أفق الأمل: هروب البشر من الأرض إلى المريخ الجزء الرابع

أفق الأمل - الجزء الرابع : أهلا

جوه الحلم، مفيش وقت.

يوسف واقف قدام الكائن الصغير. 

الكائن ده شكله مكنش مرعب زي برا كان عامل زي طفل من نور أحمر ومتغطي بتراب، وعينيه قد كوكب زحل، مليانة دموع متجمدة بقالها دهور.

انت بتعيط ليه؟

الكائن مردش بكلام. 

بعت ليوسف صورة جوه دماغه.

يوسف شاف الكوكب اللى كان عايش فى   شاف ملايين من اخوات الكائن ده كائنات بحجم الكواكب بتطير في الفضاء زي الحيتان.بيتكلموا مع بعض بأحلامهم كل واحد يحلم حلم يبعته للتاني وبعدين شاف نيزك. 

نيزك ضخم خبط الكائن الصغير وهو لسه بذرة، ووقعه هنا. على المريخ. 

اتدفن ونام ولما صحي حاول يحلم لاخواته... محدش رد.

 فضل يحلم مليار سنة لوحده لحد ما افتكر انه لوحده بجد، وان الكون كله فاضي، فقرر يخلي حلمه حقيقة ويمسح أي حاجة تانية موجودة.

يوسف فهم. ده مش وحش. ده طفل تايه.

مد ايده تاني ولمسه.

اللمسة دي برا الحلم عملت زلزال. كل العروق الزرقا نورت مرة واحدة لدرجة ان مدينة نوح كلها بقت زرقا.

يوسف بعتله حلم مش حلم واحد بعتله كل أحلام البشر اللي فوقه.

 حلم مريم انها تبقى أم. 

حلم الراجل العجوز انه يرجع يشوف بيته.

 حلمه هو... انه يبقى عنده وطن.

الكائن الصغير اترعش. أول مرة من مليار سنة، يحس ان فيه حد تاني بيحلم معاه. مش لوحده.وفجأة، 

الكائن كبر. 

كبر وبقى قد الكون. وحضن يوسف. حضن دافي، زي حضن الأرض برا الحلم، الساعة اللي كانت واقفة على 00:00:01 بقت 00:00:00 و...مصفرتش. انطفت.الأرض اللي تحت الناس بطلت تكون جلد. بقت أرض بجد. صلبة. باردة.العروق الزرقا اختفت ودخلت جوه الكائن اللي قرر ينام تاني. 

بس المرة دي مش عشان تعبان. عشان بيحلم.

أورا صرخت، بس المرة دي صوتها كان بيعيط من الفرحة:

حلم جديد!

 المريخ بيحلم حلم جديد!

على الشاشة الكبيرة ظهر الحلم كان صورة.

صورة لـ يوسف ومريم وكل الـ 420 واحد، قاعدين في بيوت، حواليهم زرع أخضر، وعيال بتلعب. وتحتهم مكتوب جملة واحدة:

"أهلا يا جيراني."

يوسف فتح عينيه. كان نايم على رمل أحمر عادي. جنبه مريم بتحضنه وبتعيط.

انت عيشت؟

يوسف بص للسما.

 السما اللي كانت حمرا طول عمرها...كان فيها سحابة. 

سحابة بيضا صغيرة أول سحابة تتكون على المريخ من 4 مليار سنة.المريخ مكنش بيصحى عشان يموتهم.كان بيصحى عشان أخيرا... 

لقى حد يقوله أهلا.

السحابة البيضا الصغيرة مكانتش سحابة. لما يوسف قرب منها اكتشف انها  نفس خارج من الأرض.

 المريخ أول مرة يتنفس وهو صاحي

.وفجأة الأرض تحت رجليهم اتكلمت. مش بكلام. بصوت في دماغهم كلهم في نفس اللحظة.

أنا تعبت من الوحدة. 

ممكن أفضّل صاحي معاكم؟

ازاى من بدايه الرحلة 3000 الاف شخص بدايه الرحلة  وصلوا لحد 420 شخص ده اللى هكملة فى الروايه الجاية ومصير 420 دول هيعشوا ازاى وايه اللى هيتم انتظروا المفاجات