قصة مكتب تفصيل العرسان
تقييم 0 من 5.
0 المراجعات
.مكتب تفصيل العرسان .
- (في مكتب لتفصيل العرسان)
- _أهلا بيكِ يا فندم في مكتبنا المتواضع
- =اهلا بيك…
- _إنشاء الله تكون فتحة خير
- =إن شاء الله، و أنتو صيتكو مسمع و كله بيشكر فيكو عشان كدا جيتلكوا
- _ دا شرف لينا يا فندم…
- و بعدها طلع دفتر و بدأ الكتابة و قال:
_ها بسم الله...نبدأ بالسن عشريني ولا تلاتيني؟
- = لا شوجر دادي
- _مش كبير عليكي دا يفندم!
- =لا دا جميل، بس طبعا يكون في الرمق و مابيبنش عليه سن و كول و رياضي
- _طيب...الحالة المادية؟
- =بقولك شوجر دادي، اكيد في حالة ثري عربي ليه فلوس في كل مكان..
- _غاوية برندات حضرتك
- =طبعا
- _اممم..صفاته االاخلاقية و السلوكية؟
- = عصبي و عنيف بس حنين
- _أفندم!
- =أيوة، يعني يتعصب و يكسر بس يجي في الآخر يعتذرلي و يعيط و يقولي آسف
- _لا والله!
- =آه... و صبور و ليّن
- _و دي تيجي إزاي!
- =ايوة مهو أنا مجنونة، عشان لما اتخانق معاه احدفه بفازة فيستحمل و يقولي فداكِ حقك عليا
- _بس كدا ممكن يموت
- =لا ماهو أول ما افوق على دمه االسايح هاجري عليه و أعيط و افضل انده عليه فهو يفوق علشاني
- _دا فيلم هندي دا
- =شششش اكتب!
- _حاضر... في حاجة تاني!
- =و يكون غيور حد اللعنة
- _مش شايفة إنه كدا هايخنقك!
- =لا ماهو هايعمل أي حاجة لساعدتي و يقولي أنتِ ليا أنا بس
- _امممممم
- =طباخ ماهر ك علاء الشربيني عشان أنا مش بطبخ
- _و بالنسبة للمواعين!
- =مهو غني بقا يجيب شغالة تغسل
- _آه معلش..
- =صوته خشن ك عمرو حسن بس في نفس الوقت حلو زي حماقي عشان يغنيلي
- _اممممم إحنا كمان ممكن نخليه فيه قناة صوتية تالتة لمدحت شلبي عشان لما يجي يشجعك على النجاح
- =حلو دا ضيفه....
- _امممممم
- =يبقى بارد برود التلج،جامد جمود الحيطة،صامت صمت الحملان، نظرته نظرة نمر، يزأر ك الأسد في الغضب، ذكي ذكاء العلماء و
- _ بسخرية:و بيطير
- =بحدة:إحنا هانهزر يا افندي!
- _لا طبعا...
- =كملت:قلبه قلب طفل، و رومانسي و…
- _يا سبحان الله!
=اوووف... باد بوي سيء الطباع مايتعشرش بس محترم إبن ناس و كيوت لطيف و زي السكر
- _يا سلام!
- =كملت: ماتت كل النساء في عنيه إلا أنا طبعا...مافيش واحدة تهزه غيري
- _المميزة يعني!
- =طبعا..
- _بسخرية:حاجة تانية عشان نقفل الخانة!
- =كول مش نرم.. و بيعرف لغات كتير و مثقف طبعا و دمه خفيف و يضحكني..
- _طبعا اومال....الطول؟
- =حاجة كدا في طول چيسون موموا
- _بس دا طويل أوي و حضرتك يعني...
- =هايبقى شكلنا كيوت في الصور
- _بس كدا هاتتقص!
- =يبقى نحل المشكلة بالهيلز
- _طيب...بنيته الجسدية!
- =رياضي و معضل في هيئة شبيهة بالمصارعين
- _اممممم
- =و يعرف فنون القتال عشان لما يتخانق عشاني و يدافع عني
- _ناوية على لَبَش و عَوَق..
- =لزوم الإثارة في حياتنا...
- _اممممم،بالنسبة لشكله!
- سكتت شوية بتفكير و بعدها قالت:
- =عيونه تبقى حادة، بس لونها كدا مش معروف... أقولك خليها بتتغير كل يوم..
_نعم!
- =ايوة، يوم سودا و يوم زرقا و يوم خضرا و هكذا
- _في اوبشن منقطة…
- =هانهزر!
- _فَشر..
- =منخيره مسمسمة و عنده غمازات و كمان طابع حُسن
_اممممممم
- =بتفكير: ملامحه.... أستنى ثانية..
- طلعت من شنطتها ألبوم و ادتهوله ففتحه و اتصدم:
- _إيه دا!
- =دول كل الرجالة اللي بكراش عليهم
- _نعم!
- =و عايزة عريسي ميكس مابينهم
_أفندم!
- =وكمان صفات ميكس
- _دي غير اللي قولتيهم!
- =لأنهم من جنسيات مختلفة و طبعا كل جنسية فيها ميزة
- _يا سلام!
- =كملت: يعني قوة تحمل الأفريقي، عملية الإنجليزي، آلية الألماني، رجولة و حمية العربي الشرقي، لطافة الكوري، رومانسية التركي، عبث و جموح الإيطالي و هكذا…
- _ في سره:يخربيتك! اممم مانا اللي جبته لنفسي..
- =كملت: و عندك تحت كل صوره الجنسية و أنت اتعامل بقا عشان مش فاكرة الباقي…
- _حقك...
- =ها بقا اقدر اشوفه امتى!
- _استنيني بس دقيقة هنا...
- =إيه دا بالسرعة دي!
- _اومال انتِ فاكرة إيه!
- خرج و رجع :
- =ممكن تتفضلي معايا
- _فين!
- =تعالي بس...
- خرجت معاه لقيته بيقدملها العريس انصدمت:
_إيه دا!
- =بسخرية: العريس
- _قرد! جايبلي قرد!
- =و مش أي قرد، دا صبحي...
- و فكه و سابه عليها فجريت و القرد وراها وقف وقال بصوت عالي:
- _وراها يا صبحي! دانتو صنف غتت!….
