رحله الى مطروح

كنا مجموعه اصدقاء في رحلة مجنونه الى بحر مطروح وكانت رحلة يوم واحد 

وبدا اليوم اننا سافرنا من البحيرة الى مطروح 

وتحرك بنا الاتوبيس الساعه 2 بعد منتصف الليل ووصلنا الساعة 7 صباحا مرسي مطروح وذهبنا الى شاطئ الغرام .

وبدا يومنا باللعلب والجرى على الشاطئ حيث اننا لم نكن نستطيع السباحة وبعد ذلك بدا مجموعه منا تحضير الفطار .

وبعد الفطار جلسنا ننظر الى الماء وشد انتباهنا لون المياه الصافية ونفسنا ننزل الميه بس خافين المهم واحد مننا شجعنا وقال ان الميه حلوه وننزل فحته قريبه ونبقا مع بعض وكلنا نمسك فايد بعض 

نزلنا ونفذنا ال قولنا علية وتيجى موجه واخدنا كلنا وتسحبنا الى داخل المياه ولم نجد تحت ارجلنا رمال او شئ نقف علية 

المهم شافنا فريق الانقاذ نزل يشدنا واحد ورا التاني كل ما يشد واحد يرجع السحب يدخله تانى 

لحد ما خرجنا كلنا  واحد ورا التاني والمنقفذ غرق بعد ما طلع اخر واحد دخل يتاكد ان مفيش حد تاني جوه 

بعد ما فوقنا من ال حصل قام مجموعه من الاصدقاء لتحضير وجبه الغداء 

وكانت وجبه جميله وممتعه وعزمنا المنقذ ياكل معانا وكان مبسبوط من الاكل اوى  

الفراغ المشوية على الفحم مع الارز البسميتي والسلطات كانت ممتعه جدا

المهم قعدنا نشرب شاي ونسمع حكايات زمان من بعضنا من ايام الطفوله ما احنا كنا اصحاب من ايام المدرسة الابتدائية 

وقدنا نبص للمية برغبه وشوق لحد ما نزلنا تانى وركبنا مركب ال فيها الموزه  كل واحد لبس لايف جاكت وركبنا على الموزه والراجل مفكرنا بنعرف نعوم  راح داخل بينا جوه البحر وراح عامل حركه دوران كده رحنا كلنا واقعين فالبحر من جوه  قعدنا نصوت ونقول للراجل بتاع المركب مبنعرفش نعوم ونضحك واللايف جاكت شايلنا فالبحر بس واقفين مكانا  بدا يرمى لينا عوامات مربوطه فالمركب وكل تلاته يمسكو فعوامه وبدا يتحرك بينا عشان يطلعنا بره  وصلنا الى الشط من بره وقلعنا اللايف جاكت وفضلنا نتفرج على البحر من بره بس ولو موجه طلعت علين واحنا قاعدين نقوم كلنا جرى عشان خايفين الميه تاخدنا تانى 

وفضلنا على الشط نلعب كوره ونسمع اغاني لحد اليوم ما خلص وبدنا نتحرك عشان نروح  نقوم نركب اتوبيس تاني غير ال كنا فية ويطلع رايح القاهرة  والناس شفتنا لما الاتوبيس اتحرك واحد منهم بيقولنا من انتو ال كل ما تنزلو الميه تغرقو وقعد يضحك علينا قال ايه ال جابكم هنا انتم مش معانا على الرحلة دى والاتوبيس قعد يضحك علينا كله وبقي شكلنا اغبياء جدا المهم نزلنا وكان متحركش كتير رجعنا ندور على الاتوبيس بتاعنا تانى لقيناه مشى روحنا قعدنا على الشط تانى والميه شكلها احلو اكتر وقت الغروب روحنا  نازلين تانى وغرقنا وطلعونا تانى وقعدو يضحكو علينا لحد ما الاتوبيس رج ياخدنا لم اتصلنا بقائد الرحله 

ومن بعدها بقينا نروح كل شهر ويحصل معانا نفس المواقف دي بس كنا بنروح كويسين ومبسوطين .

انصح اى حد متخفش وعيش واضحك وخلي هموم الدنيا وراك او دوس عليها الثانية ال بتعدي مش بترجع تانى خليك ديما مبسوط. 

اصدقاء راحو البحر يغرقو