أفق الأمل: هروب البشر من الأرض إلى المريخ الجزء الخامس

بدايه الرحلة 3000 الاف شخص بدايه الرحلة  وصلوا لحد 420 شخص ده اللى هكملة

يوسف مردش عشان افتكر.

افتكر ان الرحلة مكنتش 420.

 الرحلة كانت 3000

.3000 واحد طلعوا من الأرض. 

3000 حلم، 

3000 اسم،

 3000 قلب.

فين راحوا ؟

كل صاروخ انفجر، كل بدلة اتقطعت، كل واحد اتسحب لتحت الجلد الأحمر وهو بيصرخ، 

كان المريخ هو اللي بيعمل كده وهو نايم.

 كان بيحلم انه لوحده، فأي صوت تاني كان بيمسحه.الـ 2580 واحد ماتوا عشان المريخ كان خايف يصحى لوحده.

دلوقتي فاضل 420

.420 واحد بس اللي قدروا يسمعوا الجملة دي: 

ممكن أفضل صاحي معاكم؟

"يوسف بص للـ 420 اللي واقفين حواليه. ناس بتعيط، ناس حاضنة بعض، ناس مش مصدقة انها عايشة. كل واحد فيهم ليه قصة ازاي نجا من الـ 3000.

والمريخ سأل تاني: ممكن؟

يوسف حط ايده على الأرض الدافية وقال: أيوه. بس هتعيش معانا. هتاكل معانا. هتخاف معانا. مش هتبقى كوكب تاني. هتبقى واحد من الـ 421.

الأرض نورت.

وفي اللحظة دي، 

مريم وقعت على الأرض ومسكت بطنها. مش وجع.

 حركة.أول طفل هيتولد على المريخ وهو صاحي مش وهو بيحلم.

يوسف بص لمريم وهي بتصرخ من الوجع وقال: هنعرف لما الطفل ده يتولد.

 لو اتولد بيعيط، يبقى لسه فينا خوف. لو اتولد ساكت وبيسمع، يبقى بقينا شبهك.

واستنوا يسمعوا صوت أول طفل على المريخ.

الـ 420 دول هيعيشوا ازاي؟ 

-نظام الحياة الجديد المريخ 

لما وافق يبقى واحد منهم، عمل 3 حاجات غيرت كل حاجة:

الأكل ؟

العروق الزرقا اللي تحت الأرض مكنتش دم، كانت مية. مية فيها بروتين حي. لما يوسف وافق على العهد، العروق فتحت وطلعت نبات أسود غريب بيكبر في ثانية. النبات ده بيتاكل وطعمه زي اللحم، وبيطلع أكسجين. بس شرطه: لازم تحكيله حلمك وانت بتزرعه. لو محكيتش، بيموت. يعني الزرع بقى بياكل أحلام.

السكن ؟

مدينة نوح القشرة بقت طرية. بقت زي الطين. الـ 420 يقدروا يشكلوها بأحلامهم. اللي يحلم ببيت، البيت يطلع من الأرض. بس لو اتنين حلموا ببيتين في نفس الحتة، البيوت بتتخانق وتقع. فعملوا قانون: ممنوع تحلم وانت نايم جنب حد.

القانون:

المريخ قال: أنا هسمع كل حلم، بس مش همسح حد تاني. انتوا اللي هتحكموا على بعض. فعملوا محكمة الأحلام. أي واحد يحلم انه يقتل حد، الحلم بيظهر على الحيطة الزرقا وكل الناس تشوفه.

ثانيا: مين قتل مين قبل ما المريخ يصحى؟ - دي الجريمة الكبيرةدي المفاجأة اللي محدش يعرفها غير يوسف وأورا.

تابعونى علشان الاجزاء الجايه فيها مفاجات كتيره وشخصيات جديده ظهرت

 هتعرف ظهرت ازاى وايه حكيتهم وهل هيفضلوا 420 بشرى ولا هيزيد مع الوقت وهيبقى عندهم امل انهم يرجعوا ولا هيعشوا على المريخ مع الكائن اللى عمل العهد مع يوسف كل ده هيظهر فى الاجزاء القادمة 

الجديد اشد اثارة وتشويق