قصة نورهان التي قتلت أمها بسبب شهواتها

حكايتنا بتبدأ من اول ما عيلة مكونة من أب وأم وبنت وولدين سابو شقتهم القديمة وسافرو بورسعيد عشان يعيشو هناك ،سكنو في شقة في عمارة وهناك اتعرفو على جارهم اللي ساكن جمبهم واسمه حسين،  حسين عنده 16 سنة ولسه بيدرس ، اتعرف اخوات نورهان على حسين وبقا صديقهم وبيقعدو مع بعض وبيهزرو ويلعبو،  بعدها حسين اتعرف على نورهان وهي من ساعتها اعتبرته اخوها الصغير مش اكتر او صديق ليها،بس حسين كان كل شويه يقول كلام كبير عليه بحبك او احنا لبعض او او او . . وكانت نورهان خليل عبد الله بتصده ، ف في يوم كانت مروحه البيت لقت حسين مستنيها بره وقالها عاوز رقمك وهددها لحد ما ضعفت وادته رقمها، بعدها لقت رقم غريب باعتلها على الواتساب بيقولها انا حسين وبرضو قعد يقولها بحبك وعاوز اتجوزك ، هي قعدت تصده في الأول لحد ما بقت هي كمان تقوله كلام حب وبدأو يتبادلو الكلام. لحد ما في يوم اتفقو ان حسين هيروحلها البيت ساعتها مكنش في حد في البيت غيرها كان كله نزل ، المهم راحلها ودخلته قعد على الكنبه جمبها وقعد يقولها كلام حب وفجأة بدأ يحسس على جسمها في أماكن حساسة وهي مقاومتش،  بعد كده قالتله هدخل اخد شاور استناني هنا فدخلت خدت الشاور وافتكرت انها نست الفوطة بره ، او بمعنى أصح كانت ناسياها عن قصد، فندهت على حسين يجبلها الفوطه فجابها وقالها اي ادخل ناخد شاور مع بعض؟ فمتكلمتش جه داخل جت حاطة الفوطه على جسمها بسرعه جه شايلها الفوطة ودخلو خدو شاور مع بعض وكان دي اول مرو يحصل علاقه كاملة ، وف يوم مامتها دخلت الشقه لقته نايم جمبها حاولت تتحجج بس مامتها مقتنعتش فطردت حسين بره وعشان تتستر على بنتها خطبتلها عريس كويس وعملتلها خطوبة روعة ، بس للأسف لسه نورهان وحسين على علاقه،  حسين حب ينتقم من ام نورهان فاتفق مع نورهان انه هيقتلها لحد ما جه يوم قالها انا هطلع اقتلها انهارده لما يكون ابوكي بره واخواتك فالاول كانت فكراه بيهزر بس طلع بيتكلم جد وقالها انا طالع وبالفعل كانو المغرب وكان كلهم بره البيت ومامتها نايمه جوا ، فدخل حسين وقالها هاتي ازاز بلاش سكينه مش هتنفع معاها وهاتي حلة مية سخنه وبالفعل قتل حسين أم نورهان وهرب وابو نورهان جه لقا تيشرت حسين موجود الظاهر انه قلعه عشان كان عليه دم ونساه فبلغ البوليس ابو نورهان وقبضو على حسين واعترف بكل حاجه واعترف على نورهان بعدها بشهر المحكمه اصدرت قرار بإحالة أوراق نورهان إلى قضية المفتي وعلى حسين بما انه لسه 16 سنة بالسجن المؤبد.