”
- تشتغل موسيقى اغنية ﴿ Zombies on your Lawn ﴾ وكل النباتات تبدأ بالرقص كما حدث في الاغنية الحقيقية!
سيف (يتحدث داخل عقله):
“لحظة... هي دي مفاجأة كرايزي ديڤ ليا!... هي غريبة... وانا توقعت كشف سر او حاجة مفيدة... بس مش زعلان بردو... خلينا نفرح شوية... فرحة ما بعد الانتصار!”
مروان (يشعُر بالملل):
“ايه ده؟ ايه الهبل ده!”
عباد الشمس صغيرة:
“بس اسكت، دي اغنية الفوز الرسمية لينا.”
مروان:
“ده انا أتأكدت انها حاجة هبلة!”
- يبدأ الفيديو الموسيقي لـ﴿ Zombies on your Lawn ﴾!
عباد الشمس (بسعادة):
“افرح يا سيف، وغني معانا.”
تشومبر:
“انا مضايق... الزومبي اختفوا، مش هعرف آكل حاجة!”
تشومبر صغير:
“انا جعان.”
تشومبر:
“انا غلطان إني خليتك موجود، مكنش ينفع وجود اتنين جوعانين علي طول!”
تشومبر صغير:
“اقنعتني.”
- يقترب "مروان" من "سيف".
مروان (كسر الجدار الرابع):
“انت بجد شايف إنها احسن نهاية ياعم المؤلف؟”
*توضيح: المؤلف اسمه "سيف" علي اسم شخصية سيف!*
سيف (بإبتسامة سعادة):
“لا... بس أرفع القبعة للعبة.”
مروان (ينظر علي شعر سيف):
“انت كبرت يا سيف، شعرك بيقلب ابيض!”
سيف:
“عادي... خلينا نفرح شوية.”
- الجميع سعيد، والنباتات ترقص، و "تشومبر" جوعان، وكله تمام!
- في الليل، النباتات الصغيرة نامت، أبطال النباتات رحلوا، "سيف" و "مروان" جالسين علي سطح المنزل!
مروان:
“ولا يا سيف، الكلام اللي زومبوس قالهولك، انت هتعمل ايه؟”
سيف:
“متقلقش، هنروح لعالمهم قريب.”
مروان:
“بجد؟ دي هتبقى مغامرة جامدة!... بس هنروح ازاي؟”
سيف:
“بيني هي اللي هتروح بينا.”
مروان:
“بيني وبينك دي اغنية حلوة، بس وقته كلام عن اغاني.”
سيف:
“يابني، دي عربية بتتكلم، موجودة في الجراچ، اسمها بيني.”
مروان:
“انا مش هستغرب بصراحة، كفاية اللي انا شوفته.”
سيف:
“الوقت قريب... هنروح قريب.”
- وهنا أخيراً.. تنتهي أحداث المعركة النهائية!
*نهاية الفصل الخامس*
